السبت، 24 ديسمبر 2011

محدش واخد باله

محدش واخد باله ان كل شخص يعبر عن نفسه و وجهة نظره فقط حتى البرلمان القادم هو لا يعبر عنى و لكنه يعبر عن الاغلبية التى اعطته الشرعية فله كل الحق فى ممارسة شرعيته لكن من اعطى الحق للبعض للتحدث بصوت الاغلبية الصامتة اذا كانوا صامتين فكيف سمعوا صوتهم


محدش واخد باله ان التى انتهكت فى ميدان التحرير سيدة و ان اكثر ما انتهكوها سيدات لماذا هذه القسوة لماذا هذا الجلد لماذا نمشى وراء اصحاب المصالح مثل عكاشة عماشة كنت اخشى ممن تنتقدها ان اسالها سؤالا و لكن حيائى و تربيتى منعنى من احراجها بمجرد سؤال ماذا ترتدين تحت ملابسك هل ترتدى سروالا و كلسوما و قميص مثلما قال عكاشة عماشة هل وصل القهر للمراة الى هذه المرحلة بعد ان كنا نحاسبها على ملابسها ان نتدخل و نحاسبها على ما ترتدى تحت ملابسها هل ترجع عجلة الزمان الى الخلف هل سنعود الى عصر حزام العفة انتبهوا نحن على بعد خطوات منه

محدش واخد باله ان حزب النور السلفى اعلن عن نزوله ميدان التحرير و معلوماتى المحدودة ان اية المنافق ثلاث منها اذا وعد خلف و بغض  النظر عن سعادتى بعدم حضورهم و عن الديل الذى عقد ليلا و لا نعلم ما هو و جعلهم يخلفون وعدهم هل يوجد تبرير لعدم الحضور جمعة رد الشرف يا حاملى لواء ......... ضعوا انتم ما يحلوا لكم مكان النقط

محدش واخد باله انى لا احب الفيس بوك و تقريبا لا ادخل عليه و زاد كرهى له بفيرس داهم صفحتى اعتذر جدا لكل اصدقائى عن الفيرس الذى اصاب صفحتى و عن اى اساءة تكون قد وصلتهم عن طريق هذا الفيرس و المثل بيقول من خرج من داره اتقل مقداره
                                        

هناك 36 تعليقًا:

faroukfahmy يقول...

من الفاروقى الى الابراهيمى الستات اللاتى ينتهكن المظلومة لم تتضح بعد رؤيتهن فيما هو قادم عليهن
ماهو المقصود بالملابس الداخلية هل اصبح الآن غير مسموحا بالخروج الا بها
هل اصبح معنى الداخلية هو البديل للخارجية
ساشترى قاموسا جديدا يحمل معانيهم المقلوبه الجديدة

شمس النهار يقول...

:))
صباح الخير ياابراهيم

اللي اتعمل مع السيدات والبنات كان مقصود
ايووووة
انا اميل لنظرية المؤامرة
وضحكت جدا
علي اللي قال ان العساكر والظباط تعبانين ومش لاقين ياكلوا ووقفت الشارع تعبتهم وعليهم ضغوط
قلت ياحلاوة
اومال هيحربوا في سينا ازاي اللي كلها جبال علي صحاري وشمس وبرد وحر ومطر
هو ده جيشنا
عليه العوض ومنه العوض

وسيبك من الفيس تعالي تويتر :))
ويبقا بلوجر هو بيتنا الكبير
بيت العائلة
وبالمناسبة ماعرفتش اجيبك علي تويتر
ده انا علي تويتر
hananfattah

AhMeD RaDy يقول...

استاذ / ابراهيم

استفهامك الكبير داخل البوست .. هو نفس الطريقة اللى لازم الناس تدركها جيدا !! يا ترى هل بعد كدا هيكون خروج المرأة من البيت بالملابس الداخلية الرسمية !!

يااااااااااااااااااااااه دا احنا بقينا نتناقش فى امور غريبة جدا بيجرونا اليها بشكل !! بسيبونى كل شئ ونمسك فى الملابس الداخلية لامراة !!

