الاثنين، 26 ديسمبر 2011

احذر هذا بوست سياسى

اعرف ان دمى اصبح ثقيلا و اشعر من التعليقات التى تأتى لى تكاد تنفجر فى و تقول لى كفاية كلام فى السياسة راسنا لم تعد تتحمل المزيد حاولت ان ابعد عن السياسة قليلا فلم استطع لذا انا احذر  هذا البوست سياسى و على السادة الذين لم يعودوا يتحملوا المزيد هذا البوست سياسى و عليكم الابتعاد او غسل عيونكم بالماء و الصابون جيدا بعد قرائته لانه يحكى عن احوالنا السياسية


بما ان الكل اصبح يفتى فى السياحة و اصبح المجال متاحا لكل من هب و دب و خصوصا الاخ بكار الذى اصبح جهبذ الجهابذة فى السياحة و بما ان المثل يقول كل واحد فى نفسه سلطان فانا سلطان السياحة ماذا ينقصنى عن الاخ بكار الذى وعد بثلاثين مليون سائح عن طريق السياحة العلاجية و دفن الراس فى الرمال تذكرت فعلا ينقصنى ذقن و نظارة بسيطة ثانية واحدة اركب الذقن و البس النضارة

ها انا قد لبست الذقن و النظارة و اصبحت خبيرا سياحيا و بما انى خبيرا سياحيا اتهم جميع من يعملون بالسياحة بالعشوائية لان افكارهم تقليدية فمازلنا فى مصر نعتمد على الافكار التقليدية من سياحة اثار و شواطىء و سفارى و دينية و علاجية لم نعد قادرين على الابتكار مثل بكار و ها انا اخوكم فى الله العبد الفقير الى الله و بفضل الله ابتكرت نوعية سياحة جديدة اسمها سياحة الاكل نعم لا تستغربوا فمصر مليئة باماكن الاكل التى يجب ان تستغل كما يجب و الترويج لها فى معارض السياحة و البوسترات السياحية و انا اعدكم بخمسين مليون سائح

مثلا مطعم بيبو فى شارع الجسر بشبرا نأخذ السائح الى شارع الجسر عبر جولة سياحية شرائية لمحلات قطع غيار السيارات الاستعمال الى ان يصل الى بيبو يضربله طاجن بصل او فريك او بطاطس او لسان العصفور مع طبق لحم و كبده و كفتة محمرة فى اللية الضانى مع عيش بيبو المميز و لنرى بعدها ماذا يحدث له

ثم نأخذ السائح فى اليوم الثانى على عربة فول عم عبده دولار بميدان النعام على ان يسبق ذهاب السائح رحلة الى مدرسة ابن خلدون الثانوية مدرستى الحبيبة ليشاهد جولة تعليمية عن مدى تقدم التعليم فى مصر و احدث الطرق للتزويغ و النط من على السور ثم يقف السائح على عربة عم عبدة دولار لياكل طبق الفول بالزيت الحار مع طبق بتنجان مخلل و سلطة طحينة  و سلطة خضراء و بصلتين و قرن فلفل اخضر حامى و سيدفع السائح بالعملة المصرية مع ان اسمه عبده دولار مما يرفع قيمة الجنيه المصرى

فى اليوم الثالث يذهب السائح الى كبابجى ابو محمد بباب الشعرية على ان يسبق الجولة شوبنج لشراء الملابس بجميع انواعها داخلية و خارجية من الموسكى و العتبة و عند ابو محمد سيتناول طبق الشوربة الساخن مع موزة ضانى و طبق مشكل من الكباب و الكفتة و الطرب و النيفا ثم يشرب زجاجة سفن صاروخ

فى اليوم الرابع يذهب الى مطعم السمين بحة بالناصرية على ان يسبق الزيارة جولة سياحية بمحلات الحانوتية المنتشرة على الجانبين و يتناول هناك طبق حلويات مشكل من طحال و ممبار و فشة و كرشة على هرم من البقدونس مع طاجن عكاوى ملهلب من الفرن


