الثلاثاء، 14 يونيو 2011

عينهم زايغة

اعترف لكم ان 99% من الرجال عينهم زايغة الا عدد يعد على اصابع اليد من ضمنهم محسوبكم طبعا هم حججهم كثيرة ان الله جميل يحب الجمال و كن جميلا ترى الوجود جميلا لكنه فعلا طبع ذكورى العيون الزايغة
كنا  نجلس على ترابيزة فى حفلة مرت بجوارنا صاروخ امريكى يضع برفن فرنسى سنيه و يرتدى فستان من ارقى بيوت الازياء العالمية و الشعر الاشقر الذهبى  وجدنا السيدات تتلوح اعينهم لها قبل الرجال لكن بما انى عيونى مش زايغة نظرت لما ينظرون اليه بدافع حب الاستطلاع فقط بعد ان مر الصاروخ الامريكى ترك المكان معبأ برائحة دخانه اقصد برفنه جلس فى ترابيزة بجوارنا لنسمع هذا الحديث
مراة 1: شوف رفيعة ازاى دى تلاقيها مش بتأكل خلاص
رجل 1 : مظبوط
مراة 2 : دى لو شالت المكياج هتقرف تبصلها
رجل 2 : مظبوط
مراة 3 : دى لابسة باروكة
رجل 3 : مظبوط
مراة 4 : لا دى عاملة عملية توصيل شعر
رجل 4: مظبوط
مراة 5: واضح ان شعر التوصيل هندى مش صينى
رجل 5: مظبوط

مراة 6: بس لون الشعر مش لايق
رجل 6: مظبوط
مراة 7: البوتكس هيفرتك و جهها
رجل 7: مظبوط
مراة 8: شفتى الشفايف منفوخة ازاى
رجل 8: مظبوط
مراة 9: مناخيرها معمول بها خمس عمليات تجميل
رجل 9: مظبوط
مراة10: شفتو الفستان مفتوح ازاى عايزة تبان و خلاص
رجل10: مظبوط

همت الصاروخ الامريكى بالخروج من القاعة 
رجل 1 و 2 و 3 و4 و 5 و6  و 7 و 8 و 9 و 10 قاموا من على الترابيزة و خرجوا وراها
مراة 1 و 2 و 3  و 4 و 5 و 6 و 7 و 8 و 9 و 10 قالوا فى نفس واحد رجالة عينهم زايغة
رجل وحيد جالس على الترابيزة اللى هو انا قلت مظبوط
بلد مجانين صحيح
 

هناك 34 تعليقًا:

د/دودى يقول...

هههههههههه....بقى بعد كل الشتيمه فى الاموره دى مفيش فايده ...كويس محدش من الستات قام ضربها...

ابراهيم رزق يقول...

د دودى

بالنسبة لتعليقك الذى لم انشره
كونى كما تبغين ان تكونى و احتفظى برايك
فعلى خاصية الاشراف على التعليقات

هما كانوا على وشك واضح انها حست بالغدر
هههههههه
نورتينى
تحياتى

أمال يقول...

هههههههه يبدوا أن الرجال لا يتأثرون بالأراء الخارجية، لم تنفع معهم محاولات النساء لتشويه الحقائق.

تحياتي

مصطفى سيف الدين يقول...

هههههههههههههه
بلد مجانين صحيح
فعلا مظبوط
ده كمية القهوة المظبوط اللي انت شربتها يا عيني وانت مش قادر تتابع الصاروخ ممكن متنيمكش اسبوع
ههههههههه
تحياتي

Ramy يقول...

ههههههههههههههه

طب ده كويس ان محصلهاش حاجة

من كتر الكلام و البص

زى ما حضرتك عارف

العين فلقت الحجر (:

(:

Tears يقول...

انا بقى العكس لما بشوف ست حلوة بقول للرجل بص دى حلوة اوى

مش فاهمة ايه اللى يضايق الست لما تلاقى ست احسن منها ما اى حد جميل فيه الاجمل منه

ليلى الصباحى.. lolocat يقول...

