الخميس، 24 مارس 2011

التطور العصرى لرجل الدين المصرى

كان ياما كان كان فى زمان شعب طيب مبيعرفش الحقد او الغل جميل الاحساس و بعدين ظهرت للناس قناة فضائية اسمها قناة الناس قناة كانت عادية بتبث موضوعات اجتماعية و دينية بها مذيعين و مذيعات و بعدين جه عليها مجموعة شيوخ بيسموهم سلفيين اللى يعنى ايه سلفيين اول ما جم قالوا ان عمل المراة حرام و اصدروا الفتوى التمام واعلنو العصيان يا احنا يا حوا احنا الاثنين لا يمكن نجتمع فى مكان و طبعا الصوت العالى دايما بيكسب و مشيت المذيعات و بدء بيزنس الدين  ماسورة قنوات دينية و فتحت من الناحيتين و عشان تشتهر لازم صوتك يبقى عالى و تفقعلك زغروطة عالية قصدى كم فتوى من النوع المتين او نصوت قصدى تعمل نفسك حامى الدين الحصين و اشتتهروا ده اسمه ذكريا بطرس و ده اسمه محمد حسين و اصبحوا حصريين كل قناة تتسابق للفوز بهم فهم الصيد الثمين و ركبوا افخم السيارات و لكن الثمن هو المواطن البسيط المسكين

لست رجل دين و لا افتى فى الدين اعرف اشهد ان لا الله الا الله و ان محمد رسول الله اصلى و اودى الذكاة و اصوم رمضان و انشاء الله احج الى بيت الله هكذا الاسلام الذى عرفته و الذى اعلمه الى اولادى احب السينما و اسمع الموسيقى و اقرا الشعر بجميع انواعه و اقرا جميع الكتب و جميع التيارات فالدين الاسلامى دين سمح اما التشدد فلم نعرفه طوال تاريخنا الاسلامى الا فى مناطق محدودة منه و للعلم التاريخ الاسلامى يجيب على ذلك ان اكثر فترات التاريخ ضعفه هى فترات التشدد من ايام ابن رشد حتى ايامنا هذا و حتى لا اطيل عليكم ان الشيوخ السلفيين لم يسمع احد منهم صوتا ايام الرئيس المخلوع و لم نسمع انه تم القبض على احدهم بل هم ينفذون مخطط النظام و هو فرق تسد المرة الوحيدة التى تحرك نحوهم بضغوط من امريكا و اسرائيل و اغلقوا فناة الرحمة لانهم هاجموا اليهود لكن طالموا الفتوى على هواهم فهم يتضحكون و يتندرون و سمعنا فتوات ارضاع الكبير و قتل البرادعى و حكم رسم التاتو و رسم الحواجب و دخول الحمام بالرجل اليمنى او اليسرى و فتاوى النقاب و مصطلحات اهل الذمة و الخوارج و ذات الرايات الحمر لم نسمع فى هذه القنوات كيفية تعلم الصلاة و الوضوء و ان العمل واجب دينى و ان على المرء عدم الخضوع للظلم و عدم الكذب الصفات الحميدة التى يدعوا لها الدين لم نرى شيوخا تتحدث مثل الشيوخ عبد الحليم محمود و متولى الشعراوى و شلتوت و الغزالى و غيرهم من الشيوخ المعتدليين

وقامت ثورة الشباب الطاهرة و لم نسمع ان شيخا من من يطلقون على انفسهم السلفيين ايد الثورة بل هاجموها و حرم بعضهم الخروج للمظاهرات و اخرج احدهم فتوى بوجوب قتل البرادعى لم ارى احد منهم طوال تواجدى داخل ميدان التحرير بل كان الموجودون و الذين اعلنوا موقفهم من اول يوم هم بعض شيوخ الازهرالشريف

و انتهت الثورة و رحل النظام و ركب هؤلاء الموجة و ظهروا فى كافة البرامج بدء من مصر النهاردة نهاية بمصر بعد بكرة و قلنا ان من حق الجميع ان يتكلم و من حق الجميع ان يقول وجهة نظره حتى تم تحديد موعدا للاستفتاء فقاموا باعداد اسلحتهم و اصدار فتاواهم التى لم انزل الله بها من سلطان فانا لم اسمع ان الشيخ محمد حسين يعقوب قد تخرج من كلية الحقوق او عمل  بالقضاء او احد من ابنائه و كيل نيابة او حتى امين شرطة اسم الله حتى يفتى فى التعديلات الدستورية نعم فتى بعضهم يفتى فى الطب لكن هل يمكنه ان يدخل حجرة عمليات و يعمل عملية قلب او هل يمكنه ان يصمم عمارة او كوبرى او حتى يشرف على انشائهم فالرسول صلى الله عليه و سلم قال انتم اعلم بامور دنياكم صدق رسول الله صلى الله عليه و سلم 

