السبت، 1 أكتوبر، 2011

عادل رزق

لمن لا يعرفه هو فنان موهوب و رسام قدير كانت مجلات الحائط التى يرسمها لى فى المدرسة تبهر كل من يشاهدها تصميماته و ابتكاراته تدهش الجميع احدثكم اليوم عن اخى عادل رزق
تفتحت عينى على الحياة فلم اجد امامى سواك شاب وسيم رياضى قد يكون دنجوان و جان يجذب الجميع حوله بخفة دمه
مازالت اتذكر مباريات الكرة التى تلعبها و اتابعك بانبهار و انا طفل و اقول للجميع هذا الذى يلعب الكرة اخى
مازالت اتذكر بكائك على زياد عندما مر بوعكة صحية المت به
مازالت اتذكر لعبك مع زياد و ساليناز كأنك طفل مثلهم و ابتسامتك معهم و ابتسامتهم معك
مازالت اتذكر رجاء المدرسين لى ان اقنعك لكى يرسم لهم عدد من مجلات الحائط المدرسية
مازالت اتذكر مشاهدتى معك لمباريات الاهلى و كيف احببت الاهلى منك بل صرت اكثر تعصبا منك
مازلت اتذكر حكاويك و مغامراتك و جنونك الذى يحكى الجميع عنه بكل سعادة
لماذا يا اخى تمردت على الجميع حتى صحتك لماذا رفضت نصائح الاطباء بمنع التدخين و كانت مقولتك العمر واحد و مكتوب بعيدا عن اى نصائح
اصبحت الان اكره ما احب يا اخى
اصبحت اكره ان اشاهد اللوحات المدرسية و لوحاتك الفنية لانها تذكرنى بك
اصبحت اكره ان يفوز الاهلى فى مباريات الكرة لانى اتذكر احاديثى معك بعد المباريات لدرجة انى احيانا ارتدى ملابسى و اهم بالذهاب اليك و لكنى اصحو من ذلك الخيال على الواقع المر

اصبحت اكره الاعياد و المناسبات السعيدة لانها تذكرنى بك و اصبحت تلك الاعياد ترتوى بدموع امى التى مازالت تزرفها عليك حتى الان
اخى عادل مر عامان على رحيلك لكنى لاول مرة فى حياتى اعرف معنى الفراق و الرحيل و اعرف معنى ان تفقد اى عزيز لديك لان ابى توفى و انا صغير و كنت انت بمثابة ابى
اخى عادل اريد ان اكتب عنك كثيرا و كثيرا و لكننى غلبتنى دموعى التى اغرقتنى
رحمة الله عليك 

هناك 50 تعليقًا:

ياسمين يقول...

رحمه الله..فراق الأحباب جد صعب وبالذات من هم اقرب لنا ربنا يرحمه يارب ويرحم موتنا ويدخلهم جميعا فسيح جناته..

ريــــمــــاس يقول...

مساء الغاردينيا أستاذ ابراهيم
لأول مرة أدخل هنا وأكتب بدموعي لطالما كنت أبتسم في ركنك لخفة دمك وروحك وضحكتك وطيبتك وقلبك الذي أستشعرت دائماأنه أبيض نقي كـ قلب طفل ولكن اليوم أرى دموع ابراهيم رزق أراها في حروفه وكلماته وكيف لا ومن رحل أخوك وجزء منك وكان بمثابة الأب رحمة الله وأسكنه فسيح جناته لن أقول لاتبكي لاتحزن لأنني حينها أجاملك ولستُ ممكن تكتب مالاتستشعره ولكن سـ أقول أبتسم من أجله كن سعيداً من أجله كن لوالدتك أبنها الثاني الذي تحتاجه أكثر اليوم عادل لم يرحل لازال معكم وبينكم من منا يستطيع النسيان ؟
منذ رحيل والدي رحمة الله لازلت حتى هذة اللحظة أبكيه لازلت احتاجه ورغم وجود أخي الكبير الذي أصبح لي بمثابة الأب ولكن لازلت أحن الى دفئ والدي وحنانه وأحضانه أصبر نفسي بكل ذكرى حلوة وإن غلبني الحزن كثيراً ..
أستاذ ابراهيم ..
من أجل عادل ومن أجل زياد وساليناز ووالدتهم كن قوياً ومن أجل والدتك كن لها ابراهيم وعادل وإن كان ترك خلفه أبناء فكن لهم أباً وليس عماً وبر عادل بـ أبنائه..
رحم الله عادل وأسكنه فسيح جناته
وألهمكم الصبر والسلوان
ولاحرمك أحبتك
اللهم آميين
؛؛
؛
كن بخير
لروحك عبق الغاردينيا
كانت هنا
reemaas

الاحلام يقول...