السلام عليكم

طبعا مظبوط ان كل الرجالة عنيهم زايغة وطبعا مظبوط انهم مش بيسيبوا ولا ست الا لما يقوموا معاها باللازم وطبعا مش مظبوط انك الوحيد اللى مش قمت معاهم ههههههه اكيد ام زياد بتقرأ البوست وخايف تزعلها

مظببببببببوط ؟؟؟؟؟؟ هههههه

تحياتى لاكتر مدون خفيف الظل
دمت بخير

reemaas يقول...

هههههههههههههههههههههههههههههههههههههههههههههههههههههههههه

لاااااااااااا مش ممكن انا هموت من الضحك

كل الرجاله عنيهم زايغه انت بس تلاقيك خفت حد يبلغ فيييييييييييك

بس كلهم عنيهم زايغه مافيش استثناء للقاعده دى

غير معرف يقول...

صباح الورد ابراهيم

ياعم حتى الصاروخ الأمريكاني مانفعش

معاك ؟

طب أنت بصيت كويس هههههههههه ( يارب

ما تشوف اللي في بالي التعليق أحسن

أبات في التخشيبة أسبوع بحاله )

شوف مش غريب يكون 99 % من الرجال

عيونهم زايغة مع رفضي تماما للمبدأ

لأنها بصراحة تظهر الرجل بشكل شهواني

وحيواني ويتعامل مع المرأة بمنظور

واحد لكن نعمل أيه لما تبقى الصواريخ

تمر قدامنا بالطريقة دي ههههههههه

لالالا أنا حالف أني أبات في

التخشيبة !!

شوف يا ابراهيم أنت مالكش غير أم

زياد الله يخليكم لبعض فبلاش ترهق عينك

بمنظر الصواريخ لأنها في النهاية

هتفرقع فيك واللي عملته أنت هو الصح.

خليني أروح أصبح على الصاروخ السعودي

أحسن يفرقع فيا ...

Magician يقول...

رجل زايغ

امرأة طايشة

قنبلة موقوته

شكرا شكرا

ياسمين يقول...

أحسن حاجة حضرتك بتعملها ف المدونة مبدأ من خاف سلم هههههه
ونصيحة وفعلا يعني ياريت المدام متكنش متابعة المدونة ههههههه
أكيد هنكسر جامد خفة الظل بتاعة الكلام دا ههههههه زي ما قلت من خاف سلم ..
وطبعا العيب مش ف الرجالة أكيد
العيب ف الصاروخ الأمريكاني هههههههه
طلع قاعدة صواريخ هههههه
حتي الأمريكان مش يسبنا في حالنا ادونا فرصتنا بئا ههههه

كريمة سندي يقول...

ملعوبة هههههههههههههه

غير معرف يقول...

مساء الغاردينيا ياعم مضبوط
سوري قصدي يااستاذ ابراهيم
ههههههههههههههههههه
بجد مت ضحك هو انا موعوده افضل اضحك في مدونتك كدا ربنا يسعدك كمان وكمان بس ممكن سؤال على جنب كدا ماحدش سامعنا هي ام زياد نيمتك ليلتها في الصالة ولا صدقت مضبوط بتاعتك ههههههههه
بعدين نفسي افهم حاجة هو يعني الرجاله عينهم الزايغه دي ايه الحل معاها طالما حضرتك مش من اياهم <<< ااقطع ذراعي ان ماكنش اولهم :)
وبعدين على فكرة مافيش زي الجمال العربي بلا امريكاني بلا هم <<< بتنصر الستات المساكين دول
وبما اني سعودية بعد اذنك يااستاذ ابراهيم في سعودي هنا عينه زايغة مش عارفة نفسي كدا امسك في زمارة رقبته ايه رايك بالذمة مش عينه زايغة وكمان بيقولك هو انت مابصيتش كويس بجد عاوزله تخشبيه عشان يحرم <<<< حترتكب جنايه
نصيحتي ليك يامضبوط ابراهيم << اسم جديد
تبص للصاروخ المصري لان الامريكاني آيل للسقوط وبيعمل إنفجارات تؤدي لفقدان الحياة لا محاله وبلاش تعمل فيها شهيد الجمال انا متغازه من موضوعك ومن السعودي الي عاوز له تخشبيه
هههههههههههه
عالم مجانين صحيح
؛؛
؛
لروحك عبق الغاردينيا
كانت هنا
reemaas

Sahar Elgafary يقول...

