الخميس، 30 يونيو 2011

ابتسم انت روميو

استكمالا و بناء على طلب الجماهير نستكمل العبارات المكتوبة على السيارات او هتاف الصامتين نأتى الى الرجل الطيب ماذا يقول
سولار فى البنك و لا مليون دولار فى البنك
يقصد ان العمل و الاجتهاد افيد من الفلوس الجاهزة بدون تعب
و يكتب ايضا
طالعة مستورة و راجعة مجبورة
و يكتب ايضا للسادة رجال الاعمال اصحاب القروض
اكل فول و اخرج بعرض و طول
و لا اكل كباب و تجيلى الديانة ع الباب
و يكتب عن رزقه الحلال
على قد ما تعبنا
مارحش على الفاضى تعبنا
ناتى بقى لروميو السواقين عم الحبيب فيكتب عن موعد غرامى لحبيبته
الحلو ع الدائرى اول ما شافنى جرى
اكمنه لسه صغير و عضمه لسه طرى
و صاحبنا اللى متاثر من حبيبته يقولها
خلص الكلام
و اللى باعت رسالة الى الى زوجته
خلى بالك من الواد
انا نازل يا سعاد
ثم عم الحبيب الجامد اللى باعت لحبيبته بيقولها
حبك نار
ثم الحبيب الولهان اللى خد بمبة من حبيبته و سابته بيقولها
و قدرت تهجر
ثم يتبعه بتهديد و وعيد و يكتب لها
بكرة تعرف يا ناكر خيرى زمانى من زمن غيرى

و على نهج ما يحدث فى طره اتوقع ان يكتب فى المستقبل ما يلى

بيحسبنا عيال عاوز يجيب مكانه الغتت جمال
بعد ما كلنا هم هم خلع و سافر على شارم
انت بتقول عز يبقى انت اللى سرقت مصر اه يا مصر
اللى معاه جنيه و دولار يتجوز شاهيناز النجار
اللى يمسك الداخلية لازم يتجوز المانية
اتجمع الحرامى و التعبان و ورا اسوار الليمان
يا ترى انت فين يا موافى اه يا موافى
اللى يتكتبله يعيش فى سرور يراس مجلس من 400 طرطور
الحرامى السعيد يتمسك فى مدريد
لكن تبقى الحكمة الخالدة
عيش شريف و لو جعان
احسن من القاعدة يوم فى الليمان
بلد مجانين صحيح

ملحوظة اى كلام و خارج سياق البوست
اغلب الموجودون فى طرة زوجتهم توفوا و تزوجوا بعد وفاتها سريعا مثل نظيف و اكتفى بواحدة و العادلى و تزوج اثنان اما عز فقد تزوج ثلاثة بدون وفاة اما صفوت الشريف فلم يكن فى حاجة للزواج نهائيا  





هناك 45 تعليقًا:

مصطفى سيف الدين يقول...

هههههههههههههه
والله انت دماغ يا استاذ ابراهيم
حلوين اوي بتوع طرة عجبوني جدا
يا ريت فعلا نشوفهم على الميكروباصات ولو ان بعد ساعات بحس ان بتوع الميكروباصات ثورة مضادة :)
تحياتي

شمس النهار يقول...

مش ممكن ضحكتني ضحك

عارف الكلام اللي بيتكتب علي الميكروباصات ده بيضحكني ضحك
ياريت حد يجمعه في كتاب ونسميه فولكلور الميكروباصات
:)))))

بنتي التانية بنستعد لجوازها الشهرين دول كل ماتعترض علي حاجه
اروح قايل لها روحي يانكره خيري شوفي زمني من زمن غيري
:)))))))

اماهات رخمة :)))))

عازفة الالحان يقول...

حِلووة الحِكم ^ـ^

ربِي يسعِدك ع الأبتسآمَه اللي اهديتنآ إيآهآ ^ـ^

ومسآئِك ورد

دمت بِخير

فاتيما يقول...

خارج السياق ايه يا ابو العيال
دا هى السياق نفسه

حلو البوست
وفكرته
وصياغته

وربنا يجعلنا مستورين
ولا يفرجش علينا خلقه ابدا

قادر كريم

اشوفك على الف خير
ويا ريت يكون بكرة ف التبرع
هينفع ؟

Casper يقول...

كان نفسي اعمل بوست عن العبارات اللى بيضعها السواقين على سياراتهم ^_^ بس أنت سبقت

بجد بشوف حاجات مكتوبة تموت من الضحك
d:
________

خالص تقديري لفكرك وقلمك
بالتوفيق دائما

Unknown يقول...

السلام عليكم ،

راااائعة بجد ،
يسلم فكرك وحسك لإبداعي ..

في انتظار المزيد دوماً ،
دمت بخير ..

كريمة سندي يقول...

والله جميلة أوي ضحكتني من قلبي ..

أحي فيك حس الدعابة العالي ما شاء الله تبارك الله ربنا يزيديك كمان وكمان اللهم آمين

♥نبع الغرام♥♪≈ يقول...

