الأربعاء، 28 ديسمبر، 2011

برىء يا بيه + تحديث

                                  تحديث

واضح ان الغرض من البوست فهم منه انى ادافع عن نفسى و لكنه ليس دفاعا هى محاولة للفكر و مقاومة الفكر بالفكر و ليس بالاتهام لان المناخ اصبح سىء من ليس معى فهو خارج  و يجب قتاله هم لا يرون الا انفسهم فقط هى محاولة للحوار لا السباب اما اما ما اسرده فهو ما افخر به لانه نابع منى 

طالتنى الاتهامات فى الفترة الاخيرة باننى ضد كل ما هو اسلامى و انى كافر و انى ضد الاخوان المسلمين و السلفيين و معهم الجيش بل جاءت لى تعليقات تسبنى و لم انشرها لشدة بذأتها و انى ليبرالى علمانى متعفن و انا لا اعرف حتى معنى علمانى بما ان المتهم برىء حتى تثبت ادانته فهذه مستندات برائتى

 اولا انا ليست لى اى ايدلوجيات و ان كنت اميل قليلا لليسار بحكم حبى لجمال عبد الناصر و لست ضد الاخوان المسلمين و لكن ضد فكرهم البرجماتى لانى قرأت عنهم كثير و عن تاريخهم و ان كنت اثناء ثورة 25 يناير اقتربت منهم قليلا و فتحت صفحة جديدة معهم لكن واضخ جدا انهم لم يتغيروا هم بنفس الفكر البرجماتى من وجهة نظرى و لعلى لا اخفيكم سرا ان اعز اصدقائى و صديق العمر مهندس اخوانى امس كنا نقف سويا ناكل فول ليلا على عربة عم عبدة دولار بل عزمنا على كباب و كفتة عند ابو رامى بعد فوز الاخوان فى الانتخابات طبعا يجب ان نستفيد من الاخوان و لو بكباب و كفتة

نأتى الى السلفيين طوال عمرى احب وسطية الاسلام فى المصريين و ارفض ان ازايد على اسلامهم فنحن نصلى و نصوم و نزكى و نحج لمن استطاع و الفتيات اغلبهم ملتزمين اذا كانوا محجبات او بدون و اننا جميعا نطبق شرع الله ما هو لم نطبقه من شرع الله و يزايد عليه الاخوة السلفيين و يطالبوا به فانا لا اعرف شخص من المقربين لى او المقربين الى المقربين لى يتناول الخمر ما هو شرع الله الذى يحملون المصحف ليتم تطبيقه فالاسلام انتشر بالعقل لا بالسيف و صديق لى يعمل بشركة بترول سافر لرحلة عمل فى ايران قال لى ان الشباب فى ايران نفر و ابتعد عن الاسلام للغلو فى تطبيقه و لن اخفيكم سرا ان غالبية الفتايات اللاتى تضامنوا مع علياء المهدى من ايران فالتشدد لا يتبعه الا تشدد فى الاتجاه الاخر

نأتى الى القوات المسلحة طبعا انا احترم الجيش و احترم القوات المسلحة و لعل لا اخفيكم سرا انى ابى كان ظابطا بالجيش و حارب فى 67 و اسر و حارب فى 73 و اصيب و توفى متأثرا باصابته بعدها بسنوات و لكنى انتقد المجلس العسكرى الذى يعمل عمل سياسى الذى يضم فى غالبيته ظباطا كانوا على المعاش و استدعاهم طنطاوى و الذى يدير الحياة السياسية بكل عشوائية

مما سبق اتقدم لكم بطلب البراءة مما سبق و اتهمت به و اشهد ان لا الله الا الله و ان محمد رسول الله و الان اترككم مع شعر لزياد ابراهيم رزق انقله لكم كما كتبه بدون تصرف و الشعر اسمه ما احلى اجواء القرية اتمنى ان ينال اعجابكم

رسمت ساليناز
شمس تضحك فوق للنور
طفل يهدى طفلة وردة
رسمت ساليناز
ديك يرقص فوق السور
و على انية عصفور
ما احلى اجواء القرية
فى اعماقى تبقى حية
 
     

هناك 19 تعليقًا:

;كارولين فاروق يقول...