بسم الله والصلاة علي رسول الله
الراجل رقم 1 كان بيمشي يتعاكس مني في الشارع حلو...ومن كتر ما تغر بجماله قام فتر جمالي في عنيه...ماشي...قمت سبت البيت وطفشت..حلو.
راجل رقم 2 عارف ربنا وعلي السنه وصغير وما شفش غيري في الدنيا أول وآخر بخته حلو قلت يا بت ده بقه بتاع الآخره سيبك من المظاهر والبرستيج وكيل نيابة أيه وبتاع أيه خدي الملتزم وعلي السنه حلو..
أول خروجه بعد الجواز نفس المنظر بس ده بقه بصته شرعيه ياعم بتبص ليه مش حرام هو أنا مش ماليه عنيك..قالي يا حبيبتي والله أنتي قمر وأنا بموت فيكي بس أنا ليه شرعا نظره واحده شوفتيني بصيت أتنين...
قولتله يخرب بيت العفريت..
قال: القمر حوليه نجوم وساعات القمر بينطفي وله أسبابه تقوم النجوم تدعم مكانه عشان الضؤ والخلل لا يحدث في الكون الفسيح..
يخربب بيت العفريت.
المرأه رقم عشره....(أنا بقه) نسيت تحطني في القايمه.
تمشي وشباك روموشها
ع الكف راسمه وعود
ياما فيكي بنات فرسه
والعود قوام مشدود
عدي يا بنتي عدي
وكسري الحدود
مين فينا آخرته حلوه
ياحلوه يا أمو العود؟!يا دنيا يا فاصله ،
علي سطر طويل مجروح
يا نقطه . يا نأطه
فيكي الحياه بتروح
ويا روح ما بعدك روح
روحه بلا راجعه
وعليكي ولا ...دمعه
روحه بلا راجع
خدي قرار ناجع
يا صبيه ويا مين؟ (يا صبي)
توبي وأعرفي الممنوع
ده كل شيء ياسمين
ف الشرع والمشروع
وأختاري سبيلك مين؟
جنه؟!
أم من هداك النوع؟!
يا حلوه ربيتي
يا أمو الحجاب مطروح
علي ضهرك رصيتي
كل شيء ممدوح
لا تختفي وراه..وراعي طرحتك طرح
طرح الهوي يا مشمش عسل بلون الفرح
أوعي تسقطي ف المش
والغش وتنزفي م الجرح
لا تختفي ف حجابك
أوعك تسقطي م الصرح
تاخدي ذنوب البشر
غشتيهم غش
تفي ف عبك تفي
وأرحلي بلا وش
وتحت المطر أغسلي كل ذنوبك غسل
واركعي للواحد
ما بين فرض ونفل
وأسجدي وأحكيلي
لون خدودك أيه؟
ولزمتي ها الطريق
وحبتيه ليه؟
يا قمر يا تايبه
لون القبول مرصوص
الدنيا دي نايبه
فيها عبر ودروس
ها احبها حب عشان أوصل ليك
يارب آدي أيدك
مديت أيدي اليك.
توب ...توبوا بقه قبل فوات الأوان ...مظبوط.

دعاء العطار يقول...

ههههههههههههههه

مظبوووووط

وشهد شاهد من أهلها

عشان تعذرونا بس D: D:

اسلوبك جميل يااستاذ ابراهيم جداً (: (:

Unknown يقول...

ما هو يا ريت على بصه واحده لكن دول بيتنحوا لما يشوفوا واحده عامله في نفسها البدع و بيفضلوا يغيظوا الستات اللي معاهم فعشان كده بتقلب نكد و بعدين الراجل اللي بيبص لغير مراته مفروض يفكر موقفه إيه لو هيه بصت لغيره.
مبحبش الرجاله لما بيعملوا كده:(

تحياتي ليك

Carmen يقول...

:‏)‏))) والله عندك حق دي طبيعة

ابراهيم رزق يقول...

