الأحد، 15 مايو 2011

مولد سيدى التحرير

اعترف لكم انى من هواة الموالد و لعل هناك سر بتعلقى بعالم الموالد و هو حبيبى و فيلسوفى صلاح جاهين بعد ما كتب رائعته الليلة الكبيرة جو الموالد جو اسطورى لذا كلما سنحت لى الظروف احضر هذه الموالد احب المراجيح و احب الاراجوز و احب الشوادر المقامة و الساحر و المدفع و عربات النيشان و لعب الاطفال البسيطة جو مصرى حقيقى و انا بقول اللى محضرش موالد فاته الكثير

تلك مقدمة عن الموالد و الان احدثكم عن ميدان التحرير صحيت الجمعة و اخذت معى ساليناز ابنتى الصغرى خمس سنوات لان زياد لا يحب هذه الاجواء لانه بيزهق بسرعة و ذهبت الى التحرير و كانت تحمل لوحة مكتوب عليها مع سوزان مبارك السرقة للجميع
دخلت التحرير برجلى اليمين قبل دخولى لمحت بعض الاجانب ياكلون ذرة مشوى ضحكت و قلت هو الكورنيش موجود و لا ايه لم اكمل الجملة الا و افاجى بعربية ترمس و بجانبها عربية بطاطا طبعا هذه السيارات لم تكن الوحيدة بل عشرات عربات الترمس و البطاطا و حمص الشام و الكبدة و التمر و العصائر برتقال و مانجة و كنتالوب بل ان بعضهم احضر كراسى من الفراشة و اصبح موجود مقاهى فى ميدان التحرير التقطت احدى الفتيات التى ترسم اعلام على الوجوه بمقابل مادى ساليناز مع انى ارفض رسم الاعلام على الوجوه الا انى لم افهم سبب استسلامى لرسم علم على وجه ساليناز و يدها سرت قليلا بجانب كنتاكى فوجدت بائع للعرائس تشبه العرائس التى تباع فى الموالد ابتسمت قليلا و نزلت الى الميدان و تنقلت بين المنصات هذا هشام الجخ يقول شعر و هذه المنصة عليها عزة بلبع تغنى و هذه سيدة على المنصة تتكلم فى الدين و تقول ان الاسلام يدعو الى حسن معاملة الاقباط و هولاء مضيفات مصر للطيران يطالبون بالسماح بالحجاب تكلمت معهم و اقتنعت بوجهة نظرهم و هؤلاء ناصريون و هولاء شيوعيون عشرات الاطياف و عشرات الايدلوجيات و اختفت الثورة فى وسط هذا المولد
لكن بقى فى وسط المولد بعض النجوم التى سطعت
التوحد العربى و الايمان بقضية فلسطين
الوحدة الوطنية و الوقوف صفا واحدا
طبعا تسوقت ساليناز و اكلت ترمس و اشترت عرائس و اكلنا فى كنتاكى هى فسحة و بعد خروجى من كنتاكى وجدت عدد كبير من الموجودون فى ميدان التحرير يذهبون الى ماسبيرو تحت شعار مسلم و مسيحى ايد واحدة فتكلمت مع عزة بلبع و هى فى طريقها الى ماسبيرو فقالت انها ستقول كلنا ايد واحدة و ليس مسلم و مسيجى ايد واحدة 
اخذت ساليناز من يدها و غادرت ميدان التحرير و انا اقول فى عقل بالى سلام يا ميدان التحرير و اسأل لمصلحة من تشويه كل ما هو جميل
 

هناك 31 تعليقًا:

Emtiaz Zourob يقول...

انا ايضا أحب جو المولد كثيرا .. واستمتع بمشاهدة الموالد في الافلام المصرية القديمة والمراجيح والغازية وشمشون الجبار .. ولقد صدف تواجدي ذات مرة في الاسكندرية في مسجد مرسي ابو العباس وحضرت جزء من المولد هناك .. استمتعت بصراحة للجو نفسه بغض النظر عن فكرة الموالد نفسها وتقديس بعض الاولياء الصالحين وطلب المداد منهم ..

الجو نفسه تحفة ..
وجميل ان يصبح هناك مولد اسمه مولد سيدي التحرير .. بس يارب مايكونش مولد وصاحبه غايب !!

دمت بخير ودامت فلسطين عروس عروبتنا ..

فاتيما يقول...