و انتهى الاستفتاء و حدث ما حدث و تقبل الجميع النتيجة رغم ما حدث من تجاوزات قبلها من فتاوى دينية فاذا بالشيخ محمد حسين يعقوب يقف على المنبر و فى اى منطقة امبابة حيث الحشد الهائل من الناس البسطاء يقول انتصرنا فى غزوة الصناديق حول الاستفتاء الى غزوة و اعادنا الى عصر الغزوات بل لم يكتفى بهذا بل قال ان كل من لا يعجبه عليه بالسفر الى امريكا او كندا نحمد الله انه لم يقل علينا سبايا حرب و اننا اصبحنا ملك يمينه لا حول و لا قوة الا بالله فالرسول عليه افضل الصلاة و السلام يقول
انما انا بشر اذا امرتكم بشىء من دينكم فخذوا به واذا امرتكم بشىء من رايى فانما انا بشر 

صدق رسول الله الذى يقول انما انا بشر فيجب يا فضيلة الشيخ الجليل ان تعلم ان الرسول ترك لنا امور الدنيا التى تقدمت مجتمعاتها و تطورت طوال اكثر من اربعة عشر قرنا  و مازال البعض يتكلم عن حكم قضاء الحاجة فى الخلاء اى خلاء يقصده و يترك جوهر الدين الصحيح من المطالبة بالعلم و العمل و التقدم و عدم الكذب و محاربة الرشوة و الظلم لنواكب المجتمع العالمى و لنقدم صورة حضارية للعالم فلن نتقدم بحكم المتنمصة بل نتقدم بحكم من يترك عمله ويتقاعس عنه و يخل باداء واجبه و حكم من يقبل على العلم

لا ياسيادة الشيخ الجليل لن نترك مصر فنحن حاربنا من قبل القمع و الدكتاتورية من النظام المخلوع و سنحارب القمع و الدكتاتورية باسم الدين فهل سيترك احد منكم مصر
   
        

هناك 31 تعليقًا:

فاتيما يقول...

الله يفتح عليك يا ابراهيم


عامل البوفيه ف الشغل راجل طيب قوى
ومتدين التدين الفطرى المصرى
البسيط دا
قال نعم عشان (سمع) الشيخ حسان بيقول نعم ...
طب يا عم سعيد مش تعرف نعم على ايه
ولأ على ايه
قعدت اشرحله
قالى معلش ..مكنتش اعرف يا استاذة
المرة الجاية هبقى اسألك قبل ما اروح
!!

عامل تانى راجل كبير ف السن
قالى قولت نعم عشان المسيحين يا مدام عددهم عشرة مليون وهيلغوا الاسلام م الدستور ...
دخلت معاه ف نقاش ان عددنا كمسلمين اكتر منهم تلات مرات ولو هماقالوا نعم احنا هنقول لأ والمادى متتلغيش
فبصلى كدا وكأنه انتبه لحاجة مكنش واخد باله منها وقالى المرة الجاية هبقى اسألك هتقولى ايه !!

:)
:)

زميلة ليا برضو طيبة وعلى نياتها قوى ..لغاية يوم الخميس
كانت مروحة و بتقولى هقول لأ ...
سمعت الشعرواى ونظرية الثائر الحق لازم يركن شوية ويبتدى البناء بقى ويبطل ثورة ...
فراحت قالت نعم
دخلت معاها ف نقاش هادىء وصولاً لإن الدستور دا مش بناء برضو وهيتبنى عليه كل اللى جاى ؟
بصتلى بندم وقالتلى يا ريتنى كنت اتكلمت معاكى يوم السبت قبل ما اروح كنت هقول لأ !!!



تعددت الأسباب
وف النهاية فتش عن رجل الدين اللى مبوظ الدنيا وخاربها ....

