المشاركات
بمناسبة العام الدراسى الجديد اقدم لكم اختبارات الثورة تمنياتى لكم بالنجاح و التوفيق
االرياضيات
احسب المدة التى وعد بها المجلس العسكرى لتسليم البلاد
1 ستة شهور
2 سنتان
3 ثلاثون سنة اخرى
اللغة العربية
القراءة
ما معنى كلمة المجلس العسكرى
1 ولى امرنا الذى يدير لنا ما نعجز عنه
2 لا ينطق عن الهوى و لا يخطىء
3 ممنوع الاقتراب او التصوير
الادب
الاشارة التى قام بها جمال مبارك و تندرج تحت بند قلة الادب و ان باباه ومامته مربهوش لمن قام بها
1 لاهالى الشهداء
2 لثورة مصر
3 للشعب المصرى بعد قانون الطوارىء
النحو
اعرب كلمة المواطن المصرى
1 نعت منصوب عليه طوال تاريخه
2 فاعل مرفوع من الخدمة
3 حرف جر مجرور الى الهاوية
الكيمياء
ما هو ناتج تفاعل المعادلة الكيمائية وفد + اخوان بعامل حفاز فلول الحزب الوطنى
1 فوز باغلبية الانتخابات البرلمانية مع رائحة عفنة
2 عنوان للمصالح و ترسيب المبادىء و القيم فى القاع
3 فضيحة مستترة و تلاعب بمستقبل مصر
الفيزياء
مما صنع الجدار العازل امام السفارة الاسرائلية
1 من جثث الجنود الشهداء الذين قتلوا داخل الاراضى المصرية
2 من مليارات الجنيهات فرق اسعار بيع الغاز
3 من اموال دافعى الضرائب المواطنين المصريين
الدين
استعجال التيارات الاسلامية الانتخابات و وضعها هدف وحيد امامهم
1 طاعة للحاكم و ولى الامر
2 جهاد فى سبيل الله
3 غزوة الصناديق الثانية
الفلسفة
من يطلق عليه فيلسوف الثورة
1 فريد الديب محامى المخلوع
2 لميس جابر زوجة حمادة عزو
3 الشيخ محمد حسان خليفة الشيخ العز بن عبد السلام
علم النفس
حلل سر ابتسامة حبيب العادلى و قفشاته بعد الحكم عليه بالسجن و على الرغم من افتراض انتظاره حكما بالاعدام
1 شخص سادى لا يكترث باى شىء
2 يسخر من اهالى الشهداء
3 واثق من براءته كما صرح للصحف
التاريخ
ماذا سيكتب التاريخ عن المشير
1 الحاكم بامر الثورة
2 الحاكم بامر مبارك
3 شاهد ماشفش حاجة
المنطق
تعرف ايه عن المنطق
1 عندما يقوم شعب بثورة يخير بين استكمال ثورته او الموت جوعا
2 عندما يتحدث الجانى بلسان المجنى عليه
3 عندما يحاكم الثوار محاكم عسكرية بينما القتلة يحاكموا بمحاكم مدنية
االرياضيات
احسب المدة التى وعد بها المجلس العسكرى لتسليم البلاد
1 ستة شهور
2 سنتان
3 ثلاثون سنة اخرى
اللغة العربية
القراءة
ما معنى كلمة المجلس العسكرى
1 ولى امرنا الذى يدير لنا ما نعجز عنه
2 لا ينطق عن الهوى و لا يخطىء
3 ممنوع الاقتراب او التصوير
الادب
الاشارة التى قام بها جمال مبارك و تندرج تحت بند قلة الادب و ان باباه ومامته مربهوش لمن قام بها
1 لاهالى الشهداء
2 لثورة مصر
3 للشعب المصرى بعد قانون الطوارىء
النحو
اعرب كلمة المواطن المصرى
1 نعت منصوب عليه طوال تاريخه
2 فاعل مرفوع من الخدمة
3 حرف جر مجرور الى الهاوية
الكيمياء