فى اليوم الخامس يذهب الى مطعم العهد الجديد بالحسين ليتناول طبق من الكوارع يرم عضمه على ان يتبعه بطبق رز بلبن من المالكى او الحرم الحسينى ثم يجلس على قهوة الفيشاوى ليتناول كوب من الشاى الاخضر بالنعناع


فى اليوم السادس جولة سياحية الى كشرى ابو طارق ليتناول طبق كشرى سوبر لوكس مع طبق من الورد اى التقلية ثم يختتم يومه بقعدة على قهوة التكعيبة ليتناول كوب من الشاى الساخن مع شيشة تفاح او خوخ او كنتالوب او شيشة فخفينة


فى اليوم السابع يسلم السائح الى الاخ بكار ليبدء معه مرحلة السياحة العلاجية مما تناوله طوال الاسبوع
                                              بلد مجانين صحيح

هناك 40 تعليقًا:

افكار مبعثرة يقول...

طيب يعني يصح كده اجي لا بيا و لا عليا الاقيك بتتكلم في السوياسة برده افرض المدونة متراقبة ولا حاجة
انا اضم صوتي الى صوتك طبعا في تنشيط السياحة من خلال الاكل
بس يصح يعني تنسى زيزو نتانة ده كفاية اسمه لوحده السايح من دول يروح هناك و ميرجعش تاني فيفضل في مصر بقا و يصرف بالعملة الصعبة فيزود الدخل القومي بتاعنا
ههههههههههههههههههههه احييك على هذا البوست السوياسي و تلك الافكار العبقرية الخزعبلية :)))
افتقدنا حسك الساخر اللي بيهون كتيييييييييير :)
تحياتي

Casper يقول...

نسيت زيكو تلوث :))

سؤال عابر هوا لما الاخ بكار ده عنده افكار لتطوير السياحة الافكار دي كانت فين من زمان !

هبة فاروق يقول...

هههههههههه
انت بقى ناوى تخبط عصفورين بحجر واحد
يعنى بعد ما يأكلو ويخلصوا من سياحه الاكل يدخلو على السياحه العلاجيه ليتخلصوا من الدمار الشامل اللى حصل فى معدتهم
فكره عبقريه وبصراحه جريت ريقى على كباب ابو محمد لاننا كنا بنشم ريحه الكباب وهى بتهل علينا من البلكونه..
حلو السياسه لما تمتزج بروائح الاكل
تحياتى كتابه ساخره رائعه كعادتك

أمل م.أ يقول...

ههههههه
طيب سجل عندك
انا اول سائحة على قائمة
الخمسين مليون
لاني تاثرت كتير بالتدوينة
بس استنى عليي اشوية لما تفرج
يعني مو كتير
بس شي خمسين سنة ههههه
الله يعطينا طولة العمر
والله يفرجها على الجميع

لك خالص مودتي وتقديري

AhMeD RaDy يقول...

ههههههههههههههههههههههه

لا بقى انا عمال اقول الرجل دا فى شئ مشترك بينا .. اه بجد

تطلع من مدرسة ابن خلدون الثانوية .!!
تحيا الدراسة الحكومية انا منها برده على فكرة !!

وبالنسبة للسياحة والجوالات التحفة دى .. لا انت كدا خبير خبير يعنى ! ما هو الكل دلوقتى بيتكلم عن التخصصات وكان اهل هذه التخصصات اختفوا ولم يعودا يعلموا شئ !!

بجد حاجة تحزن بصراحة .. بس هنقول ايه بقى .. ربنا كبير .. وربنا يتولانا برحمته


واظاهر ان حتى وانت بتحاول تبتعد بتقرب من السياسة برده ..الله ينور عليك بجد .. اسلوبك بيعجبنى فى النقد الساخر

ستيتة يقول...

