الثلاثاء، 11 أكتوبر، 2011

محدش واخد باله 2

محدش واخد باله
ان استعراض القوى و الحشد الذى سبق و حذرنا منه يوم جمعة الشريعة من الطبيعى ان يقابله استعراض قوى و حشد مقابل

محدش واخد باله
انه بالتزامن فى نفس الوقت التى خرجت فيه تصريحات البروفسير صفوت حجازى خرجت تصريحات القس المتطرف بلوباتير بالتهديد و الحرق و القتل مع تصريحات فلول الحزب الوطنى بالتهديد بالعنف و قطع الطرق 

 محدش واخد باله
اللافتات التى غطت مصر و قراها و نجوعها و المؤتمرات الانتخابية و المنصات و التنقل من يمولها و لصالح من يتم تمويلهم  لدرجة وصول التمويل لارتدائهم جلاليب مرسوم عليها شعار الممول 

محدش واخد باله
ان مايكل منير و نجيب جبرائيل و ممدوح رمزى لا يظهرون الا فى المصائب و هم يحملون مزيدا من البنزين من هم و ماذا يريدون و من يمولهم هذا هو السؤال الذى لا يجيب عنه احد

محدش واخد باله
ان التطور فى فكر جماعة الاخوان المسلمين الذى يدعيه كل قيادتهم لم يصل الى شعارهم و هو السيفين فلماذا يتمسكون بهذا الشعار الذى لم يعد يتلائم مع العصر اقترح تغيير السيفين الى بندقتين

محدش واخد باله
ان الجيش مطلوب منه ان يحمينا و فى حالة اننا قمنا بحمايته فماذا نسميه اذا و ما هو دوره  و من يحمينا نحن
                                                                  امضاء
                                                          واحد مش واخد باله












   

هناك 19 تعليقًا:

عمرو فكرى يقول...

"ان التطور فى فكر جماعة الاخوان المسلمين الذى يدعيه كل قيادتهم لم يصل الى شعارهم و هو السيفين فلماذا يتمسكون بهذا الشعار الذى لم يعد يتلائم مع العصر اقترح تغيير السيفين الى بندقتين"

هاقتبسها

وجع البنفسج يقول...

لا حول ولا قوة إلا بالله ..

مش عارفة الواحد يلاحق على شو ولا شو .. عن جد هناك من يتفنن في اشعال الفتنة بين المسلمين والمسيحيين ، المشكلة ان ضعاف النفوس من الطرفين يسهل اثارتهم ويجرهم للمشاكل والعنف ..لتأتي النتائج مخيبة وفظيعة .

ربنا يصلح الحال يارب ..

قلوبنا معكم .. قلوبنا على مصر الحبيبة ..

عازفة الالحان يقول...

السلام عليكم ورحمة الله وبركاتُه

مُدونه جميلة ومقآل اروعً
والله يوفقكم

دمت بخير

zizi يقول...

ماهو يا ابراهيم ماحدش واخد باله ان فيه واحد زيك واخد باله ..بس فعلاً انت لما تربط بين كل الحاجات دي ممكن حد يكون واخد باله يقولنا احنا رايحين على فين ؟؟

شيرين سامي يقول...

إظاهر إن مفيش حد هياخد باله
إنهارده في الشغل شد بين المسيحين اللي بيأكدوا إن مفيش عسكري واحد مات و البعض اللي بيأكدوا إن المتظاهرين ولعوا في العربيات و قتلوا في الجنود...شويه بيقولوا سمعنا و شوفنا و حاجه آخر لخبطه..هي دي الفوضى بعينهاز
بس نسيت تقول...محدش واخد باله لحد إمتى هيفضل التليفزيون المصري يسيئ لمصر كلها.

بعتذر لحضرتك عن تقصيري بس بجد مش بقدر أدخل البلوجر كل يوم و عارفه إنه بتفوتني مقالات رائعه لك.

تحياتي ليك و دمت بألف خير

ريهام المرشدي يقول...

هو مش "محدش واخد باله" كل واحد فيهم عامل "مش واخد باله" و هايفضلوا كدا لحد ما التصوير يخلص و المخرج يقول "فركش"

مصطفى سيف الدين يقول...

و لا عزاء للي مش واخدين بالهم
تحياتي

ريــــمــــاس يقول...

صباح الغاردينيا أستاذ ابراهيم
طيب تصدق أنا الوحيدة الي مش واخده بالي بس المهم أن أنت واخد بالك بجد الله يكون في العون ويحمي مصر يارب وتفضل أنت واخد بالك عشان تنفع الي مش واخدين بالهم ...:) "
؛؛
؛
لروحك عبق الغاردينيا
كانت هنا
reemaas

ريبال بيهس يقول...

صباح الورد ابراهيم

للأسف هل بالفعل ماحدش واخد باله ؟؟

مازلنا نصم أذاننا بعد قطع ألسنتنا

عمداً حتى لا نتكلم ..

مميز دائماً

تحياتي وإحترامي

مها البنا يقول...