عزائى الوحيد فى كل هذا
ان كل شخص فيهم هيتحمل وزر كل واحد ضلله ..من ملايين الناس اللى بتمشى وراه عن فهم او عدم فهم ...
ربنا هيحملهم نتيجة كلماتهم دى
ان شاء الله ولن يفلتوا

تسلم ايدك

ويا ريت متكونش لسه زعلان منى بقى

وش باصص ف الأرض
ومكسوف جدا

آخر أيام الخريف يقول...

helwa ya ostaz ibrahim as usual.sorry bakteb mn elshoghl mafish andi arabi fi elcomputer. (:

Tears يقول...

صراحة انا كمسلمة مستاءه جدا من اقحام الدين فى السياسة و من تواجد التيار الدينى عموما سواء سلفى اخوان وهابى ارهابى فى السياسة

ما يحدث افساد للسياسية و اساءه لنقاء الدين و يجب ان يكون هناك قانون رداع و الا البلد ح تضيع مع شوية الضلالية دول اللى بيكذبوا على البسطاء شوية و يرشوهم شوية عشان يلموا اصوات و همه مجموعه متسلطين لا يعرفوا الديمقراطية

Kem يقول...

اتفق اتفاقا شديدا جدا جدا جدا
بقالى كتير بقول الكلام ده و بقالهم كتير بيهزقونى عليه :)
تمنى حضرتك تنورنى فى تدوينى الخاصة بنوران
http://reesha-filhawa.blogspot.com/2011/03/blog-post.html

Unknown يقول...

السلام عليكم ورحمة الله وبركاته
أراك تردد نفس كلمات التيار العلمانى الذى سيطر على الإعلام المصرى بفضائياته بصحفه ومجلاته....
أكيد هذا من حقك .. ولكن هل أنت مقتنع ومؤمن بما تردد؟
ألم تجد للتيار العلمانى الذى يحرك مشاعر البعض بدموع التماسيح أى هفة تدخل الشك إلى قلبك ؟
تقبل اخى تقديرى واحترامى
وهدانا الله جميعاً إلى مايحب ويرضى

مصطفى سيف الدين يقول...

احييك يا استاذ ابراهيم
قد قلت ما اود ان اقوله لقد كنت انوي ان ارد على ذلك الفيديو البغيض وتلك الطريقة التي تحدث بها الشيخ حسين يعقوب
اعذرني اخي الكريم ان كنت سأطيل تعليقي لارد على بعض جوانب مما قاله الشيخ
اولا اود ان اقول ان رسولنا الكريم صلى الله عليه وسلم قال (استفت قلبك ولو أفتوك) هذا الحديث هو نبراسي هذه الايام وكل ما سأقوله مبني على هذا الحديث
ثانيا يقول الامام مالك كل يؤخذ ويرد عليه الا صاحب هذا القبر ويشير لقبر النبي صلى الله عليه وسلم فيما يعني انه ليس هناك انسان معصوم من الخطأ اوضح ذلك لان هناك بعض الناس مقتنعين تماما بما قاله الشيخ متحججين بأن الشيخ لا يخطىء
ثالثا لو تكلمنا عما قاله الشيخ في انه يجب ان تتبع المشايخ حتى ولو كان عن دون اقتناع فهذه كارثة شرعية فالاسلام دين شورى وامركم بينكم شورى لم يبنى على استبداد الراي فالرسول صلى الله عليه وسلم وهو اعلم اهل الارض كان يقول دوما اشيروا علي ايها الناس وكان ينزل لراي المسلمين في بعض الاحيان
رابعا ليس من حق احد في تلك البلد ان يقول لو مش عارف تعيش في البلد مع السلامة روح كندا فان ذلك كارثة ديمقراطية
خامسا كنا ننادي برأب الصدع بين المسلمين والمسيحيين فنجد من يعتبر الاستفتاء حربا وغزوة لتفتح جروحا كانت في طريقها للاندمال
خطاب الشيخ يعقوب كان فيه كثير من المآخذ واتمنى من الشيخ ان يعتذر عما كان فيه ويستغفر الله كثيرا
تحياتي واشكرك استاذ ابراهيم واسف للاطالة

♥نبع الغرام♥♪≈ يقول...

بحيك اوى اخى
على جرأتك وكلامك الجميل
ربنا يبارك فيك يارب ويعزك

دمت بكل الخير

وطمنى عليك يا سكر

ايناس

;كارولين فاروق يقول...