مش بتضايق من البوستات السياسية
ماسمهاش بوست سياسي
اسمها إبراء ذمة عسى قومي يعلمون
بس سيبك انت
انا ضيعت في التعليم عمري
ولا اعرف شيء من معالم القاهرة السياحية
غير بحه بتاع الناصرية
خسرتي في الليالي:)

تحياتي

كريمة سندي يقول...

ما ألذ البوستات السياسية دمها خفيف الظل موضوع جميل

د/دودى يقول...

هو انت متخيل ان بعد ده كله فى مستشفى فى مصر تقدر تعالج ده كله؟؟؟...انا شخصيا لو جالى مريض كده هاوديه يكتب وصيته اسهل...

انا بقترح سياحه المعتقلات ...هو فى معتقلات فى مصر زى بتاعتنا

مصطفى سيف الدين يقول...

ايوة يا راجل فينك من زمان
هي دي السياحة والا فلا
هابقى اجيلك بقى تاخدني في جولة سياحية وركزلي على بحة :)

ليلى الصباحى.. lolocat يقول...

السلام عليكم

نرجع ونقول كلامك صح ههههه

شرق اسيا خاصةالصين استخدمت هذا الاسلوب فى السياحة اصبحت المطاعم الصينية والكورية تجذب العديد من السايح من كل انحاء العالم
عن نفسى احب كتير اشاهد اى برنامج يشرح اسلوب هذه المطاعم فى الطهى وانواع المأكولات البحرية والاخرى

وافضل شىء فيهم انهم (( يحترمون )) الطعام وكيفية طهيه مع انى لا احب ابدا السى فود .... لكن عرفوا كيف يستخدموا مطاعمهم فى جذب السائح


يعنى احنا هنغلب فى شوية سياح ياكلوا فول وفلافل و كباب وكبدة ههههههه

طب احنا مستعدين ننشىء بجوار كل مطعم مركز طبى متكامل لاسعاف اى حد يتسمم هههههه


والله استاذ ابراهيم البوست النهاردة ريحته تقلية ودسم بس لذيذ وطعم هههه


تحياتى لعبقرياتك المتواصلة فى بلد مجانين صحيح

دمت بخير

AHMED SAMIR يقول...

الاستاذ بكار و اخوانه ما شاء الله بيفهموا في كل حاجة........
كــــــــــــــل حاجة
و طبعا كلنا عارفين ان اللي بيدعي معرفة كل حاجة مابيفهمش في اي حاجة
و ربنا يستر على البلد دي

candy يقول...

هى دى سياسية :))

عموماً أنا شايفة -سورى- أن حضرتك متحيز جدا و فى غياب كامل للاحساس بالآخر .......
.
.
.
.
.
.
حضرتك ركزت الــ"ويكلى تور" كلها فى احياء محافظة القاهرة !!

وكأن "مصر" كلها هى القاهرة !!

وانا بصفتى من عروس الصعيد محافظ المنيا ، بعلن احتاتجى على البرنامج العنصرى ...

احنا عندنا مزارات سياحية لا تقل جمالاً وروعة عن اللى حضرتك ذكرتها ..

عندنا "ابن أمون" ... اسمه الذائع "الكلابجى" على مستوى المحافظة .. وهو من متخصصى الحواوشى ، ويقدم نكهات غاية فى الروعة.

عندنا حلوانى الفلاح .. وفرشة جامه القشيرى ... أروع الحلويات الشرقية ، والشمالية والغربية والجنوبية.

عندنا ايس كريم "ابو سي" أمام جامع الفولى ... واللى مالوش قاعدة فكل الناس اللى بشترى منه بتقعد فى ساحة الجامع الأثرى تاكل كوبات الأيس كريم فى أروع صور الوحدة الوطنية " وتلزيق" النسيج الواحد ..

وغيره وغيره ...

أنا مستعدة اشارك فى الحكملة السياسية فى محافظتى علشان مصر بس
:))

غير معرف يقول...

