السبت، 12 نوفمبر 2011

ابراهيم الرومانسى 2

اشتغلت النفسنة من كتاب الرومانسية الذين ذكرتهم فى البوست السابق بل انضم اليهم اخرون فلقد حان الوقت لكشفهم و كشف حقيقة كتابتهم و ان الاوان لتوضيح ذلك الوهم الرومانسى الذى عاشوه و خدعوا الجميع به
اليكم البوست الثانى استعدوا انظروا الى القمر تخيلوا حلقوا مع ما اكتب البوست اسمه رومنسيات

                                 رومانسيات
       
جلس على الاريكة بينما جلست هى على الارض تستعطفه تكاد تبكى امامه و تتوسل اليه هى لم تقصد ابدا ان تخطىء فى حقه و لكنها الظروف التى وضعتها فى هذا الموقف المتازم لكن يبدو انه لم يستطع ان يسامحها تركها جالسة على الارض و مشى الى غرفة النوم سالت دموعها و جرت خلفه تحتضنه و تقبله ترجوه مرة اخرى انها لن تكرر هذا الخطأ كيف تضع امام كلبها  الطعام الذى اشتراه الخادم و اتضح انه صناعة محلية دون ان تتأكد انه مستورد مما اثر فى نفسيته الرقيقة

اخيرا استطاعت ان تحمله قدماه الى المنزل فهو يقدم قدما و يؤخر اخرى لم ينتظر المصعد صعد على السلم فباله مشغول بما سوف يحدث ماذا سيكون رد فعل زوجته على خطأه و ماذا سيكون رد فعل اولاده و هل تتغير وجهة نظر اولاده له فى حال رد فعل عنيف من زوجته هل توبخه فقط هو لم يقصد ابدا و كان متنبها  و لكنه لم يجد ذلك اللحم البتلو عند الجزار الخاص بهم فاحضر لحما كندوزا 

وقف امامها دون ان يشعر احد سرح بخياله يكفيه فقط ان يراها يتغزل بجمالها سرا دون ان يبوح لاحد هل يمكن ان يجمعه الله معها فى بيته فى يوم من الايام هل يستطيع ان يدفع مهرها فالسماء لا تمطر ذهبا كما انها بجمالها لا تنتظر احد فالقادرين على دفع مهرها كثيرين يكفيه ان يشاهدها كلما مر من هنا هذه الفخدة الضانى المعلقة عند الجزار

فى ليلة من ليالى الشتاء الباردة جلس على شاطىء النيل امسك بها شعر بالدفء يسرى بين اوصاله طالما مرت عليه ليالى لكنه لم يشعر بمثل هذا الدفء من قبل ربما سكون مياه النيل و جمالها اثر على مشاعره و حالته النفسية و ربما خلو الكورنيش من المارة جعل عينه و حواسه متجهة اليها قربها بسرعة من شفتاه قبل ان تفقد دفئها و طعامتها ما اجملها  انها كوب حمص الشام الساخن

من صغر سنه شب على هذا يعشقهم يتيم بحبهم لكنه رغم حبه لهم يمل منهم بسرعة و لا يحزن ابدا على فقدهم رغم انه طالما قضى معهم وقتا جميلا و طالما ضحك و تسامر معهم و لكن ربما بسبب كثرتهم فى حياته فقد الوفاء معهم لا يحزن على فراقهم او رحيلهم طالما هو قادر على جذب المزيد لكنه لم يعمل حسابه يوما على ذلك المجهول و هو المرض لقد اصابته نزلة برد جعلته غير قادر على نفخ البالونات التى يحبها


جلست امامه على الطاولة بعد ان تناولوا العشاء الفاخر و خفتت انوار المطعم امسك بيدها و نظر الى عينها لا تريد ان تنهى هذه اللحظات الجميلة تخاف ان تخبره فتجهض حرارة مشاعره فضميرها يؤنبها فى حالة اخباره و احباطه بينما مشاعرها الداخلية تضغط عليها بشدة لكى تخبره  فمن يفض التصادم و الصراع الداخلى  و اخيرا تغلبت عليها مشاعرها وقفت امام الطاولة  فلم تعد تصبر اكثر من ذلك بعد العشاء الفاخر الدسم و قالت له ممكن اذهب الى الحمام

 
 

 

هناك 45 تعليقًا:

نسرين شرباتي "أم سما" يقول...

