الجمعة، 24 يونيو 2011

يا بوى يا مصر

يا بوى يا مصر اما الواحد بيحبك حب
منين ما راح البال واخد حبك فى القلب


اولا اعتذر عن قطع سلسلة بلد مجانين صحيح و بأذن الله ساعاود قريبا جدا كتابتها و لكنى احاول ان اعود و ارجو ان تسامحونى على ما اسطره من تخاريف قد تبدو غير مهمة لكم او مملة و لكنها محاولة للعودة
ساتحدث اليوم عن الصعيد و عن الاقصر الوجوه السمراء الجميلة الطيبة ساحدثكم من طيبة و عن طيبة
فقط لى ملاحظة على مصر للطيران من غير المعقول الارتفاع بسعر التذكرة الى 633 جنيه اول حقوق المواطن الصعيدى سرعة الانتقال و التواصل مع العاصمة بسهولة و يسر واول سبل التواصل هو الطيران فيجب تخفيض اسعار الانتقال بالطيران عن طريق رحلات الشارتر فاذا عجزت عن توفير الرحلات يجب فتح المجال للقطاع الخاص  فمن غير المعقول ان تقلع الطائرة و على متنها بضع عشرات من الركاب بينما تعانى القطارات من الزحام كما ان اقلاع الطائرة بمثل هذا العدد غير اقتصادى  كان يجب تخفيض الاسعار
احدثكم عن الاقصر الجميلة من اول المطار وجوه طيبة فى استقبالك تواسيك بكل حب و شهامة و رجولة سيارات لا تعرف اصحابها فى انتظارك الكل يتسابق لخدمتك احسست ان مصر مازالت بخير طالما وجد هؤلاء محتفظين بالطيبة و الاصالة سارت السيارة فى طريق المطار الجميل الملىء بالخضرة و وصلت الى مكان العزاء الذى يسمى بالمندرة و هو مبنى لكل عائلة مخصص للعزاء وجدت جمعا كبيرا من الناس الكل يقف بجانبك جاء موعد العشاء فوجئت بعدد كبير جدا من صوانى الطعام عادة فى الصعيد لا يتكلف اهل المتوفى شىء بل ياتى الجيران و الاحباب بالطعام طعام اعد بكل جودة و حب من كثرة الطعام تقريبا بقيت صوانى بدون ان تلمسها يد اقوى الامثلة فى التكافل و الاخاء الاستاذ فتحى جرجس المحامى يحمل صنيته بنفسه و يقف و يدعونا بكل حب الى الطعام اقسم بالله دمعت عيناى من عظمة تلك الناس
العمل يسير بكل همة فى الاقصر و التجميل و التطوير على اشده  اصبحت الاقصر مثل العروس التى تستعد للزفاف و لا يبقى الا العريس و هم السائحين الذين قل عددهم جدا تكاد الطائرة ان تكون خالية اتمنى ان يقوم اهل الاقصر بوقفة امام معبد الكرنك او بالبر الغربى او على كورنيش النيل او بمحطة القطار لدعوة السائحين لزيارة الاقصر
و اتمنى ان تكون المليونية القادمة مليونية عودة السياحة و دعوة السائحين لزيارة مصر قولوا يا رب




هناك 37 تعليقًا:

مصطفى سيف الدين يقول...

يا راجل يعني الواجب كا في الاقصر ومتقولش والله لو اعرف كنت جيتلك
على فكرة المحامي المسيحي اللي بتتكلم عنه مش مجرد شخص واحد لا دي علاقتنا دايما مسلمين ومسيحيين مع بعض
علاقتي بالطبيب اللي ساكن في وشي اللي لما بيكون ناوي يعزم حد وعيلته مش موجودة احنا اللي بنعمله الاكل ونوصلهوله لحد البيت واللي بيجي كل عيد للمسلمين علشان يهنينا ويجبلنا هدايا
علاقتي بالصيدلي المسيحي اللي اتدربت عنده واللي لما فتحت صيدلية كان اول واحد شاورته واول واحد جه باركلي
اما حكاية الصواني في الواجبات دي حاجة موجودة من اول الزمان اهل الميت مش بيتكفلوا بحاجة غير تكاليف الدفنة والمقرىء بس
اما حضرتك بتتكلم عن اسعار الطيارات وانها لازم تقل لما يبقى يفتكروا ان في حد على بعد عشر ساعات من العاصمة وان اي ورقة لازم تخلص في العاصمة ويعرفوا ان قطارات الصعيد بتولع من كتر الزحمة اللي عليها علشان هي وسيلة المواصلات الوحيدة تقريبا لما يفتكروا ان في حد عايش في ادغال وغياهب الصعيد ابقى يفتكروا الطيران
طيران ايه يا استاذ ابراهيم بس يهتموا شوية بالقطارات والسكة الحديد اللي مبيبقاش فيها نفس واللي تذاكرها بتتباع سوق سودة من قبلها باسبوعين
احنا عايشين في دنيا تانية وخايف اقولك دولة تانية تحس ان كلامي صعب
لما سكان قنا قطعوا السكة الحديد كان بمثابة الصراخ بصوت عالي علشان يمكن حد يسمع الصراخ ده ويعرف ان في ناس مهمشة
اسف ان كنت خرجت برة الموضوع
بس اشكرك على كلماتك الطيبة في حق اهالي الصعيد
تحياتي