ثقافة الهزيمة .. مرجانة‏

"لن أتسول علاجى لأستعادة بصرى.. وحسين سالم هو «رأفت الهجان» بتاع إسرائيل" حوار مع البدرى فرغلى (عضو مجلس الشعب السابق عن بورسعيد من 1990 ـ 2005 ) جاء فيه
ماذا عن علاقتك بالرئيس السابق حسنى مبارك؟

تحدث معى تليفونيا، بعد أن تحدث إلى قيادات التجمع أوائل عام 2005، وقال لهم: «الولد ده لسانه طويل، وهاقطع له لسانه»، وأستدعتنى قيادة الحزب وسألتنى: «أنت اتكلمت عن إيه؟»، فقلت إننى تحدثت عن الفرق بين إيراد قناة السويس المعلن بنحو 24 مليار جنيه، والمسجل فى الموازنة العامة 9 ملياراً فقط، !!! وإيرادات البترول المعلنة نحو 70 مليار جنيه، والمسجل فى الميزانية حوالى 20 ملياراً فقط، !!! ولم يعقب على حديثى أحد.

بعدها أرسلوا لى مسؤولا كبيرا ليقول لى أن فروق دخل القناة والبترول ننفقها لدعم حركات التحرر، فقلت له دلنى على حركة تحرر واحدة موجودة الأن فى العالم، أو تتلقى منكم دعما؟!!!

...باقى المقال ضمن مجموعة مقالات ثقافة الهزيمة ( بقلم غريب المنسى ) بالرابط التالى www.ouregypt.us

سواح في ملك اللــــــــــــــــــه- يقول...

لو كنت اعرف ان البوست ده اعوذ بالله سياسي

ماكنتش خبطت مشوار من اخر البلوجر لهنا

بس ماشي اهو جينا المشوار وخلاص نتكلم بقي

سعادتك نسيت الشرقاوي بتاع جسر السويس

مع اني علي حد علمي انك من جيرانه

تحيتي ياابراهيم

شمس النهار يقول...

:))))
فكرتني بصديقتنا النمساوية اللي اكلت الصبح فول وطعمية وملحقاتهم لحد ماكانت هتموت وبالليل اكلت كباب وكفته وورق عنب وملحقاتهم من عند عبده كفته

وقلت مش هيصبح عليها الصبح
لاقيتهم جايين تاني لعبده كفته

:)))))

بس فين البصارة ماقلتش ولامطعم بيعمل بصارة
هغششك احسن مطعم بيعمل بصارة هو تيكه ايوه تيكه
انا بروح علشان اعمل طبق سلطة كله بصارة مع العيش البوري انساااااااا
وباخد وجبتي تيك اوي مع ضحك الاخوة الحاضري من القبيلة
:)))))

لــــ زهــــــراء ــــولا يقول...

بما ان الكل اصبح يفتى فى السياحة و اصبح المجال متاحا لكل من هب و دب و خصوصا الاخ بكار الذى اصبح جهبذ الجهابذة فى السياحة و بما ان المثل يقول كل واحد فى نفسه سلطان فانا سلطان السياحة ماذا ينقصنى عن الاخ بكار الذى وعد بثلاثين مليون سائح عن طريق السياحة العلاجية و دفن الراس فى الرمال تذكرت فعلا ينقصنى ذقن و نظارة بسيطة ثانية واحدة اركب الذقن و البس النضارة
>>>>>>>>>>>>>>>>>>>>>>>>>>
لا لا لا لا انا معترضة يا فندم
هو مقالش 30 مليون دي خااااالص هو قال 29 بس (:
معرفش على اي اساس بيزودوا الملايين دي
مش عارفة بصراحة برنامجه هيحقق التفاؤل ده كله ولا لأ
اما بالنسبة لموضوع السياحة بشكل عام عجبني موضوع الشواطئ المغلقة والقرى المغلقة دي
بس شبابنا اللي بيشتغلوا هناك بقى هيعملوا ايه !!
وانا ضد برضه شواطئ العري
بالنسبة لموضوع تغطية الاثار دي بقى غريبة عمرو بن العاص لما دخل مصر مغطاش ابو الهول ولا جاب راسه بفاس بالعكس
لما الرسول اسس الدين في مكة هدم اصنام الكعبة لانها كانت تعبد ولتأسيس دولة اسلامية كان لازم هدم دولة الوثنية .
لولا

لــــ زهــــــراء ــــولا يقول...