ما هو ناتج تفاعل المعادلة الكيمائية وفد + اخوان بعامل حفاز فلول الحزب الوطنى
1 فوز باغلبية الانتخابات البرلمانية مع رائحة عفنة
2 عنوان للمصالح و ترسيب المبادىء و القيم فى القاع
3 فضيحة مستترة و تلاعب بمستقبل مصر
الفيزياء
مما صنع الجدار العازل امام السفارة الاسرائلية
1 من جثث الجنود الشهداء الذين قتلوا داخل الاراضى المصرية
2 من مليارات الجنيهات فرق اسعار بيع الغاز
3 من اموال دافعى الضرائب المواطنين المصريين
الدين
استعجال التيارات الاسلامية الانتخابات و وضعها هدف وحيد امامهم
1 طاعة للحاكم و ولى الامر
2 جهاد فى سبيل الله
3 غزوة الصناديق الثانية
الفلسفة
من يطلق عليه فيلسوف الثورة
1 فريد الديب محامى المخلوع
2 لميس جابر زوجة حمادة عزو
3 الشيخ محمد حسان خليفة الشيخ العز بن عبد السلام
علم النفس
حلل سر ابتسامة حبيب العادلى و قفشاته بعد الحكم عليه بالسجن و على الرغم من افتراض انتظاره حكما بالاعدام
1 شخص سادى لا يكترث باى شىء
2 يسخر من اهالى الشهداء
3 واثق من براءته كما صرح للصحف
التاريخ
ماذا سيكتب التاريخ عن المشير
1 الحاكم بامر الثورة
2 الحاكم بامر مبارك
3 شاهد ماشفش حاجة
المنطق
تعرف ايه عن المنطق
1 عندما يقوم شعب بثورة يخير بين استكمال ثورته او الموت جوعا
2 عندما يتحدث الجانى بلسان المجنى عليه
3 عندما يحاكم الثوار محاكم عسكرية بينما القتلة يحاكموا بمحاكم مدنية
هناك 47 تعليقًا:
ههههه
(:
أأأأه من الأجابات
ممكن نضيف على ورقة الأسئلة
كل ما سبق
مساؤك خير اخى
مش عارفه الواحد يضحك ولا يسخر من حالنا فشر البليه ما يضحك والله
بس تعرف هو تحليل جميل فالمصرى الاصيل والاصيل فقط اللى بيمشى فى عروقه دم مصرى ولا خلطة فيه من فلول ولا وطنى ولا غيره اللى عايش بالفطرة السليمة امثالكم اخى
هم اللى راح ترجع على ايدهم مصر الحرة واللى موجوده برضو فى قلوبنا وارضنا الطاهرة ,,
تعرف حضرتك اصلا كمان مش غريب على مصر الحال ده فين الطغاه اللى حكموها بظلم فين وفين ,, لكن فين المصرى الاصيل موجود جوانا ,, وربك هيصلح الحال ان شاء الله
مودتى واحترامى اخى
بوستاتك متعة والله يا استاذ ابراهيم
لحد دلوقتى مدياله عذر انه ماعلنش امتى انتخابات الرياسة لان الدنيا خربانه
وتفائلت جدا لما اتحدد جدول انتخابات المجلس واول جلسه لانعقاده بتاعه17 مارس
محتاره فى امر الناس مش هم اللى كانوا بيقولوا 7 شهور ماينفعش مش هنلحق؟
طب ماهى فرصة بدل مانتظاهر نشتغل على احزابنا الجديدة
عموما كده او كده المجلس العسكرى لازم يطلع يطلع للناس يكلمها سواء فى 6 اكتوبر او قبلها او بعدها واعتقد انه هيرد على تسؤلات كتير
ياريت مانفقدش الثقه فيه مش لانه منزل ومابيغلطش لا
علشان مش هنعرف نثق فى حاجة تانى وهتسيب اكتر ماهى سايبه
وسيبك انت عجبتنى الاختبارات ;)
تفائل خيراا :)
انا هأجل المادة دى :)
لا يك :)
عجبتنى اوى الاسئلة والاختيارات