صباح الخير استاذ ابراهيم
عجبني شعر زياد جدا ربنا يخليه
ولا انسي ملامح امورتك ساليناز ربنا يحميها
اما عن رأيك فأنت حر فيما تراه
هذه مدونتك تقول فيها ماتشاء
وارجوك لا تتأثر بأراء الاخرين
فلا يستطيع احدا ان يغلق افواهنا
فزمن الخوف والنفاق انتهي
حريتنا تبتدي عندما نطبقها
لست مطالب بتبرأه نفسك
واذا جاءك تعليق غير لائق
فأكيد انت متوقعه لاننا لا يمكن ان
نتفق علي طول الخط
تحياتي

ريــــمــــاس يقول...

مساء الغاردينيا أستاذ ابراهيم
انت عارفني صريحة وبهبب ساعات في الكلام اممم دخلت هنا وانا بقول ياساتر أستر من العنوان قلت يمكن حكاية الفيس :)
ولما قريت البوست قلت في نفسي ربنا يعينك فيه ناس فعلاً مهمتها تلقي التهم ومش بتراعي مشاعر الناس المهم ياسيدي قريت لحد بقى شعر زياد هنا بس ابتسمت وابتسامة من الخد للخد يعني مش عارفة دي تصنف ابتسامة ولا ضحكة ههههه بس المهم انها من القلب وهي اجمل حاجة في البوست كله كفاية انه بيكتب عن ساليناز حبيبتي عارف الحلو في شعره انه عنوانه اجواء القرية أوحاني بالبراءة والبساطة والدنيا الهادية الي بعيدة عن الصخب والازعاج ..
صراحة أنا بجد حاسة انه زياد حيكون شاعر ربنا يوفقه ويسعده هو وأخته ويخليهم ليك يارب :) "
؛؛
؛
لروحك عبق الغاردينيا
كانت هنا
reemaas

zizi يقول...

ابراهيم العزيز ..انا في رأيي ان هذه المدونات معمولة لقضاء الوقت الذي كان ممكن ان يقضيه الرجال على القهاوي والنساء على التليفون في النميمة..وبالتالي فهي قد تكون افضل من هذا أو ذاك أما ما يكتب فيها فكل مدون له الحرية الكاملة ان يكتب او يرد على ما يُكتب مادام هذا أو ذاك في حدود الأدب والمناقشة المشروعة والتي يمكن أن يقرأها الجميع دون خدش لحياء الجميع ..ولذلك فكل مدون حر في كتابته حتى ولو اغلقها على كتاباته فقط دون انتظار للرد من الآخرين ..ولذلك يا ابراهيم انت حر فيما تقوله واحبائك احرار ان يردوا عليك كل حسب مايراه في حدود الأدب وتسمح لي ان اقول لك بكل ما أملك من قوة مادمت لست برجماتي فما يهمكش ماهو آتي ...وتحياتي

اما عن شعر زياد فهو ينبيء عن شاعر عظيم وكذلك ينبيء عن حبه لساليناز ربنا يخليهم لك ..

ياسمين يقول...

بداية انا عن نفسي بحب الجيش جداا لكن باختلف مع المجلس العسكري ..! واللهم ما أجعل كلمنا خفيف عليهم ههههه

أم موضوع السلفيين والمقارنة بإيران طبعا مقارنة ظلمة لأننا من أهل السنة بنؤمن أن مفيش حاجة اسمها دولة دينية لأن الدولة الدينية بتقدس الحاكم ومفيش حاكم مقدس ف الإسلام بل من يخطأ يُحاسب..
أم إيران دولة دينية وهم أصلا شيعة...

الإخوان عن نفسي مش مختلفة وبردو مش منتمية لأي حزب انا مع اللي يخدم البلد
احنا بطبعنا شعب متدين ..وكمان مش متديين بس بل بنحب الوسط مش التشدد ..
فأنا مش خايفة ان كان الاخوان ولا السلفين هيمسكوا اي حاجة ف البلد لاننا هنراقبهم ولو اخطأوا اللي خلانا ننجحهم بردو هنشلهم ..ّ

منتديات : المدونون العرب يقول...

أخى الفاضل
أ/ ابراهيم رزق
أشكرلك تسجيلك معنا فى منتديات
المدونون العرب
ادعو الله تعالى أن ينال اعجابك ورضاك
تقبل أخى خالص تقديرى واحترامى
وبارك الله فيك وأعزك
أخوك
محمد الجرايحى

faroukfahmy58 يقول...

اضم رأيى الى تعليق ابنتى كارول
ففعلا انت حر وهذه هى مدونتك تحمل كل ما تره
ومن فضلها انها افسحت مساحة للطفل
فالشباب اليوم غلبوا شيوخعم
واطفال الغد القريب سيغلبون بالقطع شباب اليوم وسيزيلون كل ما لم يستطع شباب اليوم ازالته
ابشر يا ابراهيم باولادك واولادتا
اولاد مصـــــــــــــــر الكنانة
الفاروق

د/دودى يقول...