مثلا مطعم بيبو فى شارع الجسر بشبرا نأخذ السائح الى شارع الجسر عبر جولة سياحية شرائية لمحلات قطع غيار السيارات الاستعمال الى ان يصل الى بيبو يضربله طاجن بصل او فريك او بطاطس او لسان العصفور مع طبق لحم و كبده و كفتة محمرة فى اللية الضانى مع عيش بيبو المميز و لنرى بعدها ماذا يحدث له

ثم نأخذ السائح فى اليوم الثانى على عربة فول عم عبده دولار بميدان النعام على ان يسبق ذهاب السائح رحلة الى مدرسة ابن خلدون الثانوية مدرستى الحبيبة ليشاهد جولة تعليمية عن مدى تقدم التعليم فى مصر و احدث الطرق للتزويغ و النط من على السور ثم يقف السائح على عربة عم عبدة دولار لياكل طبق الفول بالزيت الحار مع طبق بتنجان مخلل و سلطة طحينة و سلطة خضراء و بصلتين و قرن فلفل اخضر حامى و سيدفع السائح بالعملة المصرية مع ان اسمه عبده دولار مما يرفع قيمة الجنيه المصرى
>>>>>>>>>>>>>>>>>>..

ياسلاام من الواضح ان حضرتك ضيف دائم عند عم عبده دولار (:
محتاجين في مصر خبير في سياحة الاكل يكون داس في شوارع ودهاليز جمهورية مصر العربية
ربنا يعزك اخي ابراهيم ضحكتني كتير
ومدرسة بن خلدون كانت مدرسة اخويا الكبير كمان .

لولا

Unknown يقول...

ههههههههه
دي مش سياحه ده دمار
و بعدين إزاي أنا طول عمري في مصر و عمري ما جربت السياحه دي :)
بصراحه أنا سمعت عن بكار لكن عمريما شوفته أو سمعته في برنامج بحاول أعتزل حرقة الدم...سياحه علاجيه دي أخرتها مصر أم الدنيا مهد الحضارات و هبة النيل تبقى مشفى.

عالم مجانين صحيح
:)

Dr Ibrahim يقول...

يتضح انك جهبذ الجهابذة وعالم العلماء ويبدو عليك أنك فتكت بصفحات الكتب من أولها لآخرها،وأتيت على علوم الأوليين والآخرين!!
لشىء بسيط جدا
هو عدم معرفتك ان نادر بكار متحدث رسمى لحزب وكلنا نعلم انه لايعرف شيئا فى السياحة هو ينقل وجهة نظر حزب وبغض النظر عن تلك النقطة فالسياحة لاتهمنا من الاساس وما يقوله بكار او يقوله الحزب لماذا لا تعتبره طمأنة للناس..وكما ذكرت سابقا فى مدونة شمس النهار أننا نهتم باشياء اهم مليون مرة من السياحة
كلامك وكلام الناس واهتمامها بالسياحة هذا على اعتبار ان السياحة هى المصدر الوحيد للدخل القومى المصرى!!
وعلى اساس ان بكلمة من وزير خارجية لدولة ما يمنع مواطنيه من زيارة البلد
ليه أضع رقبتى تحت ايد السياف طالما عندى موارد جوة البلد تغنينى عن السياحة بالرغم مرة اخرى اننا ليسوا ضدها كليا
هل اهتممنا بالسياحة على اساس أننا حققنا الاكتفاء والتفوق فى الصناعة والزراعة والتجارة والتعليم والصحة
من يهتم بالسياحة فى بناء مصر كمن أراد يبنى بيتا فبنى حديقة كبيرة مكان البيت لاهو عرف يبنى البيت ولا عرف ينام ويعيش فى الحديقة!!