شوية احترام للعقل بالله عليكم يا بشر انتوا عايزين تجرونا لايه بالظيط !

شكرا للموضوع الجديد واتمنى ان الناس تعقل ما فيه .. وتفكر اكتر

ليلى الصباحى.. lolocat يقول...

خلينا نقول ان الاخت دى مخطئة
خلينا نقول انها مندسة
خلينا نقول انها مكيدة مفتعلة علشان اجهاض الثورة واحنا على مشارف يناير والذكرى الاولى للثورة
خلينا نقول ان المقصود افقاد الثقة بين الشعب والجيش

خلينا نقول ونقول ونقول

لكن ياترى كلنا عنينا كانت عمياء لما رأينا جنود الجيش بتضربها بقسوة وتهينها بالأرجل والاسلحة على الراس هى وباقى الشباب
والله لو سارقين ...لو قتله ما يفعل معهم هكذا ابدا

ده شغل بلطجة واجرام مش جنود مصر ابدا

انا متفقة مع اللى يقول مش كل اللى ظهروا عند مجلس الشعب والمظاهرات كانوا كلهم الجيش المصرى ومش بيمثلوا الشرفاء منهم

لكن كل اللى احنا متأكدين منه لو ان البنت دى اجنبية ولا مراسلة امريكية او بريطانية وحصل لها كده كانت بلادها قامت على رجل وما ارتاحت الا وهى واخده حق مواطنة منهم

لكن المسألة مش حق مجرد بنت لكن مبدأ الحرية والحساب لازم يطبق بشفافية

والاطفال اللى ماتت والشباب اللى راحوا فين حقهم

المشكلة مش مجرد بنت لكن بلد بحالها

صدقت استاذ ابراهيم فعلا بلد مجانين والله
ولا حول ولاقوة الا بالله

انسى اخى الاخوان والسلفيين اللى وصلوا للمجلس مش بيمثلوا غير انفسهم وفيه ناس كتير شرفاء من الاتنين

عندى امل لازال موجود ان حالنا ان شاء الله يتحسن وتمر الازمة

تحياتى لك اخى الكريم

رؤى عليوة يقول...

مش عارفه ليه بقيت كل الموضوعات اللى بقراها وكل الحجات اللى بمر بيها بالشكل ده

مش قادرة اوصف بالظبط رغم انى كنت أجيد الوصف

بس الحقيقه العيب مش فيا انا العيب فى كل حاجة حوالينا

كل حاجة دلوقتى ممكن نوصفها بإنها متشقلبه وغير متوقعه وغبيه ورخمه ومستفزه

على فكرة فيه ناس كتير بينطبق عليهم نفس الاوصاف

مليت الدنيا فعلاااااااا على فكرة انا اصلا صبورة جدا هههههه الدنيا بقت كلها مفارقات

وبقيت شايفه كل تعليقاتى وكل كلامنا الردود عليه واحده ومفيش تغيير ..

ربنا ييسر الاحوال وجوده سبحانه هو الشئ الوحيد المانع من الانتحااااااار

يارب يطيب قلوبنا
دعوة اخويا قالهالى امبارح وحسيت انى محتاجه اقوله امييييييييييين
وربنا يستجيب عاجلا غير اجل

لــــ زهــــــراء ــــولا يقول...

محدش واخد باله ان حزب النور السلفى اعلن عن نزوله ميدان التحرير و معلوماتى المحدودة ان اية المنافق ثلاث منها اذا وعد خلف و بغض النظر عن سعادتى بعدم حضورهم و عن الديل الذى عقد ليلا و لا نعلم ما هو و جعلهم يخلفون وعدهم هل يوجد تبرير لعدم الحضور جمعة رد الشرف يا حاملى لواء ......... ضعوا انتم ما يحلوا لكم مكان النقط
..........................
حسبي الله ونعم الوكيل
لصقوا في الكراسي خلاص
مش عايزوينهم يمثلونا

اسمع دي

http://www.youtube.com/watch?feature=player_embedded&v=XTkLEdg75Ls

لولا

افكار مبعثرة يقول...

