الأحد، 11 ديسمبر 2011

السادة المفتيون و على بيه مظهر

من منا يتذكر شخصية على بيه مظهر الشخصية الشهيرة التى جسدها محمد صبحى فى المسلسل الشهير فرصة العمر و جسدها ايضا فى فيلم و مسرحية هذه الشخصية عبارة عن شخص امكانياته الشخصية محدودة و لكنه يدخل نفسه فى جميع المجالات و التخصصات و لا يقول لا اعلم ابدا تداهمنى هذه الشخصية كلما شاهدت اثنان احدهم اسمه بكار و الاخر شحات 
قبل ان اتطرق للكلام اريد ان اشرح مفهومية برنامج حزبى لاى حزب برنامج الحزب عبارة عن مجموعة من الدراسات الاكاديمية و العملية مدعمة بدراسات جدوى و خطط بديلة فى جميع المجالات عبارة عن عدة ملفات فى السياحة و الاقتصاد و الصحة و التعليم و الزراعة و الاسكان و المرور و الحريات و غيرها طبقا لتوجهات الحزب على ان يكون الحزب جاهزا بما يسمى حكومة الظل جاهزة فى اى وقت لتحمل المسئولية هذا هو مفهومى و مفهوم جميع الدول المتقدمة لبرنامج الاحزاب
ابتلانا الله الان بشخصيتان ما انزل الله بها من سلطان احدهم بكار و هو المتحدث الرسمى لحزب النور و الاخر هو الشحات المتحدث الرسمى لما يسمى الدعوة السلفية و عضو بحزب النور ايضا
الاخ بكار يتحدث فى جميع المجالات كخبير كبير لم ينجب حتى الان فى اخرها امس و الله العظيم كنت ساقوم بتحطيم التلفزيون الخبير بتاع كله بكار فى حضور خبيرين فى البنوك و السياحة يعطيهم درس فى العمل المصرفى و السياحة و لا يعطيهم الفرصة و ما غاب عنه بالذات فى مجال السياحة ان الموجود خبير و مستثمر لو وجد فى كلامه شىء من الصحة لحمله هو بنفسه الى الحكم لانه فى الاول و الاخر هو مستثمر يريد المكسب بغض النظر عن الايدلوجية و الفكر حتى لو كانت سياحة المراجيح سيحول كل استثماراته الى شراء المراجيح لانه يريد النجاح الخبير بكار يناطح خبير السياحة عن طريق معلومات استلقاها من النت بل بهذه المعلومات اقام مؤتمر فى اسوان و يسترشد بسلسلة فنادق عالمية تطبق ما يسمى بالفنادق الاسلامية و ما غاب عنه ان هذه السلسلة تطبق هذا النظام فى 5% فقط من فنادقها بينما 95 % فنادقها عادية كما ان سياحة الشواطىء التى يهاجمها هذا البكار تحتل 81% من السياحة العالمية و كيف سيأتى بعشرين مليون سائح يتركون كليفلاند و باريس و لندن و يأتون الى مصر التى تتفوق و تتقدم طبيا على هؤلاء لاننا ببساطة لن نخترع العجلة و بنفس المنهج دخل فى سجال مع خبير البنوك و كانه رئيس البنك المركزى و هكذا الاخ بكار بتاع كله خبير فى كله لا يوجد مجال الا و يفتينا فيه مع ان عمله هو طرح وجهة نظر الحزب فقط من خلال تصريح او بيان و لا يعلم انه بكل تصريح من تصريحاته تغير طائرة من السياح وجهتها من مصر الى اسرائيل و تركيا
نأتى للزغلول الاكبر الاديب الادباتى و الخبير السياسى و الخبير السياحى و استاذ الشئون الديمقراطية الشحات اصبحت تصريحاته تتساوى مع تصريحات توفيق عكاشة و تنافس افلام حلمى و مكى و هنيدى فى الكوميديا و نسى انه متحدث باسم دعوة و يجب ان يقول مليش دعوة عندما يسأل عن شىء لا يفهم فيه بل ان تصريحاته تثبت جهله عندما يتحدث عن ادب نجيب محفوظ مؤكدا انه يتكلم عن البارات و الفسق و الفجور و سنفترض صحة قوله  هل مفروض ان العالم الذى لابد ان يكتب عنه الاديب عالم من الملائكة و ليس من البشر الم يتحدث القران الكريم عن قوم عاد و ثمود و قوم لوط هل وصل الجهل و الاستخفاف الى هذه الدرجة و لعلكم لا اخفيكم سرا اتصل بى صديق مصرى مقيم فى سويسرا يعمل شيف حلوانى باكبر فنادق سويسرا و استاذ باكبر اكاديمية للسياحة بسويسرا اقسم بالله يكاد يبكى و يقول لى ان كتيب السياحة الاسبوعى الذى يصدر فى سويسرا تتصدره تصريحات الشحات التى يقول فيها ان الحضارة المصرية القديمة حضارة عفنة و يقول لى ماذا اقول لتلاميذى و انا الذى كنت اتباهى بهذه الحضارة العظيمة ماذا اقول لزميلتى التى تعد الدكتوراة فى الحضارة المصرية القديمة  بتوجيه منى ماذا اقول و كل شعوب العالم اجمع تحاول ان تربط تاريخها بالحضارة المصرية القديمة لكى تتشرف بها هو لا يعرف ان كل تصريح يخرج منه يتحول الى مانشيت فى الصحف و وكالات الانباء العالمية ثم يتحول الى دراسة و تقييم لا يعرفه امثاله ثم بناء على الدراسة يتم التقييم الذى يضرب صناعة مهمة فى مقتل الم يلفت نظره ان مصرمنذ الفتح الاسلامى من ايام عمرو بن العاص توالى عليها العديد من الملوك و الشيوخ و الائمة لم نسمع عن احد حاول ان يهدم الاهرام او يغطى التماثيل بالشمع و نسى ان الاندلس مازالت تعيش على نور الحضارة الاسلامية من ادب و فنون و علوم دنيوية و ان بداية سقوط الاندلس هو تولى تيار خفافيش الظلام و التققهر الحكم
قضيتكم فاشلة ايها السادة لقد حكم فيها من قبل الامام محمد عبدة و رفاعى الطهطاوى و جمال الافغانى فى قضية الاسلام و الموائمة مع الحضارة الحديثة من سنين عديدة و لن تخترعوا العجلة و لن تجذوبنا الى الخلف مرة اخرى 
اما بكار و الشحات فادعو جميع شركات الانتاج الى انتاج افلام كارتونية بشخصيات بكار و الشحات و اعتقد انها ستحقق نجاح منقطع النظير 

