الأربعاء، 1 يونيو 2011

بلد مجانين صحيح من الابرة الى ابو جلابية

 لم ارغب ان احمل نفسى التدوين لمدة شهر نظرا لظروف خاص بى و لكنى ساحاول فان استطعت فلى اجران و ان لم استطع فلى اجر

                       من الابرة الى ابو جلابية 

امسكت مفتاح الشقة و وضعته فى الكالون الانجليزى ثم فتحت باب الشقة المصنوع من خشب تايلندى ثم دخلت فاحسست بالعطش فتوجهت الى الثلاجة الايطالية و اخرجت زجاجة مياه و قطعة من الجبن الدينماركى و اخرجت زجاجة المياه الغازية ذات العلامة الامريكية و بعض حبات الزيتون اليونانى و زجاجة زيت الزيتون الاسبانى و دخلت الى المطبخ و احضرت السكين اليابانى و شريحة من الخبز الفاخر المصنوع من القمح الامريكى و احضرت الكوب التركى لاصب فيه المياه   و بحثت عن الشاى السيلانى الفاخر فوجدته بجوار البن البرازيلى و بعد ان تناولت طعامى دخلت كى اغسل يدى بالصابونة الفرنسية الشهيرة و اردت ان اصلى فسحبت المصلاه الصينية لاصلى ثم غيرت البنطلون الجينز التركى و ارتديت الجلابية الصينى فوجدت ان الزرار على وشك السقوط فاحضرت بكرة الخيط الاسرائيلى و الابرة الصينى ثم جلست امام الكمبيوتر ذو الشاشة الامريكية و الكيبورد الصينى و الماوس الكورى ثم ذهبت الى غرفة النوم و استلقيت على المرتبة الامريكية ثم حلمت حلم مصنوع فى العباسية فوجدت ان الشعب نايم نومة قوية و صحيت من ذلك الكابوس و انا اقول
بلد مجانين صحيح اللى شعبها بيستورد جميع مستلزماته و عايزة تتقدم و شعبها يعيش حياته 

                        صحيح بلد مجانين  

هناك 23 تعليقًا:

مصطفى سيف الدين يقول...

لن يكون الكلام من الرأس حتى يكون الطعام من الفأس
تحياتي اخي العزيز ويجب ان نكتفي ذاتيا في كل شيء قبل ان نتكلم عن السياسة الخارجية

غير معرف يقول...

صباح الورد ابراهيم

الشي الوحيد اللي بنصدره ياسيدي

هو البترول ومش شطارة مننا لأن

البترول تكون طبيعياً دونما جهد

يذكر من العرب !!!!

للأسف يا ابراهيم كثيراً ما أضحك على

العرب وتفكيرهم وأسلوب حياتهم فنحن

شعب لا ينتج أي شيء مثلما قلت لك

بخلاف البترول حتى أبسط الأشياء ثم

في مظاهرة غاضبة نقف ونقول بمنتهى

الصفاقة قاطعوا المنتجات الأمريكية

والغربية كلها طيب هل فكروا مطلقي

هذه الهتافات الجبارة أين البديل ؟

بالطبع سنموت جوع فكل ما نأكله و

نعيش عليه هو صنيعة غربية بأمتياز

وسنبقى نحن بكل تأكيد تلك الحلقة

الضعيفة دوماً ...

كلمات مؤلمة تتحدث بدموع عن واقع

مرير ....

تحياتي وإحترامي

غير معرف يقول...

مساء الغاردينيا أستاذ ابراهيم
امممم انا متعودة اقول الي في قلبي
عارف وانا بقرأ كل دول العالم في البوست قلت حتدخل غرفة النوم وتقول وجلست بجانب زوجتي الامريكية او يمكن تقول لقيت مافيش في بيتي غير مراتي مصرية ههههههههه معليش افكار ريماس مجنونة شويا :)"
؛؛
؛
لروحك عبق الغاردينيا
كانت هنا
reemaas

فاتيما يقول...