كلنا واخدين بالنا لدرجة تتعب و نقول ياريت ما ناخدش بالنا يمكن نرتاح شوية
انا دماغي و قلبي وجعوني من اللي بيحصل بجد حسبي الله و نعم الوكيل و اكيد اكيد ربنا سبحانه و تعالى هيفرجها قريب اوي
تحياتي

;كارولين فاروق يقول...

يقطع النت علي اللي بينتتوا عليه
انا بصراحه يا استاذ ابراهيم
مستاءه جدا من الوضع في مصر
واصبح التحرير والعباسيه
كالاهلي والزمالك
حاجه يعني .........................
و بصراحه انا مابحبش الكوره ومتزعلش مني مابحبش اتكلم في السياسه كتير علشان بيصبني التوتر
اما عن التكلم في ملابس السيده المذكوره فيكفي ما حدث لها من اهانه ويكفي الكلام عن تفاصيل ملابسها فهذا في حد ذاته يؤلمها ويؤلم اي امرأه
تحياتي

rona ali يقول...

صراحتآ بعد كلامك مافيش كلام يتقال

:))

faroukfahmy يقول...

ابراهيم اجمل تعليق سمعنه من ابنتى كارولين حيث شبهت التحرير والعباسية بالاهلى والزمالك والله انا فخور قوى ببناتى فبالرغم من حداثة سنهم السياسى الاان وعيهن ببلادهن كبيرا
ضبافتك لا زالت شاغرة فى مدومنتى واشتكت وعاتبتنى عن تأخر وصولك مع انك رجعت من الميدان من مدة وكنت اتمنى بعد اتصالك بى هاتفيا ان اكون فى احضانك ولكن خفن عليك وعلى الموجودبين من لطشة البرد
اطيب تحياتى ياهيمة

faroukfahmy يقول...

اخى ابراهيم اعود اليك وقد اغفلت ذكر الوعى السياسى لاحب واطهر وارقى تسائتا وهما رائدنتا ليلى (ام هرير عندما قارنت المعاملة بين بتات جنسيتها وبتات الجنسيات الاخرى هل سيدنا آدم عندما جاء للوجود طلب النمييز بين العربى والعجمى بين الرجل والمراة بين الغنى والفقير بين الاشقر والاسمر ......الخ
كما شدنى اكثر واكثر تعليق لولتنا لولى
حينما جمعت احكام الدنيا والدين فى حكم من يخلف وعده
وهذا شأن نسائنا الافاضل ربنا يحميهن ويخليهن لنا نحن الرجال
مدونتك يا ابراهيم اصبحت ملتقى كل ماهو نفيس وغالى من نسائناويتزاخمن قبل رجالنا
يا بختك ياابراهيم وعقبالى يارب
الفاروق

سواح في ملك اللــــــــــــــــــه- يقول...

بص يابراهيم

لو اتنين يعزوا عليك اوي

انت بتعزهم وبتحترمهم

وواحد فيهم غلط في التاني

انت بقي واجبك انك تشوف الحقيقة فين

وليه حصل ده

مين اللي قاللك ان سحل بنت ولو اي اخ

من

اللي بيقرالي لاحظ انا بكتبها سحل

ومش عايز ازيد اكتر من كده في اللفظ

لاني مش مبسوط من كلمة تعرية دي

لانها ايا كانت بنت

او واحدة ست

وايا كانت محجبة او مش محجبة

فهي بنت

بس برضه مينفعش نعامل جنود الجيش علي

انهم خصوم لينا او اعداء

اخطر ماحدث منذ ثورة يناير

ان الاخوة اتعاملوا مع الجنود

علي انهم اعداء

اما توفيق زبالة ده فهو ميستحقش

انك اصلا تتكلم عنه

ياابراهيم

هناك من يريد جر الجيش الي صدام

وهناك من يريد جر مصر الي الفوضي

وانا ايام مبارك عمري مصدقت كلمة مؤامرة

اما دلوقتي فانا مصدق جدا جكاية المؤامرة دي

واعداء والحاقدين علي مصر كتير

بيستغلوا الازمات كوقود لاشعال البلد

مفيش بلد في الدنيا بتتصلح في شهور

لازم يكون فيه اخطاء

ولازم نتداركها

مصطفى سيف الدين يقول...

