الجمعة، 4 نوفمبر، 2011

ابراهيم الرومانسى

 بما ان الموضة هذه الايام هى الرومانسية و البعض طلب منى ان اكتب فيها فحاولت ان اكتب و اعتقد انى سانافس شرين سامى و ريماس و منى ابو السعود و كارمن و دعاء العطار و مصطفى سيف و كاسبر و ريبال كما اعتقد انهم سيعيدون النظر فيما يكتبون و يعترفوا ان ما كان يكتبونه لا يمت للرومانسية بشىء  و انهم حتى الان لم يعرفوا معنى الرومانسية
ايها السادة استعدوا و اربطوا الاحزمة و استعدوا للاقلاع انيروا الضوء الخافت اقيدوا الشموع انثروا باقات الزهور  اسمعوا الموسيقى الحالمة افسحوا الطريق فقد حضر ابراهيم الرومانسى اما البوست فاسمه ذكريات رومانسية عجبكم نكمل لم يعجبكم يا دار ما دخلك شر لكنى احذر السادة المذكورين اسمائهم  فى البوست من الاقتباس او النقل و كل سنة و انتم طيبين عيد سعيد عليكم


                        ذكريات رومانسية

ذهبت قبل موعدها بساعة لم تستطيع ان تنتظر فى مكانها فمازالت سخونة اللقاء السابق تشعر بها و باثارها فلازال وجهها ينضح بالاحمرار و مازالت عيناها تضخ الدموع تترقب حضوره بين لحظة و اخرى فما ان حضر حتى بادرته بقولها اليوم يجب ان تعزمنى على شىء اخر خلاف الكشرى بالشطة فمازالت اعانى منه حتى الان

مع شروق الشمس تخرج الى البحر تجلس على الشاطىء تنتظره لا تمل من الانتظار و لا تبالى من حرارة الشمس فمن اجله تعانى كل هذه المعاناة  تنتظر قدومه و تحلم به ليلتصق بها و تنظر الى نفسها فى مراءة صغيرة و لكن طال انتظارها و مع غروب الشمس و نزول الليل بستائره نظرت لنفسها فى مرائتها رجعت حزينة وحيدة لم تأخذ بشرتها ذلك التان ذو اللون البرونزى  الذى انتظرته طوال النهار و حلمت به

بين الترقب و الانتظار و الحيرة تضاربت مشاعره لقد تأخرت عن موعد وصولها رغم كل التأكيدات  ماذا سيكون شكلها هل ستكون جميلة مثل كل مرة و مع كل دقيقة يسرح بخياله و عندما نفذ رصيده من الصبر امسك بسماعة التليفون ليستعجلها و لكن لعجائب القدر دق جرس باب الشقة فى نفس اللحظة وضع السماعة و اسرع جريا و الابتسامة تعلو وجهه بكل لهفة و اشتياق ليفتح الباب لقد وصلت بيتزا فواكه البحر المميزة

بعد ان انتهى حفل زفافه ركب سيارته مسرعا اخيرا سيتحقق الحلم الذى لم يفارق خياله طوال حفل الزفاف الان سينتقل من ضجيج الفرح الى روعة الاحلام زاد من سرعة سيارته لدرجة اخافت شريكة احلامه لكنها بالرغم من ذلك نظرت له و هى مبتسمة وصل باقصى سرعة دخل الى غرفة النوم بحث باقصى سرعة عن السرير نعم هو فى حاجة الى النوم بعد المجهود الكبير الذى بذله فى التجهيز لحفل الزفاف القى نفسه على السرير و استغرق فى نوم عميق احلام سعيدة ايها العريس

امسكت بقميصه و راحت فى حزن عميق انه اخر ما لمست يداها من اشيائه بعد قليل انسكبت الدموع من مقلتيها و بللت القميص فالوقت يسير ببطىء و لحظات الانتظار تزداد صعوبة مع مرور كل ثانية و تأخره فى العودة و جالت برأسها كل الافكار السيئة عنه ذهبت الى الشرفة تترقب وصوله نعم هى خائفة و يزداد خوفها و قلقها كلما مر الوقت  ماذا سيفعل معها هل يسامحها و يغفر لها ذنبها بعد ان تعترف له نعم يستطيع ان يغفر و يسامح فالله يغفر فلما لا يغفر العبد هل يوبخها فقط ام يصل الامر الى ان يضربها او يتطور الامر و يصل الى الانفصال  لقد فعلت شيئا مخزيا لقد حرقت قميصه الجديد اثناء كيها له
  
 

 



هناك 45 تعليقًا:

ورود يقول...

