الخميس، 22 ديسمبر 2011

تاج راسنا انتى فخرنا

على رجلى دم نظرت له ما احتلمت
على ايدى دم نظرت له لما وصلت
على كتفى دم و حتى على راسى دم
انا كلى دم قتلت  ؟ ....و لا اتقتلت
عجبى

اتربيت على كده جارتى مثل اختى لا انظر لها ابدا الا نظرة اخ  هى بنت حتتى التى ادفع حياتى من اجل حمايتها و تطور الامر فى الكلية الى زميلتى لدرجة اننا دخلنا فى معركة كبرى  اثناء رحلة الى الاسكندرية لان بعض الشباب عاكسوا زميلاتنا تربيت ان احافظ على اى انثى و لو من لفظ جارح و ولاد البلد بيقولوا عندما يخطىء شخص بلفظ خارج فى وجود سيدات حاسب فى حريم موجودة لهذه الدرجة كنا نخاف على نسائنا من ان يجرحهم اى شىء و لو لفظ خارج
هذه مقدمة لابد منها نأتى الى الفتاة التى انتهكت امام الجميع لم اكد اهدء قليلا من تبرء الشيخ ياسر البرهامى من انتمائها الى السلفيين و اتهامها بتعمدها ان تتعرى لتوريطهم
الا و اشاهد عمرو اديب يستضيف اثنان احدهما منتمى الى جماعة الاخوان و الثانى ينتمى الى الجماعة الاسلامية و الاثنان ينفيان بشدة ان تكون هذه الفتاة تنتمى لهما
اكتب هذه المعلومات التى قراتها على تويتر من صديقة الفتاة
الفتاة تعمل طبيبة بشرية كانت فى طريقها الى المستشفى الميدانى
الفتاة تنتمى الى جماعة الاخوان المسلمين
الفتاة كانت ترتدى بلوفر ازرق تحت العباية
الفتاة تنتمى الى عائلة طيبة جدا
الفتاة منهارة نفسيا و مصابة بجرح فى راسها و حالتها النفسية سيئة
هذه المعلومات التى اصفها بالهبلة نعم الهبلة التى لا تهم احد و لكنها تهم عشرات الالاف من اهل تويتر و فيس بوك و بلوجر الذين تركوا الجانى و داسوا على دماء الضحية بعضهم قال لماذا ذهبت الى التحرير و البعض قال استفزتهم و البعض قال لماذا ترتدى العباءة على اللحم و البعض قال انه تصرف فردى و البعض و البعض و البعض و البعض اليس من حقها ان تعبر عن نفسها حتى لو كانت بمفردها لماذا تقابل بكل هذه الوحشية و القسوة
اعترف لكى اختى العزيزة انى لم اتعرض للانكسار فى حياتى سوى مرات قليلة لكن عندما شاهدت ما حدث لكى انكسرت كسرا كبيرا لدرجة انى قاربت على الكفر بكثير مما كنت اعتقده اعتقادا راسخا تخيلت ان ينتفض الجميع و يصرخ ان يستقيل المشير و المجلس العسكرى و رئيس الوزراء و الوزارة و ان يهب الشعب ليثور لا ان تقابل هذه الفعلة الشنعاء بكل هذه التساؤلات الدميمة و البرود المميت و ان يتنصل منك من ظننتهم اول من يهبوا لنصرتك هل لانك لم تربطى نفسك بحبل العفة الذى يربطون به نسائهم مثلما ربطوهم فى مظاهرة اختى كامليا ام لانك لم تأخذى الاذن و خرجتى عن شورى الجماعة
اختى العزيزة من تنصل منك مثل من تنصل من الضوء المبهر لانه لم يعتاد الا على الظلام
من تنصل منك مثل من تنصل من ندى الصباح لانه لم يعتاد الا على المياه العكرة الراكدة
من تنصل منكى مثل من تنصل من الزهرة الجميلة لانه لم يعتاد الا على شوك و قبح و مرار الصبار
من تنصل منك مثل من تنصل من الرائحة العطرة الزكية لانه لم يعتاد الى على الرائحة العفنة الكريهة
اختى العزيزة
انت تاج يزين كل العائلات و يفخر بك كل وطنى شريف ان تكونى له اخت و ابنة و ام يكفى انك عريتى المنافقون و الفاسدون و اصحاب المصالح امام الجميع
اختى انت تاج راسنا
                                           بلد عرايا صحيح 



هناك 18 تعليقًا:

نور القمر يقول...