قرأت الجزء الأول والثاني
يا ريت تعملهم سلسلة :)
حاجة رومنسية حتقعد كل الرومانسيين ورا الحيط أو جمب الباب زي ما بيقولوا
ليك الصدر يا أ. ابراهيم
،،،،،،،،،،،،،،،،
لا بجد حاجة جديدة وجميلة :)

عمرو فكرى يقول...

كمل السلسلة بقى :D

انا كنت قاعد مستنيها والله :D

reemaas يقول...

باستثناء البلونات فكل الرومانسية مرتبطة بالاكل
ههههههههههههههههههههههههه

عجبتنى جدا بتاعه الحمام دى قمة فى الرقة والرومانسية ;)

ظلالي البيضاء يقول...

هههههه
رومانسي بس طعم تاني ..
تحياتي لك أستاذ إبراهيم ..
لم أعتد التعليق هنا لكن أسلوبك سلبني التعليق رغماً عني ..

Carmen يقول...

جميلة اوي كل واحدة احاول اتوقع فأجتها ماعرفش ^_^ تسلم ايدك

faroukfahmy يقول...

ابراهيم بتاع كله على كله لما تشوفه تقولله الكلام الآتى
انها رومانسية العصر ، هذا البوست العظيم يبكينى اكثر ما يضحكنى
فهذه هى طبيعة رومانسيتنا الجديدة التى حلّلت محل رومانسية الزمن الجميل
انها الرومانسية الجليديةالمتجنمدة ، التى تحكمها الاشياء لا العواطف
تناول قلمك يا ابراهيم ببراعة فائقة تصوير رومانسيات الاشياء مما سحبنى الى التصور واقول
انه من الممكن ان يقول الزوج لزوجته صباحا قيل ان يغادر المنزل هتتبخيلنا رومانسية ايه انهارده ؟؟؟؟؟
ويسأل اولاده ذاكرتواياأولاد رومانسية
دروس اليوم
وممكن يطلب من البواب هتللى علبتين سجاير كليوباترا او نفرتيتى رومانسية عشان عطشان دخان رومانسى؟؟؟ بالمناسبة يا ابراهيم اين قلم تعليقكك الرومانسى على البوست الذى كتبته امس عن الرومانسية الحقة فى لقائنا مع صحبة الخير
الفاروق

غير معرف يقول...

صباح الورد ابراهيم

رومانسية بطعم مختلف لا يتقنه

سواك يدخل البسمة على قلوبنا

بسبب غرابتها وفي النهاية الرومانسية

مفهوم نسبي جداً ...

ابراهيم مبدع في كل ما تكتب

لك كل التحايا

sabry abo-omar يقول...

رومانسية وكوميديا وتراجيديا وكله... عبقرى ياصاحبى وقدرتك على السخرية من الواقع والحياة تفوق الواقع نفسه.. تحياتى

وظائف خالية يقول...

hahhahahahahah

zizi يقول...

برهوم حاكينا ..ياه يا ابراهيم المرة دي مختلفة عن المرة الأولى في ايه ؟؟؟؟قول انت بقى ...مختلفة في اننا كلنا متوقعين النهايات الغير متوقعة وقاعدين نجري على السطور عايزين نجيب النهاية الأول وبعدين نقرا الموقف على مهلنا ..انت عارف الإحساس ده ؟؟احساس يا ترى مخبيلنا ايه ؟لابجد سلمت وسلمت يداك ..

Ramy يقول...

هههههههههههه

هى دى هى

الرومانسية

مش الكلام الفاضى التانى

رومانسية من ارض الواكع ((:

تسلم ايدك

Mona Hekal يقول...

لا لا معاك حق احنا هانبطل نكتب و نقعد علي جنب بقي نستني الروائع الرومانسية دي
و انا اؤيد انها تبقي سلسلة و هاستني ابراهيم الرومانسي 3
صباحك فل يا رب و سلم لي علي ساليناز العسل

هبة فاروق يقول...

