المشاركات
طالما اليومين دول حملة اتكلمى فلماذا لا اقود حملة اتكلم
البنت قاعدة فى بيت باباها واكلة نايمة شاربة لابسة لو لا تعمل تحصل على معاش يتقدملها الواد من دول و هى على صرخة واحدة مخدوش يا بابا مخدوش يا ماما مخدوش يا عمو مخدوش يا خالو ليه يا بنتى متخدهوش ليه ده بصى شوفى شكله مش كول خالص ده لابس قميص بحلقى على بنطلون فحفحى و لا الجزمة بتاعته فى حد بيلبس جزم دلوقتى الكل بيلبس سابوه و تحتيه شراب و بعدين ده لابس بنطلون عادى فين البراموده بتاعه و بعدين ده مش لابس تيشرت كت و فين التاتوه اللى على كتفه و ايه ده شنب فين السكسوكة بتاعة تمورا
ناتى للشاب الغلبان يتخرج من هنا و يبدء البحث عن عمل يتصفح اعلانات الوظائف
مطلوب سكرتيرة حسنة المنظر بمرتب مغرى
يقراء الاعلان ثم ينظر الى المراه و ينظر الى وجهه و يقول جتنا نيلة فى حظنا الهباب
مطلوب فتيات حسنة المظهر ممشوقة القوام للعمل كعلاقات عامة بشركة كبرى
يقرا الاعلان و ينظر مرة اخرى الى المراه و ينظر الى قوامه الممشوق فلا يطيق قوامه فيكسر المراه
اخيرا يجد عمل باحد المصانع بالمدن الصناعية بمرتب لا يتجاوز ستمائة جنيها شهريا و العمل طوال 12 ساعة بعقد مجحف يستطيعون الاستغناء عنه بكل سهولة و يسر
يقبض الشاب مبلغ ستمائة جنيه تقسم كالاتى
فطار سندوتش فول و سندوتش طعمية 4 جنيه فى 30 يوم 120 جنيها
الغذاء علبة كشرى مخصوص 5 جنيه فى 30 يوم 150 جنيها
العشاء سندوتش كبدة و سندوتش سجق من سيد هوهو 5 جنيه فى 30 يوم 150 جنيها
تلاتة كوب شاى فى اليوم فى 30 يوم 90 جنيه
3 جنيه مواصلات فى اليوم للوصول الى المنزل 90 جنيه
مجموع المصاريف 600 جنيها شهريا
بلد مجانين صحيح
الى اللقاء فى باقى الحكاية
البنت قاعدة فى بيت باباها واكلة نايمة شاربة لابسة لو لا تعمل تحصل على معاش يتقدملها الواد من دول و هى على صرخة واحدة مخدوش يا بابا مخدوش يا ماما مخدوش يا عمو مخدوش يا خالو ليه يا بنتى متخدهوش ليه ده بصى شوفى شكله مش كول خالص ده لابس قميص بحلقى على بنطلون فحفحى و لا الجزمة بتاعته فى حد بيلبس جزم دلوقتى الكل بيلبس سابوه و تحتيه شراب و بعدين ده لابس بنطلون عادى فين البراموده بتاعه و بعدين ده مش لابس تيشرت كت و فين التاتوه اللى على كتفه و ايه ده شنب فين السكسوكة بتاعة تمورا
ناتى للشاب الغلبان يتخرج من هنا و يبدء البحث عن عمل يتصفح اعلانات الوظائف
مطلوب سكرتيرة حسنة المنظر بمرتب مغرى
يقراء الاعلان ثم ينظر الى المراه و ينظر الى وجهه و يقول جتنا نيلة فى حظنا الهباب
مطلوب فتيات حسنة المظهر ممشوقة القوام للعمل كعلاقات عامة بشركة كبرى
يقرا الاعلان و ينظر مرة اخرى الى المراه و ينظر الى قوامه الممشوق فلا يطيق قوامه فيكسر المراه
