الأحد، 4 ديسمبر، 2011

خطاريف ابراهيم رزق

سبق و كتبت فى الرومانسية و عرف كل من يكتب فى الرومانسية انها لم تكن رومانسية و لا عرفوا اى شىء عن الرومانسية الان انا ساكتب خطاريف مثل خطاريف فاتيما و ستعلم فاتيما انها لم تكن تعلم معنى الخطاريف هى و اللى طالع فى المقدر جديد رامى ايها السادة انتبهوا تناولوا كوب سحلب و اعملوا دماغ زبيب و استعدوا للخطاريف فقد اتى ابراهيم رزق بخطاريفه اربطوا الاحزمة و حلقوا
                     
  
                 
                     خطاريف ابراهيم رزق

                           اتعلموها
           ماتخدوناش فى الدوكة اتعلموها بقى
           و متمسكوناش بالشوكة اكلونا بالمعلقة
                           اتعلموها
                                     احمد عدوية
                  الى كل الاحزاب المصرية بعد الانتخابات  

                                                __________________________
         
               الله يقصف عمر الحب 
               و عمر اللى بتصدق رجال         
          صباح الشحرورة بعد خمسة عشر  تجربة زواج

                   
                                     ______________________________


                   الحب فى القلب
                   زى عضة الكلب
                                      محمود شكوكو

                                             _____________________________


انا قررت الترشيح لانتخابات الرئاسة عندما وجدت عزوفا عن ترشيح جيل الشباب فقررت تمثيلهم
                           المفكر و القائد الثورى الشاب توفيق عكاشة 
                       __________________

الاف من المعجبين طلبوا منى رقم تليفونى و اعطيتهم لانهم يحبونى
                                     الثائر احمد جيفارا الشهير بسبيادر

                      __________________
 


ابسطها يارب بس ما تبسطهاش قوى كده
                                     عبد السلام النابلسى فيلم شارع الحب

                      _________________
 


يا غزال يا غزال العشق حلال دوبتنى انا دوب خلتنى خيال
ياااااااه شفتك فص فراولة و انا لا قوة و لا حول
دوبتنى قلبى على لولاه
                            الريس حنتيرة  اقصد صلاح جاهين

                                              _________________________________


الحب وردة و المراة شوكتها
                                  ارثر شوبنهاور

                      _________________
 

تسلك المراة طريق العبيد لتسود الرجل و يسلك الرجل طريق الاسياد لتستعبده المراة
                         جبران خليل جبران (يا عينى عليكم يا رجالة)

                      _____________
 

 يوم بدون ضحك هو يوم ضائع
                                      شارلى شابلن

                   ______________
                    

لو كان فى القمر سكان لقال الحبيب لحبيبته شايفة الارض يا ليلى او وشك زى الارض يا روحى
                                       احمد رجب

                          ____________
 

يجب قتل ميكى ماوس و عدم زواج المراة الصوفية لانها تحتفل بالموالد و الاعياد و اهل البيت
                                فضيلة الشيخ المنجد

                      ________________
 

شكلك فهمت يا نصه
                         هانى رمزى فى فيلم غبى منه فيه 

                     _________________
 

                                     
عينى رات بنت راسمة على صدرها حنفيات
نزل شهيد الهوى عشان يستحمى مات
                                      واحد مش عارف اسمه

                       _____________
    

لا تطلب المراة من الدنيا الا زوجا فاذا جاء طلبت منه كل شىء
                                                        وليم شكسبير
                        ________________

ايه الاستوك ده ايه اللى ماشى يتوك ده
ايه ورد الجناين ده اللى يصحى النايم ده
                                      المطرب العاطفى حمدى بتشان
                        ________________   

اقوال ابراهيمية

الحب اعمى لكنه يرتدى عدسات ملونة

من قال لا اعلم فقد تزوج


مشكلة ادم اعتقاده انه زكى  و يريد ان يثبت ذلك  و مشكلة حواء انها زكية و تريد ان تثبت عكس ذلك