تنويها  و احقاقا للحق سمعت واحدا من حزب النور اسمه محمد نور يحاول ان يخفف من تصريحات بكار و الشحات و لكن اعتقد ان صوته خافتا بجوار اصواتهم المزعجة
تبقى فقط الفتوة المهمة الاخيرة للشيخ محمد حسان التى ستغير وجه الصناعة و التجارة باباحة صناعة و تجارة الدباديب بينما حرم  شرعا فقط عرائس الاطفال طبعا هذه الفتوة اسكتت السجال القائم بين انصار الفريقيين و ارجو ان يريحوا انفسهم بعد هذه الفتوة الميمونة
يبقى موضوع اخير خارج موضوعنا تصريحات مرشد الاخوان السابق مهدى عاكف بأن اللى مش عجبه حكم الاخوان للبلد يسيبها و يمشى و اسف لانى لم اجد فى قاموس الاجابة كلمة مهذبة اخف من هذا الرد
فضيلة المرشد السابق هى بلد ابوك 
                                                           بلد مجانين صحيح
  

هناك 28 تعليقًا:

reemaas يقول...

رغم عدم تفائلى بجتياح التيارات دى للجولة الاولى يا استاذ ابراهيم ولكنى مش ناقمة عليهم اوى

لانهم بينفذوا السناريو اللى انا وغيرى تخيلاناه بحزافييره

بيتكشفوا بدرى بدرى وبيتحرقوا بدرى بدرى
ولو كتبت لهم هذه المرة فمن المستحيل ان تكرر

خليهم يكشفوا اوراقهم

Bent Men ElZman Da !! يقول...

انا مش قادره اعرف ازاى الناس دى مش قادرين يختاروا انسان "فاهم" يقدر يتكلم بالنيابه عنهم
والا من الواضح ان كلهم كده ؟؟
كان متوقع منهم الاكتساح وانهم يقولوا رأيهم فى اللى يعرفوه واللى مايعرفهوش
بس نهايتهم وحشه بردو انا قلبى حاسس
وبيتهيألى اخرهم مجلس الشعب
اكتر من كده يبقى صعب
وخلينا قاعدين على قلبهم
ولو مش عاجبهم ممكن اوى هما يمشوا

افكار مبعثرة يقول...