هاقتبسلك كلام لجميلة اسماعيل من تويتر


@GameelaIsmailGameela Ismail


اقسي ما بلغني بعد عودتي من مدريدمن طبيب اليوم حول الاحداث وجود٢٠اصابه برصاص حي في مكان واحد وهو الخصيه.استهداف ذكوره شباب مصر جريمه لا تغتفر


---------------
استهداف النساء ليس المقصود به النساء انفسهم انما هو استهداف لعجز الرجال عن حمايتهم ثم استهداف ذكورتهم وبالتالي يخاف كل الرجال ويخشون انفسهم ما حدث هناك لو صدقت جميلة اسماعيل فيما نقلت هو جريمة حرب لا تقل عن جرائم سفاح صربيا
وتصريح كاطو جريمة اخرى لا تقل عن جرائم هتلر
واعيدها ثانية كي يفهم الجميع لست ضد الجيش المصري بل انا انحاز للجيش المصري فقد قضيت فيه جزءا من عمري ساهم في تشكيل شخصيتي انما غضبي وسخطي في ممارسات المجلس العسكري خاصة وحكم العسكر عامة
اما عن الفيروس فلا عليك يا صديقي .. بيحصل في احسن البروفايلات

reemaas يقول...

هبدء بموضوع البنت ده موضوع مؤلم وسخيف
ولانى مؤيدة للجيش فانا اول المطالبين بمحاسبة الظابط لان المحاسبة فيها دفاع عن الجيش ورد اعتبار للبنت وبالنسبة للبسها او حتى اسوء الاتهامات وهو تعممدها لده واتقالت على فكرة وفى وسائل اعلام فده مش مبرر لسحلها ولا دفاع

بالنسبه للمجلس فلا طبعا المجلس يعبر عن من اراد ان يكون له رائ فمن لم يشارك اختار ذلك بملئ ارادته لكن فى 25 مليون ادوا صوتهم ولسه فيه المرحله التالته وهو دول فعلا الاغلبية الصامتة فانا لا اعترف بمليونات ايا كانت مكانها عباسية ولا تحرير مع احترامى ليهم طبعا المليونية الوحيدة اللى اعترف بها هى مليونية الانتخابات

السلفيين بقى فحدث ولا حرج

هبة فاروق يقول...

عجبنى اووى تعليق بابا فاروق
هو ده اللى عايزه اقوله بالظبط اؤيد ما طرحه
ناقص كمان يحددو نوع ماركه الملابس الداخليه المناسبه لتلك الظروف والمواقف الحرجه
انا معاك استاذى فى مقاطعه الفيس بوك
اجد انه لاطعم له ولا رائحه
ما اجمل عالمنا الجميل هالم بلوجر الرائع
تحياتى اخى الكريم ابراهيم

غير معرف يقول...

صباح الغاردينيا أستاذ ابراهيم
ربنا يكون في عونك يامصر ويحميكي رب العالمين من الي بيحصل انا بجد بقولها الفترة الاخيرة بقيت بخاف اوي على مصر وبخاف عليك وعلى كل مصري ومصرية حبيته هنا في بلوجر وقلت الكلام دا لدعاء العطار في اخر حوار بينا على المسن بجد بدعيلكم من قلبي وربنا يحميكم "
؛؛
؛
أما موضوع الفيس انا من صحابك الي للأسف وضع فيديو في صفحتي بـ أسمك كنت يومها مش موجوده على الفيس ومن سوء الحظ كنت مسافرة ومشغولة بخطوبة أخويا يعني غرقانه في العسل ههه جاني مسج من الغالية منى ابو السعود بتنبهني انه في صفحتي فيديو بأسمك وقالت لي دا مش من أستاذ ابراهيم اوعي تفتحي الفيديو بمجرد ماعرفت دخلت من الموبايل على الفيس وحذفت الفيديو ولو ماكانتش منى نبهتني برضو كنت هعرف انه مش من ابراهيم رزق يعني اوعى تعتذر لأصحابك والناس الي بتعزك وتحترمك وتعرفك كويس الفيديو للأسف تكرر معايا تلات مرات بأسمك وفي كل مرة بحذفه أكيد "
؛؛
؛
لروحك عبق الغاردينيا
كانت هنا
reemaas