لأ دا ظلم
فيه حاجات كتير مصرى يا جدع

مبدئياً كدا
مشابك الغسيل والطشت
اطباق الاكل والكوبايات
النجف والكريستال بتاعه
ملايات السرير و الفوط والغيارات واردات اقطان المحلة ...
الكتب والجرايد
الأغانى و الأفلام والبرامج
لأ انا لو انفتحت هلاقى الف حاجة ف بيوتنا مصرى ومصرى اصلى على رأى عمر طاهر ....

مش مهم الحاجة جاية منين
ولا أصلها ايه قوى
المهم بنعمل بيها اييييييييييييه ؟!!

ولو جاوبنا بقى ع السؤال دا
هنبقى فعلا
بلد مجانين

لأن المجنون هوه اللى تحط بين ايديه حاجة ليها قيمة
وميعرفش يستخدمها صح
ومن هنا جاءات نظرية الكسرولة
اللى الشعب المصرى ماشى بيها الأيام دى فوق نافوخه ...
بدل ما يغلى فيها اللبن ...
:)

سلامى للعيال
ومامت العيال
وجدة العيال
وباباهم طبعاااااااااا قبل الكل

Unknown يقول...

لأن عمالنا مظلومين مطحونين بأجور زهيده و غير مدربين...و طبعاً الحل الأسهل هو الاستيراد خصوصاً أننا شعب نحب الفشخره و كل ماهو مستورد.
بوست جميل عجبني الحلم اللي مالعباسية ده :)
تحياتي لك

كريمة سندي يقول...

على كدا كلنا مجانين لأننا في الهوى سوا

zizi يقول...

ابراهيم شايف ازاي انت لما بتقصد بتطلع تفكيراية حلوة وجديدة ..وبعدين هي يعني التدوينة حا تاخد منك ايه دي هي فكرة وحالا حطها على المدونة ودمتم عشان بس نتونس بيك ياراجل برضه الواحد لما يحس ان كل حبايبه جنبه بيتشجع ...بس اقولك على حاجة تفرحك :احنا لما كنا في السعودية من ربع قرن كان البرتقال المصري هو أحلى نوع وكان اغلى من التفاح الأمريكاني ...شفت بقى ان احنا لينا حاجات حلوة كتير بس احنا بنصدرها عشان نستورد غيرها من بلاد برة ..

عارف سعيد صالح لما كان بيشد الشراب ليه؟؟؟عشان يلسعه...هو ده لب القضيه..او حتى لب البطيخ مش فارقة

تحياتي

رحاب صالح يقول...

ومساء الورد علي سالي وزياد
ووالدهم
ههههه
والله بجد مقدرتش امنع نفسي من الضحك
للأسف
للأسف
للأسف
ده صحيح
بس بقي نعمل اية...؟
اذا كان الاغلبية موافقين ومش عايزين غير الصيني
بس انت نسيت شيء....العروسة الصيني
ههههههه هم يضحك بجد
ربنا معاك ف مووضع التدوين الشهر ده
وانا بقي علي اد ما اقدر اتابع لاني بذاااااااااكر

د/دودى يقول...

هههههههههههههههههههههههه متتصورش انا فضلت اضحك قد ايه لدرجه انى خدت اللاب الاممريكى بتاعى و روحت قريتها لماما فطست من الضحك...شكرا لاضحاكى و بكائى

Emtiaz Zourob يقول...

صحيح بلد مجانين .. بس والله كلنا العرب هيك .. مستوردين ومستهلكين .. يارب تنعكس الاية يوم من الايام ..

ليلى الصباحى.. lolocat يقول...

السلام عليكم

والله اخى عندك حق فى كل كلمة ومعنى

سلم قلمك وفكرك الراقى
يارب بس نفهم ونعمل بس مين يسمع ومين يوصل كلامك لكل الشعب

انا حسه ان قريب اوى هيستبدلونا بشعب من الصين :)
ونستاهل والله :)
ربنا يستر

تحياتى لك

ابراهيم رزق يقول...