انت متخيل انك لمجرد انك نفيت اسباب الشتيمه انك مش هتتشتم او تتهان او تتوصف بالعلمانيه و الليبراليه و الالحاد و انك زميل ابو جهل ؟؟!!!

قطعا لا...نفسى اعمل دراسه على الناس اللى مخصصه من وقتها جزء للقعده عالنت لشتيمه خلق الله

لـــولا وزهـــراء يقول...

انت حر مالم تضر

جميل شعر الامور زياد ربي يخليهولك يااااااارب ويفرحك بساليناز ويسعدك بيهم


لولا

ستيتة يقول...

طبعا حضرتك حر تبرأ نفسك من شيء اجده لا يخص إلا إياك
مين ده اللي اخبره عن حالي مع الله وحالي مع الناس وانشر له افكاري ليفهم؟
صاحب فهم من الأساس
وصاحب الفهم مش محتاج البوست ده
وعديم الفهم ولا يلزم حد
يفضل ياكل في نفسه لما يصحى الصبح يلاقي نفسه خلة القلة
تحياتي

Ramy يقول...

أستاذى العزيز أبراهيم

(:

دى المصيبة لما هما عملوا كده معاك

ههههه

هيعملوا معانا احنا ايه ((:

مصطفى سيف الدين يقول...

ايوة انا من زمان بقول عليك كده وانك مش بتحب السلفيين انبسط يا عم بكرة يعاملوك معاملة الخوارج ويسحقوك سحقا زي ما قال الشيخ احمد النقيب عن اللي هيعارض الاسلاميين ان وصلوا للحكم
http://www.youtube.com/watch?v=yW9LwDPmkkE
انبسطت دلوقت اهوه هيقولوا لزياد يا ابن الخارج
شكلها شتيمة صح؟
وبالرغم ان الاستاذ دلوقت بقى شاعر كبير رغم صغر سنه الا ان الشعراء يتبعهم الغاوون وبالتالي الشعر احتمال يبقى جريمة يحاسب عليها القانون الحق يا عم غير واتغير قبل ما تروح ورا الشمس ولازم تقول ان الاسلاميين على حق وان الاشتراكيين ولاد ستين في سبعين
ربنا يهديك يا اخ ابراهيم ويغفرلك خطيئتك في حق الاخوة
اما عن زياد بقى ربنا يحرسه ويحفظه وان شاء الله لما يوصل لسننا يكون متفائل وآمل و مصر بقت عروسة وفيها كل شيء صح

Tears يقول...

مالك عمال تدافع مع ان معظمها مش تهم اساسا...طيب انا ضد الاخوان و السلفيين و كل ما هو بيستغل الدين للنصب على الناس من المتأسلمين و ضد الجيش اللى جابلنا العار قدام العالم و قتل ولادنا و افتخر بكل ده

نيسان يقول...

.....الله يسامحهم أو ينتقم منهم بيكون احسن ههههههههه
بس برضو انت اللي جبته لنفسك !!! مالها الرومانسيه؟
كنا مبسوطين ومروئين عليها.... لازم تعكّ يعني؟
او اقولك...بلاها الرومانسيه ...بلاها السياسه ... خلينا في الفول والكباب والمعجنات بالجبنه البيضا :))

ما شاء الله على زياد الشاعر الصغير يا رب يكبر ويبقى زي ما يحب ...وتبقى اخته هي الشمس ويكون هو لبيتكم النور :)

Tarkieb يقول...

نفسي اعرف ليه الناس اللي بتقول انها اسلاميين لسانها زفر وقليله أدب.....وربنا ماشفت واحد منهم الا وكدة....انهم لا يجيدون الكلام ولكنهم اساتذة في الشتيمة ..ربنا بيحبك انك ضربت واحد فول ولا ح تأثر فيك الشتيمة

ظلالي البيضاء يقول...

أستاذ إبراهيم ..
أسعد الله مساءك بكل الخير وكل عام وأنتم في أمن وأمان واستقرار وخير وسعادة ..