المراة مثل البيتزا يتهافت الكثيرون على الاهتمام باضافتها و شكلها و قليلين جدا من يهتمون بطريقة عجنها و تسويتها


الرجل مثل السميط احيانا بالسمسم و احيانا بالدقة و احيانا بالبيض و لكن فى كل الاحوال يمكن اكله من جانب المراة بسهولة


عندما تفوح من المراة رائحة عطرها بشدة اعرف انها امراة غير مميزة و تريد ان تتميز

الماذون هو القاضى الذى يحكم دائما بالحبس المؤبد و فى الغالب لا يستأنف المتهم و يرضى بحكمه

يتكلم الرجل كثيرا قبل الزواج و تسكت المراة و تتكلم المراة كثيرا بعد الزواج و يسكت الرجل ثم يتكلم اطفالهم و يسكت الرجل و المراة ثم يتكلم الجميع و يسمعهم جميع الناس




هناك 37 تعليقًا:

لـــولا وزهـــراء يقول...

انا قررت الترشيح لانتخابات الرئاسة عندما وجدت عزوفا عن ترشيح جيل الشباب فقررت تمثيلهم
المفكر و القائد الثورى الشاب توفيق عكاشة

..........................
حضرتك تقصد الشباب الدائم والطاقات المتفجرة
اللي جده عيونه اخضر برسيمي ازاي مننتخبهوش دا يبقى انكار لجميل البرسيم على المواشي
لولا انه تراجع في اللحظات الاخيرة وقال موش عايزها ومش طمعان في اي سلاطة (:

وكان ياعني حاطط عينية على وزارة الاعلام لولا ان كمال الجنزوري اداها لناس متستحقهاش فكتم في قلبه ياعنيس وقال حسبي الله ونعم الوكيل
وتلاقيه ندمان من جواه على المظاهرات التأيدية اللي عملهاله (:

لولا

مصطفى سيف الدين يقول...

توفيق عكاشة فعلا بيمثل جيل الشباب ولازم يترشح والا هنضحك على مين بعدين المشكلة لو اتسجن او اتقفلت قناته هنضطر آسفين للعودة لموجة كوميدي :)
أعجبتني ابراهيمياتك اللي غالبا هتؤرق منامك النهاردة حلوة من قال لا أعلم فقد تزوج دي
الحمد لله انني ما زلت أعلم
والله كل ما اشوف حالكم افرح فيكم يا متجوزيييييييين
ههههههههههههه

لـــولا وزهـــراء يقول...

لو كان فى القمر سكان لقال الحبيب لحبيبته شايفة الارض يا ليلى او وشك زى الارض يا روحى
احمد رجب

..........................ز
ههه وجهة نظر برضه (:









ابسطها يارب بس ما تبسطهاش قوى كده
عبد السلام النابلسى فيلم شارع الحب

>>>>>>>>>>>>>>>>>>>>>>>>
من اجمل الافلام وكلامه بيضحكني ولبسه والكاركتر بتاعه زي زينات صدقي وماري منيب الله يرحمهم


________________

ايه الاستوك ده ايه اللى ماشى يتوك ده
ايه ورد الجناين ده اللى يصحى النايم ده
المطرب العاطفى حمدى بتشان
________________
هههههههههه الاستوك يعني التوك توك ولا ايه؟




مشكلة ادم اعتقاده انه زكى و يريد ان يثبت ذلك و مشكلة حواء انها ذكية و تريد ان تثبت عكس ذلك
..................