مصطفى سيف

اخى العزيز
متفق معك تماما

نورتنى
خالص تحياتى

ابراهيم رزق يقول...

ريبال بيهس
اخى العزيز

صدقت فى كل كلمة قلتها

و لكن السؤال المهم
ماذا سنفعل بعد البترول

نورتنى بزيارتك
خالص تحياتى

ابراهيم رزق يقول...

ريماس

هههههههههه من بقك لباب السما

هتوقعينى فى الغلط انا كنت هاقولها بس بينى و بينك خفت من ام زياد لحسن تقراه ربنا يخليها ليا

نورتينى
تحية معطرة بالرياحين

ابراهيم رزق يقول...

فاتيما
روح القلب الملائكية

طبعا مشابك الغسيل مش باتعامل معاها
بس لحظك الوحش انا كنت الاسبوع الماضى فى مترو و طبعا ام زياد اشترت حصتها الاسبوعية من المشابك لان زياد و ساليناز بيمارسو هوايتهم فى رمى المشابك من البلكونة ففوجئت ان المشابك صناعة صينية

اما المحلة ففتحتى الهموم عاوزة المحلة قولى للزمان ارجع يا محلة

اما موضوع الكسرولة فانتى بتقولى كسرولة
و انا بقول سلطانية و لبسناها و مليانة مخلل و كمان لفت

خالص تحياتى
وسلامى لجو يا ام يوسف

ابراهيم رزق يقول...

شرين سامى
اختى العزيزة

وصلتى الى لب الموضوع
و اعلانات التلفزيون و غسيل المخ

نورتينى
خالص تحياتى

ابراهيم رزق يقول...

كريمة سندى

طبعا كلنا فى الهوا سوا

خالص تحياتى

ابراهيم رزق يقول...

zizi

امى العزيزة

انا مش بحب اكتب الا لما الاقى نفسى عايز اكتب و هى دى الصعوبة

موضوع البرتقال ده فتحتى جروح ده كان قبل يوسف والى
يوسف والى بالاشتراك مع الخبرة الاسرائيلية حول الفاكهة المصرية كلها الى طعم واحد هو طعم اللفت
معادش الشراب بيلسع نحسنا

نورتينى
خالص تحياتى و تقديرى و حبى

ابراهيم رزق يقول...

رحاب صالح

سالى و زياد و امهم و ابوهم بيسلموا عليكى

طبعا انا منستش العروسة الصينى
بس ام زياد قاعدة جنبى اه من خاف سلم هههههههههههه

نورتينى
خالص تحياتى

ابراهيم رزق يقول...

د دودى

ههههههههههههه
سلامى لمامتك و اللاب توب الامريكى

انا أسف على بكائك

نورتينى
خالص تحياتى

ابراهيم رزق يقول...

شجن البنفسج

يارب هى دى مشكلة العرب
يارب يارب

نورتينى

خالص تحياتى

ابراهيم رزق يقول...

ام هريرة

احتى العزيزة

سعيد جدا بتعليقك
متفق معكى و ياريت نصحو من النوم

منورانى
خالص تحياتى

faroukfahmy يقول...

اخى ابراهيم
الآن والآن فقط انصلح حال بلوجرى
حتى البلوجر اجنبى آه يا جنبى
ابراهيم انت لم تتعرض الى رغيف العيش البلدى،بلدى ونستورد قمحه من الخارج
مش حاجة تكسف ياابراهيم
انا اقول معك
اذا ما جاء الغد وبعد الغد
ستغدو الريح أشــد واشـــد
احتاج الى رغيف بدون صرخ وصد
واصحو سريعا من نوم امـــــد
واهب سريعا فى الطرقات وامـــد
الى مخبز العيش يملأه الصهــــــد
وفرحت لازال مفتوحا لم ينه الفض
لا أخاف من من جوعى ولكن جوع الأولاد
لك الله يامصر واين زرعك الأمــــــد