ارجو ان تناقش كلامك بموضوعية لا بتهكم وسخرية...فلتقل خيرا او لتصمت!
وشكرا

faroukfahmy يقول...

ابراهيم ياخويا
كان زمان والى وقتنا هذا شيخ اسمه شيخ الحارة لكل حى فى مصر
بعد ما قرأت ال phamphlet المطعمجى والمشربجى بتاعك عن مصر فانت تستحق حقا ان يطلق عليك شيخ شيوخ مصر المطعمجية والمشربجيةالكبير ويوزع هذا الكتالوج على كل سائح يزور مصر
انا يا ابراهيم لا اتفكه بهذا الكلام ولكنى اتجمل بك ومنك
حبيبك الفاروق

ابراهيم رزق يقول...

اخوتى الاعزاء
تسمحوا لى ان ارد على الدكتور ابراهيم فقط على ان اعاود الرد عليكم فى وقت اخر
دكتور ابراهيم

انا لم ادعى انى قرات امهات الكتب و لا افتى بغير علم بل قلت انى العبد الفقير الى الله
لم اكن اعلم و لم يخبرنى احد ان الوصول الى معلومة ان الاخ بكار المتحدث الرسمى للنور يحتاج الى قراءة كتب الاولين و الاخرين و الفتك بها
لكن ما اظنه ان الاخ بكار هو من يجهل انه مجرد متحدث رسمى لحزب النور و الا قل لى هل دور المتحدث الرسمى
ان يهاجم خبراء السياحة و يتهمهم بالعشوائية
ان يهاجم المرشدين السياحيين و يتهمهم بالتحرش و عندما رد عليه نقيب المرشدين السياحيين فى نفس الحلقة انكر انه قال مما دفع معتز مطر مقدم البرنامج ان يتهمه بالكذب فتراجع و قال انا لم اقصد
هل دور المتحدث الاعلامى ان يتحدث كانه تولى الحكومة و يفتى بجهل عن نوعية سياحة لا يمكن باى حال ان تصل الى اكثر من ثلاثة فى المائة على مستوى العالم الى انها المستقبل المشرق و الغد المضىء
احى لك اعترافك بان نادر بكار جاهل بالسياحة فطالما انا جاهل فلماذا اتناقش مع خبراء فلماذا لا احضر خبراء السياحة بحزب النور اذا كان يوجد خبراء ليتناقشوا معهم لكن اتكلم عن سياحة اثرياء بينما توجد الاف من القرى السياحية باستثمارات مليارات من الجنيهات و اتكلم عن طبيعة فنادق لا يمكن ان تنتشر و يجهل ان ما يشغل الخبراء هو عملهم و اكل عيشهم و لو وجدوا فى كلام الاخ بكار اى شىء من المنطقية لحمله هؤلاء الخبراء على اكتفهم و اوصلوه الى الحكم لان ما يهمهم هو عملهم
لا اعرف سيادتك دكتور فى اى فرع من فروع الطب لذا لا استطيع ان افتى فى الطب لكنى استطيع ان اتحدث اليك فى مجالى
طالما انت تعمل اذا فهناك مخاطر للعمل سواء صناعى او تجارى او سياحى
فمن الممكن ان تنشىء نشاط صناعى و فى لحظة نفس رئيس الجمهورية يمنع عنك المواد الخام اللازمة فتغلق المصنع
و فى نفس المجال من الممكن ان تنشىء مشروع تجارى فتحدث مقاطعة من شريعة معينة فيقف المشروع و يخسر الجلد و السقط
و فى الزراعة من الممكن ان يسؤ الطقس
اذا ليست السياحة المجال الوحيد المعرض للخسارة
بنفس المثل الذى فلقنا به حزب النور الذى ضربه عن السياحة ساضرب لك نفس فى الصناعة
مثل من يهتم بالصناعة كمثل من اراد ان يبنى بيتا كبيرا فبنى مكانه مصنعا كبيرا فلا عرف يبنى البيت و لا عرف ينام و يعيش فى المصنع
ما المانع ان اهتم بالسياحة بجوار كافة المجالات و هل اهتمامى بالصناعة و التجارة و الصناعة يجعلنى اهمل صناعة يعمل بها 20 مليون مواطن
تتهمنى بعدم الموضوعية و انى اناقش بتهكم و سخرية
اعتقد انى موضوعى من وجهة نظرى اما اسلوب التهكم و السخرية فهو اسلوبى و اعتقد انى حر فى انى اناقش اى موضوع بالاسلوب الامثل لى مثل انك حر فى مناقشة اى موضوع باسلوبك
فنحن لسنا قوالب جامدة او قطيع يحكم فينا نحن بشر لكل شخص صفاته و سماته