السلام عليكم.
بجد .المحاولة الرومنسية هاته تحمل إرهاصات قاص رومنسي وتستحق التشجيع من قبل الإخوة والأخوات المذكورة أسماؤهم أعلاه ومن كل متابعيك.
عيدك مبارك سعيد . أيها الرومنسي

شيرين سامي يقول...

هههههههههههههههههههه
هفضل أضحك لغاية بُكره على فكرة :)
بداية كده أنا مش رومانسية للدرجة دي مش زي ريماس مثلاً...لكن يمكن المشاعر هي اللي بتغلبني و الخيال مالوش حدود :)

كشري بالشطه هههههه بجد مش متخيله أنا مره زعلت من زوجي في الخطوبة عشان كان عايز يشربني من كُشك :)

فرحت فيها إنها ماخدتش التان :)


بيتزا فواكه البحر yummmy :))

هههههه بداية زواج غير مُبشر تماماً:)

مقدره شعورها :(إتعرضت لموقف القميص ده قبل كده...بتبقى حاجه نكد فعلاً :)


هقول إيه يا أستاذ إبراهيم تُحفه كالعاده و ماتخفش أكيد مش هقتبس :)

كل سنة و إنت بألف خير و سعاده و عيد سعيد عليك و على كل حبايبك
أرق تحية لك

نيسان يقول...

هههههههههه
احلى رومانسيه وتعبي الدماغ !

هيك الرومانسيه اللي تعجبني بحق...هي يعني الرومانسيه ما بتنفع الا باتنين مقابلين بعض وسرحانين في عيون بعض وبيقولوا كلام مش عارفه هو ايه؟!!!

كل عام وانت واحبتك بألف خير ابراهيم...افتقدنا روحك المرحه والحمدلله ان عادت الينا مره اخرى...هو انت كنت موديها فين؟؟؟

ياسمين يقول...

هههههههههه
لا لا
حضرتك هزمتهم ف الرومانسية
عجبتني البيتزا اوووووي ههههههههه
جميلة بجد..

reemaas يقول...

ههههههههههههه

لا لا لا ده رومانسية فوق الفظيع الصراحة
كشرى بالشطة المفترى
ههههههههههههههههههههههههههه

بس بما ان اسمى مش مكتوب فانا هقتبس براحتى ولقد اعذر من انزر

بسمة الورد يقول...

هههههههههههه

اضحك الله سنك استاذ ابراهيم


بصراحة رومانسية ولا اروع هى دى رومانسية ما بعد الثورة ناس موش عندها وقت هههههههههههههههه

كل سنة وحضرتك طيب وبكل خير

احترامى لما تقدم

نهر الحب يقول...

هههههههههه
بجد ضحكتني اوي اوي
حلوة الرومانسية بتاعة الكشري دي

يااااه حسستني كدة ب
بلوبيف بلوبيف
:D

كل سنة وحضرتك طيب

haneen nidal يقول...

ههههههههههههههههههههه

و همه يطلعو معاك ايه . . انت فتح قدمهم افاق لرومنسية جديدة و مدرسة جديد :)

يا عمي ياهيك الرومنسية يا بلاش كوشري بالشطة ^___________^

حتت القميص انا عارفاه تماما :)
بس سعتها حرقتو عمدا هع هع


في انتظار المزيد المزيد من حكايات ابراهيم الرومنسي :)


كل عام و انت بخير و ينعاد عليك ان شاء الله بهنا و خير و رومنسية

وان شاء الله السنة الجية تكون في موكب الحجاج يارب و تصير الحج ابراهيم الرومنسي :)

عمرو فكرى يقول...

