الخميس، 20 أكتوبر، 2011

يوم فى حياة المخلوع

على انغام الموسيقى الحالمة بالمركز الطبى العالمى يصحو المخلوع بايد حانية من السجانة الفلبينية يصرخ فيها اريد ان اذهب الى الحمام اين سجان المسالك بسرعة عن طريق التليفون يحضر باشسجان المسالك و يصطحبه الى الحمام و بعد ان يسلكه يطلب من السجانة الفلبينية ان تحضر له سجان التسهيل لانه يشعر بامساك و بعد ان يسهل له يطمئن على اخراجه خوفا من يحتفظ به احد كتذكار يباع بعد ذلك بالمزاد العلنى
تحضر سجانة التغذية تكشف عليه ثم تقدم له افطاره كوب من العصير المستورد من مزارع كاليفوريا و طبق من الفواجرا الفرنسى و طبق من الكافيار الروسى و كانبيه بالجبنة الفرنسية لورنز

يرتدى المخلوع بيجامته الحرير و يخرج الى التراس و يجلس على الترابيزة ليتناول فنجان من قهوة كوبى لوك و يلقى نظرة على جماعة اسفين يا ريس المرابضين امام المركز الطبى  يدوس على الجرس فتحضر له السجانة الفلبينية يأمرها بان تذهب به الى الهيلث كلوب يدخل اولا الى صالون العناية بالاظافر بواسطة خبيرة ايطالية ثم يذهب الى غرفة التدليك و المساج عن طريق ثلاث فتيات من تايلاند ثم يخرج الى الجاكوزى و البخار و الساونا ثم يذهب الى نافورة الجليد

يأتى له باشسجان التغذية و يقدم له وجبة الغذاء عبارة عن شرائح اللحم اليابانى الكوبى و بيكاتا بالشامبنيون الطرفل الابيض الايطالى و قطع من بطاطس لا بونتى الفرنسية و زجاجة مياه ديفا
يجلس المخلوع على سريره تصطحبه السجانة الفلبينية الى الجيمانزيوم يمارس تمارينه الرياضية و يمارس الاسكواش بملعب الاسكواش ثم ياخذ حمامه بماء منقوع فى افخر الزهور الهولندية ثم يتم احضار كوب من الشاى الاخضر الصينى تيغوانين

يتلقى تليفون من سوزان
سوزان    ازيك يا سنسن يا حبيبى
المخلوع   ازيك يا زنزونتى ايه اخبارك
سوزان    كويسة فلوسى بأمان بس صعبان عليا الفتافيت اللى
             دفعتها طالعة من عينى يا سنسن
المخلوع   و لا يهمك الموجود كتير كفاية اللى مع حسين سالم
سوزان    الروب دى شامبر السنيه البير كاردان الابيض
             اللى هتحضر به المحاكمة جالك
المخلوع   جالى يا زنزونتى
سوزان    اخبار الصبغة ايه
المخلوع   هاعمل تشك عليها بس السرير فيه عيب
سوزان     ايه العيب يا زنزونتى
المخلوع    السماعات بتاعة المزيكا صوتها ضعيف
سوزان     انا هتصل بالشركة و ابهدلهم سلام يا سنسن

يجلس المخلوع على سريره و يطلب عشاء فتة و كوارع من عند العهد الجديد مع كباب و كفتة و طرب من ابورامى و اطمئن على الصبغة و اتصل بفريد الديب ليحضر له مخرج مسرحى ليطمئن على المسرحية ثم يخلد للنوم مرتاح الضمير 
                                                بلد مجانين صحيح
                                                     









هناك 16 تعليقًا:

محمد الجرايحى يقول...

تفتكر ممكن ينام بعد الذى حدث للقذافى ...؟؟

زينة زيدان يقول...

نقد ساخر لواقع أليم
أسلوبك دوما متميز
ويعبر عن الرأي العام بكلمات واقعية
وبسيطة ...

لا خشى شيئا
يوم القصاص اقترب

تحيتي

beautiful mind يقول...

انت كدا بقي بتستفزنا اكتر
هههههههههه
ياعم كفايه انك قولت عليه مسجون
مهما كان بردو اسمه مسجون
دا اكيد جاله رعب لما شاف صورة اخوه القذافي
هو كدا كدا ميت

دعاء العطار يقول...

