الأربعاء، 18 مايو 2011

اعلانات مبوبة (جمعية السرقة المتكاملة)

                           جمعية السرقة المتكاملة
                                       تعلن
                          مهرجان السرقة للجميع
                          برعاية سوزان مبارك

انشطة المهرجان
                   1  سرقة متاحف
                   2  سرقة اثار
                   3  سرقة مومياءت
                   4  سرقة دعم منظمات و تمويل خارجى
                   5  سرقة مبانى جهات سيادية

اصدارات المهرجان
                   1 الكاشف فى سرقة المتاحف
                   2 الجبار فى لهف الاثار
                   3 التسليكات و سرقة المومياءت
                   4 الابداعات فى تكميرات دعم المنظمات
                   5 وضع اليد الذهبية فى سرقة المبانى السيادية

ندوات المهرجان
                    1 ندوة كيف تسرق مليارات و تتنازل عن ملايين
                    2 الفكر المستقبلى للشطار لسرقة الاثار

حكمة المهرجان
                  لا تؤجل سرقة اليوم الى الغد 


شعار المهرجان
                  اسرق و شيل بين ايديك
                  سرقة و اتحسبت عليك

قالوا السياسة مهلكة بشكل عام
و بحورها يا بنى خشنة مش ريش نعام
غوص فيها تلقى الغرقانين كلهم
شايلين غنايم .. والخفيف اللى عام
عجبى ؟؟؟
 
              







هناك 36 تعليقًا:

Ramy يقول...

شعار المهرجان
اسرق و شيل بين ايديك
سرقة و اتحسبت عليك

هم يبكى و هم يضحك

(:

ليلى الصباحى.. lolocat يقول...

السلام عليكم
والله اخى عندك حق فى كلامك
وكأننا كنا فى غيبوبة مدة تلاتين سنة
غفلة ونوم وهلوسة
يا الله الواحد حاسس ان ناقص هدومه تتسرق كمان سبحان الله احنا ازاى كنا مش دراينين بكل ده ماتركوا شىء الا وسرقوه ونهبوه كان فاضل ايه تانى حسبنا الله ونعم الوكيل هو المنتقم

صحيح عجبى اوى اوى

شكرا لك اخى
لك تحياتى وتقديرى

zizi يقول...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه


والله تستاهل اكتر من كده بكتير يا ابراهيم واشكرك انك طلعتني من جو النكد اللي كنت فيه..ايوه كده ..بس قوللي انت بتاخد ايه بالضبط اوعى تكون بتشرب مية ساقعة من ورانا انا عارفاك تعملها ...الله ينور ...

ندا منير يقول...

هههههههههههههههه

جامدة موت

وباذن الله باذن الله ربنا مش هيضيع حق شهدائنا ابدااااااااا وربنا هينتقم منها ومنهم جميعا اشد انتقام
دنيا واخرة

دعاء العطار يقول...

فعلاً والله عجبى

عمنا جاهين مايقولش حاجه غلط أبداً

" حكمة المهرجان
لا تؤجل سرقة اليوم الى الغد


شعار المهرجان
اسرق و شيل بين ايديك
سرقة و اتحسبت عليك "

هههههههههههههههههههههه

ضحكت أوى ع دى

سواح في ملك اللــــــــــــــــــه- يقول...

ايوه ياعم امال ايه
دول كانوا هيكملوا علي بقيت البلد
برعاية لجنة السرقات
فكر جديد بقي
وشعارها عشان اجيب اجلك انت
كيف تسرق ديون مصر

Carmen يقول...

:‏)‏)) حاولت اقتبس حاجة ماعرفتش كلها تفطس من الضحك
تسلم ايدك

كريمة سندي يقول...

الندوة اللأولى عجبتني أوي وهي تحقق طموحي المسروق مني

فكرة لذيذة تحياتي الصادقة

Unknown يقول...

أخى الفاضل: أ/ ابراهيم
عشنا فى غيبوبة سنين طوال مع هذه الشعارات البراقة المخدرة..هل اليوم الذى نستفيق فيه؟؟؟
هؤلاء نسوا الله سبحانه وتعالى فأنساهم أنفسهم.
تقديرى واحترامى لقلمك النابض

موجة يقول...