Ramy يقول...

اولا حمد الله ع السلامة

نورت الأقصر

مش تقول كان فين العزاء

شرق و لا غرب

و لا فين بأمانة الواحد كان رح الواجب

انت عارف فى الصعيد ممكن مترحش فرح بس الواجب دة حاجة كبيرة

بالنسبة للأقصر يمكن انا عكسك شوية

بس بالنسبة للطيران الصراحة دول بيستعبطوا يعنى فى وسط الأزمة و مغلينها كدة

لا و جيت احجز قطار للقاهرة لا اولى و لا تانية و لا من اسوان و لا من الأقصر و فى الأخر حجزتها بواسطة

ليه بس تفتح مواضيع زى دى عاملة زى الجروح

بجد البلد لسه فيها اهمال لالالا ده زاد و كمان فى الصعيد بيستعبطوا بزيادة

الشباك مش عليه غير 4 او 5 افراد و تلاقي الموظف مخنوق و مش طايق الناس اللى واقفه فى الحر و هو فى تكيف

امال لو كان فىشبابيك القاهرة كان عمل ايه كتر خير موظفين القاهرة

دة هنا بيدلعوا

دلع ماسخ على رايى الصعيدة

انا مبقوق بطريقه لا تتخيلها

الحاجة الوحيدة اللى مخليانى متمسك بالأقصر انها صغيرة

و مش زحمة زى القاهرة و الوالدة اتعودت عليها خلاص

دوشتك انا عارف معلش

اسف للأطاله

lfalsse malika يقول...

يا سلام اد ايه الوطن غالي.ادام الله حبك لوطنك.وادام السعادة والاستقرار على مصر بعد الثورة المباركة.
حتعود المياه لمجاريها والسياحة لازدهارها.
فانا مجروحه زيك لان بلدي عانت من الارهاب والقلاقل في الاونة الاخيرة وما تفجيرات مدينة مراكش الا شاهدا على ذلك.لكن في الاخير سينتصر حب الوطن.

Bent Men ElZman Da !! يقول...

بجد حسستنى ان احنا لسه فى زمن جميل
الناس لسه بتحب بعضها وبتساعد بعضها
بالطريقه الجميله دى
بالنسبه لاسعار الطيران
هى مش هتيجى عليه
ماهما بيزيدو اسعار كل حاجه ومش بيفكروا فى الناس الغلابه اللى مش هتقدر تتحمل التكلقه لو هى دايمه السفر

آخر العنقــــــود يقول...

على فكرة البوست رائع جدا جدا
كله معاني وعاطفة وشجن عن بلدنا الجميلة.. اداني شوية امل مع الحالة اللي الواحد بيمر بها
ربنا يدينا الصبر والثبات عشان نقدر نغيرها للاحسن
تحياتي لقلمك الطيب ودمت بخير

غير معرف يقول...

صباح الورد ابراهيم

أحسن الله عزاكم ورحم فقيدكم وأسكنه الجنه...

تقديم الطعام لأهل الميت والبقية

الضيوف هي عادة موجودة حتى في

السعودية وهي نوع من التكاتف الذي

يشعر أهل المتوفي بنوع من المواساة

وهي عادة موجودة منذ القدم .. أما

الأقصر وأهلها فالأمانة لم أزرها ولكن

يكفي كلامك عنهم لنشعر بتلك الطيبة

التي غلفت طباعهم وبالنسبة لشريكات

الطيران فالواجب على الدولة أنها

تلتفت قليلاً للمناطق سياحية فهنا يكمن

إقتصاد البلد الحقيقي فلا أقل من

توفير وسائل نقل لا تثقل كاهل

المواطنين ولا السياح فقيام طائرة

لا تحمل سوى عشرة أشخاص هو أمر غير

صحي للإقتصاد ...

تحياتي

نور يقول...

صباحك خير وبركة


ثانيةً أخي الكريم : عظم الله أجركم

ربما بعض مما تبقّى نقاء وصفاء كثيرين ممن لا يزالون يحتفظون بالعادات الجميلة ويملؤهم الحب والبساطة ..