لا أزال أتابع مدونتكم منذ بعض الوقت رغم أني في الكثير من الأحيان لا أتفق معكم بالرأي في بعض التفاصيل ..
ولكن ما أتفق به معكم بالرأي أثني عليكم به خيراً .. وما لا أتفق معكم بالرأي أقرأ وأرحل .. دون تجريح أو سباب أو اتهام بكفر أو فسوق أو غير ذلك ..
وربما تركت التعليق والمشاركة لبطء النت أو انقطاعه فجأة أو لضيق الوقت ..
لكن استفزتني معرفة أن بعض من يخالفكم الرأي يكيل إليكم بالسباب والشتائم .. وما ذلك بخلق المسلمين ففي الحديث :"ليس المؤمن بالطعان ولا اللعان ولا الفاحش البذيء" ويقول سبحانه وتعالى :"ضرب الله مثلاً كلمةً طيبةً كشجرةٍ طيبةٍ أصلها ثابت وفرعها في السماء تؤتي أُكُلها كل حين بإذن ربها ....." الآية ..
"ومثل كلمةٍ خبيثةٍ كشحجرةٍ خبيثةٍ اجتُثت من فوق الأرض ما لها من قرار .. "الآية ..
وفي الفقه يقول العلماء : "لا يجوز اتهام الناس بالكفر إذا احتمل سلوكهم أو قولهم أن يجري على وجه صحيح " ففي الحديث :"من قال للرجل ياكافر فقد باء بها أحدهما " فمن يتهم الناس بالكفر وهم بريؤن منه يخشى عليهم من الوقوع في الكفر ..
فرغم مخالفتنا للآخرين بالرأي لكننا لا نرضى لأحد بأن يتعرض للسباب والشتم .. لذلك أخي إبراهيم .. أرجو أن لا تبالي لمثل هؤلاء .. فهم قد خالفوا توجيهات النبي صلى الله عليه وسلم كما خالفوا أصول النقاش وعرض الرأي .. وخالفوا قوانين المدونات وأخلاق المدونين .. وخالفوا الآداب والأعراف الاجتماعية كلها .. وكلامهم مردود عليهم وغداً سيكون وبالاً لهم ..
لذلك أخي إبراهيم .. نشد على يديكم بأن لا تكترثوا لهذا الإساءات وأن تترفعوا عن الرد عليها ..

أما ساليناز وزياد فليحفظهما الرحمن وما شاء الله الفرس من الفارس .. ربما نرى لهم مدونات خاصة عما قريب ..
كلامهم جميل ولذيذ .. هههه
مع التحية لك ولأولادك الرائعون ..
محمد الذهبي

شيرين سامي يقول...

مش عايزه أتكلم في السياسه بس كل واحد حر في رأيه طالما لم يؤذي أحد.
جايه بس عشان أقول لزياد إني معجبه بيه جداً و مستقبله رائع إن شاء الله بس شجعه يا أستاذ إبراهيم و إنشرلنا كتاباته أول بأول...الله عليه و على أخته ربنا يبارك فيهم.

تحياتي الخالصه لك

أم هريرة.. lolocat يقول...

رسمت ساليناز
شمس تضحك فوق للنور
طفل يهدى طفلة وردة
رسمت ساليناز
ديك يرقص فوق السور
و على انية عصفور
ما احلى اجواء القرية
فى اعماقى تبقى حية


حبيب قلبى زياد ربى يخليه ويسلم هو اخته
ان شاء الله بتشوفه شاعر كبير ( اخوانى ) هههههه
استاذ ابراهيم ياريت ننسى شوية كل شىء وترجع تانى تكتب لنا عن رومانسياتك او بلد مجانين بس من غير احزاب وكلام من ده :)
قلوبنا وجعتنا وحياة ربنا


تحياتى لزياد وساليناز وابوهم :)

دمت بخير

سواح في ملك اللــــــــــــــــــه- يقول...

بص ياابو زياد

اولا عايز اثني علي شاعرنا الصغير زياد

ربنا يحفظه هو واخنه

ثانيا

طبعا لازم نتقبل اراء بعض

ونتقبل اختلافاتنا

فهذا رايك احترمه طالما في حدود الراي

الاختلاف عموما نعمة من عند ربنا

طبعا في حدود اداب الحوار

تحيتي ياابراهيم

وسلم علي زياد جدا

ربنا يخليهولك هو واخته

شمس النهار يقول...

في ايه ياابراهيم

مااللي يقول يقول

ماحدش هيحاسبك غير ربنا

وهو يعني الناس اللي بتتكلم باسم الدين كلهم قولا وفعلا
اكيد فيهم تحت بند يعجبك قولهم في الحياة الدنيا
اعترضوا علي كلام ربنا
مادام ربنا قال فيه يبقا في

ربك كريم
وجميل ظهور الموهبة بدري بدري علي زياد

حاول تنميها عنده