شوف يا استاذ ابراهيم
انا أري ان هناك فئات
كثيره مختلفه في بلادنا
نحن لسنا احزاب فقط سيدي
بل فئات بل قد يصل بي التعبير
الي ان اقول هناك اختلاف فردي
فمثلا هناك اخوان مسلمون وهناك متدينين ولكنهم لا ينتمون الي اي حزب وهناك من يتشدد وهناك من يري الاسلام يسر وليس عسر وهناك من يأتي بفتاوي اول مره نسمعها وهناك من يصدق
زمن غريب وكل واحد يري من وجهه نظره هو فقط وكل واحد عجباه دماغه
دومت بخير ولا تشغل بالك مادمت واثق بما تؤمن به

Unknown يقول...

تعرف يا أستاذ ابراهيم أنا لحد دلوقتي مش فاهمه كانوا بيستفتونا ليه و هما كده كده ناوين يعلنوا دستور جديد و لحد دلوقتي مذهوله و متغاظه من اقحام رجال الدين لنفسهم في السياسه و هموت من الناس اللي افتكرت انهم لما يقولوا نعم يبقوا غيرانين على دينهم أكتر من غيرهم و انهم كده دعاة استقرار بجد حاجه تخنق.
مقال رائع كالعاده تحياتي لحضرتك.

وردة الجنة يقول...

العنوان رائع جداجدا وما يحتويه اروع واجمل فانااحييك على هذا الموضوع

وانا فعلا مع كل التعليقات لانها قالت كل اللى فى دماغى واكتر كمان بكتيير

ربنا يحمى مصر من اللى عاوزين يخلوها ويرجعوها تانى زى ما كانت

لك كل الود

أمال الصالحي يقول...

كثرة الاتجاهات والتيارات والأفكار المغلوطة تجلب الفتنة وتدمر العقيدة
الدين بسيط كما جاء به رسولنا الكريم، ولا حاجة لكثرة الدعاة والوعظاء، فطريق الهدي سطره الإسلام وكل مسلم سيجد ضالته في الكتاب والسنة

تحياتي لك

Carmen يقول...

الله ينور عليك استاذ ابراهيم
جبت من الاخر
للاسف الانشغال بأمور الدنيا ألهي كل هؤلاء عن أخرتهم
الكل افتي من اجل المصالح وباع وطنه من اجل مصلحته الشخصية ثم باع نفسه للشيطان
تقبل خالص احترامي لفكرك الرائع

ابراهيم رزق يقول...

فاتيما
روح القلب الملائكية

الله يفتح عليكى انتى

البداية من اللى انتى بتعمليه و الناس البسيطة دى اللى لما بتفهم بتفعل

وانا خارج انا و زوجتى من اللجنة قابلنا الست البوابة اللى جنبنا سلمت عليها و سالتنى اقول ايوة و لا لا قلتلها قولى ايوة قالتلى لى اتبسطت جدا انها قلتلى لى قولتلها لو تلبسى جلابية جديدة على طول و لا تلبسى جلابية مرقعة قالتلى جديدة قلتلها اهو لا يعنى كده دستور جديد خالص و اتبسطت و الله انها سايبة شغلها و رايحة و اتبسطت اكتر انها بتسأل لا ليه

خالص تحياتى و دايما منورانى و متقطعيش الزيارة
اخيكى ابراهيم

ابراهيم رزق يقول...

اخر ايام الخريف
اختى المبدعة

و لا يهمك تكفينى زيارتك
و متشكر على مجاملتك الجميلة
دايما منورانى
خالص تحياتى

ابراهيم رزق يقول...

العزيزة tears

وصلتى لكبد الحقيقة لا علاقة بين الدين و السياسة و اعتقد انها قد يكون تعلم الدرس لان محمد يعقوب صلى الجمعة اليوم بمسجد حمزة بجوارنا و قيل لى انه لم يتطرق الى السياسة و قال ان خطبته اساء فهمها
دايما منورانى
خالص تحياتى

ابراهيم رزق يقول...

اغانى الشتاء

سعيد باتفاقك فى الراى معى

واثبت على رايك
نورتنى و سعيد بك جدا اخى الصغير

دايما مشرفنى

ابراهيم رزق يقول...