ههههههههههه
نهايات رومانسية ديناميكيه غير متوقعه
اجدت وضع النهايات اخى ابراهيم
اعتقد انك الفترة القادمه لن يستطيع احد منافستك فى الرومانسية الحالمه
جميله جدااا وجامده اوى

محمد الجرايحى يقول...

أحيي قلمك الناقد الوثاق.....

Bent Men ElZman Da !! يقول...

جميله اوى الرمانسيات دى
ياريت تكمل السلسله وتبقى زى الباقى اللى حضرتك بتعمله
بس نفسى اعرف الرومانسيات دايما فيها اكل ليه :D

بسمة الورد عطر المشاعر يقول...

مساؤك خير مساء السخرية والرومانسية الحقة ههههههههههه

بجد بسعد جدا بمرورى هنا

افكار سلسة مريحة للقلب

مودتى واحترامى لقلمك

عازفة الالحان يقول...

مسآأئك معطر ي ورد

حنآ بنستنى الجزء التآلت

دمت بخير

نهر الحب يقول...

ههههههههههههههههه
تااااااااااااني
لا بجد انت بتعاند نفسك بتبقي ماشي حلو حلو وبعدين في الاخر تصدمني بالفخده الضاني واكل الكلب اللي مش عارف ايه



بتصحيني من الحلم علي كابوس فيه شغل بكرة مثلا
:DDDDD

فاتيما يقول...

يا رومانسياتك يا ابراهيم

انا اتخميت ف حمص الشام
افتكرت هيكون كوز الدرة

يلا
معلش


تسلم ايدك

وزى ما عمرو بيقول
كمل السلسلة
والحاجات دى لا تتنشر بقى
بجد
عندك حاجات كتير ممكن تتلم سوا فى سياق بلد مجانين عن حق ...

تحياتى ليك يا غالى
وخالص ودى

Unknown يقول...

ياااااا سلام هيه دي الرومانسية أمال الطفاسه تبقى إيه
هههههههههههه

تُحفه بجد يا أستاذ إبراهيم بس بجد حرام البدايات الحلوه دي تكمل كده :)

في إنتظار المزيد من الرومانسيات :)

كتبت بوست صغير عن البؤجه على فكرة

تحياتي ليك

افكار مبعثرة يقول...

ههههههههههههههههه
مش قادرة اقوللك انا وقعت من الضحك على اخر واحدة بتاعت الحمام دي
ايه الرومانسية دي انا اعصابي مبقتش تستحمل تلك الرومانسيات
ياريت لا تحرمنا من تلك الرومانسية الحقة في زمن كثرت فيه الرومانسية اللي اي كلام :)))))
تحياتي ليك

ساسو يقول...

رومانسيه لذيذه اووووي
بجد قمه في الجمال والتألق
تسلم افكارك

ابراهيم رزق يقول...

نسرين شرباتى
ام سما

هههههههه
بس ربنا يبعد عننا النفسنة

ساحاول
ربنا يسهل

نورتينى
تحياتى

ابراهيم رزق يقول...

عمرو فكرى

يسعدنى جدا تعليقك و انك كنت منتظرها

هاحاول يا عمرو

نورتنى
تحياتى

ابراهيم رزق يقول...

reemaas

طبعا لازم ترتبط بالاكل مش بيقولوا مطرح ما يسرى يمرى
ههههههههه

نورتينى
خالص تحياتى

ابراهيم رزق يقول...

ظلالى البيضاء

يشرفنى جدا مرورك و التعليق

نوزرتنى
تحياتى

ابراهيم رزق يقول...

كارمن الرقيقة

هههههههههه
الاجمل مرورك و تعليقك

نورتينى
تحياتى

ابراهيم رزق يقول...

الفاروق ملكا
ملك الزهرات
و ابن بطوطة المدونين

ابتسامة كبيرة
و تقدير عظيم
و حب صادق لك
و عجز حقيقى عن الرد على تعليقك

بجد يا استاذ فاروق دايما تعطينى اكبر من حقى الذى بفضل الله اعرفه و هذا فضل كبير منك

نورتنى
تحياتى و تقديرى

ابراهيم رزق يقول...