اخيرا يجد عمل باحد المصانع بالمدن الصناعية بمرتب لا يتجاوز ستمائة جنيها شهريا و العمل طوال 12 ساعة بعقد مجحف يستطيعون الاستغناء عنه بكل سهولة و يسر
يقبض الشاب مبلغ ستمائة جنيه تقسم كالاتى
فطار سندوتش فول و سندوتش طعمية 4 جنيه فى 30 يوم 120 جنيها
الغذاء علبة كشرى مخصوص 5 جنيه فى 30 يوم 150 جنيها
العشاء سندوتش كبدة و سندوتش سجق من سيد هوهو 5 جنيه فى 30 يوم 150 جنيها
تلاتة كوب شاى فى اليوم فى 30 يوم 90 جنيه
3 جنيه مواصلات فى اليوم للوصول الى المنزل 90 جنيه
مجموع المصاريف 600 جنيها شهريا
بلد مجانين صحيح
الى اللقاء فى باقى الحكاية
هناك 49 تعليقًا:
تصدق صح
البنات دول عايزين كل حاجة ومش عاجبهم حاجة :)
احنا المعذبون في الارض وهم اللي يمثلوا دور البؤساء
الله ينور عليك يا رافع رايتنا :)
اتكلم اتكلم يا عم ولا يهمك
بوست روعة موتني ضحك
تحياتي
والله الراجل لو إتكلم هيقول كتير برضو :))
كنت متاكددددددة انى في حد هيبدء حملة اتكلم
ههههههههههههههه
معاك ان المرتبات بشعه بجد وماتصلحش لاى حاجة فما بالك فتح البيوت
مين قال بس ان البنات عاوزاه كده اللى بتتكلم عنه ده حد سيس على فكرة لو الكلمة دى مناسبة اصلى ماعرفش بتستخدم امتى .........ماعلينا
يبقى شيك اه فحسن هندام الرجل هو بطاقة مروره لو ماكنتش البنت عارفاه من قبل زى بالظبط شكل العروسه ماهو بطاقة مرورها
بس مش تاتو وتامورة اكيد
والله يا ابرهيم انت لمست موضوع هام وهو تشغيل الشباب بجانب الموضوع الاصلى الذى تتكلم فيه
اذا خرج الشاب من دول يحصل على مرتب ضئيل جدا دا حتى لو لقى شغل وهذا المرتب لايكفى بالكاد مصاريف الاكل الهايف الذى لايشبع ولا يغنى من جوع ومواصلات المكروبوصات التى لا توصل الا بطلوع الروح بعد الشتائم والمطبات والهرج والمرج ولتروح لا مترحشى واذا راح متأخر يسمع كلمتين فى جنابه يعيى فيها اسبوع
طب لو هذا الشاب مغترب من اين يأتى بايجار المسكن
طب لو هذا الشاب يعتزم الزواج وقلبه محروق من الحب منين يقدر يحوش قيمة الدبلتين الصينى و العفش المصنوع من الخشب الحبيبى من سوق الجمعة بالامام والثلاجة الخشب بتاعة زمان اللى بتشتغل على لوح الثلج بدون كهرباء ومصاريف المأذون والفرح ، ولازم يدبر ايضا مصاريف الطلاق الذى بالتأكيد سوف يتم بعد شهر على الاكثر من الزواج ووزير ماليتنا يقول وهو فرحان المرتب لن يقل عن سبعمائة جنيه كتر خيره هيجيب منين ، حقا ان الموت علينا حق وصلنا لمرحلة صعبة والاصعب منها اننا نعيشهاوربنا اللى خلقنا مش هينسانا
انت ياابراهيم فتحت فتحه ولازم تسدها والا سوف آخد مراتى وعيالى البنات الى ميدان التحرير ربنا يخليه لينا فى مثل هذه الازمات الفئوية مع تحياتى وقبلاتى
ابتسم انت في مصر
تقبل تحياتي