اختك فاتيما كانت حاضرة المولد يا ابراهيم ...
مولد سييدى التحرير طبعا
:)

متفقة معاك ف كل اللى قولته
ومعرفش ليه بحس ان التحرير يبقى مصر على مصغر ...
مصر بكل ما فيها
الوفاء و مجرد الفرجة
السماحة و بعض التعصب
الشياكة و احيان كتير الفجاجة
البرود و شوية عصبية
الجدعنة و اوقات تلاقى الندالة
النضافة و اركان م الزبالة
النظام و كثير من الهرجلة
كل دا مجتمع
بس بيربطه وحدة المكان
وحاجة كمان مهمة قوى
متهيألى دى بتاعت مصر ...قوى

الألفة

فيه جو الفة وونس متلقيهوش غير عندنا وبس ...
ازعم ذلك يعنى



ف مرة هنتقابل ان شاء الله
لما ربنا يريد

:)

سلامى للعيال
وام العيال

وأبو العيال الغالى

نور يقول...

جميل أن يتحول جو المولد كما جو الميدان إلى نقلة ثقافية توحد لا تفرق تجمع لا تشتت وتكون ملتقى يضم الاختلاف ويستوعبه ويقرّب المسافات .

دمت ودامت مصر وطقوس أهلها وطوائفها بكل خير .

Humman being يقول...

نفسى يبقى كل شبر فى مصر "ميدان تحرير" ... مش شعارات ..لأ بجد
نفسى نبقى ايد واحدة بجد مش كلام
منديش فرصة لحد احنا كلنا عارفينه انه يهدم بلد مات عشانها أكتر من 800 شهيد
ياريت يارب
دمت بخير

faroukfahmy يقول...

استاذ ابراهيم رزق
ربنا يخلليلك سالينار وزياد اسماء عربية اصيلة وجميلة وفريدة
شدنى عبارتك الاخبرة لمصلحة من تشويه كل جميل ولكن هكذا التكوين الخلقى خلق الدبور بجانب النحله
حقيقة انا عشت فى جو الموالد لانى عشت فترة طويلة فى حى باب الشعرية
عندك مقدرة رهيبة فى تصوير الواقع المولدى يحسدك عليها مهندسى الديكور ومنسقى الافلام والمسلسلات

Ramy يقول...

أولا بأختلف مع حضرتك

لم تختفى الثورة فى هذا المولد

لأن لولا الثورة مكنش المولد دة بالروح دى

بالحب ده

أما بالنسبة للمولد أساساً

مش لاقى مولد حقيقى زى اللى كُنت بشوفه فى الأفلام الأبيض و الأسود

بس بشوف روح منه

أما أوبريت الليله الكبيرة

عندى على الكمبيوتر و بشوفه كل شويه و انا حافظ منه حاجات كتير أساساً

(:

ليلى الصباحى.. lolocat يقول...

السلام عليكم

اخى الفاضل كنت اتساءل دايما عن معنى اسم مدونتك سالزياد ههههه الان فقط عرفت من اين أتى
ربى يبارك فى اولادك وينبتهم نبات حسن ويارب ايامهم تكون افضل واحسن من ايامنا ويعم فيها السلام والامان والعدل

اما موضوع الموالد حقيقى انا بقى مش بحب الجو ده خالص

ايام ثورة يناير شىء ومايحدث الان شىء اخر فرق كبير جدا

مش عارفة اصبحت اخشى على مصر واللى بيحصل اصبح فعلا مولد وصاحبه غايب وشىء مبالغ فيه كتير....

وخايفة فعلا لانى دايما اسأل نفسى سؤالك ده

((( و اسأل لمصلحة من تشويه كل ما هو جميل))

ربنا يحفظ مصر وابناء مصر ويتم علينا النصر

دمت بخير انت وكل شعب مصر
تحياتى لك

Unknown يقول...

نفسي أحضر مولد :( بس زوجي و أولادي ضد الزحمه
اسم بنتك جميل و أولادك صغار مش عارفه ليه كنت فاكراهم أكبر
المولد مش هينفض يا أستاذ ابراهيم هيظل التحرير قبلة كل الأطياف أعتقد مدى الحياه.
حزينه عل اللي بيحصل لمصر و اننا بنفقد روح الثوره و بنثور على بعض
ربنا يستر.

ممكن check the mail عشان تقبل دعوتي للانضمام لفريق عمل مدونة معطف من القيود و فين الجزء الجديد
تحياتي و احترامي لك

zizi يقول...