دا انتوا غلااااااااااااابة ههههههههه



يتكلم الرجل كثيرا قبل الزواج و تسكت المراة و تتكلم المراة كثيرا بعد الزواج و يسكت الرجل ثم يتكلم اطفالهم و يسكت الرجل و المراة ثم يتكلم الجميع و يسمعهم جميع الناس

............................
محدش بيتعلم من تجارب الاخرين
ماذا ادم يتكلم ثم يصمت
والمرأة تصمت ثم تتكلم
ومازال الاطفال يتكلمون والاباء يصمون
وبعد ذلك امة لا اله الا الله تسمعهم ورغم ذلك تتكرر المأساة (:




عندما تفوح من المراة رائحة عطرها بشدة اعرف انها امراة غير مميزة و تريد ان تتميز
...........................
صدقت




لولا

amiraali يقول...

مشكلة ادم اعتقاده انه زكى و يريد ان يثبت ذلك و مشكلة حواء انها ذكية و تريد ان تثبت عكس ذلك
الله يقصف عمر الحب
و عمر اللى بتصدق رجال
صباح الشحرورة بعد خمسة عشر تجربة زواج

يا غزال يا غزال العشق حلال دوبتنى انا دوب خلتنى خيال
ياااااااه شفتك فص فراولة و انا لا قوة و لا حول
دوبتنى قلبى على لولاه
تسلم البوست كه عجبني اوي

آخر أيام الخريف يقول...

حلوةةةةةةةةةةةةةةةةةةةةةة ... استأذن حضرتك فى اقتباسها عجبنى ونقلته :)

بسمة الورد يقول...

مساؤك هنا وسعاده استاذ ابراهيم

والله مقولات ساخره ولا اروع معانى ومرح

بصراحه خطاريف لذيذه بطعم الشطه واللمون هههههههه

بسعد دايما وانا بين جنبات احرفك الراقية وفكرك الارقى

مودتى واحترامى الدائمين

reemaas يقول...

ههههههههههههههههههههههههههههههههههههههههههههههههههههههه

ايييييييييه كمية الاكل اللى هنا دى

البوست ده مكتوب فى المطبخ اعترف

المفكر توفيق عكاشة مازال بيبهرنى الحقيقة

وكله كوووووم والاستوك كوم تانى ماسمعتهاش من زمان على فكرة
ههههههههههههههههه

ضحكتنى قبل م انام

rona ali يقول...

هههههههههههههههههههههههههههههههههههههه

مش قادرة بجد

اشارك واشجع اول مقوله بتاعت الشوكه والمعلقه ولو انى شايفه الاحزاب الاسلاميه نازالين تقطيع زى السكينه

وعجبتنى اوى دى
يوم بدون ضحك هو يوم ضائع
شارلى شابلن

الواحد كتب قبل كدة خطاريف وهلاوس كتير وقرأ اكتر
بس زى الخطاريف دى مشوفتش
في من دة ياعم حزومبل احم عفوآ اقصد ياعمو ابراهيم :)

فاتيما يقول...

:)


طبعا انتا عارف شكل الابتسامة دى ف الواقع عامل ازاى

ابتسامة رضا مصحوبة بثقة واعجاب ويصاحبهم كلمة ... ولو
عشان زى ما قولتلك
كل واحد خطاريفه ممضية بإسمه
مسكونة بروحه
مختومة بوجع قلبه
و مليانة بحواديته

عموما
بوستين تلاتة خطاريف كمان
وشكلى هعتزل كتابة الخطاريف
والكتابة عموما
وصحيح انا مليش نفس لأسباب كتيييير
بس هجيبها فيك وهتلبسها انتا بقى
هه

ماشى يا ابو سالى
كل خطاريف وانتا طيب
اكتر واحدة عجبتنى
وحستها أنا بالحرف ...
الخطروفة دى

عندما تفوح من المراة رائحة عطرها بشدة اعرف انها امراة غير مميزة و تريد ان تتميز

نور القمر يقول...

هههههههههههههههه بوست رائع ..شكرا لك
مع تحياتى لك استاد براهيم
نور

faroukfahmy58 يقول...

بوست اكثر من رائع يا ابراهيم وفى الحقيقة ان ما قالته فاتيما يتفق تماما مع ما كنت اريد ان اقوله فلها من الحاسة الفنية مايغنى اى قلم عن التعليق
وما تنساش ياابراهيم تشد سنجة الترومواى

ريــــمــــاس يقول...