كم قى قاسيه كلماتك وكم هو قاسى هذا الحزن لقد عشنا هذه الاحداث مع اناس احببناهم واخدهم من الموت فى لمح البصر
تالمت كثيرا اخى وانا اقرأ ولا نستطيع ان نقولى الا ان لله وان اليه راجعون ادخله الله فسيح جناته وغفر كل ذنوبه واسكنه الفردوس الاعلى
تياتى ابوداود

زينة زيدان يقول...

تنتهي الدموع في أحداقنا
والقلب مازال تزيد فيه الآلام والهموم
يوم الرحيل كان صعبا
والذكرى تظل أصعب فب كل يوم تتجول في
النفس .. فتشعل القلب وتحرق الأوصال..

رحم الله أخاك
وأسكنه فسيح جناته
هم يرتاحون
ونحن ما زلنا نحترق

محمد الجرايحى يقول...

رحمه الله تعالى وأوسعه برحمته التى وسعت كل شىء وجعله فى عباده الصالحين فى جنات الفردوس الأعلى ..اللهم آمين

الصبر على الفراق من خصال الرجال
قلبى معك أخى ابراهيم

لـــولا وزهـــراء يقول...

ربنا يرحمه برحمته الواسعة ويجعله من اهل الجنة ولا تنساه بقراءة سورة الاخلاص له كل يوم 3 مرات كهدية اليه كل يوم
لولا

ويكا يقول...

البقاء لله

انما هى الاعمار تفنى ولا غير وجه الله يبقى

عزائى الحار ، ولا اجد غير ان اقول لك اجزل لله له العطاء واكثر له الدعاء
واجعل له صدقة جاريه يرتقى بها الى درجات العلى فى جنات السماء

وجع البنفسج يقول...

تعيش وتفتكر اخي ابراهيم .. مافي اصعب من فراق الأحبة .. " اسأل مجرب " ..

ربنا يصبركم يارب ويرحمه ويجعل مثواه الفردوس الاعلى من الجنة ، ويجمعنا بمن نحب هناك .. حيث لا يوجد للألم مكان .. أنا مثلك أصبحت اكره المناسبات السعيدة لانها تفتقر لمن نحب ..

""

الله يصبركم يارب

Ramy يقول...

البقاء لله

ربنا يرحمه

و يا استاذ أبراهيم

يكفى أنه له ذكرى عطره و أعمال جميلة تُكتب له

ربنا معاك و يصبرك

Bent Men ElZman Da !! يقول...

صعب احساس الفراق وخصوصا لما يكون حد عزيز عليك اوووى كده
ربنا يرحمه ويصبركم ويجعله من اهل الجنه ان شاء الله

مها البنا يقول...

أصعب شئ إن الواحد يكون رايح يقابل حد وبعدين وبعدين ميقدرش لسبب بسيط ،،، إنه يفتكر إنه مات

رحمة الله عليه وأسكنه فسيح جناته وربط على قلبك وقلب ذويه وجمعكم به فى جنات عدن .. أمين :)

حفيدة عرابى يقول...

الله يرحمه ويحسن إليه ياأستاذ ابراهيم ويدخله فسيح جناته ويلهمكم الصبر

موناليزا يقول...

تعيش وتفتكر
أنا عارفة إن مفيش كلام ممكن يواسيك أو يهون عليك
وبرضه مش لاقيه حاجة أقولها غير أنى أدعى له بالرحمه وأدعيلك بالصبر

ربنا يرحمه ويغفر له ويرزقكم جميعا الصبر والسلوان

زهرة نيسان يقول...