:D

كل سنة وانت طيب

موناليزا يقول...

:) تحفة يا أستاذ ابراهيم بجد
ييجوا جنبك إيه كُتاب الرومانسية :)

ريهام المرشدي يقول...

السلام عليكم
متميز يا أ/ابراهيم ، أتابع ريبال و ريماس و عذراً لم أجد عندهم ما وجدته هنا ، استمر استمر ، هذه هي الرومانسية و إلا فلا :) ، كل عام و حضرتك بخير .

Tarkieb يقول...

هههههه يا عم الرومانسية ...حلو اوووي وخصوصا بتاع اللي نام في ليلة جوازه...نظام تصبحي على خير ياحبيبتي...عيد سعيد يا ملك الرومانسية

فافى يقول...

قلبها اخفق بشده عندما قرأت كلمة رومانسيه واطلقت لخيالها العنان وظلت تتابع قراءة البوست فى هدوء حالم حتى افيقت على جملة كشرى بالشطه هههههههههههههههههههههههههههههه
كل سنه وانت طيب بوست مميز وتعليق غير تقليدى

ليلى يقول...

السلام عليكم ورحمة الله
عيد أضحى مبارك يا أطيب الناس
ولعل العيد القادم يجمعنا وإياكم بوقفة عرفة

norahaty يقول...

رومانزززززية
مزمنة جدا جدا
مفروض كل الكتاب
الرومانسيين يخلوا
بالهم فقد جاءهم خصم
رومانزززززى جبار جداً

faroukfahmy58 يقول...

والله يا ابراهيم لو قلت ريان يا ..... برضه هنجرى ورا كلامك
اصبح تناول كلامك مدمنا وزياراتنا ننتظر وصولها ونحجز لها اعيننا واذهاننا ولو طال الانتظار حقا يا ابراهيم انت جمعت بين مختلف الفنون والآداب بجميع الوانها ومذاهبهاوفيضها
الفاروق

دعاء العطار يقول...

هههههههههههههههههههههه

انا مش مبطله ضحك يااستاذ ابراهيم .. فكرتنى ببوست النكد اللى كنت كاتبه بتاع العزاء

طب عارف بقى وربنا بموووووووت ف الكشرى المشطشط

ممكن اكون بكتب رومانسى بس انا مش رومانسيه اوى ع فكره انا مجنونه اكتر منى رومانسيه :D :D

بس انا من النهارده اعتزلت كتابة الرومانسى ازااااى اكتب رومانسى بعد الكشرى بالشطه وبيتزا فواكه البحر والقميص اللى اتحرق لا تقولى شموع بقى ولا ورود ولا كلام فاضى من ده

هى دى الرومانسيه بحق وحقيق :D

كللللل سنه وحضرتك طيييب ورومانسى :) :)

Carmen يقول...

عيدكم مبارك :)


gallery.moshax.com/data/media/30/3089965006_a19edbe61b.jpg

مدونة الأمل يقول...

بسم الله وبعد
نهنئكم بعيد الأضحى المبارك أعاده الله علينا وعليكم بالخير واليمن والبركة
كل عام وأنتم إلى الله أقرب

زينة زيدان يقول...

شو هالرومانسية
بجد أول مرة أقرأ رومانسية تدعوك للضحك


راااااااائعة

كل عام وانت والجميع بكل خير

مصطفى سيف الدين يقول...

ابه يا عم الرومانسية الفظيعة دي
كل ده مخبيه عنا فين؟
يا راجل كشري بالشطة وبيتزا فواكه البحر مرة واحدة؟ مفيش رومانسية بنكهة المكرونة الباشمل؟
اشكرك انك حطيتني في مصاف الاساتذة الافاضل بالرغم اني ماليش في الرومانسية اوي
كل سنة وانت طيب
ومتنساش عايز رومانسية باللحمة الضاني احنا داخلين على العيد ويا حلاوة لو جمبها فتة اشواق

افكار مبعثرة يقول...

