الثلاثاء، 29 نوفمبر 2011

البلياتشو و الجزماتى

فى اتصاله التليفونى لمرتضى منصور مع ملك الفكاهة الجديد توفيق عكاشة راعى احمد سبايدر توعد مرتضى منصور الجميع فى لقاء منتظر السبت القادم بسيديهات و ملفات ثم تطرق الى اسراء عبد الفتاح و توقعت ان يهاجم فكرها و ايدلوجيتها  لكنه تكلم عن البوت الذى ترتديه اسراء عبد الفتاح و قال انه بخمسة الاف جنية و لم اعرف ما علاقة توجه اسراء عبد الفتاح بالبوت الذى ترتديه و ما علاقة الفكر بالقدمين هل لان راحة الراس تبدء من القدمين و كيف اكتشف بموهبته العبقرية ان البوت بخمسة الاف جنيه ثم القى قنبلة هزت قناة الفراعين و الاغريقين و الهنود الحمر ان اسراء كانت ترتدى شبشب زنوبة قبل عملها السياسى و بما انه اصبح خبير فى الاحذية و الشباشب بجانب عمله فى السديهات و الملفات كما ان ما ذكره عن اسراء عبد الفتاح لا يعيبها بل يزيدها فخرا اذا كانت كذلك و اجتهدت فلا يعيب الشخص فقره و لكنى ساقول لكم من هى اسراء عبد الفتاح التى تربت تقريبا امام عينى
اسراء عبد الفتاح راشد
و الدها المرحوم الاستاذ عبد الفتاح راشد مدير بوزارة التربية و التعليم ببنها سابقا الذى قضى حوالى عشر سنوات يعمل بالخليج
عمها المرحوم المستشار عبد الخالق راشد الرئيس السابق لمحكمة استئناف شمال القاهرة
عمها ظابط متقاعد بالقوات المسلحة على راشد
والدتها موجهة فاضلة بالتربية و التعليم
هل اقول باقى اعمامها و اخوتها و عائلتها 
مرتضى منصور ملك الافك و الفهلوة ارجوك ان تتعاقد مع قناة موجة كوميدى انت و توفيق عكاشة و متنسوش اسبيادر معاكم او السيرك القومى لفقرة المهرج و انا اضمن لك ان تحقق دخل كبير و وقتها سيكون الرجل المناسب فى المكان المناسب  اما الشبشب الزنوبة فاعتقد انه سقط من راسك و حياة احمد و امير و اميرة
                                                           بلد مجانين صحيح

هناك 16 تعليقًا:

Emtiaz Zourob يقول...

عندما مات القذافي زعلت بصراحة .. قلت على مين بدنا نعمل نكشة راس ؟؟؟
طبعا الموت لا شماتة فيه ولكن من للكوميديا من بعدك يا قذافي ..

لكن الحمدلله لسه الدنيا بخير وقادرة على إنجاب المزيد والمزيد .. وعلى رأس القائمة توفيق كنافة :) وازبادير .. والاخير مبتلي مكسور .. مش كان اسمه هيك باول تدويناتك على ما اذكر اذا لم تخني الذاكرة كالعادة :)

يعيش البلياتشو والجزماتي وتعيش الكوميديا السوداء .. وربنا يبارك في الثورة اللي عرفتنا ع هيك اشكال !!

افكار مبعثرة يقول...

ههههههههههههههههه جامد جدا البوت بتاع اسراء ده ما شاء الله عليه نبيه عرف انه بخمسة الاف جنيه مش بستة او اربعة و نص نووووووووووووو خمسة بالتمام و الكمال ههههههههه
بجد بوست رائع قعدت اضحك بصوت عالي و الناس حوايلا في المكتب قعدوا يبصوا عليا عجبك كده ؟ هههههههه
تحياتي لقلمك :)

هبة فاروق يقول...