رحمه الله وأسكنه فسيح جناته ،
وألهمكم الصبر على فراقه ..

دامت ذكراه الطيبة ،
ودمت ذاكراً له داعياً له ..

بسمة الورد يقول...

رحمة الله عليه ,, ياله من اخ فاضل كريم

نساله سبحانه ان يمن عليكم بالصبر والسلوان

تقبل اخى مرورى واحترامى لوفائك

Tarkieb يقول...

ربنا ينيح روحه

مدونة رحلة حياه يقول...

السلام عليكم
رحمه الله اخى واسكنه فسيح جناتك
ورزقكم الصبر واعظم لكم الاجر
دومتم بخير

دعاء العطار يقول...

مثلما قالت ريماس ... فى كل مره كنت ازور مدونتك كنت ازورها واعلم يقينا اننى ساضحك وسانسى همومى للحظات

ولكن اليوم ارى ابراهيم رزق اخر يبكينا بقدر مايضحكنا

اخشى دائما فقد من احب ... ولكن لا احد منا يمنع القدر

والموت ان فرق فيفرق الاجساد فقط ولكنه لا يستطع ابدا ان يفرق الارواح

اكتب له لتشعر دوما ان روحه معك .. احكى له دوما عما تعانيه ... شاركه افراحك .... ستشعر حينها انه حولك فى كل مكان وانه لم يرحل

اللهم ارحمه وادخله فسيح جناتك

Carmen يقول...

ربنا يرحمه ويسكنه فسيح جناته ويصبر قلوبكم يارب

نـوران الـشـامـلـي يقول...

السلام عليكم

بصراحة انا مش متعاطفة معاك يا ابراهيم

رغم انك قدرت توصل احساسك صح للقراء

ولكن انا متعاطفة مع والدتك

كل اللي جاي في بالى دلوقتى اسئلة كتيرة
الست دى عاملة ازاى من جواها ؟
الست دى وقع عليها الخبر ازاى؟
اه اكيد صدمة
بس مهما وصفنا محدش هايعرف يوصف
اد اللي جرب نفس الاحساس
ويارب محدش ابدا يجرب الاحساس ده

مرة قريت لعبد الوهاب مطاوع رد على مشكلة في بريد الاهرام

واحد كان بعتله بيقوله انه بيحب والدته جدا و والدته توفت وهو من بعد وفاتها مش عارف يعيش كويس وتعبان جدا وانه كان بيتمنى ان هو اللي يموت وان والدته تفضل عايشة

عبد الوهاب مطاوع رد عليه وقاله
احمد ربنا انك انت اللي دقت وجع موت الام
وان والدتك مادقتش وجع موت الابن

موت الابن اصعب من موت الام او الاب او الاخ او الاخت

فعلشان كدة انا اسفة انى مش متعاطفة معاك انت يا ابراهيم

ولكن كل همى هى والدتك
دى تلاقيها موجوعة اوى

ربنا يصبركم كلكم طبعا
بس ربنا يصبر والدتك اكتر شوية
بجد ربنا يكون فى عونها

وربنا يرحم اخوك


سلام

شمس النهار يقول...

في احباب في حياتنا مابنتصورش ابدا اننا ممكن تكون حياتنا من غيره
الفكره مابتخترش علي بالنا ابدا
وهوباااااااا
نلاقي ايه ده همه راحوا فين
مافيش
في عزاء ابي وكنت بنوته الوحيدة علي اتنين خناشير زي ماكان بيقول
وكنت دلوعة ابوها
والبرنسيسه والشمس وكل ده
علشان كده انا مسمية المدونة شمس النهار
في لحظة لاقيتني من غيره في الدنيا
كنت قاعدة في قاعة العزاء ساكته وحاسة بنظرات الناس ليه
وسؤالهم هي عامله كده ليه
اللي مايعرفوهوش اني كنت قاعدة مستغربة الناس دي قاعده ليه بيعزوا في مين
عرفت يعني ايه تحزن الحزن اللي بعده مافيش حزن
هو ده اخر حاجة علي راي شباب اليوم
اي مصيبة تحصل دلوقتي اقول هتيجي اكتر من فراق بابا
ومش بننساهم ومش بيروحوا من بالنا
معلمين علامة زي الوشم الظاهر
اصل العلامة دي علي الروح مش الجسد
نترحم عليهم
ونشتاق ليهم
وندعي لهم بالرحمة
وندعي لنفسنا ربنا يعطينا اجر الصابرين علي فراقهم
منك لله ياابراهيم قلبت المواجع
ده بوست ده
:)
:(
ايوة عياط وضحك
مش بلد مجانين

مصطفى سيف الدين يقول...