عزيزي ابراهيم ..عوداًحميداً ودايماًمنور مدونتك الراقية..

انت عندك مقدرة رائعة على الوصف وبتخلي الواحد يحس انه كان معاك في المولد..اقصد في الميدان ..ويابخت ساليناز على فكرة حاتفضل فاكرة المواقف دي حتى لما تكبروخصوصاًانها استمتعت بالرسم على وجهها ..

ويا سيدي تسلم لي وماتحرمش العمر من دعمك ليّ...ونورتني ..تحياتي

د/دودى يقول...

هو ده سبب "اكتئاب عد التحرير" لو كان كده يبقى عندك حق طبعا ...لما فى قلب القاهره الزاهره العامره اللى اتصرف عليها ملايين و مليارات عشان تبقى مكان يصلح للحياه - خاصه اننا اهملنا كل المحافظات عشانها- نجى احنا و ندمرها بالمنظر ده ...

كشرى و ترمس و حمص و كبده فى اكبر ميادين مصر ؟؟!!!!!...

زحمه يا دنيا زحمه..زحمه و تاهوا الحبايب ..زحمه و لا عدش رحمه ..مولد و صاحبه غايب..زحمه يا دنيا زحمه...الساعه الا ربع و ماعادى معاه 8 ..لا من السكه رحت ولا اى سكه تانيه ...بينى و بينه معاد و هيفوت المعاد..

و ملحوظه : بسحب 8 مليار من الاحتياطى و شحت 12 من البنك الدولى وسط تهليل جرايد الحكومه يدل على ان المعاد بيفوت و احنا لسه واقفين فى الميدان لا من السكه دى رحنا ولا اى سكه تانيه

مصطفى سيف الدين يقول...

جو الموالد روعة
الناس البسيطة اللي جاية تفرح وتفرج عن نفسها شوية وتنسى هموم الحياة
والتحرير بقى كفاية اننا نشوفه في التلفزيون علشان نفرح ايشحال بقى الناس اللي بتقضي وقتها هناك
يا بختك يا استاذ ابراهيم
بالمناسبة صحيح اخبار المعطف ايه؟ لو مش عند حد ممكن اكتب جزء

لــــ زهــــــراء ــــولا يقول...

اولاااااااااااا ربنا يخليلك زياد وياليناز
وممكن اعرف معنى الاسم؟

لمصلحة من تشوية الصورة؟ ام الثورة؟
الاجابة عند المستفيد كل ما ضاقت حلقات يد القدر عليهم كل ما ترنحوا ترنح الذبيح ويحاولون بكل الطرق استعادة ما تم سلبه منهم لكن هيهات انها اخذت عزيز مقتدر

انا مع حجاب المضيفات من حق كل بني آدم يعيش الحرية اللي شايفها وانا شايفة ان حريتي حجابي واللي مش عجبه يرجع عصر مبارك من تاني


لولا

غير معرف يقول...

صباح الغاردينيا
اولاً ربنا يخليلك سالينار وزياد وانا كنت بقول في عقل بالي ايه معنى اسم مدونتك واخيراً عرفت << :)
طبعاً بما اني مش مصرية مابعرفش المولد فير في التلفزيون انما بحسه جو جميل والناس بتفرح بيه انا زرت مصر وعمري تقريباً تسع سنين ببقى فاكراها زي الحلم انما ماقدرتش انساها وبتوحشني جداً دلوقتي عمري 21 سنة يعني لازم اجرب ازور مصر ويكون يوم المولد بس ممكن يجي زياد وسالينار معايا :)

لروحك عبق الغاردينيا
reemaas

ابراهيم رزق يقول...

شجن البنفسج

مولد ابو العباس من الموالد الكبيرة فى مضر

محظوظة انك حضرتيه

للاسف مولد و صاحبه غايب

ممنورانى دائما
خالص تحياتى

ابراهيم رزق يقول...

فاتيما
روح القلب الملائكية

و الله العظيم كنت حاسس انك موجودة و كنت هاعرفك بأذن الله سنتقابل لما ربنا يريد

جو التحرير هذا قد يعجب البعض لكن من حضر الثورة بالتاكيد لن يعجبه لانه يفتقد الكثير

نورتينى و شرفتينى
و سلامى و تحياتى لكى و الى جو يا ام يوسف

ابراهيم رزق يقول...