كل الاحترام والتقدير

Unknown يقول...

السلام عليكم ،

رحمه الله وأسكنه فسيح جناته،
وعظم أجركم ..

يارب تعود مصر كلها لمكانتها ،
ويزداد جمالها وبهائها ..

دمت بخير .

reemaas يقول...

هموووووووووووووت واروحها يا استاذ ابراهيم والله

Carmen يقول...

الله يرحمه
يارب تكون بداية لاننا نصلح اوضاع كتير في حياتنا غلط
تحياتي لك

موناليزا يقول...

حاجة تفرح لما تحس ان بلدنا لسه بخير
والحمدلله أن أهل الصعيد ما زالوا يحتفظون بشهامتهم وأخلاقهم المعروفة عنهم

Ms Venus يقول...

نفسى مصر ترجع الروح فيها لايام زمان


روح الناس بينهم وبين بعض

كريمة سندي يقول...

والله أنا زرت الأقصر وأسوان قبل عشر سنوات وكانت جميلة وأكثر من رائعة تحياتي لك على التدوينة المميزة دي

هبة فاروق يقول...

فى البداية ربنا يجعلها اخر الاحزان
ما اجمل اهل الاقصر الناس الطيبين اهل الكرم والطيبة والنقاء
ما اجمل الحب بين اهلها ولا تفرقة فى الدين
تحياتى لك يا استاذى ابراهيم

رحاب صالح يقول...

السلام عليكم
استاذي
أنا لم أقرأ البوست ولكني دخلت فقط لأقول البقاء لله
لاني عرفت بالصدفة وأعرف أنني متأخرة في هذا الواجب ولكن عذرا لاني لا افتح المدونة اصلا
بسبب المذاكرة
البقاء لله وليلهمكم الله الصبر والسلوان وللفقيد المغفرة والرحمة بإذن الله

سكن الليل يقول...

أولا البقاء لله

ثانيا مصر في كل حتة فيها أكيد كل ماتمشي تقابل ناس يأثروا فيك
ويحسسوك ان الدنيا بخير
والصعيد بلد جميلة وفيها عراقة واصالة
وبالنسبة للتذاكر
فمش هي بس اللي بقت غالية
كل حاجة غالية مولعة
مافيش حاجة بترخص
مافيش اي مراعاة لاحوال الناس
ومافيش اي جديد يطمنا ويقولنا ماتخافوش مصر بتتحسن
بجد ربنا يسترها معانا يارب

النوت دي فضفضة جميلة
تسلم اخي

Unknown يقول...

يا سلام سا أستاذ ابراهيم طول عمري نفسي أزور الأقصر و أسوان بجد بس نفسي تكون رحله نيليه مش بالطياره.
أنا سعيده بكلامك جداً ان الناس لسه فيها خير و أكيد الصعايده عندهم مسألة الشهامه دي أكتر من هنا لسه متلوثوش بأمراض القاهره الزحمه, السرقه, النصب, التسول...بس رغم كل ده بحبها أوي مقدرش أعيش فير فيها.

مبسوطه انك رجعت تدون تاني البلوجر كان ناقصه كتير :)
تحياتي ليك

د/دودى يقول...

للاسف مقعتدش فى الاقصر سوى 4 ايام فقط فى رحله الجامعه ...لما بيقولوا الاقصر بفتكرها بالاثار و بذات الكرنك اللى خدت فيه نص صورى و طبعا عدد غير متناهى و بالتالى لا اتخيلها خاويه ابدا مهما اقتنعت بانقطاع السياحه و عندى احساس انى لو خدت القطار و رجت - بس يا رب يكون القطر ارحم المره دى- هلاقيها بسياحتها زى ما هى

ابراهيم رزق يقول...

مصطفى سيف

اخى العزيز

والله العظيم متأكد انك لو عرفت كنت هتيجى يا سلام عى كلمة الواجب بتطلع من الفم زى العسل بيقولوا الواجب اى واجب عليهم و فرض و ليس مجاملة
يا سلام ع الشباب فى الواجب لما يتخلى عن البنطلون و القميص بجميع وظائفهم و يرتدوا الجلابية الصعيدى الجميلة و يقفوا فى الواجب حتى الاطفال ما شاء الله
انا عارف علاقة المسيحين و المسلمين انا حبيت بس اورى الفرق من قلب الصعيد
موضوع الصوانى شىء من الاشياء الجميلة فى التكاتف لدرجة علمى ان من لا ياتى بصينية عيب كبير فى حقه
لما بتكلم عن الطيران لا اغفل السكة الحديد لكنى اتكلم عن حق المواطن فى سرعة و سهولة السفر
نفسى يا مصطفى فى وقفة فى قنا او الاقصر منكو بتدعوا السياح لزيلرة الاقصر امنين بأذن الله
شكر مين يا عم انا صعيدى ابا عن جد و معايا الجنسية
تحياتى

ابراهيم رزق يقول...

