الاثنين، 28 نوفمبر، 2011

فوازير

                                 تحديث
التحديث ليس له علاقة بالبوست امس فى التحرير كنت اصطحب معى ساليناز و هطلت الامطار بغزارة كنت قريبا من خيمة احد اصدقائى اسرع الى ساليناز لكى تختبىء من الامطار داخل الخيمة لكن ساليناز رفضت و وقفت بين الجميع تحت الامطار تقول يارب و تدعو لمصر تصدقوا كنت سعيد جدا احدى الصديقات طلبت منى باصرار ان اضغط على ساليناز لكى لا تأخذ برد و تمرض و لكنى كنت اضحك معها و مبتسم لها   انها الحياة ما استحق ان يولد من عاش لنفسه فقط  اغلب الموجودين الذين ينامون فى العراء اغلبهم يمتلك شققهم و فيللهم الفاخرة و اعرف بعضهم  لذا انا سعيد ايضا بساليناز عندما يغلبها النوم و تنام على ارض التحرير حاضنة لافتتها التى ترفعها قد تظنونى اب قاسى لا اخاف على ابنتى و لكنى فى الحقيقة احبها جدا و اريد ان اراها انسانة انه المبدء الذى لا يتجزء و هو جزء كبير من ضميرنا 
احيانا قد لا يرى الجميع بعض الاشياء و لكن بعضهم فقط لان نظرهم وقع عليها  و عندما يعلم الجميع الحقيقة يضعونهم فى مصاف العباقرة بعد ان اتهموهم بالجنون مثل اينشتين و نيوتن ارجوكم لا تحكموا على الاشياء الان و لننتظر للغد لنعرف ايهم على صواب
 

هذه فوازيرى التى احملها معى الى ميدان التحرير على لافتتى فاذا قابلنى احد فى الميدان فليساعدنى فى حلها

فزورة 1
المرشد ببيان
والمتحدث عريان
والهدف
كرسى 
فى البرلمان
عرفتو الحل
يا اخوان  


       فزورة 2

غبى غباء مش معقول
تطلب لحمة يجيبلك فول
اصله مطنطن و يا  فلول
لا بيتكلم  و لا بيكاكى
بس قرفنا بلبسه الكاكى

اعتقد ان الحل مرسى عايز كرسى
                                                      بلد مجانين صحيح 

هناك 16 تعليقًا:

مصطفى سيف الدين يقول...

بسم الله الرحمن الرحيم الاجابة تونس :)
صباح الفل يا ابراهيم
شكلك نازل من بدري رايح تصوت

نيسان يقول...

واحد قلبه مليان
على الفلول والغربان
على الاحزاب و الاخوان

نازل طالع عالميدان
حامل لافته بالكف الاول
وبالكفه تانيه
قلبه بيصرخ ...يا مجانين
اوعوا تسيبوا مصر بأيد الطغيان
ونحن من وراه نردد
ربنا يحمي مصر أغلى الاوطان

مين هو بقى؟
:))

faroukfahmy58 يقول...

ابراهيم بتاع الكل صباح الفـــــــــل
ما استحق ان يولد من عاش لنفسه فقط ...... العرق مداد ياابراهيم العرق مداد البنت طالعه لابوها
الجنس اللطيف اخشن واصلبته الاحداث وقوته النوائب
كلما زادت الظلمة والظلم لاحت بشائر الفجر الجديد
اما عن الفزورة ياريت لما تروح لجنة الانتخابات تاخد معاك هدمتين والا ثلاته كى يتغطى بها المرشح العريان كما تم يوم جمعة البؤجة فهم احق بهذه البؤجة
للمرة العشرين ارجو الرد السريع المنفرد فانا متعطش لكى ارتوى بكلامك الحلو المسكر يا سكــــــــــــــر
الفاروق

هبة فاروق يقول...

ربنا يحمى ساليناز الرقيقه الصغيرة
لقد زرعت بداخلها روح الوطنيه وحب مصر دون ان تدرى ..ستظل ساليناز تتذكر تلك اللحظات ولا تنساها ابدا
اما الفزوره ههههههه الحدق بقى يفهم
واعتقد انى عرفتها ..والرساله وصلت
تحياتى لاخى ابراهيم المناضل الى الابد

بسمة الورد يقول...

