الأحد، 16 أكتوبر، 2011

محدش واخد باله 3

                                  تحديث

كنت اعتقد انها مشكلة خاصة بى مع بلوجر و انى اضعف من أن حد يأخذ باله منى و لكنى من حوالى اكثر من اسبوع جاءت لى تعليقات مجهولة سب و تهديد ثم تم مصادرة المدونة لمدة ساعات ثم بعد مجهود تم اعادتها و اتضح ان شكاوى مقدمة ضدى فى بلوجر و من يومها و انا اقابل مشاكل فى بلوجر سواء فى التعليقات او فى حسابى او فى دخولى على مدونتى لذا اتساءل هو فى ايه هو شخصى الضعيف الى الله مهددكم و مخوفكم بايه و الى اى عصر نعود و لا على راى المثل اللى يتلسع من الشوربة ينفخ فى الزبادى على العموم انا لا اخاف و لو قفلوا المدونة على راى شمسنا شمس النهار هنفتح غيرها و لو منعوا النور عنا سنشعل شمعة و سنمشى خلفها لنصل الى الطريق و صيتكم ساليناز و زياد ههههههههههههههههههههههههههههههههههههههههه



محدش واخد باله
ان من يتحدثون فى الاعلام و القنوات التلفزيونية فى حادثة ماسبيرو هم عبد المنعم الشحات و القس فلوباتير بينما تخافى صوت شيخ الازهر و البابا شنودة

محدش واخد باله
ان عبد الرحيم الغول الذى عليه العديد من علامات الاستفهام و عضو الحزب المنحل و رئيس لجنة الشباب بمجلس الشعب السابق تصدر الحضور فى جنازة الكمونى بعد اعدامه و فى اليوم التالى تقدم باوراقه للترشيح لمجلس الشعب مما يعطى مؤشر على اى الاتجهات سيزكى المرشحين انفسهم و على اى وتر سيلعبون

محدش واخد باله
بأن المخلوع يقيم بالمركز الطبى العالمى ارقى مركز طبى بمصر فمن يدفع فاتورة علاجه اذا كانت تدفعها الدولة فباى حق تدفعها و اذا كان يقيم على حسابه فهذا مخالف للقانون تماما فهل من حق كل من يمتلك المال ان يقضى فترة سجنه بالمركز او ربما يتطور الامر و يطلب الاخرون ان تكون فترة سجنهم فترة نقاهة بمنتجعات باريس و المانيا ليخرجوا بعد السجن اكثر شبابا و حيوية

محدش واخد باله
ان اسامة هيكل وزير الاعلام و عماد ابو غازى وزير الثقافة هم وزراء فى حكومة ثورة بينما يتسم ادائهم بالبرود و الفتور و البطىء صحيح من لم ينجح على المستوى الاجتماعى لا ينجح على المستوى العملى

محدش واخد باله
ان ثورة مصر تصدرها شباب يستطيعون ان يتفاهموا معهم و يتبادلوا الحوار الثورة القادمة ثورة الخبز و لن يستطيعوا ان يتفاهموا معهم و ساعتها سيتركون المركب و يجلسوا بجانب يوسف بطرس غالى
    

محدش واخد باله
ان الرئيس المخلوع هو من اختار المشير طنطاوى و عمل تحت قيادته 19 عاما و كان يأخذ اوامره منه و لو حللنا الموضوع نفسيا سنجد ان المشير تعود على أن يكون المخلوع رئيسه فى العمل مما يولد شعورا بالوفاء او الرهبة او الامتنان بالجميل و هذا ضد العدالة او شعورا بالانتقام و التشفى و هذا ايضا ضد العدالة و الحل بسيط ان يترك المشير مقعده لياتى بديل اخر ليس عليه تلك الضغوط       
                                                                 امضاء
                                                         واحد مش واخد باله
  

هناك 34 تعليقًا:

موناليزا يقول...

أنا خدت بالى وغايظنى أوى علاج المخلوع فى المركز الطبى العالمى
والسؤال اللى بيفرض نفسه
هو بعد كل العناية الطبية الفائقة دى ولسه ماخفش!!!