وخصوصا شاهد ماشافش حاجة:)
وتعرف إيه عن المنطق :)
مساء الخير اخي الكريم
=> هناك أسئلة تحتاج الى خيار رابع ( جميع ما ذكر )
=> شر البلية ما يضح و عندما نسخر من جراحنا و أوجاعنا نكون في قمة ألمنا :(
ان شاء الله الفرج قريب على كل الامة . . فهذا البلاء متفشي في جميع البلاد
تحياتي لنصك و شخصك
المره دى ضحكت بس ضحكت بمراره .... ع راى بلال فضل ضحك مجروح
امتحان صعب اوى اللى مصر فيه ده
بس برضه لسه فيه امل ... ولسه احنا قدها وقدود ... ولسه عندى احساس ان بكره أحلى
أصلى ماينفعشى نشوف النور ونرضى نعيش فى الضلمه
ربنا يقوم مصر ع رجليها يارب (:
على فكرة مش اى حد هايعرف يجاوب صح.. الى مذاكر وبس.. طبعا الإجابات موجودة كلها فى كتاب التاريخ لأن الحكمة بتقول التاريخ بيعيد نفسه وألا أيه .. لكن على رأى أعدائنا ماحدش بيقرا التاريخ واللى بيقراه مش بيفهوه واللى بيفهموه مابيتعلمش منه حاجة.. أقابلك فى الدور التانى ياأستاذنا لأنى مش هانجح طبعا.
بسم الله الرحمن الرحيم
الرياضيات :2
اللغة العربية:القراءة : 3
الأدب :3
النحو:1
الكيمياء :3
الفيزياء:1+2+3
الدين :أخرى : أغراض غير معلنه
الفلسفة: ــــــــــ
علم النفس:3
التاريخ : 3
المنطق: أخرى: عندما يخرج المتهم براءة و يدخل البريء السجن و يعاقب على اتهامه للأول.
كل الاسئلة دي
طيب دي
اجباري ولا اختياااااري
امتحان سهل خاااالص
:))
إزيك أستاذ إبراهيم :)
البوست تُحفه و موتني من الضحك رغم إني مخنوقه بس هي دي الكوميديا السوداء.
عجبني أوي الجزء ده
عندما يقوم شعب بثورة يخير بين استكمال ثورته او الموت جوعا
أنا مش حاسه إن في ثوره حصلت...مشكلتنا مننا فينا للأسف.
أرق تحياتي لحضرتك
ممكن أعرف قبل ما أجاوب جهة التصحيح ؟؟؟
شر البلية ...
ههههههههههههههههه
طب اقول ايه طيب
.
.
.
.
.
.
.
.
.
.
.
.
.
.
.
.
.
.
.
.
.
.
.
.
معقول تنسى ماده التربيه القوميه والجولوجيا والاحياء وفين ماده الهندسه
ههههههههههههه
هههههههه
انا خلاص خلصت الامتحان
مين هيصحح بقي
بجد فكره روعة
ودمها خفيف اوي
تسلم ايدك
هههههههه
شر البلية ما يضحك
========
موضوعاتك دائما متميزة
ولها نظرة ثاقبة بالاضافة إلى طريقة عرضها الرائعة
بالتوفيق
أستاذ إبراهيم
السلام عليكم
تدوينه رائعة فعلا وفكرتها جميله
بس عندي ملحوظه ممكن تتحول لإعتراض حسب التوضيح اللي حضرتك هتقوله
الإجابه رقم 3 في قسم الدين
والأجابة رقم 3 في قسم الفلسفة
هو ده نوع من التريئه علي الشيخ محمد حسين يعقوب والشيخ محمد حسان
إن كان كذلك فهو شئ مؤسف فعلاً
وإن لم يكن فياريت متزعلش من إستفساري
تحياتي وتقديري
في هذا الزمن تتوالى الاختبارات وتتوالى الاسئلة وتبقى كسائر الاختبارات الاجابة هو الشيء الوحيد الغير معروف عند الجميع
وفي زمن الحيرة نتخبط وننتظر اجابات فلا تأتينا الا اجابات تثير اسئلة اصعب
تحياتي
