الخميس، 3 مارس 2011

الوزير والارضية واللجان الشعبية

لمن منكم  لا يتذكر المسرحية الشهيرة المفتش العام للكاتب الروسى نيقولاى جوجل التى اقتبس منها العديد من الافلام و المسلسلات والتى تحكى عن معلومات تسرى فى بلدة عن زيارة مسئول و استعداد اهل البلدة و التغيرات المفاجئة التى طرات عليهم
ومن منكم يتذكر كتاب الساخر احمد رجب كلام فارغ كان به فصل اسمه الوزير جاى  و تحولت الى فيلم  يحكى عن زيارة وزير لاحدى المصالح الحكومية الفاسدة  و  ما ان ينتشر الخبر حتى يسرع مسئولوا المصلحة الى دهانها و تاجير اثاث و زرع  و الاستعانة ببعض الكومبارس لتمثيل ادوار المواطنيين لدرجة ان المواطن يصفع الموظف بالقلم دون ان يتحرك الموظف و يدافع عن نفسه
تذكرت ما سبق بسبب ما يحدث من تغييرات سريعة فى المجتمع حتى بات على عدم فهمها او ملاحقتها

وزير للتعليم يدخل وزارته يفاجىء بعدد كبير من المتظاهرين فما كان من الوزير ان فرش هلاله على الارض و جلس القرفصاء يتكلم مع المتظاهرين بكل تواضع و ود و يعدهم بتنفيذ كل مطالبهم شاهدته ففرت الدموع من عينى لدرجة ان الدموع اغرقت ملابسى مما دعا زوجتى على توبيخى و تعنيفى بشدة

مجموعة من الشباب ارادت اصلاح العلاقة بين الشرطة و الشعب و قامت بمبادرة و ذهبوا الى مديرية الامن فى محاولة لمقابلة ملازم بالعلاقات العامة وان لم يستطيعوا فامين شرطة اسم الله او فى اقل الاحوال شاويش واذ فجاة يجدوا انفسهم امام مدير الامن شخصيا التى كانت حديقة الاورمان بزهورها و حديقة الحيوانات بحيوانتها تتوارى و تختفى فما بالك بالبشراثناء د خوله المديرية بل فجاة وجدوا انفسهم امام مساعدى الوزير ثم الزغلولة الكبرى السيد وزير الداخلية شخصيا يجلس معهم و يشرب معهم شاى فى الخمسينة و يستمع اليهم ثم يودعهم بنفسه خارج المديرية


وزير ارستقراطى لوزارة ارستقراطية لا اتذكر عدد سنوات توليه الوزارة و لكنها كثيرة لا اتذكر ملامحه لعدم ظهوره الا قليلا و عندما يظهر و يصرح يصاب الجميع بالاحباط فجاة بدء الوزير فى زيادة ظهوره بالقنوات المختلفة بل نزل للوقوف مع باقى المواطنيين فى اللجان الشعبية يتناول معهم شاى كومبليت  و يحمل بيده الناعمة سنجة او شومة

ناتى لشفيق ياراجل من منكم يتذكر كم مرة خرج علينا هذا اللا نظيف بحوار تلفزيونى طبعا هو لم يظهر بسبب رفضه و تكبره على الشعب ووجوده ببرج عاجى بالقرية الذكية اغلب الوقت و لكن لعيب تقنى نظرا لعجز الكاميرات الموجودة بماسبيرو تصويره نظرا لطوله الفارغ  ويتطلب تصويره استيراد الكاميرات الخاصة بدورى السلة الامريكى  NBA و نظرا لدقة العمل بماسبيرو فأن الاستيراد يتطلب موافقة وزير الاعلام المشغول دائما بمطالب الهانم الله يكون فى عونه هيلاحق على ايه و لا ايه رئيس الوزراء الجديد خرج علينا بلقاءت عديدة خرج يرتدى ملابس بسيطة بلوفر بسيط و يتحدث بكل ود بل انه يرد على كل النقد فى البرامج بنفسه بدون متحدث رسمى باسم رئاسة مجلس الوزراء رغم ان فى الوزارة السابقة رئيس الوحدة المحلية لكفر زعيزع كان لا يخرج للاعلام وانما المتحدث الرسمى عنه


فكرت كثيرا و تخيلت الكاتب الساخر احمد رجب و كلنا نعرف مدى درجة تخيله و سخريته لو الف جزء ثانى من الوزير جاى باسم الشعب جاى هل كان سيصل فكره و سخريته الى هذا المدى
و هل ما نشاهده هو تغيير حقيقى فى فكر الوزراء ام هو نوع من النفاق و الكذب و التضليل لانه نما الى علمهم اخبار ان  الشعب جاى

 

هناك 18 تعليقًا:

مصطفى سيف الدين يقول...

هناك حقا تغييرا كبيرا في مفهوم المسئولية في مصر
حتى ان المسئولين عموما والوزراء خصوصا كانت لهم شبه حصانة تمنع الناس حتى من النظر اليهم وليس الكلام عنهم
اما الآن فنشاهد احمد شفيق يستميت ليحاول ان يحسن صورته في نظر الشعب نراه يدخل مجادلات ومشادات في القنوات الفضائية المختلفة
حتى الفضائية المصرية التي هي المفروض ملعبه نراه يخسر فيه ونرى محمود سعد يرفض لقائه
اننا امام تغييرا شاملا في نفسية الوزراء
وحقا ان الشعب جاي
تحياتي واشكرك لقلمك الرائع وللبوست القيم

Unknown يقول...