واللهي العظيم كلامك صحيححح وعجبنى كثييير استاذي ..
لا حول ولا قوه الا بالله العلى العظيم لا يسعنى الا ان اقول ربي معاكم ويحميكم ياهل مصر
تحياتى لك
نور

مصطفى سيف الدين يقول...

اسهل حل لدينا ان نتبرأ فقط نتبرأ
فلان لا ينتمي لنا
هكذا نخلي مسئوليتنا ونضع رؤوسنا في الرمال
ربما حين رأيت تصريحات الجماعة الاسلامية من انهم مستعدون لتطهير التحرير ان فشل المجلس العسكري عرفت ان خالد عبد الله وبرهامي كانوا اكثر رقيا
الجماعة الاسلامية قالت كيف لفتاة ان تبقى عشرون يوما في المخيم مع الرجال
وانها تسعى لتطهير التحرير من هؤلاء
وهكذا نسوا من بقي ثمانية عشر يوما رجالا ونساء حتى خلعوا مبارك ويخرج مثل اولئك من جحورهم
حسبي الله

أمة الرحمن يقول...

الله يحمى حضرتك وأمثالك يمكن بتدونا الأمل ان لسه فيه ناس متمسكه بالصح

كلام حضرتك مؤثر جداااا وواقعى

لكن ان شاء الله الجاى احلى هى بلدنا كده لازم لها حاجة وقية اوى عشان نصحى أكتر وأكتر

اما عن اللى حصل مع البنات امبارح كمان كانت فيه طبيبه اسمها فريده استضفها ا يسرى فوده لو حضرتك اطلعت عليه وشوفت كلامها والله بعده انا خلااااااص يغور المجلس ده لو عنده دم

اسفه لو خرجت بس الغيظ جوانا اكتر

ظلالي البيضاء يقول...

أخي إبراهيم ..
رغم أنني لست من مصر إلا أنني ابن مصر لأن مصر أم الدنيا وهي أمي فما يسوؤها يسوؤني ..
وهذه الكلمات انتفضت من قلبي عندما رأيت المشهد المؤلم ,,,


دماء الشهيد تغلي في عروقـــي ..
وفي قلبي تثور سيــــول الغضب ..
روحي .. دمائي .. فداك يا بلادي ..
ونُصرتُك على الثـــــــوار وجب ..
أنا إن خذلتك لن يُرفع لي هامةٌ ..
وحُزْتُ بذلك خِذلانـــــاً من الرب ..
لئنْ ضَممتُ أرضَـــــكِ إلى فؤادي ..
لا لم أجاوزْ بذلـــك حدودَ الأدب ..
**********
تلك التي كشفوا عرضَهـــا أختي ..
ومن قتلوها في المدارسِ ابنتـي ..
أمي التي وقفتْ بوجْهِ الظالمين بروحها ..
ومَن صَرختْ "وامعتصماه" جدتـــي ..
مهما شدوتُ بين القبور بعـــزةٍ ..
ما من ضميرٍ بين القبور يسمعُ صَرختي ..
جارُوا على القرآنِ والإسلامِ فهل مِن ..
منادٍ بلسانِ الأنبياء"أمتي أمتي" ..
**********
إنا لله وإنا إليه راجعون ..

دمت بكل خير

هبة فاروق يقول...

استاذ ابراهيم
تفرق ايه لو كانت لابسه شىء تحت العبايه او على اللحم ..اعتقد انهامكنتش عارفه وهيه نازله من بيتها ان هدومها حتتقطع وتتسحل فى الشارع والا كانت عملت حسابها بقى ولبست بدله غطس تحت العبايه
ده كلام مخزى ويسير الاشمئزاز
انا بقولها من خلال مدونتك الرائعه
ارفعى راسك ولفوق قوى انت افضل من ناس كثير
واتركى الخزى والعار لغيرك
تحياتى لك استاذى ابراهيم

;كارولين فاروق يقول...

لا اله الا الله محمد رسول الله
مش عارفه اقول ايه
انا انسانيا قلبي معاها جدا ومتضايقه بجد
وكمان مخنوقه اما سياسيا مكدبش عليك
مش فاهمه حاجه خالص وتعبت جدا من الاحداث
وربنا يستر بجد علي مصر
تحياتي

شمس النهار يقول...