هههههههههههههه
جامده الاسئله والاجمد الاجابات بجد
طب والله العيال لو امتحنوا فى الكلام ده هيفهموا فيه اكتر من المواد بتاعتهم :D
رامى
القلب الطيب
انت بالذات تضيف زى ما انت عايز
ههههههههههه
نورتنى
تحياتى
بسمة الورد
مساء الفل
اتمنى انك تبتسمى فربما الابتسامة تشيل بعض المرارة
معكى حق
نورتينى
تحياتى
عمرو فكرى
و زيارتك و تعليقاتك لى اكثر متعة
نورتنى
تحياتى
reemaas
نفتقد الوضوح و النظرة المستقبلية
مفيش قدامنا غير كده و الضغط الشعبى
سعيد انها عجبتك
نورتينى
تحياتى
zy ma Tigy
ربنا يسهل
نصيحة متئجليش محدش عارف الامتحان الجاى هيبقى عامل ازاى
نورتينى
تحياتى
موناليزا
سعيد جدا جدا انها عجبتك
نورتينى
تحياتى
haneen nidal
ما اكثر الاسئلة اختى العزيزة التى تحتاج الى اجوبة و فى الغالب حتى الان بلا اجوبة
سعيد جدا بتعليقك و زيارتك
نورتينى
خالص تحياتى
دعاء العطار
هههههههههه
الحمد لله انك ضحكتى
اهو نضحك على نفسنا احسن ما حد يضحك علينا
ربنا يسهل و مش ممكن هنرجع للظلام تانى
نورتينى
تحياتى
sabry abo omar
ليه بس يا استاذى ده انت جاوبت صح
مفروض نقرء التاريخ و نتعلم
نورتنى
تحياتى
ريهام المرشدى
هههههههههههههه
سعيد انك جاوبتى
انت عارفة يا ريهام ان مادة المنطق دى اصعب مادة لان فى اسئلة كثيرة ضد المنطق و مع ذلك بتعدى علينا
نورتينى
خالص تحياتى
شرين سامى
اختى العزيزة
ربنا يريح بالك و يهديكى و يسعدك
ساعات بيجينى الشعور ده ان مفيش ثورة قامت
لكن لما بأنزل التحرير و اشوف ناس بسيطة مش عايزين كرس و لا حاجة عايزين مصر بتفائل
بكره احسن بأذن الله
نورتينى
سلامى الى امن و جورى
تحياتى و تقديرى
candy
دلوقتى مفيش قدامنا اى جهة غير المجلس العسكرى هو اللى هيصحح
ههههههههه
نورتينى
تحياتى
عمرو يسرى
ههههههههههههههههه
قول اللى انت عايزه يا ابو اجمل ابتسامة
بقيت المواد التيرم التانى يا عمرو
نورتنى
تحياتى
شمس النهار
معلش يا شمس الشموس العتب على النظر
اعتذر الشمس جت فى عينى و مخدتش بالى من التعليق
كل الاسئلة دى اجبارى
مع ان الاجابة سهلة لكن محدش بيجاوب
تفتكرى ليه ها تفتكرى ليه
دايما منورانى و شمسك ساطعة
معلش اعتذر مرة اخرى
تحياتى
beautiful mind
انت ليه مستعجل على النتيجة ربنا يسهل و تنجح
سعيد بتعليقك
نورتنى
خالص تحياتى
Casper
هههههههههه
فعلا شر البلية ما يضحك
سعيد بتعليقك و يشرفنى شهادتك التى اعتز بها
نورتنى
خالص تحياتى
citizen x
السلام عليكم و رحمة الله و بركاته
مرحب بك اخى العزيز و باعتراضك
كل يؤخذ منه و يرد الا ساكن هذا القبر يقصد النبى صلى الله عليه و سلم
و من الذى يقول هذا الامام مالك فى عصر الفقهاء و العلماء و الائمة اى ان اى عالم مهما اجتهد فينقص علمه اشياء
ثانيا لماذا لا نسمى الاشياء باسمائها لماذا نسميها تريقة لماذا لا نسميها نقد