رامى
اخى العزيز

اشكرك الاقصر منورة باهلها
عارف و الله انكم بتوع واجب و ان الصعايدة بيقدموا الواجب على كل شىء كفاية بيسموه واجب مش مجاملة عزاء
العزاء كان فى غرب
الاقصر جميلة جدا يا رامى قد لا تشعر بجمالها لانك بداخلها بس جرب تبعد عنها فترة طويلة هتحس بها
موضوع القطارات و الطائرات ده موضوع طويل عايز بوست لوحده

تحياتى

ابراهيم رزق يقول...

ورود

اختى الفاضلة

متشكر على مشاعرك الكريمة و الطيبة
بأذن الله القادم افضل لمصر و المغرب و كل الدول العربية
شرفتينى و نورتينى
تحياتى

ابراهيم رزق يقول...

Bent Men Alzaman Da

فعلا الناس هناك لسه عنها حاجات حلوة

موضوع الطيران موضوع كبير يجب ان يحل

نورتينى
خالص تحياتى

ابراهيم رزق يقول...

اخر العنقود

متشكر لمشاعرك الطيبة و مجاملتك الكريمة

يارب بأذن الله القادم افضل
نوتينى
خالص تحياتى

ابراهيم رزق يقول...

ريبال بيهس

متشكر على مؤاساتك و مجاملتك الكريمة

طبعا موضوع تقديم الطعام من الاشياء الاساسية عند العرب فى العزاء

الاقصر و اسوان من اجمل المدن ادعوك انت و اسرتك الكريمة لزيارتها و لن تندم

خالص تحياتى

ابراهيم رزق يقول...

نور
اختى العزيزة

صباحك خير و فل و هناء و سعادة

متفق معكى تماما مازال الناس بخير

نورتينى و شرفتينى
خالص تحياتى

ابراهيم رزق يقول...

زهرة نيسان

متشكر لمشاعرك الطيبة

يارب

نورتينى
خالص تحياتى

ابراهيم رزق يقول...

reemaas

مش هتندمى لو روحتيها

نورتينى
خالص تحياتى

ابراهيم رزق يقول...

كارمن
اختى الرقيقة

متشكر لمشاعرك الجميلة
يارب

نورتينى
خالص تحياتى

ابراهيم رزق يقول...

موناليزا

متفق معكى تماما حاجة جميلة و تفرح

نورتينى
خالص تحياتى

ابراهيم رزق يقول...

Ms Venus

و انا امنية حياتى و نفسى

نورتينى
خالص تحياتى

ابراهيم رزق يقول...

كريمة سندى
اختى العزيزة

ياريت تزوريها تانى هتلاقى اختلاف و مش هتندمى

نورتينى
خالص تحياتى

ابراهيم رزق يقول...

هبة فاروق
الزهرة الصغرى

فعلا ما اجمل اهل الصعيد و طيبتهم و تسامحمهم

متشكر لمشاعرك الجميلة

نورتينى
خالص تحياتى

ابراهيم رزق يقول...

Rehab Saleh

متشكر على مشاعرك الجميلة
لا تعتذرى

يا رب يوفقك فى الامتحان

نورتينى
خالص تحياتى

ابراهيم رزق يقول...

سكن الليل

متشكر لمشاعرك الطيبة

فعلا مصر مليئة بالناس الطيبين

بأذن الله القادم افضل

نورتينى
خالص تحياتى

ابراهيم رزق يقول...

شرين سامى

يا ريت تزوريها و مش هتندمى
حاجة بينى و بينك انا باستغرب ازاى فى مصريين لم يسافروا الى الاقصر و اسوان
لابد من استخدام الطائرة او القطار لان الرحلات النيلية بين الاقصر و اسوان فقط

البلوجر منور باهله

نورتينى
خالص تحياتى

ابراهيم رزق يقول...

د دودى

تخيلى الاقصر بدون سياح

نورتينى
خالص تحياتى

شمس النهار يقول...

انا من محبي الاقصر واسوان
وياريت نعمل مليونية حب الاقصر واسوان

:))

صدقني انا رحت بلاد كتير
مالاقيت في جمال الاتنين دول
يمكن انا متعصبة لبلدب
بس كل السياح برضوا متعصبيين لمصر

ومعاك في موضوع الطيران الداخلي ده