محمد الجرايحى

انا لا اكتب و لا اردد الا ما يقتنع به ضميرى
انا مسلم و اتعامل مع الجميع بتعاليم الاسلام الاسلام السمح الوسط المعتدل و اعتقد انه لا كهنوت فى الاسلام و ارجو ان تلقى نظرة على تعليق صديقى مصطفى سيف فرجل الدين بمسجده له وجهة نظره لا يفرضها على غيره باسم الدين عندما يقول راى يقول هذا رائى لا راى الدين

اما مسميات علمانى و مش علمانى انا لا اعترف بها انا اعترف بالانسان المواطن حتى لو مالوش عنوان
نورتنى و شرفتنى
وانا متقبل جميع الاراء
خالص تحياتى

ابراهيم رزق يقول...

مصطفى سيف

متفق معك فى كل ما قلته بل اننى كنت ساكتبه و خفت من الاطالة
لذا فانا اوقع تحت تعليقك

شرفتنى و نورتنى
سعيد حدا بمتابعتك لى
خالص تحياتى

ابراهيم رزق يقول...

نبع الغرام
اختى الكريمة

سعيد بتعليقك و كل سنة و انتى طيبة
ربنا يبارك فيكى

انا بخير بكم و متشكر على السؤال

سعيد بكى و نورتينى
خالص تحياتى

ابراهيم رزق يقول...

كارولين فاروق

اختى العزيزة

من حق كل فرد ان يقول وجهة نظره من حق كل التيارات ان نسمعهم واعتقد انى علقت عندك فى موضوع عبود رغم اختلافى معه قلت من حقه ان يتكلم لكن مش من حق حد انه يقول او مش عاجبك وجهة نظرى سيبى البلد

سعيد جدا بمتابعتك
دايما مشرفانى
خالص تحياتى

ابراهيم رزق يقول...

شرين سامى
اختى العزيزة

لو كان الجهل رجلا لقتلته الجهل و ليس الامية لان هناك متعلمين لكن جهلة و هناك اميين و لكن عندهم قدرة على الفهم
الجيش لا يجيد الحكم و حاجات كتير بتفوت عليه
محاولتهم ادخال الدين فى السياسة ما هى الا محاولة ابراز العضلات و حلها يجب على الجميع النزول الى الشارع هذا هو الحل و هذا هو المفتاح اللى عرفه يمسكوه
سعيد بمجاملتك الرقيقة
سعيد جدا بمتابعتك
شرفتينى و نورتينى
تحياتى

ابراهيم رزق يقول...

وردة الجنة

سعيد بمجاملتك و مبسوط ان العنوان و المضمون عاجبك و فرحان بمتابعتك لى
ربنا يحمى مصر
دايما منورانى و مشرفانى
سعيد بكى
خالص تحياتنى

ابراهيم رزق يقول...

امال الصالحى
اختى الكريمة

متفق معكى فيما قلتيه و هذا هو ما اردته

خالص تحياتى و مودتى
سعيد جدا بمتابعتك
خالص تحياتى

ابراهيم رزق يقول...

كارمن
اختى المبدعة

متفق معكى فيما قلتيه هى حرب مصالح شخصية
متشكر لمجاملتك الرقيقة

سعيد جدا بمتابعتك
خالص تحياتى

Unknown يقول...

الأخ الفاضل: ابراهيم
أردت بتعليقى التعرف على مستوى فكرك وهل أنت تردد كلمات مثل الآخرين أم قناعة واعتقاد.
وعرفت.....
وأشكر سعة صدرك

Unknown يقول...

طيب مشفتش الشيخ الشلفي محمد عبدالمقصود في التحرير , اذا مكنتش شفته ولا تعرفه ممكن تلاقي فيديو ليه داخل الميدان , بلاش ده مش مشهور


محمد حسان مشفتش لقائه مع قناة العربية من داخل ميدان التحرير


بلاها خالص حد منهم شارك , هوه اللي عملو الثورة عملوها علشان يحكموا هما ولا علشان اللي عايزه المصريين يحصل
.

اخي الكريم , الاستفتاء ما هو الا سهاية اطفال وبالونةاختبار , وتحديد قدرة اطراف على الحشد , والثورة في خطر حقيقي , اذا انشغلنا ببعضنا البعض وتركنا الذئاب الجريحة تنهش في عرض مصر , الذئاب الحقيقية في موقع التاثير مبارك وزكريا وصفوت وشرور وجمال وكل من كان يحصل على تاييدهم ودعمهم ويستنفع بوجودهم , والا فاسال نفسك لماذا يتباطىء الجيش في عمل اشياء كثيرة وكانه يريد الاطاحة باشخاص بعينهم والابقاء على ركائز النظام السابق لاعادته بوجه جديد .