طريقه عرضك للقصه حلوه اووووى
بس مش كل البنات كده اكيد فى بس مش الكل
وانا مجربه كتيييير حكايه مطلوب سكرتيره بمرتب مغرى دى
على فكره كلها اعلانات اى كلام
المرتب المغرى ده بردو مش بيزيد عن 500 جنيه او 600 بالكتير اوى
الشغل مش سهل للبنت زيها زي الولد دلوقتى
اعلق دلوتي ولالالالالالالالا لما تخلص
ولا احط لينك البوست عندي واسيب بنات البلوجر يردوا عليك
هاااااااااااا
تختار ايه
:)))
كل واحد ميسر لما خلق له
:)))
قرات البوست وتمتعت به جدا جدا بس على فكره مش كل البنات كده وكمان مش كل الشباب كده برضه فى شباب بيكون فى فمه معلقه من الماظ مش مجرد معلقه دهب فى شباب بيلاقى كل حاجه امامه بسهوله ويسر ومش بينحت فى الصخر
فى بقى نوعيه تانيه واللى هما بيكون شغلهم حر يعنى طبيب او مهندس او محامى وتلاقيه طالع عين اهله عشان يتعلم عند حد خبره عنده وفى الاخر مافيش مرتب لان مجرد ان الكبير بيعلمك ده فايده معنويه
نتكلم على البنات اعتقد ان النوعيه اللى اتكلمت عنها مش هى السواد الاعظم ولكن فى بنت بتتخرج من الجماعه تشيل مسئولية نفسها وتجهز نفسها وتساعد فى مصروف البيت كمان وفى نماذج جميله ومشرفه ...
حضرتك القيت الضوء على نموجين فقط من اللى فى المجتمع ولو حبنا نتكلم على نماذج كتير اعتقد هتحتاج لكتير من المقالات ولكن مهما تعددت النماذج تظل ادم وحواء هما ركنا المجمتع الذى نحيا فيها
المراه على طوووووووول بتقول انها مظلومه
الرجل على الدوام بيقول انه مظلوووووووووم
وماحدش عارف مين ظالم ومين مظلوم
زهراء
شو اخي ابراهيم يبدو هون في حملة "الدفاع عن حقوق الرجل"
اتكلم ولا يهمك بس أنا شايفة انه كلامك متاخر شوية.. نحنا البنات عرفنا نخلى العالم جبنا ومعانا على طول
نحنا المساكين
ههههههههه
بوست رائع
بس تمورة مين يا عم
انت ما شفت توم كروز وديكابرو والناس هاي
تحيتي
احنا بئا الشياطين احنا صح ..دا احنا مظلومين ظلم ..وبعدين أصلا الكلام دا مش صحيح بالمرة الدليل ان اي واحدة دلوقتي بيتقدم لها عريس بتمسك فيه بأيدها وسننها ..وبتعمل مبدأ عريس ف اليد ولا عشرة ع الشجرة هههههه
بصراحة المشكلة سياسة دولة ..يعني نسبة الاجانب اللي بيشتغلوا ف مصر عالي جداا والهنود ..انا قرأت رقم مرعب ...عن نسبتهم عندنا واحنا عندنا شباب زي الفل مهما تحطه ف حته بيشتغل!! بس تعمل ايه ف عقدة الخواجة ..انا ليه واحد قريبي بيشتغل في مصنع ف مصر ممصر ألماني حاجة زي كدا المهم فيه كورييين وجنسيات كثيرة وبيقول اللي بيعملوه اي مصري يقدر يعمله بس نعمل ايه بئا !!...
ام موضوع الزواج دا مش كل البنات تافهه للدرجة دي...
وبعدين هي هتعيش معاه كشكل يعني ...وتمورة مش حلو للدرجة ياريت يكون شبهه سليم بتاع المسلسل التركي هههههههه
بلد مجانيين فعلا ...