نور

طبعا جميل ان يكون التحرير منبرا لكل الطوائف و لكنى ابحث عن التحرير اللى كان هدف كل الموجدون هو مصر

سعيد بتشريفك
نورتينى
خالص تحياتى

ابراهيم رزق يقول...

Shaimaa

متفق معكى فيما فى كل ما قلتيه

سعيد بزيارتك
نورتينى

تحياتى و تقديرى

ابراهيم رزق يقول...

فاروق فهمى
استاذى العزيز

اسماء اولادى زياد اسم عربى اصيل اما ساليناز فهو فارسى

اما باب الشعرية فهم اجدع ناس يعنى مولد سيدى الشعرانى كل لحمة راس و كبدة ضانى و اقرا الفاتحة لسيدى الشعرانى والان عرفت سر حبك لعبد الوهاب ولاد منظقة واحدة
سعيد جدا بتعليقاتك و اشكرك على مجاملتك الكريمة
دايما منورنى
خالص تحياتى

ابراهيم رزق يقول...

رامى

اخى العزيز

لا اختلاف و لا شىء اعرف انه لولا الثورة ما كان المولد و لكن اختفى ميدان التحرير الذى اقسم بانى لم اشاهد به سلبية واحدة طوال ايام الثورة
اما جو الموالد فهو جو جميل

منورنى دايما
خالص تحياتى

ابراهيم رزق يقول...

ام هريرة

اختى العزيزة

الله يبارك لكى فى صحتك و فى اولادك
اسم المدونة اعتذر عن التقصير عن معنى الاسم و لكن اختى وجع البنفسج سالت و جاوبتها
متفق معكى تماما ايام الثورة شىء و ما يحدث الان شىء و لكنه الم المخاض و اثار تعلم الديمقراطية
ربنا يحفظ مصر

دايما منورانى
خالص تحياتى

ابراهيم رزق يقول...

شرين سامى
اختى العزيزة
سعيد ان عجبك اسم ساليناز و زياد اكبر من ساليناز زياد عنده سبع سنوات

مش شرط نحضر مولد زحمة و ان كانت الموالد الزحمة لها بريقها مثل موالد السيدة زينب و الحسين و السيدة نفيسة و السيد البدوى و المرسى ابو العباس و سيدى عبد الرحيم القناوى و ابراهيم الدسوقى و مولد العزراء بمسطرد و الزيتون الموالد جزء من تراث مصر و فى ناس تذهب الى الموالد اينما وجدوا و تحب اولياء الله حب حقيقى اما مظاهره فانا اعتبرها فلكلور مصرى عربات النيشان و المدفع بجد جو جميل و بخمسة قروش يا ريت تقنعيهم مرة و لن تندمى
انا حزين مثلك على اللى بيحدث فى مصر و ان كان البعض يقول ما يحدث امر طبيعى بعد الثورات
المعطف هناك جزء مع ماما زيزى
ثم مصطفى سيف
اميلى هو
ebrahim.razk@yaioo.com

دايما منورانى
خالص تحياتى

ابراهيم رزق يقول...

شرين سامى

غلطة كيبوردية
اميلى هو

ebrahim.razk@yahoo.com

تحياتى

ابراهيم رزق يقول...

zizi

امى العزيزة

دائما اعجز عن الرد على تعليقاتك
واكتفى بشهادتك التى اعتز بها كثيرا
واقول بدون تعليق

نورتينى و شرفتينى

تحياتى و تقدير و حبى

ابراهيم رزق يقول...

د دودى

وصلتى لما انا فيه و ما اقصده

لكن تعالى هنا انتى من امتى بتسمعى عدوية مش تقولى لنا على المواهب دى ههههههه

الاغنية دى رائعة تاليف جاهين و تلحين شنودة
يعنى وحدة وطنية هههههه
نورتينى و شرفتينى
تحياتى

ابراهيم رزق يقول...

مصطفى سيف

اخى العزيز

نعم احب الموالد و البساطة و الفرحة

نعم جو التحرير جميل و لكنه اثناء الثورة كان اجمل بكثير

المعطف معك تمتعنى و تسعدنى و تبدع بجزء جديد و لكن هناك جزء مكمل لما كتبته امى زيزى

نورتنى و شرفتنى
تحياتى

ابراهيم رزق يقول...