أولا البقاء لله فى وفاة زوج أخت حضرتك .. تغمده الله برحمته وأسكنه فسيح جناته .. أنا عرفت من صفحة المدونين على الفيس بوك

ثانيا بقى .. مش عارفه أرد أقول إيه على كلام حضرتك

المصيبه والكارثه إن كل شئ واضح لكل الناس

أكلم حد مسلم .. يقولى مفيش فتنه ومش ممكن اللى عاملين كده يكونوا أقباط مصريين .. دى ناس مدفوعلها وبلطجيه عشان يهيجوا البلد وفيه ناس للأسف بتنساق وراهم بلا تفكير

تكلم حد نصرانى يقولك البلد بلدنا كلنا ومش فيه فتنه .. لكن دول شوية بلطجيه باسم الفلول والدين ومنساق وراهم شباب خايب ومش فاهم

ممكن أفهم لما كله عارف إننا عايشين مع بعض عل الحلوه والمره
لما كلنا وقفنا فى طابور العيش بغض النظر عن المله ولا الدين ولا الاتجاهات السياسيه ولا ولا ولا
لما كلنا شربنا نفس الكاس ولما عارفين ان بعبع الفتنه هو السلاح اللى بيتشهر فى وشنا كل ما حد يتكلم عن البلد ويطالب بحقها

لما الكل فاهم والكل عارف ... بننزل ليه؟؟ يا جماعه الفتنه نائمه لعن الله من أوقظها .. والملاعين كتير فى الوقت الحالى .. فين وعى الشعب ده ؟؟ فين اللى وقفوا فى التحرير مفيش بينهم فرق؟؟ انضربوا سوا واتقتلوا سوا وانتصروا برضوا سوا؟؟

الحقيقه انا مش حاسه بأى تعاطف مع اللى ماتوا فى الأحداث الأخيره .. لا مسلم ولا مسيحى ولا جيش ولا شعب ولا مع اى حد
حاسه انهم يستاهلوا .. جروا ورا الفتنه عشان يشعلوها .. إما عن قصد وإما عن ضيق أفق وغياب وعى .. وفى الحالتين .. أهم دفعوا التمن ..

اللى صعبان عليا فى الموضوع ده بجد .. أهاليهم وذويهم اللى قلوبهم اتحرقت عليهم بدرى .. وعلى شكلنا قدام العالم .. اللى كل ما نكسب موقف احترام عالمى .. ييجى شوية "........." يدمروه ويقولك حمايه ويقولك اقليه ويقول ويقول .. وإحنا شعب طيب .. طيب قوى .. بس أنا بجد تعبت وزهقت

أسفه على الإطاله .. وأسفه على الإسلوب .. بس بجد .. كلمتين فى نفسى وكان لازم اقولهم

reemaas يقول...

انا كمان مابقتش واخدة بالى ومابقتش عاوزة اخد بالى خالص

افكار مبعثرة يقول...

عند حق والله و انا اخدت بالي فعلا من شعار الاخوان المسلمين من كام يوم و قلت يعني ايه السيفين دول يعني و ايه الانطباع اللي ممكن يعطيه السيفين دول لغير المسلمين
ربنا يعافينا يارب
تحياتي ليك

شمس النهار يقول...

واااااااخدين بالنا والحمد لله بنستعبط
بس لما نستعبط احنا
غير لما اولي الامر يستعبطوا
لما المجلس والحكومة والداخلية يستعبطوا ويبقوا طرف
هنا لازم يكون في الف احد حزين
بس برضوا الحلم مش هيتسرق مننا

ماجد القاضي يقول...

السلام عليكم

طبعا (بعض) ما أشرت إليه هو ملاحظات تثير الاهتمام..

لكني أخالفك بالربط بين حديث (صفوت حجازي) وبين القس المشار إليه.. لا رابط أصلا.. كما أن (الدكتور صفوت) أبدى ندمه وضيقه من تسرعه بسبب الضغط عليه من بعض النشاط غير الشرفاء.. رغم أن ما قاله حق وليس كذب..!

نصيحة مخلصة والله:
إن كنت تسعى لمعرفة الحقيقة بشأن ما يحيرك أو يضايقك من الإخوان، وأظنك كذلك بالتأكيد.. اسمع (منهم) ولا تكتفي بالسماع (عنهم).. وصدقني كل ما يشغل بالك من تساؤلات هم أجابوا عنه في موقعهم الرسمي وفي كثير من أدبياتهم وحواراتهم.. ومنها موضوع السيفين إياه.

تحياتي أخي الكريم.

norahaty يقول...

ان الجيش مطلوب منه ان يحمينا و فى حالة اننا قمنا بحمايته فماذا نسميه اذا و ما هو دوره و من يحمينا نحن؟
اسمحلى أكتبها انا كدا
ان الجيش مطلوب منه ان يحمينا و فى حالة اننا قمنا بمهاجمته فماذا يفعل
أذن حينها اذا و ما هو دوره و من يحمينا نحن؟
اقولها بعد ان شاهدت اليوم فقط
الفيديوهات عن مهاجمة افراد القوات
المسلحة واخراق السيارة بهم وضرب
الجندى داخل سيارته (بدبشة كبيرة)
على راسه والنزول اليه وضربه بعد ذلك:(

محمد الجرايحى يقول...

شكراً لك على اليقظة والتنبيه

Carmen يقول...

والله ماحد عارف احنا رايحين لفين ربنا يستر

ياره عبدالله يقول...

انا بقيت خايفه اخد بالى
لان لما باخد بالى بحس انى عايشه فى مجتمع كله
بيقول ''انا ومن بعدي الطوفان'''

ربنا يهون علينا ويعدى الايام الى جايه على خير

دعاء العطار يقول...

حاجه غريبه والله

بعد استعراض الجيش لقواته للحتفال باكتوبر

يجى بعدها يطلب النجده من الشعب ياعينى

جيش بيحمى الشعب فبيطلب النجده منه

والله عشنا وشوفنا

بصراحه

انا مابقيتش عايزه اخد بالى .. اصل لو اخدت اكتر من كده هيجيلى شلل بعيد عنك

لك الله يامصر