الأربعاء، 14 ديسمبر، 2011

كان ياما كان

مازلت اخرف او اهذى باحلام اللى تحسبوه
 
صلوا على النبى
زيدوا النبى صلاه
كان ياما كان
يا سادة يا اكرام
كان فيه واحدة ست
حبوا يجوزوها
و فى عرسها يزفوها
جابوا مأذون
طلع مجنون
جابوا العريس
كان اصله خسيس


بيقولوا تنظيم
عزم المعازيم
و مش فاهمين
ده فرح مين
شربوا شربات
و الطعم مغات

لجل الاصوات
تعلى بزغاريت
اصل العفاريت
احتلوا البيت
الاسم جماعة
مسكوا السماعة

و اذان فى الجامع
و محدش سامع

من صوت الاه
مش وقت صلاه
لكنه  ناداه
ناداه ليصوت
و حقيقة اتلوت
و الناس بتهنى

و مطرب بيغنى
و كمان الاتية
جنب الحرامية
و الكل يمصلح
و الاسم بيصلح

نيجى للعروسة
قاعدة فى حوسة
بعريس كذاب
معازيمه هباب
شغال نصاب
نصاب على مين
و باسم الدين


قال ايه طالعين
طالعين على فوق
لكنه خازوق
عالى و مدقوق
طب امتى نفوق
و نعيش فايقين
و نكون فاهمين
فاهمين الفولة
و ختام القولة
عريسك مهر
هيجيب المهر
علشان تتهنى
و الكل يغنى
للست الهانم
طالعة السلالم
يا ماشالله عليكى
ربنا يحميكى 

هناك 18 تعليقًا:

reemaas يقول...

سيم ده صح ؟
ههههههههههههههههههههههه

قاعدة فى حوسة
بعريس كذاب
معازيمه هباب
شغال نصاب
نصاب على مين
و باسم الدين


يجنن الكوبليه ده
والحدق يفهم

مصطفى سيف الدين يقول...

استاذي العزيز
الاخوان ربما استفادوا من نسبة الأمية في مصر وربما استفادوا من الاستقطاب الديني
لكن اين باقي القوى الوطنية
واين دور التوعية التي كان يجب ان يقوم به الثوريين تجاه شعبهم
ربما يكون الاخوان اصطادوا في الماء العكر
لكن الباقيين ظلوا يشاهدون عكرة الماء ولا يحاولون تنقيته
الآن لا يجوز القاء اللوم كامل على الاخوان بل الكل مشترك في ذلك ربما يكونون هم فقط الرابحين لكن الكل مدان
تحياتي

amiraali يقول...

بجد لا تعليق...تحفه تحفه تحفه
عجبتني اووووووي

rona ali يقول...

إيييييييييييييه دونياااااااا يا استاذ ابراهيم

مضطرين اسفتآ نخلينا ورا الكدب لحد باب الدار واما نشوف اخرتها لعلي وعسي اللي بعدنا يتعظوا يطلعوا ناصحين

هلوس انت يا استاذي والمعنى في بطن الشاعر انا عارفه ^_^

ريــــمــــاس يقول...

صباح الغاردينيا أستاذ ابراهيم
أنت بتخرف ولا بتغطرف
ولا بتحكي حواديت ولا بتشوف أحلام
المهم أن احنا هنا بنستمتع
وبنقرأ زي ماأنت تحب :) "
؛؛
؛
لروحك عبق الغاردينيا
كانت هنا
reemaas

هبة فاروق يقول...

حلو اوى الكلام والتشبيه فعلا مصر عروسه جميله بطرحه لكن المأذون مجنون والعريس كداب ..والمعازيم هباب
يا ترى العروسه مصيرها ايه ؟؟؟
ربنا يستر على بلدنا
تحياتى لقلمك المبدع استاذى

AhMeD RaDy يقول...

الله يفتح لك

لا بجد جامكدة جدا بصراحة الكلمات دى .. وفى الجون كمان

مش عارف اقولك ايه بصراحة تشبيهك روعة وتحفة ولذيذة

انت استاذ

ويارب الناس تفهم ان احنا اساسا يا دوب يادوب لسه بنقول يا هادى فا مفيش داعى تقلق بهباب بقى !!

نسرين شرباتي "أم سما" يقول...

أتوقع إن أهل الدين بيخافوا ربنا
واللي بيخاف ربنا مش لازم نخاف منه
لأنه عمره ما حيظلمنا بأحد الأيام
دي وجهة نظري
صحيح أنا مش عندكم وأكيد نظرتي مختلفة
لكني على يقين بالكلام اللي قلته

نور القمر يقول...

هههههههههههه شكرا لك استمتعت وحبيت البوست ده ..بالتوفيق لك يارب
مع تحياتى لك
نور

;كارولين فاروق يقول...

ههههههه
ربنا يستر والجوازه تنتهي علي خير
والايام جيه
كلامك جميل قوي يا استاذ ابراهيم
عجبني جدا والله ودايما تضحكني اثناء
قرأتي لك
تحياتي

haneen nidal يقول...