نسرين شرباتي "أم سما" يقول...

اللي حصل أخرسنا كلنا بصراحة
اعتدنا إن يكون عدونا واللي بيعمل هاي الأشياء "اليهود" وبنعذرهم بالنهاية لإنهم يهود
أما مسلمين مثلنا مثلهم فهذا ما لا نستوعبه !

د/دودى يقول...

نجيب من الاخر ...انا فعلا مكنتش واخد بالى من حكايه الفيس انك مش بتحبه بس مقلتش ليه؟؟

على فكره حزام العفه مبقاش بعيد ولا حاجه....

اللى يفقع ان الستات موافقين ...

نجحوا انهم يخلوا امى تترعب انى انزل عشان "ما اتبهدلش" :((

ابراهيم رزق يقول...

الفاروق ملكا
ملك الزهرات
و ابن بطوطة المدونين

تعليقك و استغرابك و تساولك يا استاذى لا يحتاج الى تعليق

نورتنى
تحياتى و تقديرى

ابراهيم رزق يقول...

شمس النهار
شمس الشموس

لكى حق ان تضحكى
ما حدث هو ما قاله عاطف الطيب فى فيلم البرىء
هم يشحنون جنود بسطاء بالغل و الحقد و عندما يجتمع الغل و الحقد مع قلة الوعى
يصبح الامر كارثة

معكى حق خلينا فى بلوجر

نورتينى
تحياتى لكى

ابراهيم رزق يقول...

احمد راضى

هم يحاولون ان يخرجونا فى امور فرعية
تصدق السيدات فى المترو بيتناقشوا فى هى لابسه ايه تحت الملابس

نعم يجب ان تحترم العقول و البشر

نورتنى
تحياتى

ابراهيم رزق يقول...

ام هريرة
اختى العزيزة

اعجبنى تعليقك لدرجة انى لن اعلق عليه سوى بكلمتين

يهمنى الانسان
و لو مالوش عنوان

هم انتهكوا خصوصيتها و انتهاكها لدرجة لومها على ماذا ترتدى تحت ملابسها

نورتينى
تحياتى

ابراهيم رزق يقول...

امة الرحمن

معكى كل الحق

اصبحت الاوضاع المقلوبة واقع يريدون فرضع علينا

معكى فى كل كلمة قلتيها

ما اجملها دعوة
ربنا يطيب الاحوال
اسعدنى مرورك جدا

نورتينى
تحياتى

ابراهيم رزق يقول...

لولا و زهراء
لولا
اختى الصغرى

يشرفنى وضعه على صفحتك

فعلا حسبى الله و نعم الوكيل فيهم
هم بداوا فعلا الحكم

سمعتها
و تعليقى ان مصر مازال بها شرفاء يقولون الحق

نورتينى
تحياتى

ابراهيم رزق يقول...

افكار مبعثرة

و الله العظيم نفس الحالة اللى انا فيها

نورتينى
تحياتى

ابراهيم رزق يقول...

كارولين فاروق
كلارينيت الفاروق

هههههههههه
و انا و الله العظيم مش بحب اتكلم فى السياسة و نفسى مكتبش بس هى ماسكة فى
اما الكورة فانا بحبها
بيب بيب اهلى
هههههههههههه

نورتينى
تحياتى

ابراهيم رزق يقول...

rona ali

متشكرا جدا على تعليقك
نورتينى
تحياتى

ابراهيم رزق يقول...