شوف في الاول اتصدمت من ردود وتعليقات الناس
وبعدين افتكرت حادثة التحرش الجماعي من كام سنة بتاعة العيد
وردود افعال الناس تجاه البنات اللي اتبهدلوا

قلت طيب يبقا عادي بقا خاللي اللي يتحمل ذنوب يشيل

هتنزل يوم الجمعة ان شاء الله؟

شمس النهار يقول...

وبعدين حتت دي مش سافية لأ دي مش اخوان
صراحة قرفت منهم
دي مصريييييييييية
واتعرت في الشارع
مصررررررررية

هو بقا في كده
اتقسمنا فرق
والست الشريفة هي اللي تتبع الاتنين دول
واي ست بعدهم
تبقا مباحة
ربنا مايحرمهم من الهطل كل اللي قالوا ده

فاتيما يقول...

صباح الورد يا إبراهيم

هذه الفتاة التى عرّت العسكر
وسترت كرامتنا جميعا
وراها رجالة .. وستات كمان


عاجبنى جدا لقب "ست البنات"
اللى أطلق عليها
وأظنه لايق بيها
لأنها ستنا كلنا
وفوق راسنا
وحقها عندنا جميعا
وهيرجع ان شاء الله


انا بكرة ف الميدان
ف مكانى المعتاد
أشوفك ان شاء الله
على الف خير هناك


صباح الحرية يا بلدى
وصباح الفخر .. يا ست البنات

دعاء العطار يقول...

عارف يااستاذ ابراهيم

اول انكسار ليا لما شوفت صورة خالد سعيد اول مره ... ساعتها بكيت بكاء شديد وحسيت انى مش هحس ابدا باى امان فى بلد بيتحول فيها الضحيه لجانى ... وكانت بتستفزنى بشده كلمات مايمكن فعلا بتاع بانجو ؟؟؟ ولوووووووو يتعمل فيه كده !

الانكسار التانى اللى حتى معرفتش أبكى ولا اعبر بكلمات فى مدونتى عنه .. حسيت بانكسار مش هينفع يتصلح لما شوفت البنت وهو بتتسحل وتتعرى فى الشارع وبكل وحشيه بيدوسوا عليها باحذيتهم كانها عدو لهم

الحزن جوايا كان اكبر من اى كلام وتوقعت ان كل المصريين هيكون ده احساسهم

اتفاااجىء بكلام بسد ودنى عشان مااسمعوش وعشان مااصدقش ان فيه ناس فى الدنيا بتفكر كده

بنت .. انثى .. امراه ... مخلوق مهما قوى فهو ضعيف يتعمل فيه كلل ده وفى الاخر نجيب الغلط عندها لا وكماااان نقول استحاله تكون مننا

بصراحه هى اللى مايشرفهاش اساسا انها تكون منهم

حسبى الله ونعم الوكيل ويامليون خساره على ده تفكير

zizi يقول...

ابراهيم العزيز ...ليس خروجاً عن الموضوع ولكن هو من صلبه ..هل رأيتم السيدة التي كانت تلبس بلوفر أو شالاً احمر هي وزوجها وهما اللذان كانا يمران من جانب الرصيف وبداية ارادا أن ينقذاها فهددهم احد العساكر فإبتعدا قليلاً ثم اخذتهم الشهامة وذهبا اليها واريد منكم ان ترجعوا تاني لليوتيوبوتشاهدوا ماذا حدث لهذه السيدة وزوجها هذه السيدة اما انها ماتت او اصيبت بارتجاج في المخ لأن العساكر كانوا بيضربوها وهي في الأول كانت قادرة تشيل ايدها عشان تحمي راسها بعد كده اصبح لاحول لها ولاقوة ..ارجوكم اللي يعرف حاجة عن الست دي يقول ايه اللي حصلها ..والا جوزها اللي هلكوه أما الشاب المسيحي الوحيد اللي تقدم ليحمي الفتاة فلتنظروا ماذا فُعل به لقد تولاه احدهم بالنط ثم القفز عليه بالبيادة ثم بالركل ثم بالضرب حتى صار الشاب يرفع رجله ويخبطها من الألم وخاصة انهم ضربوه في منطقة حساسة ..والله يا ابراهيم احنا كلنا كأسرة في غم من يومها وكمل علينا امبارح جه شاب قاص ومترجم في برنامج على الcbcوالشاب ده ايديه الإتنين مكسرين وراسه فيه كدمة وظهره كله كدمات ..وهذا الشخص ماكانش مع الثوار دا كان نازل يشوف ايه اللي بيحصل وكل اللي قاله حرام عليكم اللي بتعملوه في الناس ده وبس عينك ماتشوف الا النور الضابط قالله حرمت عليك عيشتك وامرهم يضربوه وبيحلف ان كل العساكر اللي جاية في السكة ضربوه حتى اللي ماكانوش موجودين ساعتها حتى هو نفسه قال زي اللي بييجوا فرح ويجاملوا العريس ..ابراهيم ارجوكم شوفوا الشريط تاني وشوفوا الست دي والراجل والشاب ..حاجة مخزية ومزرية ..