مساء الغاردينيا استاذ ابراهيم
ههههههههههههه
هههههههههههه
وبعدين معاك احنا قلنا سيبك من الانتخابات والسياسة شويا تقوم لما تشطح تخطرف وكمان في الحب :(
<<<< عاوزة تتخانق معاه
؛؛
؛

الله يقصف عمر الحب
و عمر اللى بتصدق رجال "
( يقصف عمر الحب مرة وحدة ايه الشر ده طيب انا حسألك لو الحب اتقصف عمره وماصدقتش الراجل اعيش ازاي اكل كباب مشكل طبعاً <<< همه على بطنه )

____________________________
الحب وردة و المراة شوكتها
( طيب ليه ماتكنش الحب وردة والمرأه ريحتها )

____________________________

الحب اعمى لكنه يرتدى عدسات ملونة

( اممم عشان كدا الدنيا حلوة وملونة بستين نيله ههههه قصدي بقوس قزح من السعادة )

___________________________

مشكلة ادم اعتقاده انه زكى و يريد ان يثبت ذلك و مشكلة حواء انها زكية و تريد ان تثبت عكس ذلك

( طيب هو بيحاول يثبت زكائه ليه يبقى مش واثق في نفسه اما المرأ بتبقى تتغابى احيانا عشان تتحمل الي بيعمله هو فطبعاً بتثبت عكس الذكاء وممكن تبقى تتغابى نوع من الدلال ..
مثلا:بتحبني ياحبيبي ...طيب منا لسى قبل شويا قلت لك احبك
طبعا هومافيش دم الحكايه عاوزه يقولها من تاني هههههه <<< حتشرشح الرجاله )

____________________________
المراة مثل البيتزا يتهافت الكثيرون على الاهتمام باضافتها و شكلها و قليلين جدا من يهتمون بطريقة عجنها و تسويتها

( هي لمسه خفية وهمسه من الي هيه تلاقيها بيتزا لزيزة بس لو ماعرفتش مكوناتها السريه ماتشتكيش لو بقت سبايسي :) )
<<<<< بقت بتتكلم في الاكل زي ابراهيم رزق ههههههه

__________________________

الرجل مثل السميط احيانا بالسمسم و احيانا بالدقة و احيانا بالبيض و لكن فى كل الاحوال يمكن اكله من جانب المراة بسهولة

( شفت بقى انه مهما بقى طعمه حتاكله المسكينة وتشرب وراه كباية ميه عشان يتبلع ههههههه )

____________________________

عندما تفوح من المراة رائحة عطرها بشدة اعرف انها امراة غير مميزة و تريد ان تتميز

( هههههههههههههه
ههههههههههههههههه
طيب انت بتشمشم وراها ليه )

___________________________

الماذون هو القاضى الذى يحكم دائما بالحبس المؤبد و فى الغالب لا يستأنف المتهم و يرضى بحكمه

( بس حبس جميل في قفص من دهب وكناري بتغرد حب <<< بص للجانب المشرق بلاش النظرة الذكورية السودا دي )

_____________________________
يتكلم الرجل كثيرا قبل الزواج و تسكت المراة و تتكلم المراة كثيرا بعد الزواج و يسكت الرجل ثم يتكلم اطفالهم و يسكت الرجل و المراة ثم يتكلم الجميع و يسمعهم جميع الناس

( ههههههههههههههه
وماحدش بيتعض عارف ليه لانها شبكة لابد منها انا اتكلم هو يتكلم ولادنا يتكلمو الجيران يسمعو طب ومالو المهم اني معاه )
<<<< وجهة نظر برضو :)
___________________________

بجد استمتعت النهرده بـ خطاريف ابراهيميه :)
؛؛
؛
لروحك عبق الغاردينيا
كانت هنا
reemaas

افكار مبعثرة يقول...