تحياتى و تقديرى لك

منتديات : المدونون العرب يقول...

منتدى ثقافى إسلامى ينافش قضايا الأمة ، وهموم الناس ، وأحوال السياسة ، ومشكلات الشباب بأفكار جادة ورؤى واعية
ــــــــــــ
محمد الجرايحى

ابراهيم رزق يقول...

افكار مبعثرة

انا بتكلم على سبيل المثال و ليس الحصر
ههههههههههههه
محدش ينسى زيزو نتانة

نورتينى و اسعدتينى

تحياتى

ابراهيم رزق يقول...

كاسبر

ههههههههه
احلى سندوتشات من زيكو تلوث

لكنى متحدد باسبوع فقط
نوتنى
تحياتى

ابراهيم رزق يقول...

هبة فاروق
هبة الفاروق

امال ايه سياحة اتنين فى واحد
هههههههههههه

احلى كباب و كفتة من عند ابو محمد

نورتينى
تحياتى

ابراهيم رزق يقول...

امل


انا تحت امرك يا فندم
الرحلة مجانية و هدية لكى
بس جهزى الفوار
لان السياحة العلاجية من نصيب الاخ بكار و ده مش بيرحم
انتى تنورينا فى مصر
هههههههههههه
هتستمتعى على الاخر

نورتينى
تحياتى

ابراهيم رزق يقول...

احمد راضى

ههههههههههههههههههه

يا مرحب بزملاء الكفاح فين ايام ابن خلدون
ايه رايك نعمل رابطة ابن خلدون على وزن مؤسسة ابن خلدون
ههههههههههه

متشكر على رايك الذى يسعدنى
و بعدين احنا زمل

نورتنى
تحياتى

ابراهيم رزق يقول...

ستيتة

بس كده يادكتورة
يعنى متعرفيش من معالم مصر السياحية غير بحة
تحت امرك يا افندم فى جولة مع كل ما سبق بالاضافة الى ما لم نذكره مثل ابو رامى و البرنس و غيرهم

نورتينى
تحياتى

ابراهيم رزق يقول...

كريمة سندى

اسعدنى تعليقك يا افندم
و يا ريت تاتى فى جولة سياحية


نورتينى
تحياتى

ابراهيم رزق يقول...

د دودى

هههههههههه
رحلة على رحلة معدته هتاخد على كده
و ادينا بنخدم الاخ بكار
اهو بالمرة نجبلك زبائن زيارة الى كشرى الخديوى بجواركم او طواجن مكاوى ثم نحضر السائح لكى

نورتينى
تحياتى

ابراهيم رزق يقول...

مصطفى سيف
اخى العزيز

انا تحت امرك بس تشرفنا
احلى سمين و حلويات و مشكل و عكاوى عند بحة بالناصرية
على فكرة يا مصطفى ايه رايك تعمل بوست فى مدونة كلمات عن الاماكن السياحية الخاصة بالاكل التى يفضلها كل مدون
و اهو بالمرة تنشيط سياحة للاخ بكار

نورتنى
تحياتى



نورتنى

ابراهيم رزق يقول...