faroukfahmy58 يقول...

الامر الذى تم يا ابراهيم ليس غريبا على سمعى ولا عيتى لانه من المتوقع ان يحدث ممن لا يتمتع باى نخوة او احترام للجنس الآخر مهما كان وضع او سلوك اواتجاه او وجهاها يك6فى انها امرأة ولها حرمتها وعوتها التى حثنا ديننا ان بغض البصر .... اما الغريب الذى لم اتوقعه صراحة مجموعة التعليقات المكشوفة ابعادها والعارية من صدقها
ماذا بعد تعرية الجســدمن كل ستر
ماذا بعد تعرية الحقائق من كل حق
ماذا بعد تعرية اخلاقنا من كل ضبط
ماذا بعد تعرية أثارنــامن كل حفظ
ماذا بعد تعرية رؤؤســامن كل فكـر
الفاروق

وجع البنفسج يقول...

ربنا ينتقم من الظالم ..

ولا عزاء للنساء المحترمات في العالم الذكوري ..

لـــولا وزهـــراء يقول...

الفتاة تعمل طبيبة بشرية كانت فى طريقها الى المستشفى الميدانى
الفتاة تنتمى الى جماعة الاخوان المسلمين
الفتاة كانت ترتدى بلوفر ازرق تحت العباية
الفتاة تنتمى الى عائلة طيبة جدا
الفتاة منهارة نفسيا و مصابة بجرح فى راسها و حالتها النفسية سيئة
هذه المعلومات التى اصفها بالهبلة نعم الهبلة التى لا تهم احد و لكنها تهم عشرات الالاف من اهل تويتر و فيس بوك و بلوجر الذين تركوا الجانى و داسوا على دماء الضحية بعضهم قال لماذا ذهبت الى التحرير و البعض قال استفزتهم و البعض قال لماذا ترتدى العباءة على اللحم و البعض قال انه تصرف فردى و البعض و البعض و البعض و البعض اليس من حقها ان تعبر عن نفسها حتى لو كانت بمفردها لماذا تقابل بكل هذه الوحشية و القسوة
اعترف لكى اختى العزيزة انى لم اتعرض للانكسار فى حياتى سوى مرات قليلة لكن عندما شاهدت ما حدث لكى انكسرت كسرا كبيرا لدرجة انى قاربت على الكفر بكثير مما كنت اعتقده اعتقادا راسخا تخيلت ان ينتفض الجميع و يصرخ ان يستقيل المشير و المجلس العسكرى و رئيس الوزراء و الوزارة و ان يهب الشعب ليثور لا ان تقابل هذه الفعلة الشنعاء بكل هذه التساؤلات الدميمة و البرود المميت و ان يتنصل منك من ظننتهم اول من يهبوا لنصرتك هل لانك لم تربطى نفسك بحبل العفة الذى يربطون به نسائهم مثلما ربطوهم فى مظاهرة اختى كامليا ام لانك لم تأخذى الاذن و خرجتى عن شورى

>>>>>>>>>>>>>>>>>>>>>>>>>>>>>>
انا نقلت كلامك على صفحتي اخي ابراهيم لعله يكون صوت حق لله
وحطيت لينك مدونتك طبعاً وقلت انه منقول من عندك

لـــولا

لـــولا وزهـــراء يقول...