رحم الله الاستاذ عادل وغفر له واسكنه فسيح جناته وسقاه من حوض النبي شربة طهورا لا يظمأ بعدها ابدا
من الواضح مدى تعلقك بالفقيد ومن الواضح انه كان شخصا من نوع خاص معدن نادر الوجود في هذا العصر
ورزقك الله واهله الصبر على الفراق
شد حيلك يا ابراهيم هذه هي الدنيا تفرق ما تجمع فصبركم الله
تحياتي الحارة لك

beautiful mind يقول...

تغمده الله في رحمته
لقد تأثرت كتيرا من كلامك عليه
اسال الله ان يجعل مثواه الجنه
وان يلهمك الصبر والسلوان

ريبال بيهس يقول...

صباح الورد ابراهيم

مؤلم هذا الفراق الذي لايرحم

القلوب فيترك فيها غصة ترافق

الانسان كل العمر فلا يرى شيء جميل

لشدة أناته وضجيج صيحاته ... رحم

الله أخاك وأسكنه فسيح جناته ومهما

قلنا فلن يخفف حديثنا ألمك ولكن

سأقول أرسم الفرح على وجهه ولا تنساه

من دعائك الصالح وعلم أبنائك ذلك

فأنه سيكون بكامل فرحه عندها ...

أنزل الله الصبر والسكينة على قلبك .

تحياتي وإحترامي

ابراهيم رزق يقول...

ياسمين

الله يرحمه و يغفر له

فعلا فراق الاحباب صعب

متشكر لكى

ابراهيم رزق يقول...

ريماس

و الله يا ريماس مش عارف اقولك

انا أسف على المود الحزين اللى انا حطيتك فيه و يعلم الله انى ترددت كثيرا قبل فى نزول هذا البوست لكنى اعتبرته جزء من الوفاء
ربنا يرحم والدك و والدى و اخى و جميع الاموات اجمعين
ربنا يجعل لنا الخير فى اولاده

متشكر لكى ياريمس

ابراهيم رزق يقول...

الاحلام
اخى العزيز

متشكر جدا على هذه المشاعر الجياشة
ربنا يرحمه

ربنا ميورناش حاجة وحشة عندك ابدا

ابراهيم رزق يقول...

زينة زيدان
اخت البطل الشهيد

رحم الله اخاكى و اخى و ادخلهم فسيح جناته
متشكر جدا

ابراهيم رزق يقول...

محمد الجرايحى
استاذى العزيز

متشكر جدا على نور كلماتك و طيبها

رحم الله الجميع

شرفتنى

ابراهيم رزق يقول...

لولا و زهراء
لولا

تشكر لكى جدا

ساحاول بأذن الله

شرفتينى

ابراهيم رزق يقول...

ويكا

البقاء لله

متشكر لكلماتك الطيبة جازاك الله خيرا

شرفتنى بمرورك

ابراهيم رزق يقول...

شجن البنفسج

معكى حق فى كل ما قلتيه لم يعد للمناسبات السعيدة معنى

متشكر لكلماتك الطيبة

شرفتينى

ابراهيم رزق يقول...

رامى
القلب الطيب

متشكر يا رامى لمشاعرك النبيلة

شرفتنى

ابراهيم رزق يقول...

Bent Men ALZman Da

فعلا اصعب احساس احساس الفراق
ربنا يرحمه

متشكر لكى جدا

ابراهيم رزق يقول...

مها البنا

و اى صعوبة تلك و احساس العجز حينها

ربنا يرحمه

متشكر لكى جدا

ابراهيم رزق يقول...