ههههههههههههه و الله كنت حاسة من العنوان و المقدمة اللي قبل البوست
ايه الرومانسية الجامدة دي انا حلقت معاك في سماء البيتزا و احترقت بنار المكوى مع القميص و ذقت لوعة انتظار التان
ههههههههههه
تحياتي لابداعك وروحك الحلوة
كل عام وانت بالف خير و سعادة
تحياتي

نور القمر يقول...

ههههههههههههههه موضوع حلو بجد
ربي يوفقك
كل عام وانته بخير
مع تحياتى
نور

candy يقول...

رومانسية تفصل ...

حاجة كدة زى رومانسية عبعال فى ريا وسكينة .. كان كلها أكل بردة :)))

EMA يقول...

أكيد طبعا رومانسية و بزيادة اوى كمان وصلت للواقع هههههههه

تسلم ايدك استاذ ابراهيم على البوست الجميل و الرومانسية المستحيلة دى ههههههه

كل عام و انت بخير

تحياتي

حفيدة عرابى يقول...

ونعم الرومانسية بصراحة :))

تسلم الايادى ياأستاذ ابراهيم
انا مقصرة فى السؤال معلش
حضرتك عامل ايه والولاد والمدام ..يارب تكونوا كلكم بخير
كل سنة وحضرتك طيب وبخير

faroukfahmy58 يقول...

اعود اليك ابراهيم حبيب قلبى واقول كل عام واسرتك الحبيبة بخير واوصيك الا تأكل الفته كلها لوحدك حتى لا تفقد وساوتك واناقتك المعهودة واعمل حساب اخوك الغلبان الفاروق
الفاروق

هبة فاروق يقول...

رومانسية اخر حاجة
جامدة جداااا
وخاصة الكشرى بالشطة
اجدك يا استاذى بارع فى اى شىء تكتبة
تحياتى

Mona Abo - Elso3od يقول...

صباحك فل يا استاذ ابراهيم
علي فكرة بقي انت مخدعتنييييش خااااااااااالص و كنت بضحك من اول ما ابتديت اقرا و متوقعة اني هالاقي كارثة في الاخر و قد حدث مع كلمة كشري بالشطة و عرفت انه سر وشها الاحمر و دموعها مش حاجة تانية هههههههههههههههههه
و شكرا لانك وضعت اسمي المتواضع وسط اساتذة ربنا يكرمك
و كل سنة و انت طيب و بخير انت و كل اسرتك الكريمة يا رب

Bent Men ElZman Da !! يقول...

كشرى بالشطه وبيتزا بفواكه البحر
ده بمناسبه العيد والاكل وكده بقى ههههههه
بدايه جميله والله
كل سنه وحضرتك طيب :)

rona ali يقول...

انا عايزة عزومه هيا استاذ ابراهيم :):)

سيدى سيدى ونبي انا ربط نفسي لما حسيت انى هحلق من الرومانسيه ربنا يسعدك دايمآ

الحمد الله انى مش من المذكورين يعنى ممكن اقتبس نهاهاهاهاها ضحكه شريره

تسلم ايدك بيجد :)

منجي باكير يقول...

أهلا و سهلا
مدونة الزمن الجميل تتمنّى لك عيدا سعيدا
و كلّ عام و أنت أنقى و أتقى و أرقى
http://zaman-jamil.blogspot.com/

ريبال بيهس يقول...

صباح العيد والفرح ابراهيم

ههههههههههههههههه

تصدق بالله رومانسيتك هي الاقرب للواقع

من البقية بس في نقطة أنت ذكرتها

برغم أنها كان فيها ضحكة إلا أنها

للأسف تحصل بنسبة 99.99 % \\ تذكرت

نسبة فوز الحكام العرب في الإنتخابات

المهم وهي قضية الإنهاك الجسدي و

الروحي الذي يتعرض له العرسان حتى

إنتهاء مراسم الزواج لدرجة يتمنون

فيها السرير ولكن بغرض الراحة وليس

شيء آخر !!!!