ام هريرة

ههههههههههههه
فعلا عشان تعرفى ان افكارنا متكلفة
و يا سلام على سلسلة مطاعم بحة فى جميع انحاء العالم بحة فى امريكا بحة فى فرنسا و هكذا

لا احنا مش هننشىء حاجة لان هذا يعتبر تدخل فى اختصاصات الاخ بكار و نحن لا نتدخل فى الاختصاصات

نورتينى
تحياتى

ابراهيم رزق يقول...

احمد سمير

صدقت و الله العظيم
كيف فى يوم و ليلة يصبح اكبر خبير سياحى

نورتنى
تحياتى

ابراهيم رزق يقول...

كاندى

و الله العظيم يعلم الله انى احب المنيا و لكن البوست محدود بسبع ايام
عندما يسافر السائح الى المنيا تتولى انت وضع البرنامج السياحى له
و انا طلبت من مصطفى سيف ان يكتب بوست فى مدونة كلمات عن الاماكن السياحية فى كل البلاد لانى لو فتحت ساكتبها من القاهرة الى اسوان
هههههههههههههه

نورتينى و اسعدتينى بتعليقك
و تحية الى عروس الصعيد المنيا الجميلة

تحياتى
ن

ابراهيم رزق يقول...

سواح فى ملك الله


هههههههههههه
يا خالد الرحلة سبع ايام فقط

طبعا الشرقاوى بجسر السويس و السويس و صبحى الحاتى
مش بقولك السياح هيهيصوا

نورتنى
تحياتى

ابراهيم رزق يقول...

شمس النهار
شمس الشموس

هههههههههههه
هاتى صديقتك النمساوية على عربة عم عبدة دولار بالنعام
امام اولاد رجب
و اتحداكى تانى يقوم هتلاقيها واقفة العربية بتقول له بصلاية يا ام ابدو

و الله العظيم ان كنت متحدد باسبوع فقط
طبعا لم اذكر حواوشى عبده حواوشى و جميرى حمامة و نسيتى عدس عبده الطنطاوى
الاماكن السياحية كثيرة و الحمد لله
ههههههههههههه

نورتينى
تحياتى و تقديرى

ابراهيم رزق يقول...

لولا و زهراء
اختى العزيزة لولا

يا سلام على الصدف
اخوكى فى مدرسة ابن خلدون

لو كان من جيلى ممكن اكون قابلته مرة و انا واقف على السور بنط و لا حاجة
هههههههههههههههه

موضوع الشواطىء المغلقة من الصعب تطبيقه فى مصر هو محتاج بلاد صغيرة لا يتعدى تعدداها 20 الف نسمة نحن عندنا استثمارات سياحية بمليارات الدولارات
لهم حياتهم و لنا حياتنا

عم عبدة دولار ده حبيبى
احلى طبق فول تكليه عند عم عبدة دولار
تدفعى العشرة جنيه زى الباشا

نورتينى
تحياتى

ابراهيم رزق يقول...

شرين سامى

هههههههههه
بجد انتى فاتك الكثير
سيبك من ماكدونالد و كنتاكى و بيتزا هت و اكل الفنادق
يا سلام على طبق فواكه لحوم عند عم بحة بالناصرية
و لا طاجن لحم بلدى عند بيبو و معاه كبق لحم و كبده ليه باللية
تحت امرك يا افندم ممكن نقوم بالجولة السياحية انتى و العائلة مجانا

نورتينى
تحياتى

ابراهيم رزق يقول...

فاروق فهمى
مللك الزهرات
و ابن بطوطة المدونين

ازاى يا استاذى هل يفتى و مالك فى المدينة

انا نفسى فى جولة معك استاذى فى سوق الجمعة ثم نتناول طبق سمين عند بحة فى الناصرية
يا سلام يا استاذ


نورتنى
تحياتى و تقديرى و احترام

ابراهيم رزق يقول...

محمد الجرايحى

استاذى الكبير

علم و ينفذ


نورتنى
تحياتى