هههههههههههههههههههه
والله حاجه تحزن مش تضحك وكأننا نتصيد الاخطاء لغيرناعلى حساب نوع ماركه جزمتهم اموضوع اوريجنال خالص يجنن
بس حتجنن واعرف ماركه البوت ايه ؟؟

هديل يقول...

بيجيني مغص حاد لما اشوف خلقته بالصدفة على اليوتيوب .. بحس انه اهدار للطاقة الكهربائية و الكوتا بتعت النت من على جانب .. و استخفاف بالبني ادمين و حشد كثيف من التفاهة امامهم !
الله يشفيهم !

دمت بخير ،،،

rona ali يقول...

الراجل توفيق عكاشه لو راح يصبع كفته احسنله
ولو ان الكفته ممكن تزعل مننا
معرفش العبسيه مطلقه صراحه هو ومرتضي وسيبدر ليه لحد دلوقتى

موضوع اسراء بيفكرنى بموضوع اسماء اللي ابوها فاتح كشك جرايد حسب كلام مرتضي برضوا

الراجل معندوش حد عدل الا نفسه وعياله تقريبآ

reemaas يقول...

طب مانت الغلطان بردوا يا استاذ ابراهيم
حد يسمع مرتضى منصور وعكاشة دفعة واحدة ؟!!!!!!!!!!!

انا عن نفسى ماعنديش القدرة دى بتاتا

Carol يقول...

هههههههه :)
اضحكتني و أبكتني ..
يمكن عشان انا متأثرة بأحوال البلد اللي يوم بتاخذنا فوق ويوم تاني تنزلنا تحت
حسب الاحداث

كل يوم بنكتشف الفساد المتفشي في كل المجالات
الفساد الذي تسرب للعقول من حولنا ... بسبب النظام السابق المشبوه الذي تربينا فيه ...

أسلوب قلمك الساخر مميز جدا :)
تحياتي لك

نيسآان يقول...

hhhhhhhhhhhhh

مش كل واحد وعلامه؟؟؟

وتنفع برضو كل واحد و مقامه!!!

ابراهيم رزق يقول...

شجن البنفسج

اختى العزيزة


هههههههههههههه
فعلا و الله قمة الكوميديا السوداء
ربنا يحرمنا من طلته البهية

نورتينى
تحياتى

ابراهيم رزق يقول...

افكار مبعثرة

ههههههههههههههه
معلش بقى لو قلتى لهم الموضوع فى مرتضى هيضحكوا على طول

لما اقابل اسراء ابقى اسالها على سعر البوت و اشوف مرتضى جزماتى كويس و لا على قده
هههههههه

نورتينى
تحياتى

ابراهيم رزق يقول...

هبة فاروق
هبة الفاروق


ههههههههههههه
فعلا عالم تجنن

لما اقابل اسراء اقولها على ماركة البوت
من عينى

نورتينى
تحياتى

ابراهيم رزق يقول...

هديل

ههههههههههههههههه
صدقتى و الله العظيم
ربنا يرحمنا

نورتينى
تحياتى

ابراهيم رزق يقول...

rona ali


بيقولوا العباسية غلبت معاهم هم من الحالات الصعبة
و الله لو عمل كفتة هيفشل الفاشل الفاشل
هههههههههه

شفتى بقى و ناقص يقول كنت باشترى منه سجاير

نورتينى
تحياتى

ابراهيم رزق يقول...

reemaas


هههههههههههه
و الله العظيم برىء يا بيه متفرجتش خالص
ده وقع على نافوخى من اليوتيوب

نورتينى
تحياتى

ابراهيم رزق يقول...

Carol

اولا سعيد بتشريفك
سعيد بضحكتك التى اتمنى ان تدوم و لا تتحولى للبكاء ابدا

اوفقك الراى تماما مرتضى منصور افراز لعهد و نموذج مجسم من الجهل و البلطجة و الصوت العالى

متشكر على مجاملتك الرقيقة

نورتينى
تحياتى

ابراهيم رزق يقول...

نيسان



ههههههههههههه
هو خبير فى كله

نورتينى
تحياتى