بس إنت نسيت حاجة اللي عامل الاعلانات دي واحد وعايز واحدة حلوة تفتح نفسه...تخيل واحدة ست هي اللي بتعين حتقول مطلوب سكرتيرة مسترجلة منعدمة التضاريس منعا للتهيس.....والله الجميع معذور..
السلام عليكم ،
كلام سليم ،
وربنا يعين الشباب الغلابة ،
ويهدي البنات برضك ..
دمت بخير .
ههههههههههههههههههه
والله كنت متأكده زى نور ان فيه حد هيبدأ حملة " اتكلم " من المدونين
بس ماجاش فى بالى يكون حضرتك يااستاذ ابراهيم ... مكنش العشم خالص D: D:
خلينا موضوعيين أكيييييييد الولاد مطحونه هى كمان فى ظل الظروف دى
بس مش معنى كده ان البنات واخده فرص الولاد ... الفكره ان فيه حاجات ينفع فيها البنات وحاجات ينفع فيها الولاد
ده غير ان متطلبات الرجل كرجل هيكون مسئول عن أسره بتكون أكتر من متطلبات البنت
ومش كل البنات طبعاً بتكون دى مواصفات فارس احلامها ... البنات اللى كده بتبقى داغها فاضيه .. زى مافيه ولاد دماغها فاضيه وعايزينها زى هيفا D: D:
مستنين الباقى يااستاذ ابراهيم .. الحمله سخنت (:
فى حاجات كتير غلط ومحتاجة تعديل فى ثقافة المجتمع
تقبل تقديرى واحترامى
بس يا أستاذ ابراهيم أنا لسه راجعه من يوم طويييييل تعرف حصل إيه هو بيتفرج على المطش و أنا عندي مطبخ و شوية أعمال منزليه حلوه كده, هو قاعد باشا و هيدخل ينام و أنا و لا عارفه أقعد و لا أنام يبقى مين من حقه يتكلم :)
أنا طبعاً عارفه ان الرجاله بيتعبوا و بيتظلموا و ان الستات أخدوا كتير من حقوقهم لكن في بيوت كتير و بنات كتير لسه بيعانوا من القهر و من معاملتهم كدمى أو كأجسام جذابه و خلاص و هو ده المرفوض.
بوست وهمي منتظره بقيته و يكفي انك رجعت نورت البلوجر
تحياتي الخالصه
كده برده يا استاذ ابراهيم :)
اسمحلي اعترض
مش كل البنات هايفة كده و بتفكر بالطريقة السطحية دي اسمحلي بقا في شباب كتير هاااايف بكل ما تحمل الكلمة من معنى و بيدور على الشيك الستايل اللي تدلعه و اللى معرفش ايه مش بيدور على الدين مثلا او التربية او الاصل
اما بقا موضوع الشباب المطحون ففعلا عندهم مأساه ازاي يعيشوا و يالكوا و شربوا و يفتحوا بيت
ربنا يعينهم الصراحة
تحياتي ليك :)
انا معاك فى كل حرف لانة واقع بنعيش فية وليس قصة تاليف
تسلم ايدك
مع خالص تحياتى
السلام عليكم ورحمة الله وبركاته
أولا : البقاء لله وعظم الله أجركم فى وفاة زوج أختكم رحمة الله عليه .. لقد قرأت الخبر لتوى فى مدونة أخى فاروق فهمى والذى أنتهز الفرصة لأعاتبه على إغلاقه باب التعليقات وحرمان متابعيه من التواصل معه
أحييك على طرحك الواقعى فى موضوع ال600 جنيه .. ولكنك تعلم أن هناك من هو دخله أقل من هذا بكثير فكيف يعيش أصلا؟
حضرتك وزعت المرتب كله على أشياء أقل من بسيطة بين شاى وكشرى ومواصلات عامة يعنى أبسط متطلبات الحياة ومع ذلك المرتب يادوب ... ربنا يعين الناس ديه فعلا
تحياتى
السلام عليكم
شباب كتير جدا بيعمل فى اكتر من وظيفة كأنه مربوط ف ساقية ,وعندما يفكر ف الارتباط ويحسبهابالورقة والقلم يلاقى ان شقا السنين كله ميكفيش الشبكة والمهر وخلافه وده لان بعض الاهالى بيحبوا المنظرة والتباهى ..ازاى بنتناميجيلهاش شبكة زى بنت اختى ولا تعمل فرح زى بنت بنت بنت خالتى...بلد مجانين صحيح
تحياتى
" اتكلم "
وابدأ بمناصرة الرجل فنحن على وشك أن يطالب الرجل بحقوقه ..