مساؤك هنا وسعاده استاذ ابرايهم

وربنا يبارك فى ساليناز ويخليهالك ويخلى مصر لينا كلنا نحبها حب بالشكل الجميل المفرح ده,,
المهم اننا انهاردة مبسوطين باللى فى التحرير وبفهم المصريين من غير فوازير ولا غيره الحمد لله بعد الثورة بقينا نفهم والكل بيبان لوحده سبحان الله ,
ربنا يصلح حال مصرنا الغالية

احترامى استاذى

ريــــمــــاس يقول...

مساء الغاردينيا أستاذ ابراهيم
عارف وانا بقرأ البوست دا نفسي في ايه والله ورب السموات نفسي اجري على ساليناز واخدها في حضني مش عشان اخبيها عن المطر ولا لاني خايفة عليها من البرد لاني حاسة بحنان أكبر من أني أكتبه بكلمات حاسة بسعادة أكبر من وصفها بحروف حاسة بفرح أكبر من السطور اولا لان طفلة زي سوزي عايشة الاحساس دا أحساسها بوطنها غفوتها على أرض بلدها مبلله بـ المطر من صغري أعشق المطر وياما حلمت امشي تحته حافية القدمين فما بالك لما تجلس طفلة تحت المطر وداخلها روح وطنية وأحساس بقضية بلدها الي عملته هو الصح ياأستاذ ابراهيم سيبها تحت المطر ماتخافش عليها سيبها تحس بنقاء المطر وداخلها أحساس بحبها لبلدها تبص يمين ويسار وتشوف الناس حواليها كلها واقفه وتعبانة عشان مصر سوزي حتفتكر الموقف دا طول عمرها وحتفخر أكيد انه ابراهيم رزق والدها زي ماأنا بـ أفخر بأني موجودة في مدونتك ..
ربنا يحفظ لك سوزي وزياد ووالدتهم الراقية ويحفظ مصر الحبيبة ويارب يارب يارب يجي يوم ازور مصر وامشي مع سوزي تحت المطر وماتخافش عليها من البرد حتكون سعيدة ومبتسمة :) "
؛؛
؛
لروحك عبق الغاردينيا
كانت هنا
reemaas

عمرو فكرى يقول...

انا فخور بساليناز وبيك

amiraali يقول...

ربنا يخليهالك يارب ويحميها...
حلو اوي انك تزرع فيها روح الوطنيه وحب بلدها من صغرها... تحياتي

أم هريرة.. lolocat يقول...

السلام غليكم

قد تظنونى اب قاسى لا اخاف على ابنتى و لكنى فى الحقيقة احبها جدا و اريد ان اراها انسانة

اجمل شىء ربنا وهبه للأنسان انه يكون ( أنسان)

جميل ماتزرعه فى عقل ووجدان ابنتنا ساليناز ماشاء الله عليها وبارك فى أم أنجبتها وأب علمها ورباها
ربى ينبتها نبات حسن ويجعلها من الصالحات


الفوازير بقى محتاجه زى ما هبه قالت الحدق يفهم :)


ربى يحمى بلادنا ويحمى اولادنا وشبابنا
تحياتى لصاحب اجمل جملة ( بلد مجانين صحيح ) :)
دمت بخير

دعاء العطار يقول...

طول مافى مصر طفله زى ساليناز واب زيط يااستاذ ابراهيم

يبقى بجد عمرى ماهخاف عليها ولا ع مستقبلها

من زمان ماقريتش حاجه تفرحنى

النهارده انت فرحتنى

ربنا يحميها ويخليهالك

:)

نور القمر يقول...

ربي يحميلك ياها ويحفظها يارب ..
مع تحياتى لك
نور

الاحلام يقول...

اخى ابراهيم
عاوزين نعرف الانتخابات كانت ماشيه ازاى عندكم ووجهة نظرك فى الى بيحصل حاليا وهل هناك بارقة امل ام لا
تحياتىابوداود

Bent Men ElZman Da !! يقول...

ربنا يخليهالك ياااارب :)

بيتهيألى مفيش حد ماعرفش اجابه الفوازير دى :D

reemaas يقول...

برغم اعتراضى الشديد ان ساليناز تنزل فى البرد ده
لكن طريقه التربيه عبقرية

بسم الله الرحمن الرحيم

الاجابة
عروستى

وجع البنفسج يقول...

ربنا يخليها يارب وتشوفها زي ما تحب وزيادة كمان ..

حلوة الفوازير بس سهلة قوي ..

الازهرى يقول...

رحت امبارح
ولسه عند رأيي اللى قلته لكم آخر مرة

الميدان مش متحد والدنيا فيه مش ماشي تمام

ورربنا يسترها الأيام الجاية