تصدق بالله و انا قعدا بقرا البوست بتاعك كان في بالي اخر رد انت كتبته مع الاعتذار برده
هي بلد ابوهم يحكموا و يتحكموا فيها اذا كان دول او اي حد تاني داخل يقول و يحكي زي ما يكون ما صدق لقا ميكروفون و ان ما لاقاش هيمسك كنكة و يتكلم فيها
بجد يعني هو مفيش تفكير خالص و مفيش صوت واحد عاقل يشغل مخه و يقول ان مصر مش مايلة و دول اللي جايين يعدلوها
انا بجد متعصبة جدا من ال موضوع ده و انت جيت على الجرح بكلامك اللي في الجون
سلم لسانك و يدك
و احلى حاجة بقا فطسيتني من الضحك حكاية عرائس الاطفال دي
ربنا يعافينا يارب
تحياتي

مصطفى سيف الدين يقول...

اسوء ما في تلك البلد وما يصر على ان نعود لما قبل الثورة هو ان الشحات الصوت الاعلى للاسلاميين وساويرس الصوت الاعلى لليبراليين ولو ابتعد الاثنين عن الساحة ربما وصلنا لحلول ترضي الجميع
اما عن بكار فيجب عليه ان يدرس الاول قبل ان يتحدث مع الخبراء و ان يترك المجال للخبراء في المجالات (فسئلوا اهل الذكر)
رفاعة الطهطاوي والافغاني ومحمد عبده رموز ليبراليين اسلاميين لو وضعناهم نصب اعيننا واستفدنا بتجاربهم ربما وصلنا لبر الامان
اما عن المرشد فهو صاحب الصوت الاعلى الآن ومن حقه ان يقول ما يريد وقالوا يا فرعون ايش فرعنك قال جبت 50% في المرحلة الاولى
تحياتي

faroukfahmy يقول...

ابــــــــــــــراهيم
حقيقى وبجد عجببنى قوى البوست يجب ان يقرأه كل مصرى حريص على:
تاريخ مصــــــر
روح مصـــــــــر
كيان مصــــــــر
رجال مصــــــــر
شباب مصـــــــــر
اطفال مصــــــــر
آثار مصـــــــــر
نيل مصـــــــــــر
كتاب مصــــــــــر
فنانوا مصــــــــر
مش هقول ياابراهيم الا ياعيتى عليكى يامصر

نسرين شرباتي "أم سما" يقول...

ربنا يعينكم
ويهونها عليكم قريبا
واهي مادة دسمة للانتاج السينمائي

دعاء العطار يقول...

مشكلتهم يااستاذ ابراهيم انهم بيشوهوا الاسلام بجد والاسلام برىء من كللل ده

انا نفسى اعرف هى مصر هتلاقيها منين ولا منين

لك الله يامصر

لــــ زهــــــراء ــــولا يقول...

بشيييييييييييييييييييط من كل شخص داخل يستهزأ بحضارتنا واجدادنا
اللي مش عاجبه تاريخه يشوفله تاريخ مزور يتمجد بيه

لولا

شمس النهار يقول...

علي الصبح ياابراهيم علي الصبح

بكار والشحات وكمان حسان

ارحمني يارب

مش السعودية دي حبيبتهم ومثلهم الاعلي
طيب فلوس رجال الاعمال السعودين فين
بلاش
العائلة المالكة فلوسها فين
كلهم فلوسهم في بنوك العالم الغربي اللي بنوكهم زي الكتاب مابيقول

صدقني الناس دي موضة
والشعب المصري هيخليهم ديموديه بعد شوية
عجبتني الست المصرية الشقيانة اللي راحولها قالولها هنديكي 168 جنيه في الشهر والبسي النقاب واقعدي في البيت

ضحكت وقالتلهم نعم ده انا يوميتي 100 جنيه وبصرف علي ولادي واولاد بنتي الايتام
:))

دي عالم بتتكلم عن مالاتعلم
اما عكاشة بقا
لو سمحتوا مش عايزة حد يجيب سيرته
ربنا يخليهولنا
ده هو اللي فاضلنا
يعني لا هيبقا القذافي ولا عكاشة
والمسارح افلست
طيب نضحك ازاي بقا
:)))))
صباح الفل

AhMeD RaDy يقول...