هههههههههه فكره رائعه يا أستاذ ابرهيم الشعب جي :)
أنا مبقتش فاهمه حاجه و مش عارفه سر تمسك شفيق بالسلطه اظاهر ان فيها سحر, و الناس اللي بتقول نديله قرصه هما نفسهم اللي كانوا بيقولوا ندي مبارك فرصه اللي هما دعاة الاستقرار حتى لو في الطين, يعني كل الأدله بتقول مينفعش و التسليم اللي هما مسلمينه ده شكله مش منطقي و لا احنا اتعودنا نخدع نفسنا!

تحياتي ليك و المقال أكتر من رائع

;كارولين فاروق يقول...

الحمد لله ان النظام السابق
سقط بكل رموزه الفاسده
واليوم سمعت عن استقاله

Tears يقول...

الاخبار الحلوة اللى قلتها دى بجد و لا دى أمل؟ تحديدا موضوع وزير التعليم؟

مبروك علاء الاسوانى قضى على شفيق امبارح و خلصنا منه لان بجد ظهر قد ايه هو لا فاهم فى الاقتصاد و لا حاسس امن الدولة و الداخلية مشاكلهم ايه وكل حاجة يقولك اصلى ماليش فيه و كأنه جاى يتعلم فينا فى وقت حرج زى ده

♥نبع الغرام♥♪≈ يقول...

والله احنا لسه عايشين بنفاق ومحدش عارف ممكن يحصل ايه

بس انا سمعت ان شفيق تم اقالته انهارده

بتمنا من ربنا يهدى الاحوال
لان محدش عارف من الكداب ومن الصادق

ابراهيم رزق يقول...

مصطفى سيف

اولا شرفتنى بزيارتك
اعرف اننا امام تغيير شامل فى نفسية الوزراء و لكننى اتمنى تغييرا من الداخل عن اقتناع لا عن ضغط

سعيد جدا بزيارتك و ارجو ان تتكرر
خالص تحياتى

ابراهيم رزق يقول...

شرين سامى

اختى العزيزة
سر التمسك هو التمسك بالمصالح

الحمد لله رحل اخيرا
متشكر على مجاملتك الرقيقة
سعيد جدا بتعليقك
خالص تحياتى

ابراهيم رزق يقول...

كارولين فاروق

اختى العزيزة
تعليقك بشرة خير فعلا رحل شفيق

سعيد بمرورك و تعليقك
خالص تحياتى

ابراهيم رزق يقول...

العزيزة Tears

اولا مبروك على استقالة شفيق

ثانيا موضوع وزير التعليم ده حصل لكن من الوزير السابق كان فاكر انه قاعد

يارب التغيير يكون من داخلهم مش من الخارج

سعيد جدا بمرورك و خالص تحياتى

Tears يقول...

شفت الخبر ده

اليوم السابع تنشر وثيقة تثبت ان الداخلية هى من قامت بتفجير القديسيين

http://www.youm7.com/News.asp?NewsID=362418&SecID=12

لازم كل الناس تعرف عشان نرجع تانى مصر حلوة

ابراهيم رزق يقول...

نبع الغرام

هو ده قصدى يجب كشف المافقين لان المسئول المنافق اشد خطورة من الفاسد لان الفساد له رائحة
مبروك على اقالة شفيق

سعيد بمرورك
خالص تحياتى

ابراهيم رزق يقول...

نبع الغرام

هو ده قصدى يجب كشف المافقين لان المسئول المنافق اشد خطورة من الفاسد لان الفساد له رائحة
مبروك على اقالة شفيق

سعيد بمرورك
خالص تحياتى

ابراهيم رزق يقول...

نبع الغرام

هو ده قصدى يجب كشف المافقين لان المسئول المنافق اشد خطورة من الفاسد لان الفساد له رائحة
مبروك على اقالة شفيق

سعيد بمرورك
خالص تحياتى

ابراهيم رزق يقول...

نبع الغرام

هو ده قصدى يجب كشف المافقين لان المسئول المنافق اشد خطورة من الفاسد لان الفساد له رائحة
مبروك على اقالة شفيق

سعيد بمرورك
خالص تحياتى

سكن الليل يقول...

فعلا مصر اتغيرت
العالم كله اتغير
واللي بنشوفه دلوقتي
واللي كان المفروض نشوفه من زمااااان
مجرد بداية
إن شاء الله بكرة نشوف اكتر واكتر
مصر فتحت صفحة جديدة في التاريخ
أهم شيء احنا نتغير كلنا للأحسن
التغيير دة هنلاحظه اكيد بيظهر في مجتمعنا ..في البيوت والشوارع والمدارس والحكومات ..كله كله
نشد حيلنا بقى وما نقفش
ونخلي طموحنا يعلى
وعملنا يزيد

ياريت كل مسئول يعرف إنه فعلا مسئووووووول
قدام ربنا
وقدام الشعب
وفي حساااااااب
والغرا اللي كان بيلزقهم على الكراسي
مصر منعت تصنيعه
واستيراده
ولو حكمت ولزق
نرميه هو والكرسي ونجيب كرسي جديد
هي غلبة يعني؟!!! @_@!!

ابراهيم رزق يقول...

سكن الليل

سعيد بتعليقك و متفق معك تماما
نفسى التغير يبقى نابع من الداخل

سعيد جدا بمتابعتك و حرصك
شرفتينى و خالص تحياتى
على فكرة انا فيروزى و من اجمل اغانيها
سكن الليل
و فى صمت السكون تختبىء الاحلام
لذلك انا معجب باسمك و اتمنى ان تختبىء بكى اجمل الاحلام

Carmen يقول...

اعتقد السيطرة الكاملة دلوقت بقت للشعب اي حد هيمسك في مكان ما يأديش دوره صح هيشلوه

ابراهيم رزق يقول...

كارمن
اختى الرقيقة

حمد على السلامة
و متفق معكى تماما
خالص تحياتى