ههههههههههههه


ضحكتنى اوى

ربنا يسعدك يا استاذ ابراهيم

آرثـر رامبـو يقول...

مرحبـا سـي إبراهيـم

والله لو نستثمر قدرات الشباب
لكان طلع كثير أدبـاء مغموره مواهبهـم


تحيـة ؛ )

zizi يقول...

ابراهيم يا بو دماغ قراقيش ..بجد بجد انت دماغك متكلفة اكيد الشاي بتاع ام زياد آخر ظبطنة ..وعشان كده بتطلع منك كل العظمة دي ..وعلى فكرة عشان عارفة انك احتمال ماترجعش مارشدير ورا فأنا من هذا الموقع بأعلن اني فت على كل بوستاتك اللي فاتوني وانا مسافرة وخدت جرعة مركزة من الزأططة والبهجة تكفيني يومين لحد ما شوف بوستاتك الجديدة ادامك الله لنا ذخراً للضحك الذي نحتاجه بشدة هذه الأيام دمت ودامت مباسمك ..تحياتي

Bent Men ElZman Da !! يقول...

هههههههههههههههه
مشكله بجد الجمل اللى بيكتبوها دى
بردو نفسى اعرف حضرتك جمعتهم ازاى كده :)
شوفت مره واحد كاتب اسامى بناته التلاته على عربيه نص نقل وكاتب تحتها خلفه البنات سكره
عاجبنى ان الراجل معتز بخلفه بناته اوى كده :D

هديل يقول...

ههههههههههههههههه .. الشعب المصري هاد خفة الدم في جيناته ..

خلى بالك من الواد
انا نازل يا سعاد

يسلموا ايديك أخ ابراهيم
:] :]

zizi يقول...

معلش يا ابراهيم من خلال مدونتك باقول اني رجعت والحمد لله وفيه بوست غلبان حاطاه بقالي اسبوع اللي يحب يزورني قبل مااغطي عليه اهلاً وسهلاً ..واللي فيه بوستات تانية شاغلاه برضه اهلاً وسهلاً ..تحياتي

غير معرف يقول...

كويس انت فتحت عنيا على افكار حلوة عشان لما اجيب تكتك صغير الاقي حاجة اكتبها.. مش دول ينفعوا تكاتك عادي؟

*************

مها ميهوووو

ابراهيم رزق يقول...

مصطفى سيف

من بعض ما عندكم هههههههه

فعلا لكن الميكروباصات فى الاقصر و قنا تختلف

نورتنى
تحياتى

ابراهيم رزق يقول...

شمس النهار

قعلا يا ريت حد يجمعهم فى كتاب

ربنا يتمم لها بخير و ياريت متنسيش تعزمينى و لا احنا من غير عزومة ممكن نيجى

نورتينى
خالص تحياتى

ابراهيم رزق يقول...

عازفة الالحان

ربنا يسعدك و يكرمك

متشكر لمجاملتك الطيبة

نورتينى
خالص تحياتى

ابراهيم رزق يقول...

فاتيما
روح الفلب الملائكية

متشكر على شهادتك التى اعتز بها كثيرا

ربنا يسترها علينا جميعا

نورتينى
خالص تحياتى

فتــافيت (رحاب الخضري) يقول...

ههههههههههههههههههه
يا صباح الروقاااااااااان

عجبتني اوي بتاعة صفوت
:))))))

اكتر جملة هزت مشاعيري وقرتها على ميكروباص

مافيش صاحب صالح،، كله بتاع مصالح
وعجبـــــــــي

مبروك يا دوك الدوري

Carmen يقول...

:‏)‏))) جامدة
تسلم ايدك استاذ ابراهيم
تحياتي

Tarkieb يقول...

طب موافي مالوش في الجواز ليه؟ اغا؟ ولا ذهق؟

غير معرف يقول...

مساء الغاردينيا أستاذ مضبوط
بجد تجنن هههههههههه
لاخلاص انا قررت انزل مصر عشان اقرأها
على الميكروباصات وارجع <<< شايف ناس فاضية :) "
؛؛
؛
لروحك عبق الغاردينيا
كانت هنا
reemaas

ابراهيم رزق يقول...

Casper

احنا فيها لسه فى عبارات كثيرة و فى اكثر من منظور لها
فى انتظار بوستك

متشكر جدا لمجاملتك الرقيقة

نورتنى
خالص تحياتى

ابراهيم رزق يقول...

زهرة نيسان

و عليكم السلام

متشكر جدا و سعيد انها اعجبتك

نورتينى
خالص تحياتى

ابراهيم رزق يقول...

كريمة سندى

متشكر على اشادتك و سعيد جدا انها اعجبتك


نورتينى
خالص تحياتى

ابراهيم رزق يقول...

نبع الغرام

سعيد جدا انها اعجبتك

نورتينى
خالص نحياتى

ابراهيم رزق يقول...