الشيخ محمد حسين يعقوب مع احترامى له كعالم دين اقحم نفسه فى موضوع سياسى و هو الاستفتاء و جعله موضوع دينى و اسماه غزوة الصناديق مازلنا حتى الان نعانى من نتيجته و الان يحاولون ان يجرونا الى الانتخابات بسرعة رغم عدم وجود المناخ المناسب لها
الشيخ محمد حسان كان رجل دين فقط حصرى على قناته المملوكة له و هى قناة الرحمة سعيد بامواله و مكسبه و سيارته الفارهة و زوجاته الاربعة لا يتكلم الا فى الدين
فجاة اثناء الثورة اخرج فتوته الشهيرة لا يجوز النزول الى الثورة و يجب عدم الخروج على الحاكم
بعد الثورة اصبح رجل سياسة و ليس رجل دين بل اصبحت قناتى الناس و الرحمة من قناة الناس الدينية و قناة الرحمة الدينية الى قناة الناس الاخبارية و قناة الرحمة الاخبارية
انه نقد و ليس تريقة اخى
الم يقل عمر بن الخطاب صدقت امراة و اخطأ عمر كفانا تأليها للبشر
فى انتظار ردك اخى الكريم
نورتنى
تحياتى
مصطفى سيف
اخى العزيز
ما اكثر الاسئلة التى تدور حولنا و اجابتها واضحة و لكن لا احد يجيب
و ما اكثر الاسئلة التى بلا اجابة و لا احد يهتم باجابة
نورتنى
خالص تحياتى
Bent Men ALZman Da
ههههههههههههههههه
بالذمة مش نوفر ثمن الدروس الخصوصية و تبقى الثورة جت بفايدة على الناس
نورتينى
تحياتى
السلام عليكم ،
يالها من أسئلة
ويالها من إجابات نموذجية .!
يسلم فكرك ،
كالعادة مبدع ..
دمت بخير .
ههههههههههههههه والله بوست تحفه هم يبكى وهم يضحك انما على فكره انا عندى اجابات رابعه كتير لاشىء مما سبق :)
لكن هو فعلا جمال مبارك عمل حركه مش محترمه فى اخر جلسه ؟ حد شاف فيديو يأكد ده ؟اصل انا حاسه انها اشاعه
قرأت الأسئلة واستغرقت معها والتمعن فى معانيها حتى نسيت أكتب الإجابة وفوجئت أنه فات الأوان........
رائع .. و طريف .. و مؤسف
المشكلة اني مهما جاوبت مش ضامن النجاح .. حتي لو الاجابات نموذجية : لازم موافقة الأمن الوطني !!
تحياتي لقلم جميل
أحببت فقط أن أسجل متابعتي ..
وأكيد لو دخلت في الامتحانات مش هانجح أبداً .. ههههه
تحيتي لك ..
الاجابة اجباري ولا اختياري ؟؟
عموما اسئلتك صعبة وفي النهاية :
^
^
^
^
^
^
^
^
لم ينجح أحد !!
برهوم حاكينا ..ودي برضه من ضمن مزايا الواحد لما يعدي السن القانوني يقوم يقدر يقول برهوم من غير استاذ عشان مش حاتمشي استاذ برهوم مع انه هو استاذ الأساتذة ولكن هذا للتدليل والتمليح ..شوف بقى يا سيدي انا مع رأي البعض اللي قال ان احنا ممكن نضيف اجابة رابعة تحت مسمى :كل ما سبق لكن بجد انت ابدعت وخصوصاً في مادة الكيمياء لأنها من اختصاصي وبالفعل وضعت مصطلحات تكاد تكون من نواتج التفاعل المتعارف عليها من روائح نتنة وترسبات في القاع ..ومش عارفة ازاي قدرت تلم كل المواد دي والأسئلة كلها من المنهج ..الله عليك يا ابراهيم ...دائماً تتفوق على نفسك ولو انا عارفة اني شهادتي ليك مجروحة عشان انت ابني لكن معلش بقى ولا يهمني ..