للاسف هو ده اللى حاصل واحنا نايمين بس يارب يكون اللى حصل للقذافى ده عبره له

بس زى ماقال ربنا عليهم

" صم بكم عمى فهم لا يعقلون "

أم هريرة.. lolocat يقول...

ههههه
لو ده يوم فى حياة المخلوع انا نفسى اتخلع ههههههه بس بلاش الله يخليك الفتة والكوارع والحاجات دى فى العشا ياريت نخليها فتة زبادى ولبن دافى علشان اكيد قططى هتتخلع معايا هههههههه

والله اخى هم يضحك وهم يبكى

النهاردة عملت مقارنة بين ثورة مصر وسوريا وليبيا طبعا كل بلد لها اعباءها وهمومها لكن حقيقى مبارك يستحق يحصله اكتر من القذافى كمان حسبنا الله ونعم الوكيل ...القذافى كان عنده حتة هبل بتكشفه لكن مبارك ماكان واضح امام عامة الشعب المسكين
لانه ماكر وداهية اراحنا الله منه

دائما تسعدنا بخفة ظل قلمك الساخر :)

دمت بكل خير واسعد الله قلوبنا باتمام النصر لكل العرب والمسلمين على كل الطغاة والجبارين

عازفة الالحان يقول...

ولقُد ذهبْ .,
وهدأت الأنفسْ

دمت بخير

ريهام المرشدي يقول...

كان ما حدث للقذافى بكل جبروته عبره ، فهل سيعتبر؟؟؟

zizi يقول...

ابراهيم ..دا هو دلوقتي تلاقيه بيكتب قصيدة شعر في الشعب المصري اللي سايبه في الهنا اللي هو فيه ده.ويا ريت عاجب ..وعموماً لا يظلم ربك احداً ..وربنا يفتح عليك يارب حاجة في منتهى خفة الدم ..تحياتي وشكري

الازهرى يقول...

وتستمر الحياة

بكرة مفيش حاجة جديدة والأيام مكررة

يا رب
وحشنى الميدان بشكله الأولانى

اللهم رجعها أيام

اخبار الرياضة يقول...

يا ناااس فرق كبير بين مخلوع ومتنحى
زى الفرق بين صدام حسين ومبارك
صدام .. قوة خارجية خلعته من الحكم
مبارك .. الشعب هو اللى نحاه عن الحكم
يعنى هو متنحى مش مخلوع
الا اذا انتم مشككيين فى الثورة
وانو فى ايادى خفيه هى اللى خلعته

ريــــمــــاس يقول...

مساء الغاردينيا أستاذ ابراهيم
هو كل الموضوع احلى مافيه الموسيقى الحالمة دي <<< تفكر كان بيسمع ايه :)
للأسف شر البيلة مايضحك
وزي عادتك الجميلة وروحك الحلوة
تحاكي واقع مر بقلم ساخر "
؛؛
؛
لروحك عبق الغاردينيا
كانت هنا
reemaas

Carmen يقول...

الموضوع ده بقي يسببلي توتر نفسي بشكل لا يوصف ربنا يهد كل مفتري

افكار مبعثرة يقول...

ههههههههه هم يبكي و هم يضحك و هو قاعد ياكل هم يا جمل بالسم الهاري
ههههههههه
ابدعت كعادتك
تحياتي

Ms Venus يقول...

صدقنى كل ده مبقاش يهمنى


المهم بس ان مصر تبقى بخير

ابراهيم رزق يقول...

اشكركم جميعا على تعليقاتكم

انا لم اقصد بكتابتى سوى ان نجد ثمار للثورة فلم نسمع عن اى ثورة فى العالم تقوم بتكريم من قامت ضده و تضعه فى اكبر مركز طبى
ان الثورات تقام من اجل العدالة و ضد الظلم و ما يحدث هذا هو ضد ابسط حقوق العدالة و المساواة

تحياتى و تقديرى لكم جميعا
يبقى تعليقى على اخبار الرياضة
هو تم خلعه بالضغوط الثورية و لم يتنحى بخاطره
تحياتى لك

تطبيقات يقول...
أزال أحد مشرفي المدونة هذا التعليق.