*
الفكرة رائعة والموضوع يلامس أوجاع المجتمع
دام عطاؤك ونبض قلمك
مظلوميين يا حول الله هههههههههه
اكيد مفيش بنت فى الدنيا دلوقتى بتتأمر وترفض عريس العنوسة يا سيدى الوحش اللى بيهدد كل البنات دلوقتى
لو حيجى قرد وبصديرى حتقبلة
الحمد لله اننا لحقنا القطر وركبناة
جتنا نيلة فى حظنا الهباب
تحياتى اسلوب رائع فى السرد
هههههههههههههههههههه
يسلالالالالالالالالالام
انا عن نفسى مش كده خالص بس يجى العريس بس وانا هطبق فى زومارة رقبته
ههههههههههههههههههه
الحمد لله على كل حال
معاك حق
ربنا يعينكم :)
مصطفى سيف
انا بدات الحملة اهو و عليكو بقى تتكلمو
نورتنى
خالص تحياتى
ُFAW
اتكلم فلنبدء الحملة
نورتنى
تحياتى
reemass
طبعا مش كل البنات كده لكن النوعية دى موجودة
بيغيظنى الحكم على الشخص من ملابسه سواء رجل او امراة
نورتينى
تحياتى
فاروق فهمى
استاذى العزيز
اسعدتنى جدا جدا بتعليقك
و الله العظيم انتى حرقت لى الجزء القادم ههههههه
ادعوك ان تنضم لحملة اتكلم لان سيادتك لو اتكلمت سنقرا درر
شرفتنى و نورتنى بتعليقك الا بابصم تحت كل حرف فيه
تحياتى و تقديرى
كارمن
اختى الرقيقة
طبعا ابتسم انت فى مصر
نورتينى
تحياتى
Bent Men ALZaman Da
متشكر على مجاملتك الرقيقة
طبعا مش كل البنات كده لكن دى نوعية موجودة
طبعا مش كل الاعلانات لكن فى وظائف بتشترى مانيكان و بتدفع الاف
نورتينى
خالص تحياتى
شمس النهار
تعليقك يسعدنى جدا
كما ان وضع لينك البوست عندك شرف كبير لى
هما البنات مش مستنين هم بداوا الرد
هههههههه
نورتينى
خالص تحياتى
لولا و زهراء
طبعا مش كل البنات كده لكن دى نوعية موجودة
النوعية الاخرى من البنات لها منى كل تقدير و تحية
متفق معكى تماما
نورتينى
خالص تحياتى
زينة زيدان
اختى العزيزة
هههههه
طبعا توم كروز و ديكابرو لما يقولوا زى دول معاهم حق لكن ايه السر فى تامر شعر الصدر ده
طبعا انتو بداتو حملتكوا من بدرى احنا لسه فى اول الطريق
نورتينى
خالص تحياتى
ياسمين
لا ده انتوا ملايكة بجناحات النوعية دى موجوده فعلا
متفق معكى فى موضوع عمالة الاجانب
سليم مين ده حتى واد ابيض كده تحسى انه مغسول باريال ماله شيكا بالا ههههههه
نورتينى
تحياتى
تركيب
متفق معك تماما فى كل ما قلته
نولاتنى
خالص تحياتى
زهرة نيسان
ربنا يعنا و يهديكم
ههههههههه
نورتينى
خالص تحياتى
دعاء العطار
ههههههههه
معلش بقى
طبعا مش كل البنات كده لكن النوعية دى موجودة و كتير
غرض اننا نعذر بعض و نحس ببعض