ارثر رامبو

متفق معك تماما

دايما مشرفنى
خالص تحياتى

ابراهيم رزق يقول...

zizi العزيزة الذيذة

يا رافعا معنوياتى لفوق و الله تملى تدينى اكثر من حقى
انتى عارفة انا مش مكلف دماغى
شرف لى متابعتك الغالية

موضوع البوست علم و سينفذ بس فى حكاية كدة اللى كان بيخش على البوست كان بيلاقيه مرفوع لا يعلم انك ادخلتى بوست جديد

نورتينى
تحياتى و تقديرى و حبى

ابراهيم رزق يقول...

Bent Men ALZaman Da

اصلى شغال فى موقف اخر النهار هههههه و الله من الملاحظات
فعلا ممكن تلاقى حكم

نورتينى
خالص تحياتى

ابراهيم رزق يقول...

هديل
سعيد جدا بتشريفك

الشعب العربى كله دمه خفيف

تسلمى لنا و يارب ترجعى بالسلامة

نورتينى
خالص تحياتى

ابراهيم رزق يقول...

هديل
سعيد جدا بتشريفك

الشعب العربى كله دمه خفيف

تسلمى لنا و يارب ترجعى بالسلامة

نورتينى
خالص تحياتى

ابراهيم رزق يقول...

احسن تستاهل

ممكن ينفع لتوك توك و العجلة و لو عايزة عربية فيشار او حمص الشام تنفع

نورتينى
خالص تحياتى

ابراهيم رزق يقول...

فتافيت

ههههههه صباح الفل

سعيد انها اعجبتك

الله يبارك فيكى ال ايه عايزين ياخدوا الدورى

نورتينى
خالص تحياتى

ابراهيم رزق يقول...

كارمن
اختى الرقيقة

متشكر لمرورك و مجاملتك الجميلة

نورتينى
خالص تحياتى

ابراهيم رزق يقول...

Tarkieb

الاثنين هههههههههه

نورتنى
خالص تحياتى

ابراهيم رزق يقول...

ريماس
مساء الورد و الفل و الياسمين

سعيد انها اعجبتك

فى انتظارك بمصر و سننظم لسيادتك دفليه للميكروباصات

نورتينى
خالص تحياتى

إيمان يقول...

ههههههههههههههههههه جامد جدا فعلا
انا بقرا اكتر من كده
وكلام يهلك من الضحك ولا الاغانى الى بنسمعها معرفش بيجيبوها منين
هههههههههههه تسلم ايدك
وتدوم الضحكه
تحياتى
تقبل مرورى

ابراهيم رزق يقول...

فاروق فهمى
استاذى العزيز و الجميل و القدير

ملك الزهرات و الرياحين
كم انا فخور بك و بزهراتك و بمعرفتك

لم انشر اعلانك لانه اعلان صريح و سيادتك لم تسدد رسوم الاعلان هههههههه و قد احتفظت به لنفسى و اعتبرته فضفضة لى وحدى معلش اصل انا انانى شوية هههههههههههه

استاذى العزيز
تتحمل الاشجار حركة الفروع و اهتزازها لانها منها و قطعة لا تتجزء منها و انما ما حركتها الا دلال و محبة و عشم فى الاصل و هى الشجرة
لكنهم يعتزون و يفخرون و يتشرفون بانتسابهم الى هذه الشجرة
انها مشاغل الحياة و من يتحملهم غير قلب طيب غفور
لكى منى كل حب و اعتزاز و تقدير

ابراهيم رزق يقول...

emymony

سعيد جدا انها اعجبتك

موضوع الاغانى ده بوست لوحده ههههههههههه

متشكر لكى

نورتينى
خالص تحياتى

ابراهيم رزق يقول...

emymony

سعيد جدا انها اعجبتك

موضوع الاغانى ده بوست لوحده ههههههههههه

متشكر لكى

نورتينى
خالص تحياتى

سكن الليل يقول...

ههههههههههه

لا وشفت واحدة تانية بتقول ايه:

وصتني ناني..ماحبش حد تاني

:P:P

بجد فظاااااع..
ربنا يهدي السواقيييين

همس الاحباب يقول...

هههههههههه
فكرتنى بنفسى من كام شهر كنت مركز قوى مع التكاتك والعبارات المكتوبة عليها وكان نفسى انزلها فى المدونة عندى بس انشغلت ونسيت الموضوع بس عجبنى موضوعك قوى
سعدت بلقائك امس وسعدت برؤية الانسة ساليناز
تحياتى

ابراهيم رزق يقول...

سكن الليل

دى وصية و الوصية واجبة
ههههههههه

نورتينى
خالص تحياتى

ابراهيم رزق يقول...

همس الاحباب

انا اللى سعيد بالتعرف على شخصية طيبة و كان نفسى اتعرف عليك من زمان سعيد بهذه الفرصة الجميلة

اكتب عن التكاتك كل يوم كتابات جديدة
ههههههههه

ساليناز بتسلم عليك
نورتنى
تحياتى و تقديرى

افكار مبعثرة يقول...

هههههههههههههههه
جامدة جدا الملحوظة الاخيرة دي
تسلم ايديك و تحياتي