ابراهيم رزق

انت غريب عجيب .. انت مش مسلم !

اعوذ بالله دول بتوع ربنا يا اخى

انا مستغرب انك مش انتخبتهم ازاى بس مش تنتخب بتوع ربنا !

.. انت تعرف واحد اسمه احمد راضى .. اصله بيسلم عليك وبيقولك تسلم ايدك ودماغك بجد انا مش عارف ليه فجأة بقى اى حد يوجه انتقاد ليهم يكون مش مشلم وانه كاره لشرع الله ! وكأننا لسنا مسلمين ..! كان فى شئ غلط فى عقولنا واننا من دعات الفجور

استمر يا استاذ ابراهيم بجد .. احنا محتاجين اوى لكل كلمة تنور عقولنا .. مش هقولك اكشفهم ولا خليك وراهم ولكن فقط ... اوضح اللى انت شايفه محتاج توضيح لعل الناس تعرف ان المسلمين مش هيخلواالدين فى الصندوق ابدا ابدا ..

انا مسلم غصب عن عين التخين

أمل م.أ يقول...

للاسف اصبحنا نعاني كثيرا من امثال
هذه الشخصيات الذين يتحدثون في كل
شي ويفهمون اكثر من المتخصصين
انفسهم ويفتون وكأن الفتوى
اصبحت موضة هذه الايام
والاسوء بصدق ان يكون هنالك فئة تتكلم
باسم الدين وهي تتعامل باسلوب
الترهيب والحلال والحرام ..وانهم "بتوع
ربنا" وان من يخالفهم سيدخل جهنم
ومن يسير معهم فهو بالتاكيد سيدخل الجنة
استاذي ... ماذا اقول
بجد ازعجتني جدا قصة صديقك من سويسرا
في الوقت الذي تحاول الشقيقة مصر الوقوف على قدميها من جديد
وانا قرأت مؤخرا ان قطاع السياحة
هذا القطاع الحيوي قد تأثرا سلبا خلال الثورة يأتي شخص مثل الشحات ويصدر عنه كلام يؤثر هذا التاثير الكبير وتنتشر اقوله بسرعة انتشار
النار في الهشيم
والله شيء مؤلم
لك الله يا مصرنا الجميلة
الامور اصبحت غوغائية ربنا يجيب الي فيه الخير
لك مني كل الاحترام والتقدير

كن بخير دوما

عازفة الالحان يقول...

مسآأئك دآافِئ

كَلآم نقَي

دمت بخير

سواح في ملك اللــــــــــــــــــه- يقول...

عزيزي ابراهيم

معلش متزعلش مني

انا بعتبر نفسي مخايد لامع ولاضد

ولابحب المتشددين في الراي

ولابحب المتساهلين فيه

انا شايف ان الهجوم الضاري علي الاسلاميين

تشدد

وايضا شايف نخبة ليبرالية بتطلع في التلفزيون

مبتعرفش توصل للناس افكارها

اصلهم مش عشان يوصلوا للناس مطلوب

مطلوب منهم الهجوم الدائم

يااخي الفاضل لو نجحوا الليبراليين في اقناع الناس

ماكانت نتيجة الاستفتاء السابق

تاتي كذلك

في كل بلدان العالم ياصديقي هنا ك

المتشددين وهناك

المعتدلين

انها الديمقراطية يااخي

ابراهيم رزق يقول...

reemaas

فعلا معاكى كل الحق بيكشفوا نفسهم بنفسهم

نورتينى
تحياتى

ابراهيم رزق يقول...

بنت من الزمن ده

فعلا اللى مش عجبه هو اللى يمشى و احنا قاعدين
ههههههههه

نورتينى
تحياتى

ابراهيم رزق يقول...

افكار مبعثرة

ههههههههههه
و لا يهمك قولى كل اللى فى نفسك
فعلا بيجوا للهايفة و يتصدروا

نورتينى
تحياتى

ابراهيم رزق يقول...

مصطفى سيف

فعلا يا مصطفى معاك حق بس نجيب لما بيغلط بيقول انا غلطت
اما بكار و الشحات فحاجة و لا بلاش
يا ريت نرجع لفكر محمد عبدة و الطهطاوى و الافغانى

نورتنى
تحياتى

ابراهيم رزق يقول...