شيخ غلبته الفرحة بعد الرعب في زاوية نائيية لا يتعدى تاثيره مسجده والا فاين كان تاثيره عندما حرم المظاهرات .
ان من يعمل على تضخيم الامر وتصديره المشهد هو من يجب محاسبته لانه يلهي الناس في اشياء بعيدة عن لب الامر
اسف للاطالة , انا احب الشيخ واعتبر غلطته مغموره في بحر حسناته التي رايتها منه . وحقك ان تتعلم دينك من غيره ممن تثق فيه

ويكا يقول...

انا جيت اهه يا ريس علشان ما تقولشى صهينت

عموما

انا عجبنى رأيى الاستاذ محمد الجرايحى اوى

وانا اؤيد كلامه بشده

وكمان ليا ملحوظه يا استاذ ابراهيم

الا وهى

ان الاسلام ليس الشهادتين والصوم والصلاه والحج ان شاء الله فقط

لا يا سيدى

بل هو امتن من ذلك وأوغل

ولكى تحكم على تشدد احد من يسره لابد من ان تتوغل فى الدين لتعلم اصله وفصله
ولا تبنى حكمأ على عالم الا عندما تحصل شئ ولو قليلاً من علمه

انا استطيع ان اذكر لك احكام عقائديه وليست فقهيه فقط ، اكاد اجزم انك لو سمعته لسوف ترمى من نقلها لك بالتشدد والارهاب واشياء اخرى كثيره

الا ان هذا ليس عيبك وحدك
انه عيب عادل امام والشيخ طنطاوى الله يرحمه مطرح ما راح

و المفتى ده اللى نسيت اسمه والله فعلا
الله خلوها

الدين يسر وليس عسر

واكتفوا بذلك ومفهموناش يسر اذاى يعنى

وسابونا من غير ما يربونا على اصل (العقيده)

وخد بالك شتان شتان ما بين العقيده والفقه

فرق كبير
وتفاصيل اكبر

الدين متين

وليس هين ولا بسيط
فأوغلوا فيه برفق

وموضوع استفتى قلبك ده ولو افتوك

اللى قالهولنا نسى يقولنا انى قلب
اللى من حقه انه يستفتى قلبه


انت متخيل واحد زانى وسارق وبتاع ملاهى ليليه الله يحفظنا
لما يستفتى قلبه المشرب بكل ما هو سئ وحرام
قلبه هيقوله ايه؟؟؟؟


الموضوع ليس بهذه البساطه يا استاذ ابراهيم

وصدقنى هقولك كلام شخصى بقى فى سرك

انا كمان كنت بقول شوية حاجات زى اللى انت قولتها دى ايام زمااااان

لغاية ما بدأت اقرأ فى الدين شويه واتنقل من شيخ لشيخ لاتأكد من صحة منهج كل واحد منهم
فصدقنى اندهشت لما اكتشفت اد ايه انا كنت تايه وجاهل
وبتكلم بدون وجه علم
مع انى راجل مهندس وعارف ان المفروض لا اعطى البرهان الا لما الم كل المعطيات
اللى هى هنا فى الحاله دى هى القرأه والعلم


شكراً ليك يا سيدى وشكراً انك اتحت لى الفرصه هنا انى اعبر عن رأيى

واوعى تزعل منى
ما تنساش بقى
انا مدونة (بصراحه)اصلى :))

ابراهيم رزق يقول...

اخى ويكا
اولا مرجبا بك و سعيد بتعليقك و انا لا ازعل من الحوار و الاختلاف ربما كنت على خطا
الاستاذ محمد الجرايحى ارسل تعليقا اخر
لو نظرت لما علقت به ستجد اننا لا نختلف كثيرا و ربما متفقين
اعرف ان الدين المعاملة و انا عندما اقصد التشدد لا اقترب لا سمح الله من الفقه الاسلامى و ليس مطلوبا منى ان ادرسه لو درسته اثيب عليه وان لم ادرسه فلا ضرر انا لااقصد لا سمح الله ان اقول كفى الصلاة اربع حتى نريح الناس معاذ الله ان اقترب من ذلك و انا غير مؤهل انما الشيوخ الاجلاء هم المؤهلين له
و بنفس المنطق رجل الدين غير مؤهل للعبة السياسة و العابها فلو دخل المعترك السياسى من الطبيعى ان يتعرض للهجوم و النقد و هذا يقل من هيبته و مكانته
و ليكن فى التاريخ الحديث والقديم عبرة من تولوا شئون المسلمين رجال دولة و ليس رجال دين و لم نسمع ان الامام الشافعى تولى حكم دولة او ابو حنيفة
و التاريخ الحديث عندما قاد رجال الدين ثورة بقيادة الشيخ عمر مكرم بحثوا عن رجل سياسة و سلموها له
قد يقود رجال الدين شعب لكنهم لا يعملون بالسياسة
لذا انا لم اتعرض للشيخ محمد يعقوب فى علمه و فقهه و انما تعرضت له فى رايه السياسى و النقد هنا سياسى و ليس دينى
ساكون سعيد جدا جدا بالحوار وانا فى انتظار ردك
تحياتى لشخصك الكريم