حلوة أوي ياإبراهيم
بجد جميلة والمدونة كلها روعة
كويديتك بسيطة ومضحكة
خالص تحياتي
أحمد

zizi يقول...

مش معقول كده يا ابراهيم ..كل مادخل مدونة الاقيك معلق فيها انت بتروح امتى والا بتطلع على الحبل والا ايه حكايتك بالضبط قولي دخلت على موجة امتى لما هو لسة معلق عندنا احنا الاتنين ..ياواد يا نشيط يامجنني ..تحياتي ..

مصري اصيل مش من جرابيع التحرير يقول...

تتك نيلة هو دة الا انت فالح فية ياغبي

مصطفى سيف الدين يقول...

حتى كحل العيون كانوا بيسرقوه
انا في رايي لو فتحوا مدرسة لتعليم السرقة هيكسبوا دهب :)
انا حاليا شاكك في كل الآثار الموجودة في كل المتاحف
حاسس ان كلها مضروبة ومش اصلية
بس اديني مستني زاهي حواس يغور وييجي اللي وراه يشوفلنا الحكاية دي
تحياتي

faroukfahmy يقول...

مهرجان السرقه للجميع لم تشر ياابراهيم يا خويا من هو مدير هذا المهرجان باين عليه انت واكتفيت فقط بمن يرعاه عشان انا عاوز اتقدم بطلب عاجل جدا
نفسى آخد فرقة فى سرقة ما يتم سرقته بس عاوز اسأل واحد شيخ هل سرقة ما يُسرق حلال والا حرام
على علمى الخايب ان ما يسرق من الغنى المتخم من ثروته ليعطى الفقير الغلبان حلال حلال طبقا للنظام الاشتراكىافما بالك من سرقة الحرامية فالبرهان يقول حلال حلال
والنبى ياا برهيم اسأللى فى الموضوع ده وليك نسبه كبيرة والا اقولك النص بالنص مبسوط والا ارجع فى كلامى وادى الغلابة

Ms Venus يقول...

وعجبى فعلا

لــــ زهــــــراء ــــولا يقول...

"
1 الكاشف فى سرقة المتاحف
2 الجبار فى لهف الاثار
3 التسليكات و سرقة المومياءت
4 الابداعات فى تكميرات دعم المنظمات
5 وضع اليد الذهبية فى سرقة المبانى السيادية
"

انت كاتب حتة بوست يهلك من الضحك ربنا يعزك يارب
اضحك... ولا ابكي؟
لولا

βļāςҜ ĐųČҜ يقول...

نحتار لمن نهدي له اوسكار السرقة ~
فهم يتسابقون بكل قوة ~~

اشكرك ~
لم تفارق الابتسامة شفتي من بدات اقرا حروف التدوينة ~
ابتسامة غلفة الحزن على احوالنا نحن العرب ~

ولكن وكما قال الشاعر التونسي ابو القاسم الشابي ~

{رويدك لا يخدعنْك الربيع و صحو الفضاء و ضوء الصباح ففي الأفق الرحب هول الظلام و قصف الرعود و عصف الرياح حذار فتحت الرماد اللهيب و من يبذر الشوك يجن الجراح }

فمهما’’ طال الزمان سيدفعون ثمن كل قرش

مصطفى سيف الدين يقول...

الجزء السادس عشر من المعطف وان كان تكملة لجزء المبدعة دعاء العطار
اتمنى ان ينال اعجابك
http://6eyr-elramad.blogspot.com/2011/05/blog-post_21.html

ابراهيم رزق يقول...

رامى

اخى العزيز

نعم هم يبكى و هم يضحك

منورنى
خالص تحياتى

ابراهيم رزق يقول...

ام هريرة

اختى الفاضلة

فعلا كل يوم نكتشف ان اللى كان بيحكمنا شيوخ منصر
نعم حسبى الله و نعم الوكيل

دايما بتنورينى
خالص تحياتى

ابراهيم رزق يقول...

zizi

امى العزيزة

اولا مبسوط انها عجبتك و يارب يسعدك

مية ساقعة اية يا فندم المرحلة دى سبتها من زمان دلوقتى تمر هندى بتعمله ام زياد و لو العملية مبشبشة يبقى عصير قصب من عند فرغلى او المحل اللى على ناصية الشارع

دايما بتشرفينى و تنورينى
تحياتى و حبى و تقديرى

ابراهيم رزق يقول...