حفيدة عرابى

الله يرحمه و يرحم موتانا جميعا

متشكر لكى

ابراهيم رزق يقول...

موناليزا

فعلا هو اشد ما يحتاجه هو الدعاء

متشكر لمشاعرك الطيبة

شرفتينى

ابراهيم رزق يقول...

زهرة نيسان

متشكر لكلماتك الطيبة
و اخجلتينى بمشاعرك الجميلة

شرفتينى

ابراهيم رزق يقول...

بسمة الورد

متشكر لمشاعرك الجميلة
و طيب كلماتك الصادقة

شرفتينى

ابراهيم رزق يقول...

Tarkibe

متشكر لك جدا

شرفتنى

ابراهيم رزق يقول...

مدونة رحلة حياة

متشكر لكى اخى على مشاعرك الكريمة و النبيلة

شرفتنى بزيارتك

ابراهيم رزق يقول...

دعاء العطار

معلش يا دعاء انا زى ما قلت لريماس
اعتبرت البوست ده نوع من الوفاء

فعلا اقوى من الفقد نفسه شعور الخوف من الفقد
انا تقريبا على طول بكلمه و على طول بعيط على صدره

متشكر ليكى يادعاء

ابراهيم رزق يقول...

كارمن
اختى الرقيقة

متشكر على مشاهرك الجميلة

شرفتينى

ابراهيم رزق يقول...

نوران الشاملى
اختى العزيزة جدا

يا سلام عليكى يا نوران لمستى وتر تقريبا لم اتحدث عنه خوفا من يكون البوست حزينا جدا
تخيلى يا نوران امى و هى فى مثل هذا العمر كانت تسميه ابن عمرها لانه ابنها الكبير و كان سندها لان والدى توفى و كان عادل فى ثانوى
افتكرت الان اثناء دفنه كنت محتار بين انى ادفنه و بين انى اذهب الى البيت لكى ارمى نفسى فى حضن امى احاول ان اخفف عنها و خوفا عليها
هى عايشة مع صورته لا تفارقها و ذكرياته لكن المناسبات بتبقى صعبة عليها جدا بالذات فى رمضان و الاعياد
لا تقلقى عليها يا نوران ربنا بيصبر فعلا ربنا ربنا بيصبر
انا كنت من متابعى و مريدى عبد الوهاب مطاوع الله يرحمه و تقريبا فاكر تلك القصة لكن يا نوران ربما انا حالة استثنائية انا امى عندى اغلى من اولادى و من الدنيا كلها ربنا يخليها ليا يارب

ادعيلها يا نوران

متشكر جدا يا نوران لتعليقك و شعورك

ابراهيم رزق يقول...

شمس النهار

و الله العظيم مش عارف ارد على تعليقك

و انا أسف ان البوست حزين و قلبت عليكى المواجع

و النبى مكنش قصدى خالص

هاكتفى بهذا القدر عشان مزودش المود الحزين

متشكر لمرورك

شرفتينى بجد

ابراهيم رزق يقول...

مصطفى سيف
اخى العزيز

هو كان ممن يطلق عليهم ابن موت
ربنا يرحمه

متشكر لكلماتك الطيبة يا مصطفى

شرفتنى

ابراهيم رزق يقول...

beautiful mind

متشكر اخى على طيب كلماتك و حسن مشاعرك

تحياتى

ابراهيم رزق يقول...

ريبال بيهس
اخى العزيز

فعلا يا اخى الفراق لا يرحم ابدا
و غضته تقريبا بطعم العلقم

لكن ليس بايدينا شىء

متشكر اخى على روحك الجميلة و مشاعرك الصادقة
لا ارانا الله مكروها لديك ابدا

شرفتنى

ابراهيم رزق يقول...

zizi العزيزة الذيذة

فى الغالب لا احتفظ بتعليقات لنفسى
لكن تعليقك هذا احتفظت به لنفسى
ربنا لا يحرمنى منم ابد

دائما مشرفانى
تحياتى و تقديرى و حبى

افكار مبعثرة يقول...

ربنا يرحمه و يدخله فسيح جناته و يصبركم على فراقه و يرحم امواتنا و اموات المسلمين اجمعين يا رب