السلام عليكم
أولاً: المسألة ليست مسألة تأليه للبشر
وكل فتوي تنبع من دليل
وهناك مايسمي مناط الدليل و
فهم مناط الدليل
أما كيفية تطبيق هذا الدليل علي الواقع فهي شئ آخر.
علماء كثيرين أفتوا بشرعية الثورة ومعهم أدلة دامغة. وأنا أوافقهم.
وعلماء كثيرين أفتوا بأن الثورة خروج علي الحاكم ومعهم أيضاً أدلة دامغة. وأنا أوافقهم أيضاً لأنهم فعلا لديهم ما يستندوا إليه.
ولو لم نسمع من الطرفين فسنصبح كلنا عميان.
الفريقين صحيحين تمام الصحة وفقاً لما أستندوا له من أدلة.
كل من نادي بشرعية الثورة ( من علماء الدين ) لم يكن ينادي لنفسه بل مثله مثل أي صحابي أو عالم أو مبشر منذ بدء الخليقه يقول ما يراه صحيحاً من وجهة النظر الدينية.
ثم يترك لك أنت حرية الإختيار.
وكذلك بالمثل من ينادي بعدم شرعيتها.
فلماذا أُهاجم هذا أو ذاك.
أنا أسمع من الطرفين ثم أختار ما أريد وهذا ما كرمنا به الله من عقل وحرية تفصلنا عن البهائم( أعزك الله ).
ثانياً: وللمرة الثانية تذكر حضرتك ما تراه نقداً وما أراه أنا تبكيتاً واضحاً(وتريئه ) عندما تقول:
سعيد بامواله و مكسبه و سيارته الفارهة و زوجاته الاربعة لا يتكلم الا فى الدين
الصراحة لا أجد ما أقوله لك رداً علي ذلك فهو قول مؤسف
ولكن
قال علماء الدين جميعاً وأجمعوا أن :
" لحوم العلماء مسمومة "
ليس معني هذا
أن العلماء معصومون من الخطأ ، لايُستدرك عليهم . فالعلماء بشر كغيرهم ، وإن فُضّلوا بحمل ميراث الأنبياء عليهم السلام . ولذلك يكون الاستدراك ( النقد ) عليهم بعلم وأدب .
ولا اعلم لماذا نستغرب من شيخ عالم يتقاضي أجر بتعليم العلم الذي رزقه إياه الله.
ولا نستنكر علي من يكسبون المال من حِلِهِ وحرامه بالرقص والغناء والسياسة
ما العيب في أن يكون صاحب قناة أو صاحب قمر صناعي بأكمله
هل الغني والمال يتناقضان مع الدين
أم أن صورة الشيخ الدرويش الذي يدور في الموالد ثابتة في وجداننا الجمعي بحيث نستنكر غيرها.
وما المانع ان يتزوج أربعه
ولو كان الشرع حلل الزواج من 10 نساء وتزوج هو عشرة نساء ... ما العيب في ذلك هل إشتكت لك أو لي أو لغيرنا أي من زوجاته
هل تعلم أنه لا يعدل بين نسائه... حتي وإن كان أليست هذه حياته الشخصيه وحريتنا في النقد تنتهي عند حرية الآخريين.
هو يقول قال الله .. قال رسول الله .. ( وعلي فكره الكلام في السياسة من صـُلب الدين )
فلماذا أتطرق لحياته الشخصية أو لمكاسبه المالية
يقول الحكماء : إعرف الحق تعرف أهله
يعني الدين لا يُعرف بالرجال ولكن الرجال يُعرفوا بالدين.
والرجل لم آراه تقريباً في العشر سنوات الماضية
يفتي فتوة بغير علم.