ريبال اخى العزيز

بجد لا شىء يدخل البسمة الا تحيتك صباح الورود

صباح الفل و الياسمين عليك

نورتنى
تحياتى

ابراهيم رزق يقول...

sabry abo omar

العبقرية فى تعليقك الجميل و مرورك

نورتنى
تحياتى

ابراهيم رزق يقول...

وظائف خالية

هههههههههه
متشكر لمرورك و التعليق

نورتنى
تحياتى

ابراهيم رزق يقول...

zizi العزيزة الذيذة

دائما تعجبنى تعليقاتك
اعتقد ان ما تقوليه تكمن الصعوبة و فى حالة التوقع الصحيح من المتلقى ايكون عندى بعض التقصير

نورتينى
تحياتى و تقديرى و حبى

ابراهيم رزق يقول...

رامى
القلب الطيب

فعلا يا رامى
واكع واكع قوى
هههههههههه

بجد يا رامى وحشتنى و المرة الجاية فى اى تجمع تكون موجود

نورتنى
تحياتى

ابراهيم رزق يقول...

منى ابو السعود

صباحك فل و عسل و سلامى لسلمى و على و ساليناز بتسلم عليكى

هاحاول اعملها سلسلة بس انا خايف عليكو متلقوش حاجة تكتبوها
ههههههههههههه

بجد انت بقالك مدة مكتبتيش حاجة ياريت نشوف حاجة جديدة

نورتينى
تحياتى

ابراهيم رزق يقول...

هبة فاروق

هههههههههه
انا خايف بس من النفسنة

سعيد بجد انها اعجبتك و سعيد بالتعرف على اخت جميلة بنت رجل جميل

نورتينى
تحياتى

ابراهيم رزق يقول...

محمد الجرايحى
استاذى العزيز

حقيقى تعليقك يشرفنى جدا

نورتنى
تحياتى

ابراهيم رزق يقول...

بنت من الزمن ده

الاجمل تعليقك
هو فيه اجمل من الاكل و اوعدك المرة الجاية بأذن الله مفيهاش اكل خالص

نورتينى
تحياتى

ابراهيم رزق يقول...

بسمة الورد

الاجميل هو تعليقك الذى يزرع الابتسامات يا ابتسام

نورتينى
خالص تحياتى

ابراهيم رزق يقول...

عازفة الالحان

نهارك معطر بالفل و الياسمين
اسعدنى تعليقك و مرورك
حاضر من عينى

نورتنى
تحياتى

ابراهيم رزق يقول...

نهر الحب


هههههههههههههههه
هو الحب كده
كباب و حمام و رضا

للدرجة دى
سعيد فعلا بتعليقك

نورتينى
خالص تحياتى

ابراهيم رزق يقول...

فاتيما
روح القلب الملائكية

هههههههههههههههه
يعنى كنتى خالص هتكشفيها
معلش بقى
خيرها فى غيرها

هاحاول اعملها سلسلة بناء على طلب الجماهير

هو احنا هنروح فين من بلد المجانين
الف سلامة عليكى من الشيكولاتة
انا و عمرو مش السبب
هههههههههههه

بجد نورتينى
سلام يا ام جو

ابراهيم رزق يقول...

شرين سامى

ههههههههههههههه
ما اهو لازم الرومانسية تبقى حاجة مادية و مفيش اجمل من الاكل

حاضر و اعتقد ان الجزء القادم هيكون مفاجاة لكى

نورتينى
تحياتى

ابراهيم رزق يقول...

افكار مبعثرة

هههههههههههههه
حاضر بس انا خايف تتعودوا عليها و دى عاملة زى الادمان

سعيد فعلا بتعليقك

نورتينى
خالص تحياتى

ابراهيم رزق يقول...

ساسو

الجميل فعلا مرورك و تعليقك

متشكر جدا

نورتينى
تحياتى

rona ali يقول...

استاذ ابراهيم ^_^
انا باجى هنا بكركع بيجد مش معقول

اسفه انى اتاخرت علي القرأة بس انا مكمله لحد الجزء الرابع ادعيلي

^_^