الفاروق ملكا

فعلا يا استاذى
تعليق اختاى كارولين و ليلى فى منتهى الجمال

اخجلتنى استاذى بما لا استحق

نورتنى
تحياتى و تقديرى

ابراهيم رزق يقول...

سواح فى ملك الله

ازيك يا خالد
طبعا اسعدنى تعليقك
و الخلاف فى الراى لا يفسد للود قضية

بص يا سواح انا معك فى كلمة تعرية و لم و لن استخدمها لاحظ ان كاتب انتهاك
احب اعرفك يا سواح انى اكن كل الاحترام للجيش
و خد هذه المفاجاة
انا ابى رحمه الله كان ظابط فى الجيش
المجلس العسكرى يا سواح لي الجيش
هم مجموعة اغلبها ظباط على المعاش استدعاهم طنطاوى
ما يفعلوه كوارث هل نسكت عنها و لترجع الى الوراء كل الخطوات الاصلاحية اتخذوها بعد ضغوط و مليونات و ارواح تزهق و اخرها تحديد موعد الانتخابات

اما توفيق عكاشة للاسف هناك الكثير ممن يصدقه

نورتنى
تحياتى

ابراهيم رزق يقول...

مصطفى سيف
اخى العزيز

و الله العظيم و الله العظيم معك كل الحق

تعليقك به كل الحقيقة فعلا يا مصطفى لم اشعر بالانكسار مثلما شعرت بعد احداث مجلس الوزراء
تويتتة جميلة اسماعيل صدمتنى لان نور ابنها قالها قبلها على تويتر ايضا
لو صح ما قالته يجب الا يجلسوا ساعة واحدة
طبعا لا احد ضد الجيش
فوالدى كا ظابطا به

اما الفيرس فربنا يجازيه
نورتنى
تحياتى

ابراهيم رزق يقول...

reemaas

انا لست ضد الجيش و اذكر للمرة الثالثة
ابى كان فى الجيش و مات متاثرا باصابته بعد حرب 73 بسنوات

اما الانتخابات فاذا كانت بدون انتهاكات و اذا كانت نزيهة فمرحبا بها حتى لو اتت بملحدين فالديمقراطية يتم تعلمها عن طريق الممارسة

اما المليونات فهذا رايك و انا احترمه
ههههه

نورتينى
تحياتى

ابراهيم رزق يقول...

هبة فاروق
هبة الفاروق

و منذ متى لا يعجبنا تعليق فاروقنا الفاروق

فعلا احلى حاجة بلوجر
عالم الوجبات الدسمة

نورتينى
تحياتى

ابراهيم رزق يقول...

ريماس

ريمسو الجميلة

ما اجمل قلبك
و ما اجمل دعواتك
و مصر كلها بتحبك يا ريمسو

متخفيش على مصر
مصر على راى المثل
ياما دق على الراس طبول
و فى الاخر بتنتصر
لانها مصر

اما موضوع الفيس
منى فعلا قالتلى ان الفيرس جالك و اتصلت نبهتك
و انا اسف على هذا الفيرس اللعين
اللى تكر تلات مرات غير المرات اللى انا كنت بلف على الصفحات و احذفه
جننى الفيرس ده

بجد نورتينا
صباح البرفن الفرنسى الجميل

ابراهيم رزق يقول...

ريمسو صحيح

الف ملروك لاخوكى و عقبالك يا رب

قوليلى كلنا لها
هههههههه

تحياتى

ابراهيم رزق يقول...

نسرين شرباتى

اختى العزيزة

معكى كل الحق
و هذا ما هتفت به نساء مصر

تحياتى

نورتينى

ابراهيم رزق يقول...

د دودى

فعلا مش بحب الفيس

حزام العفة فعلا اصبح على بعد خطوات و ما يحزننى انه بمباركة و موافقة من النساء

نورتينى
تحياتى