اختى العزيزة من تنصل منك مثل من تنصل من الضوء المبهر لانه لم يعتاد الا على الظلام
من تنصل منك مثل من تنصل من ندى الصباح لانه لم يعتاد الا على المياه العكرة الراكدة
من تنصل منكى مثل من تنصل من الزهرة الجميلة لانه لم يعتاد الا على شوك و قبح و مرار الصبار
من تنصل منك مثل من تنصل من الرائحة العطرة الزكية لانه لم يعتاد الى على الرائحة العفنة الكريهة
اختى العزيزة
انت تاج يزين كل العائلات و يفخر بك كل وطنى شريف ان تكونى له اخت و ابنة و ام يكفى انك عريتى المنافقون و الفاسدون و اصحاب المصالح امام الجميع
اختى انت تاج راسنا
بلد عرايا صحيح
>>>>>>>>>>>>>>>>>>>>>>>>>>>>>>>>>


اختي وحبيبتي وتاج فوق راسي
لـــولا

عباس ابن فرناس يقول...

معا ان اى فصيل المفروض انه يتشرف بى ان البنت تكون بتنتمى ليه لذلك من المضحك المبكى انهم بيتبرو منها !!!!!!!
حماقة ما بعدها حماقة

تحياتى المستعطرة

haneen nidal يقول...

السلام عليكم اخي ابراهيم

لست وحدك من شعر بالكسر العميييق و الخيبه و الخذلان جيفار يقول :- ( اكثر ما يؤلم الانسان ان يقتله من يقاتل من اجله ) و هذا ما حصل بالفعل الثوار و البنات الي عم تتسحل و تتعرى و الي عم تتحبس و تتعزب و حتى الشهداء الكل عم يتنصل منهم و يقولوا الي يخلاهم ينزلوا نزلوا يتصوروا متلا ولا حبين يحصلهم هيك ؟

انا وقتها ما لقيت اي كلمه تفش غلي غير اني ابعت رساله للنخوه الي فقدتها كتييييييييييير من شنباتنا

المُرْسَل إلَيه : نَخْوَة المُعْتَصِيّمْ . .

نَّصْ الرِسَالَة :
[ رَكَضَت بِي قَدَمَايّ وَ اتَبَعْتَهَا إلَى صَفَحَات المَاضِي المَجِيْدْ
فَـ قَصَّت عَلَيّ حِكَايَة إمْرَأة مُسْلِمَة اعْتَقَلَهَا مَلِك الرُومْ ، فَ فَزِعَ أمْيّر المُؤمِنِين " المُعْتَصِيّمْ بِالله " وَ أرْسَلَ إلَى مَلِك الرُومْ رِسَالَة :-
" مِنْ الخَلِيّفَة المُعْتَصِيّمْ بِالله إلَى كَلْبِ الرُومْ أطْلَقْ سَرَاحْ المْرَأة مُسْلِمَة فِي الحَالْ وَ إلا جِئْتكَ بِجَيّش أوْلُهُ عِنْدِكَ وَ أخِرَهُ عِنْدِي "


فَ يَـا نَخْوَة المُعْتَصِيّمْ
أخِي ( ابْنُ جَيشِي ) نَزَعَ فِي الشَوَارِع سُتُورِي وَ اسْتَبَاحَ دَمِي !
وَ قَرَعَ كُؤوسَ حَنَاجِرْه أنْتِي الليّلَة حَفْلَتِي !


يَـا نَخْوَة المُعْتَصِيّمْ أخِي لا الرُومَ وَ لا التَتَر !
دَاسَ لَحْمِيّ المَكشُف أمَامَ الخَلْقِ بِالنِعَال وِ الكُلُ يَتَفَرَجُ
مَلِكُ الرُوم وَ كَذَلِكَ الأمِيّرُ العَبَاسِي !


فَ أينَ أنْتَ مِنِي يَـا مُعْتَصِم ( إقْرَأ هَذا الخَبَر )


رُبَ وَااااااامُعْتَصِمَا انْطَلَقَت ** مِلْئ أفوَاه السَّبَايَـا اليُتْـمُ
لامَسَتْ أسْمَاعَهُم لَكِنْهَـا ** لَم تُلامِس نَخْوَة المُعْتَصِيّمْ /،،


ربنا يصبرنا و يصبرها و يصبر اهلها و كل البنات الي في حالتها و ما اشتدت الا و فرجت

ريــــمــــاس يقول...

صباح الغاردينيا أستاذ ابراهيم
مش هقول حاجة أكتر من انه لو كل مصري كان زيك كانت مصر بـ ألف خير والله دمعت عيني بتمنى البنت دي تكون قرأت كلامك وبجد ربنا يستر عليها وعلى كل بنات مصر من الي بيحصل"
؛؛
؛
لروحك عبق الغاردينيا
reemaas