هههههههههههههههههههههههههههه
و كله كوم و اقول ابراهيمية و الراجل اللي زي السميط ده كوم تاني ههههههههههههه
خطاريف فاتيما تيجي فين جنب خطاريفك
ههههههههههههه
تحفة جدا البوست و بليز بليز اوعى تتوقف عن سلسلة الخطاريف دي
بس انا عاوزة اعرف انت قلت في اخر المقدمة اربطوا الاحزمة و حلقوا و لا قصدك تحلقوا من الحلاقة يعني
هههههههههههه
دمت بخير و دام حس الفكاهة لديك عالي عالي عالي :)

هبة فاروق يقول...

الله يقصف عمر الحب
و عمر اللى بتصدق رجال
صباح الشحرورة بعد خمسه عشر تجربة زواج

انا عارفه ربنا مستجبش لدعوتها ليه وقصف عمرها
ــــــــــــــــ
يوم بدون ضحك هو يوم ضائع شارلى شابلن
والله الراجل ده بيفهم كتير .للاسف.نصف حياتنا بنقضيها فى نكد على كده بقى نصف حياتنا ضاع هباء يا ولدى
_____________________________________

من قال لا اعلم فقد تزوج
ميه ميه يا استاذ ابراهيم

عندما تفوح من المراة رائحة عطرها بشدة اعرف انها امراة غير مميزة و تريد ان تتميز
انت بكده حتحرمنا نحط برفان تانى


المراة مثل البيتزا يتهافت الكثيرون على الاهتمام باضافتها و شكلها و قليلين جدا من يهتمون بطريقة عجنها و تسويتها
بجد دى من المأثورات ..بيقولك على رأى المثل ..على المضمون دور
تحياتى على مأثوراتك فهى ليست خطاريف ....بل حكم ومواعظ
بجد من اجمل ما كتب




_______________________________________________________________________________________________________________________________________________________-------------------------------------------

الاحلام يقول...

طبعا افكار لا تجدها الا عند ابراهيم رزق
افكار راقيه المستوى باسلوب ساخر جميل رائع
تحيه لللاسلوب الرائع ولصاحبه الجميل
تحياتى ابوداود

أم هريرة.. lolocat يقول...

السلام عليكم

اولا وقبل اى شىء لى سؤال جامد اوى خالص

يعنى ايه خطاريف :) تقصد تخاريف ؟؟ هههه

قرأت البوست وتعليقات الاصدقاء

مش هعلق على اى كلام لأن الاصدقاء قاموا بالواجب

لكن نفسى اسأل الأخت أم زياد هى قرأت الكلام ده

((((
الماذون هو القاضى الذى يحكم دائما بالحبس المؤبد و فى الغالب لا يستأنف المتهم و يرضى بحكمه))) ههههههه

والله شكلك كده ناوى تبات عند الحاجة ام ابراهيم الايام الجاية ههههه

تحياتى لك ودعائى لك (( بالستر )) والنجاة :)

*****عايزين تدوينة جدارية فى حب الوطن يا استاذ ابراهيم

مها البنا يقول...

هههههه تخاريف جميله استاذ ابراهيم

عجبتنى جدا "عندما تفوح من المراة رائحة عطرها بشدة اعرف انها امراة غير مميزة و تريد ان تتميز" ... مميزه

donkejota يقول...

هههههههههههههههههههه

من أجمل التدوينات اللي قرتها الفترة الأخيرة


اتعلموها
ماتخدوناش فى الدوكة اتعلموها بقى
و متمسكوناش بالشوكة اكلونا بالمعلقة
اتعلموها
احمد عدوية
الى كل الاحزاب المصرية بعد الانتخابات

شمس النهار يقول...