لولا و زهراء

متشكر و عقبالك لما تتجوزى و تخلفى

الاسم هو ساليناز و هو اسم فارسى من مقطعين سالى و معناه زهرة و ناز و معناه الحب اى ساليناز هو زهرة الحب مثل شاهيناز ملكة الحب صافيناز الحب الصافى

متفق معكى تماما فيما قلتيه

موضوع المضيفات تكلمت معهم و تفهمت وجهة نظرهم لانى كنت غير مقتنع فى الاول و قريبا سيقومون بوقفة ساعلن عنها عند تحديد موعدها و يا ريت الكل يشارك لانها ليست قضية فئوية و لكن قضية حرية شخصية و اللى كان بيحارب الحجاب فى كل المجالات كانت سوزان مبارك

دايما منورانى
خالص تحياتى

ابراهيم رزق يقول...

ريماس

صباح الفل و الورد و الياسمين بالمصرى صباحك قشطة و لبن

تشرفى مصر و تنوريها و نشيلك فوق راسنا

تعالى انتى بس زورى مصر و احنا نعملك مولد مخصوص
مصر جميلة فعلا يا ريماس
مصر جميلة بحضارتها
مصر جميلة باهلها الكرمة الطيبين
مصر جميلة بنيلها الجميل
مصر جميلة بشواطئها الرائعة
مصر جميلة باثارها و معابدها و اهرامتها
مصر جميلة بجوها الدافى
مصر جميلة بليلها الساحر
زورى مصر يا ريماس
ادخلوها امنين
فى انتظارك و انا عازمك على رحلة فى مركب بالنيل و تركبى الحنطور و ناكلك ذرة مشوى و ترمس و حلبسة
تعالى انتى و اصحابك و لن تندمى

zizi يقول...

ابني الغالي ابراهيم ..

عايزة اضيف لك حاجة بعد ما قريت التعليقات ..

موضوع الحجاب ده حاينحل قريب ان شاء

الله..وتقريباًنفس الموضوع اتحل مع مذيعات التليفزيون ..

الموضوع ده فكرني بموضوع تاني يشبهه

ومش عارفة اعمل وقفة احتجاجية فين بالضبط ..والا ابعت لمين ؟؟

ياسيدي..انت عارف نوادي الضباط كلها بقالهم فترة مانعين دخول المنقبات ..

يعني مثلاً فيه عزومة والا فرح..مفيش منقبة تدخل ..وطبعاً ده كان في العهد البائد..فمش عارفة دلوقتي أشكي لمين لأن انا زوجة ابني منقبة ولما بيكون فيه عزومة والا فرح بيبقى صعبان عليّ أروح وهي وزوجها لأ ..لأن طبعاً زوجها مش حا يسيبها ويروح ..وبالتالي انا مش حا سيبهم واروح ..ولغاية دلوقتي مش عارفة ايه الحكمة من كده؟؟وايه المانع انهم يحطوا موظفة تشوف المنقبة اللي داخلة دي ..هي راجل والا ست..

تحياتي ..وشكري

والمعطف ينسج حالياًوحتى يتم نسجه فيه في المدونة حاجات حلوة كتييييير

في انتظاركم

Tears يقول...

ياريت التشوهه فى الميدان بس

فى ظل التواطىء الفاضح الحالى نحن مقبلون اما على مصير الثورة الايرانية التى بدات ليبرالية ثم انقض عليها التيار الظلامى فخربت ايران او مصير ثورة الجزائر الذى حدث لها نفس ماحدش فى ايران من انقضاض لكن قادة الجيش انقلبوا لياخدوا الحكم و عاد للديكتاتورية

رحاب صالح يقول...

هههههههههههه
حلو كتير
انا برغم كرهي للزحام لاني اتعب سريعا الا انني اعشق المولد
خصوصا عندنا بيكون قريب من البحر يعني بخرج علي هوا البحر ع طول
الهم
من قبلك انا كتبت الموضوع ده بس بشكل مختلف
اها...انا لاء منشرتش الموضوع صحيح
بس لاحظت الموضوع ده
بس المهم انك كنت مع ساليناز....انت كمان عندك زياد...؟
احنا برضه عندنا زياد....ابن اخيت رشا ...عسووووول وبيموت فيا
وانابموت فيه
ربنا يخليك ولاد
وتروح معاهم مولد التحرير بع ما ينضف

Carmen يقول...

كل حتة في مصر بروحها تكفي لاننا نعشقها الف مرة عذرا ع التأخير :)
خالص احترامي