نصاب على مين
و باسم الدين


تحفه تسلم ايدك ^^

zizi يقول...

ابراهيم العزيز .زانا لم انتخب الإخوان ولا النور ولكني انتخبت الوفد لأني لقيته اقدم حزب رغم وقوعه الذريع في الجولة الأولى لكن قلت يمكن في الجولة التانية يجيب كرسي والا اتنين ..لكن الشهادة لله وانا واقفة في الطابور ماكانش فيه حد بيعمل دعاية لكن معظم الستات اللي واقفة كانوا بيقولوا احنا لقينا حد غيرهم قدامنا وقلنا لأ ...دول بقالهم تمانين سنة في السياسة واتمرمطوا في السجون ايام العصر البائد وانا سمعت مرة عما يسمى التصويت العقابي يعني الناس تصوت لحد عقاباً لحد تاني واحنا حالياً الناس بتصوت للإخوان عقاباً للعهد البائد واللي عمله في الإخوان ..لكن ارجع واقول ربنا يجعل فيها من يصلح فيها ..وتسلم ايدك على الخواطر حاجة جميلة بجد ..تحياتي

Kem يقول...

أولا : اعتذر عن انى مبدخلش اليومين دول ، بصراحة حالتى النفسية مش مخليانى لا عارف اكتب ولا اقرا .

ثانيا : لو دى التخاريف يبقى انا عايز اقعد اخرف طول عمرى لو تخاريفى هتطلع عبقرية كده !!!
ع العموم انا واثق ان الشعب هيتعلم لو اتسابتله الفرصة الحقيقة لتقرير مصيره ! لكن اللى بيحصل دلوقتى ده مهزلة !

لـــولا وزهـــراء يقول...

لن اعلق بأإكثر من رد سمعته فأعجبني
ان نجح الاخوان يقولون شعب امي وف كجي وان
لو التيارات الاخرى نجحت قالوا شعب عريق حضارة 7000سنة !!!


في النهاية يجب ان نحترم ارادة الشعب حتى ولو لم تكن على هوى وجهة نظرنا

لولا (:

Carmen يقول...

كلام سليم جدا استاذ ابراهيم ييلم فكرك

تحياتى لك

ستيتة يقول...

قال ايه طالعين
طالعين على فوق
لكنه خازوق
عالى و مدقوق
طب امتى نفوق????????????????????????????????

ها يحصل
كل شيء لازم له توالي
وما يحدث هو التوالي الطبيعي
خلي اهالي هواي يعرفوا ان قبطان باونتي الأبيض له دم لونه أحمر مثلهم
ساعتها نفوق

تحياتي

الاحلام يقول...

الرائع ابراهيم رزق
لا اعرف من الصح هل الاخوان ولا السلف ولا ما دون هذا وذاك اصبحنا فى حيره من امرنا واصبحت الامور غامضه من نختار حزب النور ام حزب الحريه والعداله وان كان لم يكن الاختيار لا هذا ولا ذاك فمن نختار
المضرور فى هذا كله هى الحبيبه العروسه اقصد مصرنا الحبيبه فلها الله سبحانه وتعالى
تحياتى اخى واعذرنى على التاخير فهو خارج عن ارادتى تحياتى ابوداود

لـــولا وزهـــراء يقول...

ههههه اخي الفاضل ابراهيم انا كتبت تعليقي رداً على تعليق دكتور مصطفى
اسفة كان لازم اوضح ده في التعليقات حقك عليا اخي الكبير

وانا فهمت شعرك مصر هي العروس اللي مش عارفين دا فرحها ولا ميتم
وشربات ده ولا علقم


تعليقاً ع الاحداث استعير كلمة الاستاذ خيري رمضان بالاميس وهو يقول مصر تنتحب
مش مصر تنتخب

تعرف بقى مين عريس مصر؟
كل الشهداء اتزفوا لتراب مصر
عرستهم اللي ماتوا فدا ترابها

وانا احترم من يختلف معي واحترم اختلافك وعدم حبك للتيارات الدينية من وجهة نظرك فصل الدين عن لعبة السياسة القذرة

وججهة نظري عدم فصلها واذا كانت السيتاسة لعبة قذره فليطهرها حاكم متدين في الاصل سياسي
والاسلام عمره ما كان غير مدني عمرنا ما كان عندنا دولة غير مدنية ولا ثيوقراطية
مين يكره ان عمر بن الخطاب
او عمرو ابن العاص
او صلاح الدين الايوبيس يحكمنا؟

هو ده قصدي بأن مصر محتاجة رجل سياسي من الطراز الاول
نقي
متدين
صالح
ينهض ببلدي ميغرقهاش

لولا (: اختك الصغيرة اللي بتعلم من حضرتك
وساعات بتاخدها الحمية للدفاع عن وجهة نظرها وبيستحملها اخوها الكبير