:))))
ضحكتني ياابراهيم بس هي ماتمسكوناش بالشوكة وتكلونا بالمعلقة كانت لسه شغاله في الحنة:))))

والاحزاب لااكلونا بالمعلقة ولا الشوكة دول كالونا همهم باديهم الملطخة(حلوة الملطخة دي)بدماء الشهداء كان هو الصوص
:)))

ومافيش ست عاقلة تصدق راجل طبعا
:))

عضة الكلب ليها علاج لكن عضة الحب مسممه مالهاش علاج الا الموت
:)))

لأ توفيق ده وسبايدر مالهمش رد عندي دول شيوخ الكوميديانات
:))))

فكرتني بالملوخية وضحكتني بنتي اكلتها الطبق ب120 قالت نعم ليه انا بكلها عند ماما ببلاش واجمد من دي
:)))

الغزال ماشي مايضرش
لكن الشوكة دي فيها قوالاااااان
:)

ونبي جبران ده مالوش اتجاه شوية يشكر في المراه وشوية يهاجم
:))

انا مع شارلي الضحك اكسير الحياة

مين فضيلة المنجد ده!!؟؟بفتح الميم والنون

شادد علي المراة انت ياابراهيم وده مش كويس عليك في بلوجر
:))

عجبتني البيتسا والسميط دي:)))))
:)))

ابراهيم رزق يقول...

لولا و زهراء


هههههههههههههههه
فعلا الشاب توفيق عكاشة ده ملوش حل
بالذات اكسير الحياة اللى بينبعث من عينه
يالله الجنزورى اداه مقلب حلو
سعيد بتعليقك جدا
متشكر لمرورك

نورتينى
تحياتى

ابراهيم رزق يقول...

مصطفى سيف
اخى العزيز

هههههههههههههه
كده هتخلينى احسدك يا مصطفى
و بعدين العلم بالشىء و لا الجهل بيه
يا محظوظ
ههههههههههه

نورتنى
تحياتى

ابراهيم رزق يقول...

amiraali

سعيد بتعليقك
و سعيد انى البوست عجبك

شرفتينى بمرورك

نورتينى
تحياتى

ابراهيم رزق يقول...

اخر ايام الخريف

نوران عندنا يا مرحبا يا مرحبا

انت تنقلى اللى عايزاه ده يشرفنى

تحياتى

ابراهيم رزق يقول...

بسمة الورد

و الله العظيم البسمة و السعادة مرورك

و السعادة الحقيقية وجودك بتعليقك الجميل

نورتينى
تحياتى

ابراهيم رزق يقول...

reemaas


ههههههههههههههههههههه
هو انتى شميتى الريحة و لا ايه

انا قلت نور جعانة حرام تبات من غير عشا

حمدى بتشان ده حكاية
ههههههههههههه

نورتينى
تحياتى

ابراهيم رزق يقول...

rona ali

انتى تؤمرى و حزمبل يجيب
هههههههههههههههههههه

حاضر بس فاتيما تسمح ليا بمرة تانية و انا تحت امرك

و الله العظيم مبسوط ان الخطاريف عجبتك

نورتينى
تحياتى

ابراهيم رزق يقول...

فاتيما
روح القلب الملائكية


ملكة الخطاريف و الراعى الرئيسى لها
انت عارفة انا بنكشك بس
ههههههههههههههه
برىء يا بيه و الله العظيم مكنش قصدى انتى عايزة بلوجر كلها تعمل ثورة عليا و تقول الشعب يريد خطاريف فاتيما
و تقول لى
خطاريف متخطرفشى
ارحل يعنى امشى
بجد يا فاتيما و الله العظيم وحشتنا خطاريفك الخطاريف الخطاريف اللى معجونة بفاتيما و رائحة و ابداع فاتيما
ياه و الله العظيم يا فاتيما و حياة جو انا سعيد انى كتبت حاجة عجبتك
غنى يا طيور و فتحى يا ازهار
و سعادتى اكثر ان اختى فاتيما ام قلب زى الفل ابتسمت
و ابتسماتها دى غالية عليا قوى با ام جو

بجد نورتينى قوى
تحياتى

ابراهيم رزق يقول...