ندا منير

سعيد انه عجبتك

بأذن الله كل مخطىء سينال عقابه
سعيد بتشريفك و تعليقك

نورتينى
خالص تحياتى

ابراهيم رزق يقول...

دعاء العطار

هو انا ليا فى الدنيا غير جاهين

سعيد جدا انها نالت اعجابك و اسعدتك

نورتينى بزيارتك
خالص تحياتى

ابراهيم رزق يقول...

كارمن
اختى الرقيقة

اقتبسى براحتك
سعيد باعجابك بها

منورانى
خالص تحياتى

ابراهيم رزق يقول...

سواح فى ملك الله
اخى الكريم

و الله معاك حق فيما كتبته و متفق معك تماما احنا كنا ميتين


نورتنى بزيارتك
خالص تحياتى

ابراهيم رزق يقول...

كريمة سندى

ههههه ربنا يبعد عنك حضور ندواتهم
سعيد باعجابك

نورتينى
خالص تحياتى

ابراهيم رزق يقول...

محمد الجرايحى
اخى و استاذى

نعم نسوا الله فانساهم انفسهم

يبقى حساب الاخرة

نورتنى و شرفتنى

خالص تحياتى

ابراهيم رزق يقول...

موجة

اولا شرفتنى بزيارتك و ارجو مزيد من التواصل
سعيد جدا بتعليقك

نورتنى بزيارتك الاولى
تحياتى

ابراهيم رزق يقول...

المصرى الاصيل اللى مش من جرابيع ميدان التحرير

نشرت اقل تعليقاتك بذاة لا خوفا منك و لكن مراعاة لمشاعر زوار المدونة
طبعا كل اناء ينضح بما فيه
تصف نفسك بالمصرى الاصيل و تختفى مثل الجرابيع خلف تعليق مجهول بينما ابطال ميدان التحرير ظهروا امام العالم اجمع و شرفوا مصر
لو عندك الشجاعة اظهر باسمك الحقيقى و لاتختفى مثل الجرابيع ليلا و انا على استعداد لنشر رسالتك كاملة مع الاعتذار لزوار مدونتى الاعزاء على ما تحمله رسالتك من بذاءت

ابراهيم رزق يقول...

مصطفى سيف
اخى العزيز


كانوا بيسرقوا كحل العين و العين كمان
مش هيكسبوا زى ما نهبوا
الراجل اللى اسمه زاهى حواس ده لا ارتاح له ربنا يستر

سعدت بالجزء الجديد من المعطف و ساقراه و انا واثق فى انى ساستمتع بابداعك


نورتنى بزيارتك
خالص تحياتى

ابراهيم رزق يقول...

فاروق فهمى
استاذى العزيز
و ملك الزهرات

طبعا هاسال بس سيادتك عايز تقلد روبين هود و تبقى فاروق هود ههههههه

والله العظيم انا لا اعرف فلسفة السارق الذى يسرق اموال تذيد عن حاجة احفاد احفاده
ربنا يستر و يخليك لينا يا نصير الغلابة

نورتنى بزيارتك
خالص تحياتى

موناليزا يقول...

والضمان:ارحموا عزيز قوم ذل!!

ابراهيم رزق يقول...

Ns Venus

طبعا عجبى و الف عجبى

نورتينى
خالص تحياتى

ابراهيم رزق يقول...

لولا و زهراء

سعيد ان البوست عجبك

هو ضحك اقرب الى البكاء

نورتينى
خالص تحياتى

ابراهيم رزق يقول...

Black Duck

مرحبا بك فى زيارتك الاولى و اتمنى تكرار

سعيد جدا ان مدونتى المتواضعة اعجبتك

نعم نحتار ايهما نعطيه اوسكار السرقة لان كلهم ابدعوا فى السرقة و اعتقد ان الجائزة ستقسم

اعجبنى شعر ابو القاسم الشابى مفجر الثورات
نعم من يزرع الشوك يجن الجراح و ينزف كل غالى
نعم سيدفعون الثمن

نورتنى بزيارتك
خالص تحياتى
خالص تحياتى

ابراهيم رزق يقول...

موناليزا

اختى العزيزة

نعم سيقولوا الضمان ارحموا عزيز قوم ذل

نورتينى
خالص تحياتى