نورتينا
خالص تحياتى
محمد الجرايحى
استاذى العزيز
متفق معك تماما
نورتنى
خالص تحياتى
شرين سامى
هههههههههه
كأنك بتحكى عنى انا قاعدت اتفرج على الماتشين مش ماتش واحد و بعد كده التحليل لحد الساعة واحدة ليلا
انا عارف ان فى ناس مظلومة من الطرفين انا نفسى الكل يحس ببعضه
نورتينى
خالص تحياتى
افكار مبعثرة
انا مقلتش كل البنات انا بقول فى نوعية كده
متفق معكى تماما
نورتينى
خالص تحياتى
Tamer Nabil Moussa
متشكر
نورتنى بتعليقك و ارجو التواصل
خالص تحياتى
انا حرة
اختى الفاضلة
و عليكم السلام و رحمو الله و بركاته
متشكر لمجاملتك الكريمة
من هنا ادعو الاستاذ فاروق لفتح باب التعليقات
متفق معكى تماما
نورتينى
خالص تحياتى
ايام الضحك و الدموع
متفق معك تماما فيما فلته
نورتنى
خالص تحياتى
نور
سعيد جدا بتعليقك و متشكر لمجاملتك الكريمة
فعلا حقوق الرجل تتسرب من يديه
نورتينى
خالص تحياتى
هبة فاروق
انتى مسمعتيش عن المثل اللى بيقول من كتر خطابها بارت
النماذج دى موجودة
الحمد لله على كل شىء ههههههه
نورتينى
خالص تحياتى
نبع الغرام
حمد الله على السلام
نورتى بعد غياب
ربنا بأذن الله يرزقك بابن الحلال اللى يسعدك من غير زمارة رقبته ههههههه
نورتينى
خالص تحياتى
Ms Venus
فعلا ربنا يعنا
نورتينى
خالص تحياتى
ده كلام مظبوط جدا بس يحتمل الصواب والخطا اه بعض البنات عايزة الحرق والبعض الاخر عايز الشوى بس نعمل ايه لازمن نتحملهم اخواتنا برضه هههههه
سعدت بمقابلتك اليوم سلامى للانسة سالزياد
تحياتى
وفيه برضه بنات بتلف فى الشوارع 12 ساعة فى اليوم حتى بعد الترقية عشان فى الآخر اللى يعاكسها واللى بيقول دى مركزة فى شغلها عشان مش متجوزة ومعقدة وعندها كلاكيع و اللى عايز يخطبها و يشرط عليها تتحجب وتقعد فى البيت وهى أرجل من المرحوم جده .. ثقافتنا الاجتماعية ونظرتنا للمرأة محتاجة ثورة أكبر من ثورتنا على النظام
اختى العزيزة نوران
سعيد جدا بردك فعلا ثقافتنا الاجتماعية و نظرة المجتمع الى الرجل و نظرة المجتمع الى المراة محتاجة نسف الكلاكيع و العقد ليست فى المراة و لكن فى التقاليد نفسها
لماذا المراة التى لم تتزوج تصبح معقدة و عانس و مسترجلة و مش عاجبها حد
بينما الرجل اللى مش متجوز يصبح لسه النصيب مجاش و لسه بيدور و لسه مفيش واحدة عجبته
نحتاج الى ان نتكلم سواء رجل او امراة لكن قبل ما نتكلم نحتاج اى من يسمع
سعيد بتعليقك جدا
نحياتى
إرسال تعليق