نسرين شرباتي "أم سما" يقول...

لا تعليق
على أد ما الكلمات واقعية ومؤلمة
دايماً بنقول للواقع: لا تعليــــــــــق!!!
وربنا يصلح الحال

haneen nidal يقول...

موناليزا لا تمارضوا فتمرضوا فتموتوا !

و لا حدا ماخد بالو حتى اشعار أخر

Casper يقول...

ملحوظات في محلها
ربنا يصلح حال البلد
اللهم آمين

ريهام المرشدي يقول...

محدش واخد باله أنه لم يرحل سوى الرموز فقط و النظام باق ، و محدش واخد باله ان دم الشهداء راح هدر ، و محدش واخد بالة انه لا مسلم و لا مسيحى عارف مين اللى يشعل الفتنه بي الحين و الآخر و محدش واخد باله أن مع كل مصيبة بنقول نفس الكلام و في الآخر محدش بياخد باله .

شمس النهار يقول...

ماحدش واخد باله ياابراهيم
اننا ورحمة ابويا في ثورة
دلوقتي حد يدخل بغير معرف يسيب البوست وكل المواضيع اللي فيه ويقولك
اييييييييه؟؟؟
ياشمس ماتحلفيش بغير الله

:)))

ايوة كده اضحك يارااااجل ماحدش واخد منها حاجة
وان شاء الله هتفرج وتبقا زي الفل

عمرو فكرى يقول...

حذار من ثورة الجياع فعلا

مصطفى سيف الدين يقول...

حاجات كتير بناخد بالنا منها وبنعمل نفسنا مش واخدين بالنا
تحياتي

beautiful mind يقول...

جامد جدا
والله فعلا شكل الناس اصلا واخده بالها ومطنشه
ربنا يهدي الجميع

وجع البنفسج يقول...

ربنا يحفظ لك مدونتك من الاشرار اللي عايزين يخربوها .. دائما اصوات الحق تخيف الظالمين .. خد بالك من نفسك ومن أولادك ..

ويارب حد ياخد باله ..

ريــــمــــاس يقول...

مساء الغاردينيا أستاذ ابراهيم
تقفل المدونة ايه لا طبعاً أنا بحتج وأول وحدة حتوقف على باب المدونة وتعمل مظاهرة لحد ماترجع <<<اكبر خوافة هههههه بس مشيها نجرب نتسلف شجاعه عشان تفضل معانا :) "
؛؛
؛
لروحك عبق الغاردينيا
كانت هنا
reemaas

re7ab.sale7 يقول...

انا اخدت بالي طبعا من كل اللي انت قلته بالنسبة للأسماء دي
بس بجد صوتي راح من كتر الكلام والجدال ده حتي شغلي الجديد عودت نفسي فيه اني متكلمش مع حد عشان متكلمش ف السياسة عشان عارفة اني هتخنق من الكلام
بالنسبة بقي لموضوع بلوجر فأنا بسبب شغلي اتشغلت شوية كتييييييييير ولما جيت فتحت مدونتي لقيت رسايل شتيمة بس طنشتها والحمد لله مدونتي محصلهاش حاجة ....بس متقولش لحد عشان ميخدوش بالهم وعموما مدونتي مسالمة جداااااا ومبشتمش حد ولا بتكلم ف السياسة خااااااااااااالص
ههههههههههههه

zizi يقول...

ابراهيم ..ايه حكاية المدونة دي ..يمكن بالصدفة بس الشتايم دي عمر بلوجر ماحايشتم ودي حاجات سخيفة من بعض الفاضيين ..وخللي بالك انت من صحتك ولا يهمك من كل اللي اللي بيخلينا ننفعل عالفاضي وان شاء الله بكرة يكون احسن من النهاردة ابقوا ساعتها اقرولي الفاتحة ..

reemaas يقول...