نور القمر

بجد متشكر جدا
سعيد بمرورك

نورتينى
تحياتى

ابراهيم رزق يقول...

فاروق فهمى
ملك الزهرات
و ابن بطوطة المدونين

سعيد يا استاذ فاروق باتفاقك فى الراى مع اختى فاتيما

ههههههههههههه
حاضر هاشد السنجة

نورتنى
تحياتى و تقديرى و احترامى

ابراهيم رزق يقول...

ريماس

ريمسو الجميلة

ههههههههههههههههه
بجد التعليق الجميل ده كثير عليا

بجد و الله العظيم مش قادر اقول غير ربنا يخليكى ليا يا رب
و تحققى كل احلامك الجميلة
يا اجمل اخت

تحيات معطرة باغلى برفن فرنسى

ابراهيم رزق يقول...

افكار مبعثرة

هههههههههههههههههه
انا حذرت فاتيما و مسمعتش التحذير

حلاقة و حلقوا و تحليق كل واحد يفهمها بعلامه
ههههههههههههههههه

سعيد انها عجبتك
متشكر حقيقى

نورتينى
تحياتى

ابراهيم رزق يقول...

هبة فاروق
هبة الفاروق


هى خبرة مدوباهم خمسة عشر
هههههههههههههههه

حطى برفن برائحتك انا بقول بشدة
ههههههههههههههههه

سعيد و الله انها عجبتك

نورتينى
تحياتى

ابراهيم رزق يقول...

ام هريرة
اختى العزيزة


ربنا يجعلك من اللى بيهدوا النفوس
هههههههههههههههههههههههه

ام زياد بتقرى البوستات ما هى الرقابة لكنها رقابة مستنيرة شوية
ههههههههههه

بصى يا ستى معنى خطاريف تسأل عليه فاتيما لانها صاحبة الخطاريف لكنى هاجاوبك من وجهة نظرى
الخطاريف هى الكلمات التى تخرج من الشخص عندما يكون بين اليقظة و الغفو و تحمل بعض الحقيقة مثل الكلام الذى يخرج من الشخص اثناء افاقته من العملية الجراحية او اثنا استياقظه او اثناء نومه و الله اعلم

انا كتبتها و ان كنت اريد ان اكتب مجلد

نورتينى
تحياتى

ابراهيم رزق يقول...

الاحلام
استاذى العزيز

انا اسف جدا جدا على الخطأ فى ترتيب الرد

سعيد ان البوست عجبك و ان الشهادة تأتى من شخص بمثل مكانتك فهى شهادة كبيرة اعتز بها

نورتنى

ابراهيم رزق يقول...

مها البنا

اولا سعيد بزيارتك
و سعيد ان البوست عجبك
شرفتينى

نورتينى
تحياتى

ابراهيم رزق يقول...

donkejota

سعيد جدا ان البوست نال اعجابك
شرفتنى بزيارتك
نورتنى

ابراهيم رزق يقول...

شمس النهار

الحاجة شمس عندنا
حمدالله على السلامة يا حاجة

و الله العظيم الملطخة دى احسن تعبير

ههههههه طبعا الرجالة كدابين

عكاشة و سبايدر بقو زى المهرج و مساعده فى السيرك

الغزال ده كلام فيلسوفى جاهين اللى كلامه كان متفائل اما الشوكة فكلام الفيلسوف الالمانى المتشائم ارثر شوبنهاور و الله العظيم اكثر حاجة متفائلة عنده

فضيلة المنجد ده شيخ جديد فتاويه زى ما انتى شايفة و اصبح نجم بفتاويه و لا حول و لا قوة الا بالله

سوقتينى للملوخية بالذات بالجمبرى هههههههه

جبران ش بيهاجم هو بيقرر واقع ههههههه

انا اقدر اشد على المراة احنا لينا غير المراة ههههههههههههه

و الله العظيم اعزمك على بيتز و سميط
هههههههههههههههههه

بجد بجد نورتينى

تحياتى