كل سنة وأنت طيب

واسأل الله العظيم أن يجمعنا قادم العيد

على صعيد عرفات ويذيقنا حلاوة أداء

مناسكه ...

تحياتي وإحترامي

εïз Semsema εïз يقول...

هههههههههههههههههههه D:

zizi يقول...

ابراهيم العزيز ....من قبل ما ابتدي القراية وانا حاسة ان فيها ملعوب ..ومع كل كلمة تقربني للنهاية كنت باحضر نفسي لنوبة الضحك القادمة لامحالة ..وهاهي رومانسية ابراهيم اللاذعة بطعم الشطة المميزة بطعم البيتزا المريحة راحة السرير لإنسان هلكان حتى ولو كان عريس ليلة زفافه ..اللامعة لمعة البرونز على بشرة خمرية الحارقة حرقة المكواة لقميص لم يلبس بعد..هذه رومانسية ابراهيم فهل من مزيد ؟؟؟؟؟

سواح في ملك اللــــــــــــــــــه- يقول...

جميل الكلام

منافس شرس للاخوة الافاضل اللي ذكرتهم

خد بالك بقي لا يتحلفوا عليك

تبقي وقعت في ورطة

مبدع دائما ياابراهيم

تحيتي

جارة القمر يقول...

ههههههههههههههههههههههه هى دى الرومانسية فعلا والا فلا

كل سنة وحضرتك طيب و عيد سعيد عليك وعلى اسرتك الكريمة

الاحلام يقول...

واخيرا
الغالى ملك الرومانسيه الرائع اخى الغالى ابراهيم
واخيرا فهمنا معنى الرومانسيه واخيرا قرأنا عن الرومانسيه الحقيقيه
جميل كلامك اخى وجمله روحك العاليه
اسعد دائما بتواجدى هنا كل سنه وانت بالف خير وصحه وسعاده
تحياتى وتقديرى ابوووووووووووداود

هديل يقول...

أنا قريت كشري بالشطة و حسيت برومانسية التدوينة :D :D
كل عام و انت بخير استاذ ابراهيم :)

Sarah .. يقول...

رومانسية عن رومانسية تفرق بردو !

اختلاف وجهات نظر مع ان المضمون واحد .. :)

كل سنة وحضرتك بخير
:)

Tears يقول...

انا عارفه انى مقصرة مع الكل لان مش لاقيه وقت امسك الكمبيوتر اصلا غير للشغل بس جيت اقول عيد سعيد و صراحة اتفاجأت انك كاتب فى الرومانسية و انا واخدة على ان المدونة هنا ساخرة و ثورية بس التنوع مطلوب برضة بالذات لما يبقى نزولا على طلب الجماهير :)

آخر أيام الخريف يقول...

هاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاها ربنا يسعد حضرتك يا أستاذ إبراهيم حلوة قوىىىىىىىىىىىىىىىىىىىىىىىىى

عالمى ازرق يقول...

هههههههههههههههه
ايه كل الرومانسية دى
الواحد كده هيفكر يستلف من عندك كل فترة ، خاصة موضوع الكشري بالشطة ده

كل سنه وانت طيب مع انها متأخرة شوية

وظائف خالية يقول...

سخونة اللقاء السابق
مش ظريف التشبيه .. يعنى برأى الافضل كلمة حرارة اللقاء مش سخونة ..
تقبل رأى ..
ولكم كل التقدير

شمس النهار يقول...

ماشاء الله

طيب مش كنت تكمل نشوف عملوا ايه
رسيت علي عمر افندي يجيبوا قميص جديد
ولا رسيت عند المكوجي المدام تاخد كورس مكوي علشان ماتحرقش الهدوم تاني

ولا رسيت عند المأذون علشان الليلة تخلص وخلاص

:)))

محاولة جادة
الرومانسية الكوميدية
:)))))