انا اخدت بالى من حاجات وحاجات لا
بس لفت نظرى حكايه البابا وشيخ الازهر دى
غريبة فعلا
موضوع المشير مش وقته التدقيق فيه صدقن خالص

بالنوسبة للتهديدات نعمل الف بلوجر كمان كله الا التهديد ولو الدراع

الازهرى يقول...

اصبر

خطر المدونات طال الجميع

وغدا فيه أخطار أكثر

الازهرى يقول...

اصبر
فالخطر طال الجميع
وأكثر المدونات تعرضت لذلك

وربنا معانا

Carmen يقول...

غريبة اوي الحكاية دي واتكررت كتير ربنا يستر بقي
بوست رائع وجهة نظر تحترم بشدة
تحياتي لك

ابراهيم رزق يقول...

موناليزا

واضح انه علاجه فى حاجتين اما البراءة او الموت غير هذا مش هيخف

نورتينى
تحياتى

ابراهيم رزق يقول...

نسرين شرباتى ام سما

فعلا لاتعليق

تورتينى
خالص تحياتى

ابراهيم رزق يقول...

haneen nidal

معكى كل الحق

نورتينى
تحياتى

ابراهيم رزق يقول...

Casper

ربنا يصلح احوال الجميع

نورتنى
تحياتى

ابراهيم رزق يقول...

ريهام المرشدى

معكى كل الحق فى هذه التسأولات التى هى حتى الان للأسف
بلا اجابة ؟؟؟؟

نورتينى
تحياتى

ابراهيم رزق يقول...

شمس النهار
شموستنا الساطعة

ليه يا شمس يتحلفى برحمة ابوكى متحلفيش بغير الله

هههههههههههههههه


بجد بجد ضحكتينى و شرفتينى

و يارب نفتكر اننا فى ثورة

نورتينى
تحياتى و تقديرى

ابراهيم رزق يقول...

عمرو فكرى

هى الثورة القادمة

نورتينى
خالص تحياتى

ابراهيم رزق يقول...

مصطفى سيف

معاك كل الحق

نورتنى
خالص تحياتى

ابراهيم رزق يقول...

beautiful mind

يا ريت منطنش

نورتنى
تحياتى

ابراهيم رزق يقول...

شجن البنفسج
اختى العزيزة

ربنا يستر و متشكر على مشاعرك الجميلة

نورتينى
تحياتى و تقديرى

ابراهيم رزق يقول...

ريماس

هههههههههههههههههه
عارف انك قدها و قدود
بس البسى كوتشى بلاش حذاء عالى عشان تعرفى تجرى وقت اللزوم

مرسى يا اجمل ريمسو

ابراهيم رزق يقول...

rehab saleh

بس لازم نتكلم و نعرف الناس اصل الناس التانية بتتكلم و بتقنع و بتقدم شاى و قهوة كمان

كويس انها جن فى الشتيمة
كله شتيمة شتيمة مفيش ضرب على راى علاء ولى الدين
هههههههههههههههههههه

نورتينى
تحياتى

ابراهيم رزق يقول...

zizi العزيزة الذيذة

فعلا انتى جبتى من الاخر
بأذن الله بكرة لنا و هيكون لينا

نورتينى
تحياتى

ابراهيم رزق يقول...

reemaas

انا واحد من الناس و كثيرين كنت بقول الموضوع مش وقته بس بجد العملية زادت قوى

نورتينى
تحياتى

ابراهيم رزق يقول...

الازهرى

و لا يهمنا طالما انت موجود يا بطل

نورتنى

تحياتى

ابراهيم رزق يقول...

Carmen
اختى الرقيقة

فعلا العملية تكررت كثيرا ربنا يستر

نورتينى
خالص تحياتى

تطبيقات يقول...

ياااااااااناس
...
فرق كبير .. بين المخلوع والمتنحى
....
المخلوع .. يعنى قوة خارجية اللى اجبرته على ترك الحكم
المتنحى ... يعنى الشعب هو اللى اجبره على ترك الحكم
وحالنا فى مصر انو الشعب اللى اجبره على ترك الحكم يعنى التنحى
منيين جابوا كلمة مخلوع
و