امال

الرجال عارفين كل حاجة و مدكنين

نورتينى
خالص تحياتى

ابراهيم رزق يقول...

مصطفى سيف

ههههههههه

فعلا يا مصطفى يا اخويا كل حاجة كانت مظبوط

تابعته على قد ما اقدر

تورتنى
خالص تحياتى

ابراهيم رزق يقول...

رامى

اخى العزيز

صعب يكون محصلش ليها حاجة
هههههه

نورتنى
خالص تحياتى

ابراهيم رزق يقول...

Tears

تيرز العزيزة

ربنا يكثر من امثالك

قللهم و النبى
هههههه

نورتينى
تحياتى

ابراهيم رزق يقول...

ام هريرة

كل اللى انتى كتبتيه مظبوط هههههه و ام زياد احيانا تقرأ البوست مظبوط

لكن انا الوحيد اللى لم امشى خلفها لانى اعمل بقاعدة رحم الله امرء عرف قدر نفسه

ههههه

نورتينى
خالص تحياتى

ابراهيم رزق يقول...

reemaas

ههههههههههه
كل الرجالة كده لا استثناء للقاعدة

لم اخف لكن انا عارف امكنيات نفسى
هههههههه


نورتينى
خالص تحياتى

ابراهيم رزق يقول...

ريبال بيهس
اخى العزيز

مش حكاية منفعش معايا
الصاروخ ده يا اخويا كان سرعاته عالية قوى

حتى الستات لفت نظرها
اتمنى لكى نوما هادئا فى سريرك
ههههههههههه

نورتنى
تحياتى

ابراهيم رزق يقول...

Magician

معك حق

نورتنى
خالص تحياتى

ابراهيم رزق يقول...

ياسمين

هههههههههه
مش مبدء من خاف سلم
مبدء رحم الله امرء عرف قدر نفسه

ده كان صاروخ مدمر

نورتينى
خالص تحياتى

ابراهيم رزق يقول...

كريمة سندى

هههههههههه
ملعوبة قوى

نورتينى
خالص تحياتى

ابراهيم رزق يقول...

ريماس
صباح الورد و الفل و القشطة

ههههههههههههههههههه
طبعا نمت على السرير مظبوط
هى لم تعرف الا بعد ما قرأت المدونة
احنا رجالة مظبوط مش سادة

انتى غلطانة انا مش من اياهم انا عينى مش زايغة
بس احب اقولك حاجة الصاروخ كان مصرى كانت ممثلة شهيرة

اما الرجل السعودى اللى انتى قصدك عليه ده غلبان زى حالاتى
و مظبوط ههههههههه

الصاروخ ده بيعمل انفجارات عند الستات بس لكن انفجارته ريحتها برفن

نورتينى
تحيات معطرة بالمسك و العنبر

ابراهيم رزق يقول...

خيط الحرير

تعليقك جميل
لكن من جماله اخاف ان اشوهه برد لكن اقول لكى فقط

بيقوليلى توب بيقوليلى توب اتوب بس ازاى عاشق و غلبان و النبى
هههههههههه
سعيد جدا بتعليقك

نورتينى
خالص تحياتى

ابراهيم رزق يقول...

دعاء العطار

ههههههههههههههههههههه
انتى عارفانى صريح

نورتينى و شرفتينى
خالص تحياتى

ابراهيم رزق يقول...

شرين سامى
اختى العزيزة

معاكى حق تماما
لكن دى لفتت نظر الستات اكثر من الرجالة
هى كانت ممثلة شهيرة
و بعدين الرجل ليه نظرة واحدة ياخذها فى ثانية او دقيقة او ساعة هى نظرة
هههههههههههههههههههه

نورتينى و شرفتينى
خالص تحياتى

ابراهيم رزق يقول...

كارمن
اختى الرقيقة

عندك حق دى طبيعة ذكورية

نورتينى
خالص تحياتى

Rana Al Sha'bani يقول...

مساكين الستات الله يعينهم يلاقوها من مين والا من مين!

gogo!sf يقول...

بسم الله ماشاء الله عليك يا هيما
عمرك كا بتبص لا يمين ولا شمال
انضباط ما بعده انضباط
هههههههههههههههههههههه