ويكا يقول...

استاذ ابراهيم

كلامك طيب
الا انى احب ان ااكد على شئ انت قلته وفى نفس الوقت عايز اخد منه الشاهد الا وهى

"و ليكن فى التاريخ الحديث والقديم عبرة من تولوا شئون المسلمين رجال دولة و ليس رجال دين و لم نسمع ان الامام الشافعى تولى حكم دولة او ابو حنيفة "

انا معاك تماما وان فعلا ده اللى حصل

السؤال هنا بقى

لما بقى الحاكم مش شيخ (واقصد هنا بكلمة شيخ المتفقه فى الدين والملم بجميع الاحكام ) حصل ايه ؟؟؟

ايام زمان ايام الصحابه لما كان الخلفاء من الصحابه فكانت الدوله تاتمر بالعدل والصلاح

هذا لعلمهم بالشرع واحكام الله ، وطبعاً هما دول اللى كانوا الشيوخ اياميها لان ما كانشى فيه حاجه اسمها شيوخ ومش شيوخ الايام دى

اما لما بدأت تتداول السلطه بين من ليس فيهم صلاح بدأت الامور مره اخرى تتدهور والدوله الاسلاميه والامبراطوريه العظيمه تنهار ويكثر الفساد والجهل والظلم

وكان يزيد هذا اكثر واكثر حين يتجاهل السلطان الاخذ بكلام الشيخ وعالم الدين

فعندما كان ينصاع علماء الدين للسلاطين شهد التاريخ اسواء وافظع مراحل الحكم والجور

اما عندما كان ينصاع الملك الى علماء الدين كان يحدث التمكين ويتبدل الحال الى غير الحال وينتصر المسلمين

والامثله كثيره
مثال قطز وصلاح الدين او المعتصم و الخليفه المامون
وغيرهم مما يظهر فيهم التباين الشديد فى الانصياع لحكم الله من مخالفته وما استوجب ذلك من شؤم على اهل البلاد والعباد


ولا اخفيك سراً انى لا اعترض او اخالفك الرأى فى ان بعض المشايخ او كثيراً منهم الان لا يلم بكثير من امور ادارة الدوله وعلم الادراه (وليس السياسه )
مما يجعل كثير منهم غير مؤهل للاداره


الا انى لدى سؤال
هل سمعت يوماً ان احد منهم قال او صرح انه سيدخل المعترك السياسى ؟؟

ابداً

اذا ما المشكله ؟؟؟


المشكله ان هناك من يعارضهم فى اصل الحوار هنا الا وهو

تطبيق شرع الله ومنهجه فى حياتنا وسياسة بلدنا المسلمه

وهذا شئ لا اعلم ما المشكله فيه ؟؟

هل يوجد من يكره تطبيق وتمكين شرع الله الا منافق ؟؟

هنا اصل السؤال

هل نحن مختلفان فى هذه النقطه ام لا ؟

انه من واجبنا ان نسعى بكل ما اتانا الله من قوه ان نكن شرعه مره اخرى ونسعى لتطبيق سنته وحكمه ام لا؟؟؟



ان

ويكا يقول...

الاخ ابراهيم الكريم

ادعوك ان كنت تسعى للحقيقه والمعلمومه الخالصه الفاصله المباشره

ادعوك الى الاطلاع على هذا الفيديو

واتمنى ان تسمعه للاخر

http://www.youtube.com/watch?v=Pxq0owdlXVs

mrmr يقول...

صفحه وانطوت .. فالى الامام
وتحيا مصر