نقطه أخيرة لأني أطلت الكلام:
قال الله : ( ومن لم يحكم بما أنزل الله فأولئك هم الكافرون)
فالسياسة والحكم والشوري في المجتمع من صميم الدين وهناك عشرات الآيات التي تحث علي وتوضح ذلك
عندما يتكلم شيخ ما في موضوع سياسي
فهو عنده مثله مثلما يعلمك كيف تتوضأ. ليس بالشئ الغريب له لأنه يعلم ان ذلك من أصيل علمه.
وبالنسبة للشيخ محمد حسين يعقوب
فمسألة غزوة الصناديق مبالغ فيها جداً
هو فعلاً قال الكلمة ولكنها كانت كلمة في مسجد صغير لا يصل عدد المصلين فيه رقم يُستحق أن يـُذكر
أما يحي الجمل لما تطاول بكلام لا يجوز علي الله عز وجل علي فضائية يراها الملايين.
أستنكروا أصحاب التهم المعلبة ( من شاكلة أنت أُصولي ، أنت رجعي ، أنت وهابـي ) علي من يستنكر فعل يحي الجمل
وكأننا صرنا كقوم لوط نقول : ( أخرجوهم من قريتكم أنهم أناس يتطهرون )
الصح بقي عندنا خطأ والخطأ بقي مش مشكله بقي عادي - عديها ، فوت - إلي آخره
ربما لم يحالفك الحظ أن تجلس أمام أحد المشايخ مثل أبو إسحاق الحويني أو يعقوب أو حسان
وربما تري أنه ليس هناك حظ في ذلك أيضاً وأنني مجرد بخرف ومتعصب لرأي ما
لكن من مدونتي ستري أني لست ( من المشايخ )
مش من الملتزمين جداً يعني
لكن انا حالفني الحظ بان أجلس أمام الشيخ/ حسان
والشيخ/ الحويني
وأعلم جو المكان العام عندما تجلس أمام عالم تسمع منه الدين وكأنك لأول مره تسمعه
وأعلم عندما قالها الشيخ يعقوب : فهي تماماً كما سمعت كلمات مثلها من قبل أمام غيره من المشايخ
نوع من هزار المشايخ/ هزار العلماء
وهو نفسه وضح ذلك
اللي عايز يصدقه يتفضل واللي مش عايز أنا بقي أقول له:
فلتذهب إلي حيثُ ألقت
لما نقف كلنا أمام ربنا هنعرف مين الصح ومين الخطأ.
تحياتي وتقديري
المواطن اكس
لن استزيد فى الرد و لكن سارد يا اخى فى نقاط صغيرة
هى لم تكن فتوة لوجه الله كلنا و تم الافصاح عن الحقيقة هى كانت ديل من اجل عودة قناة الرحمة المغلقة فدعنا يا اخى نسمى الامور باسمائها
تقول اخى بان قول سعيد بزوجاته الاربعة و سيارته الفارهة قول مؤسف
ما المؤسف يا اخى انا اقر حقيقة مؤكدة
كان الشيخ محمد حسان سعيدا بحياته الاجتماعية و العملية لا يتكلم ابدا الا فى المواضيع الدينية لم يقترب ابدا قبل الثورة من المواضيع السياسية
و دعنى اقرب لكى وجهة نظرى لم يكن مثل الشيخ عبد الحميد كشك رحمه الله
اما ان يصير بعد الثورة من قواد السياسة و قواد الثورة فهنا كثيرا من علامات الاستفهام
لم افهم غرضك من قول لحوم العلماء مسمومة هل العلماء فقط لحومهم مسمومة اريد ان افهم
ما دخل يحى الجمل بما اقول و من قال لك انى مؤيد ليحى الجمل
انا ضد التصنيف لكن من صنف غير هؤلاء الشيوخ هذا علمانى و هذا ليبرالى
اما الشيخ محمد حسين يعقوب للأسف يا اخى انا لا افهم هزار الشيوخ
انا اعرف معنى الكلمة عندما تخرج من رجل الدين و كما قال عبد الرحمن الشرقاوى
الكلمة نور و بعض الكلمات قبور
بالكلمة تنكشف الغمة
و دليل تتبعه الامة
شرفتنى و تحياتى
إرسال تعليق