فاروق فهمى
ملك الزهرات
و ابن بطوطة المدونين

مش هقدر اقول على تعليقك شىء
الا عينى على تعليقك
الللللللللللللللله يا استاذ

نورتنى بجد
تحياتى و تقديرى و حبى

ابراهيم رزق يقول...

نسرين شرباتى ام سما

ربنا يعنا يارب

نورتينى
سلامى لورداتك الجمال
تحياتى

ابراهيم رزق يقول...

دعاء العطار

مش بيشوهوا الاسلام بس
بيشوهوا كل حاجة
الادب و السياحة
لسه سى بكار بيتكلم فى السياحة و لما رد عليه المرشد السياحى قال مقلتش و هو قايل الكلام من دقيقتين

نورتينى
تحياتى

ابراهيم رزق يقول...

لولا و زهراء

و انا كمان بشيييييييييييييط جدا
لسه بكار من خمس دقائق بيقول دى حضارة كفرة

نورتينى
تحياتى

ابراهيم رزق يقول...

شمس النهار
شمس الشموس


هههههههههههههه
ازاى تقولى كده
الاستاذ بكار سافر اسوان و بيتعامل مع الناس كانه رئيس جمهورية
هيدى المرشدين معاشات و هيركب معديات للمراكب خلاص مسك البلد بروح و لا بلاش

و الله هما ديموديه من غير حاجة

اما عكاشة حبيبى
هو انا خلفت غير عكاشة عماشة

نورتينى بجد
تحياتى و تقديرى

ابراهيم رزق يقول...

احمد راضى

هههههههههههه
اولا الله يسلمك

فعلا كل اللى مش معاهم ميبقاش مسلم
صك الاسلام معاهم

سعيد بتعليقك
و انت مسلم غصبا عن عين التخين و معاهم بكار و الشحات

نورتى
تحياتى

ابراهيم رزق يقول...

امل م ا

اولا سعيد جدا بتعليقك
و سعيد بروحك و شعورك تجاه مصر

اطمئنى على مصر
فى النهاية لا يصح الا الصحيح

نورتينى
تحياتى

ابراهيم رزق يقول...

عازفة الالحان

مساءك فل و هنا

نورتينى
تحياتى

ابراهيم رزق يقول...

سواح
اخى العزيز

انا لا ازعل ابدا من اختلاف الرى ابدا
بل هو فيه اثراء

و الله انا مش متشدد ضدهم انا ضد افعالهم بدليل عندما تكلم احدهم كلام متزن حرصت على تذكر اسمه و كتبته

اعتقد انهم بتصريحاتهم هم من يجلبون الهجوم عليهم و ليكن لهم فى الدكتور ابو الفتوح قدوة لهم

اما النجاح فى الانتخابات فهذا ليس نتيجة حجتهم و لكن نتيجة كارت الدين اللذين يلعبون به و لعل محمد حسان بعد ان شعر بمدى ما كانوا يستغلونه تحدث و نفى انتماءه خوفا من الذك به فى معاركهم

نورتنى
تحياتى

غير معرف يقول...

تسلم يا ابراهيم

حسيت اني ارتحت بعد ما قريت الكلام ده

zizi يقول...

اقولك حاجة يا ابراهيم ..كان نفسي قوي اسمع في برنامج واحد فيهم عن فكرته لمحو الأمية ازاي وفي كام سنة ممكن نمحي امية هذا الشعب المتعوس ..لكن ليه نمحي اميته وهو دا المناخ الملائم جداً لمرادهم يعني الست داخلة بتقول انا عايزة انتخب حزب الوفد قالولها الوفد علمي على الميزان على طول ..وهكذا وهكذا ...أنا في رأيي إن مشكلتنا الأساسية الأمية وعدم الوعي اللي مصطفى اشار اليه ..يعني مش كل اللوم عليهم ..لأ فين دورات التوعية اللي كان لازم الشباب يعملها في كل قرية بعد كل تجمع يعمله الإخوان أو النور ..فين الأبواق اللي كانت لازم تنزل لكل حارة وكل زقاق وكل "زنجة "وتبينلهم اللبخة اللي حايمشوا فيها ..ورغم ذلك مازلت اقول يارب اجعل فيها من يصلح فيها ..تحياتي